Услуги социальной поддержки и сопутствующие услуги (Грузия - Тендер #48153057)

აივ ინფექცია/შიდსის საკვანძო პოპულაციებისთვის აივ-ზე თვითტესტირების მომსახურების და აივ-პრევენციული პაკეტების ხელმისაწვდომობის უზრუნველყოფის მომსახურება.

ტექნიკური დავალება
შესყიდვის ობიექტს წარმოადგენს აივ ინფექცია/შიდსის, ტუბერკულოზისა და მალარიის წინააღმდეგ ბრძოლის გლობალური ფონდის (The Global Fund to Fight AIDS, Tuberculosis and Malaria) დაფინანსებული „საქართველოში აივ/შიდსისა და ტუბერკულოზის პრევენციის, მკურნალობის, მოვლისა და მხარდაჭერის ეროვნული სისტემების გაძლიერება“ (GEO-С-NCDC) საგრანტო პროგრამის ფარგლებში აივ ინფექცია/შიდსის საკვანძო პოპულაციებისთვის აივ-ზე თვითტესტირების მომსახურების და აივ-პრევენციული პაკეტების ხელმისაწვდომობის უზრუნველყოფა (CPV85300000 - სოციალური დახმარების სამსახური და მასთან დაკავშირებული მომსახურებები, CPV85323000 - საზოგადოებრივი ჯანდაცვის მომსახურებები).

„მომსახურების“ გაწევის საორიენტაციო პერიოდი: ხელშეკრულების გაფორმებიდან 12 თვე, 2024 წლის 1 იანვრიდან 31 დეკემბრის ჩათვლით.

შესავალი

აივ ინფექცია/შიდსის საკვანძო პოპულაციების წარმომადგენლები (ნიმ-ები, კსმ ქალები, მსმ და ტრანსგენდერი პირები), აივ ინფექცია/შიდსით დაავადებული პირები მოსახლეობის განსაკუთრებით მოწყვლად და მარგინალიზირებულ ჯგუფებს წარმოადგენენ, რომელთათვის სამედიცინო თუ სათემო ორგანიზაციების ბაზაზე აივ პრევენციული და ტესტირების სერვისების მიღება რთულია საზოგადოების მხრიდან მაღალი სტიგმის, თვითსტიგმის და კონფიდენციალურობის დარღვევის შიშის გამო.
თემის წინაშე არსებული აღნიშნული გამოწვევების ფონზე მნიშველოვანია დამატებითი ან/და მოდიფიცირებული მომსახურებების შეთავაზება, სერვისების მიწოდების ისეთი ინოვაციური მოდელების დანერგვა და შენარჩუნება, რომლებიც ხელს შეუწყობს აივ პრევენციის, აივ ინფექცია/შიდის მკურნალობის სერვისებზე ხელმისაწვდომობის გაუმჯობესებას, ასეთია აივ თვით-ტესტირების მომსახურებაც.

გლობალური ფონდის შიდსის პროგრამის ფარგლებში შეიქმნა და ფუნქციონირებს აივ-ზე თვით-ტესტირებისა და აივ-პრევენციული პაკეტის მიღების შესაძლებლობა ლგბტ პირებისთვის დისტანციურად, ცენტრში მისვლის გარეშე ელექტრონულ პლატფორმაზე (selftest.ge) შესაბამისი შეკვეთის განთავსების გზით. აღნიშნული პლატფორმა ემსახურება შემდეგ ჯგუფებს: ნარკოტიკების მომხმარებლები, მსმ, ტრანსგენდერი და სექს მუშაკი ქალები, პლატფორმის საშუალებით შესაძლებელია აივ თვითტესტისა და აივ პრევენციის საშუალებების დისტრიბუციის ორი განსხვავებული მოდელსს გამოყენება:
ა) კურიერული მიტანის სერვისი
ბ) თანასწორ მუშაკის/სოციალური მუშაკის მიერ ტესტის ბენეფიციარისთვის მიტანის სერვისი

პროექტის მიზანი
პროგრამის ძირითადი მიზანია თვით-ტესტირებისა და პრევენციული პაკეტის მიღების შესაძლებლობების შენარჩუნება და შემდგომი გაფართოვება და სერვისის მიწოდების უზრუნველყოფა აივ ინფექცია/შიდსის საკვანძო პოპულაციების წარმომადგენლებისთვის (ნიმ-ები, კსმ ქალები, მსმ და ტრანსგენდერი პირები), და ასევე, პრევენციული პაკეტის მიწოდება აივ ინფექცია/შიდსით დაავადებული პირებისთვის დისტანციური/უკონტაქტო მომსახურების გამოყენებით.

სამუშაოს აღწერილობა
პროექტის ფარგლებში უზრუნველყოფილი უნდა იყოს თვითტესტირებისა და პრევენციული პაკეტის დისტანციური მიწოდების მომსახურების მიწოდება აივ ინფექცია/შიდსის რისკ-ჯგუფებზე, რაც მოიცავს:

ამოცანა 1. თვით-ტესტირების ან/და პრევეციული პაკეტის ადგილზე მიტანის მომსახურების ფუნქციონირების უზრუნველყოფა:
1.1 სადისტრიბუციო მასალა (შესაფუთი ყუთი/მასალა, არაუმეტეს 4 სახეობისა, საკვანძო პოპულაციისთვის სათემო სერვისების მიმწოდებელი ორგანიზაციების სპეციფიკის გათვალისწინებით): სულ 6100 ცალი;
1.2 მიტანის სერვისების ანაზღაურება - გასათვალისწინებელია საორიენტაციოდ 6000 პაკეტის (პრევენციული პაკეტის სახარჯი მასალებისა და/ან აივ თვითტესტის) მიტანა 2024 წელს შემდეგ ქალაქებში: თბილისი, ბათუმი, ზუგდიდი, ქუთაისი, თელავი, ფოთი, სენაკი, რუსთავი, მარნეული, გორი და ხაშური.

შენიშვნა: პაკეტის შემადგენელი ტესტების, კონდომების და ლუბრიკანტების მიწოდებას უზრუნველყოფს შემსყიდველი.
ამოცანა 2. თემის წევრების ინფორმირება/განათლება შესაბამის საზოგადოებრივი ჯანმრთელობის თემების (თვითტესტირების) შესახებ, რაც მოიცავს:
2.1 ცალკეულ მაღალი რისკის ჯგუფზე ორიენტირებული ნაბეჭდი საინფორმაციო მასალის მომზადებას, შეთანხმებას და ბეჭდვას: თვით-ტესტირების შესახებ საინფორმაციო მასალა (ფლაიერი ან სტიკერი): 10 000 ცალი;
2.2 ელექტრონული საინფორმაციო მასალა და მათი განთავასება: ელექტრონული ბანერები სულ მცირე 8 ტიპის;
2.3 ანიმაციური ერთი ვიდეო რგოლის მომზადება და გავრცელება თვითტესტირების შესახებ;
2.4 შემუშავებული საინფორმაციო მასალების გავრცელება.
2.5 შესაძლებელია ცალკე ინტერვენცია ბენეფიციარების მიერ ტესტის შედეგის პლატფორმაზე რეგისტრაციიის გაუმჯობესების მიზნით, რომლის განხორციელების მექანიზმი უნდა შეთანხმდეს შემსყიდველთან , სავარაუდო რაოდენობა 3000 ბენეფიციარი.

ამოცანა 3. აივ ინფექცია/შიდსის საკვანძო პოპულაციების წარმომადგენლებისთვის თვით-ტესტირებისა და პრევენციული პაკეტის დისტანციური მიწოდების ელექტრონული ონლაინ პლატფორმის ფუნქციონირების უზრუნველყოფა

შემსყიდველი მიმწოდებელს უზრუნველყოფს აივ თვითტესტირების ონალინ პლატფორმაზე წვდომით, რომელიც მოიცავს შემდეგ ფუნქციონალებს:
პლატფორმას გააჩნია რეგისტრირებული მომხმარებლებისთვის ცალკეულ რისკ ჯგუფზე (ნიმ-ები, მსმ და ტრანსგენდერი პირები, კსმ ქალები) ორიენტირებული აივ თვით-ტესტებისა და პრევენციული პაკეტების დისტანციური შეკვეთის და ინფორმაციის მიწოდების შესაძლებლობა;
• ვიზუალური და ტექნიკური მხარდაჭერა;
• ჩეტბოტის ფუნქცია
მიმწოდებელი ვალდებულია უზრუნველყოს:
• თვითტესტირების კომპონენტის გამართულად ფუნქციონირების ადმინისტრირება, მათ შორის ონლაინ კონსულტირების მოდულის და ავტომატიზირებული „ჩეტ ბოტის“ მართვა.
• პლატფორმის გამოყენებით ცალკეული რისკ-ჯგუფების სპეციფიკის გათვალისწინებით, პერიოდულად შესაბამისი საინფორმაციო მასალის მიწოდება/განახლება;
• განთავებული შეკვეთების ადმინისტრირება, პასუხების ატვირთვის მონიტორინგი
• ტესტის პასუხის რეგისტრაციის ფუნქცია
• ჩეტმოტის ავტომატური შეკითხვების გადახედვა და განახლება

ამოცანა 4. აივ თვითტესტირების პლატფორმის შესახებ ცნობიერების ამაღლების ღონისძიების (პრომო) ორგანიზება
ამოცანა ითვალისწინებს ერთ ასეთ ღონისძიებას მომსახურების მიწოდების განმავლობაში, სავარაუდო მონაწილეთა რაოდენობა - 80.

სამიზნე ინდიკატორი
ელექტრონულ პლატფორმაზე შეკვეთის საშუალებით აივ პრევენციის პაკეტით მოცული ბენეფიციარების რაოდენობა: - სავარაუდო სამიზნე 6000 პირი
ელექტრონულ პლატფორმაზე შეკვეთის საშუალებით აივ თვით-ტესტირებით მოცული ბენეფიციარების რაოდენობა: სავარაუდო სამიზნე 3000 პირი.

პროგრამის ანგარიშგება
ანგარიში წარდგენილი უნდა იყოს მომსახურების მიმღები ცალკეული რისკ ჯგუფების შესაბამისად.

ანგარიში უნდა მოიცავდეს ტესტირების პასუხის ატვირთვის მონაცემებს ცალკეული ჯგუფების მიხედვით და ასევე დადებითი პასუხის მქონე პირების რაოდენობას ცალკეული ჯგუფების მიხედვით
დისაგრეგაცია უნდა მოხდეს სქესისა და ასაკის მიხედვით (<25; =>25)

ანაზღაურების პრინციპი:
პროექტის ფარგლებში ანაზღაურება განხორციელდება ყოველთვიურად, კომპონენტით გათვალისწინეული მომსახურების მიწოდების დასრულების შემდეგ, წარმოდგენილი შესრულებული სამუშაოს ანგარიშის საფუძველზე.

იხილეთ ტექნიკური დავალებე

მომსახურების განხორციელების საორიენტაციო ვადაა: 2024 წლის 01 იანვრიდან - 31 დეკემბრის ჩათვლით.

მომსახურება განხორციელდება სატენდერო დოკუმენტაციის 1.2. პუნქტში მითითებული ტექნიკური დავალების მიხედვით.

ტენდერში მონაწილე პრეტენდენტი უნდა აკმაყოფილებდეს შემდეგ მოთხოვნას:

• პრეტენდენტი უნდა წარმოადგენდეს სათემო ორგანიზაციას და/ან უნდა გააჩნდეს პროექტის მიზნობრივ ჯგუფის (მამაკაცები რომლებსაც სქესობრივი კავშირი აქვთ მამაკაცებთან, ან/და ნიმ-ებთან, კსმ ქალებთან, ტრანსგენდერ პირებთან) თემის წარმომადგენლებთან მუშაობის გამოცდილება, მათ შორის აღნიშნული ჯგუფების თემის წარმომადგენლებზე წვდომა,

ზემოაღნიშნული კრიტერიუმის დადასტურების მიზნით პრეტენდენტმა უნდა წარმოადგინოს გამოცდილების შესახებ ინფორმაცია, შევსებული თანდართული ცხრილის შესაბამისად, რომელიც უნდა დაამოწმოს/დაადასტუროს კვალიფიციური ხელმოწერით ან კვალიფიციური შტამპით.

- იმ შემთხვევაში თუ პრეტენდენტის მიერ გაწეული მსგავსი/ანალოგიური მომსახურების შესახებ ინფორმაცია იძებნება სახელმწიფო შესყიდვების ერთიან ელექტორნულ სისტემაში, პრეტენდენტმა უნდა წარმოადგინოს ინფორმაცია CON, SPA, NAT ან CMR ნომრების მითითებით (ცხრილი "ინფორმაცია გამოცდილების შესახებ").

- იმ შემთხვევაში თუ მსგავსი/ანალოგიური მომსახურების შესახებ ინფორმაცია არ იძებნება სახელმწიფო შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს ინფორმაცია (ცხრილის "ინფორმაცია გამოცდილების შესახებ" შესაბამისად CON, SPA, NAT ან CMR ნომრების მითითების გარეშე), მიმწოდებლისა და შემსყიდველის მიერ ორმხრივად ხელმოწერილი, რომელიც უნდა იყოს დამოწმებული კვალიფიციური ხელმოწერით ან კვალიფიციური შტამპით.

ტენდერში მონაწილე პრეტენდენტის ძირითადი პერსონალი უნდა აკმაყოფილებდეს შემდეგ მოთხოვნებს:

- პროექტში დასაქმებულ ძირითად პერსონალს (მენეჯერი, კოორდინატორი, ონლაინ აუთრიჩ მუშაკი, აუთრიჩ მუშაკი, ონლაინ კონსულტანტი, IT სპეციალისტი) უნდა ჰქონდეს ანალოგიური მომსახურების მიწოდების გამოცდილება, დადასტურებული დოკუმენტურად, წარმოდგენილი პერსონალის რეზიუმეები (CV);
პროექტის ძირითადი პერსონალი სავალდებულოდ უნდა მოიცავდეს შესაბამისი კვალიფიკაციის მქონე (ელექტრონული პლატფორმის შემუშავება) IT სპეციალისტ(ებ)ს.

ზემოაღნიშულ კრიტერიუმთან შესაბამისობის დადასტურების მიზნით პრეტენდენტმა უნდა წარმოადგინოს შესაბამისი დოკუმენტაცია.

პრეტენდენტმა უნდა წარმოადგინოს მომსახურების გაწევის გეგმა-გრაფიკი, თანდართული ცხრილის შესაბამისად.

შესყიდვის ობიექტის აღწერასთან დაკავშირებული ინფორმაციის 2.2.1 და 2.4.1 პუნქტების მოთხოვნების შესაბამისად.

1.პრეტენდენტი ვალდებულია წარმოადგინოს მომსახურების განხორციელების ტექნიკური აღწერა 1.2 პუნქტში ატვირთული ტექნიკური დავალების შესაბამისად.

2. პრეტენდენტმა მიერ შექმნილი, წინადადების სახით წარსადგენი დოკუმენტები (მაგ., სატენდერო წინადადება - ფასების ცხრილი, გეგმა გრაფიკი, ინფორმაცია პრეტენდენტის გამოცდილების შესახებ და ა.შ). დაამოწმოს/დაადასტუროს კვალიფიციური ხელმოწერით ან კვალიფიციური შტამპით. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად.
3. პრეტენდენტმა უნდა წარმოადგინოს დანართი N4 (ინფორმაცია მომსახურების გასაწევად შესაძენი აქტივების შესახებ, რაოდენობის, ტექნიკური მახასიათებლების, მიწოდების და ვარგისიანობის ვადის მითითებით, რომლებიც შემდგომში შესაძლებელია დაკორექტირდეს რეალური ხარჯვის, ტექნიკური მახასიათებლების, მიწოდებისა და ვარგისიანობის ვადების შესაბამისად).

რამდენადაც მომსახურება წარმოადგენს ინტელექტუალური მომსახურების ხასიათის შესყიდვას, ტენდერში პრეტენდენტს არ მოეთხოვება ფასწარმოქმნის ადექვატურობის დასაბუთება, იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე.

პროექტის ფარგლებში ანაზღაურება განხორციელდება ყოველთვიურად, კომპონენტით გათვალისწინეული მომსახურების მიწოდების დასრულების შემდეგ, წარმოდგენილი შესრულებული სამუშაოს ანგარიშის საფუძველზე, მიღება-ჩაბარების აქტის გაფორმებიდან არაუგვიანეს 20 (ოცი) სამუშაო დღის ვადაში.

ფაქტიურად გაწეული მომსახურების საფუძველზე, მიღება-ჩაბარების აქტის გაფორმებიდან არაუგვიანეს 20 (ოცი) სამუშაო დღის ვადაში.

ხათუნა კაპანაძე, 595071622, kh.kapanadze@ncdc.ge ლექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

10.1.1. ტენდერში მონაწილეობის მიღება შეუძლიათ მხოლოდ სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ მომხმარებლებს;
10.1.2. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული ყველა გადასახადის ჩათვლით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში;
10.1.3. ტენდერში გამარჯვებულად ჩაითვლება ის პრეტენდენტი, რომელიც დააფიქსირებს ყველაზე დაბალ სატენდერო წინადადების ფასს და ამასთან, დააკმაყოფილებს სატენდერო დოკუმენტაციითა და შესაბამისი სამართლებრივი აქტებით დადგენილ მოთხოვნებს;
10.1.4. სატენდერო კომისია სატენდერო წინადადებებს განიხილავს კანონმდებლობით დადგენილ ვადაში და შედეგები გამოქვეყნდება სისტემის მეშვეობით;
10.1.5. ტენდერთან დაკავშირებული დოკუმენტები ან/და ინფორმაცია შესაძლებელია წარმოდგენილ იქნეს ქართულ ან/და უცხო ენაზე. დოკუმენტების ან/და ინფორმაციის უცხო ენაზე წარმოდგენის შემთხვევაში, მათ უნდა დაერთოს ქართული თარგმანი;
10.1.6. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
10.1.7. პრეტენდენტი სატენდერო წინადადების წარმოდგენით ეთანხმება სატენდერო დოკუმენტაციითა და ხელშეკრულების პროექტით განსაზღვრულ ყველა მოთხოვნას. თუ ხელშეკრულების გასაფორმებლად მოწვევის შემდგომ აღმოჩნდება, რომ გამარჯვებული პრეტენდენტი არ ეთანხმება სატენდერო დოკუმენტაციითა და ხელშეკრულების პროექტით განსაზღვრულ რომელიმე პირობას, აღნიშნული აღქმული იქნება, როგორც მიმწოდებლის მხრიდან ხელშეკრულების გაფორმებაზე უარის თქმა, რისი გათვალისწინებითაც მოხდება მისი დისკვალიფიკაცია ტენდერიდან;
10.1.8. პრეტენდენტს არ აქვს უფლება წარმოადგინოს ალტერნატიული სატენდერო წინადადება;
10.1.9. მიმწოდებელი ვალდებულია გაეცნოს და დაიცვას გლობალური ფონდის (დონორის მიერ პერიოდულად განახლებადი და გლობალური ფონდის ვებ.გვერდზე განთავსებული) „მიმწოდებლების ქცევის კოდექსი“- https://www.theglobalfund.org/media/3275/corporate_ codeofconductforsuppliers_policy_en.pdf/, იხელმძღვანელოს საინფორმაციო სისტემებისა და მონაცემთა გაცვლის სახელმძღვანელოს https://www.theglobalfund.org/media/9564/core_criticaldatamanagement_guidance_en.pdf) პირობებით.