Почтовая и курьерская службы (Грузия - Тендер #48153041)

სწრაფი საერთაშორისო საფოსტო მომსახურება

1. სწრაფი საერთაშორისო საფოსტო მომსახურება გულისხმობს:

ა) მიმწოდებლის კურიერის უფასო გამოძახებას და კურიერის მიერ გზავნილების ჩაბარებას სამუშაო დღეებში 09:00-დან 18:00 საათამდე, შაბათს საჭიროების შემთხვევაში 09:00-დან 14:00 საათამდე;
ბ) ინტერნეტ პორტალის მეშვეობით გზავნილების კარიდან კარამდე ონლაინ თრექინგს (სატრანზიტო ქვეყნების ჩათვლით);
გ) წერილების გაგზავნის დროს: საერთაშორისო საფოსტო გზავნილების ჩაბარების შესახებ შეტყობინების შემსყიდველისათვის დაბრუნებას თბილისში - გზავნილების ადრესატისთვის ჩაბარებიდან 5 სამუშაო დღეში;
დ) საერთაშორისო გზავნილების შეფუთვისათვის საჭირო მასალების მიწოდებას;
ე) შესმყიდველისათვის საერთაშორისო გზავნილების რეგისტრაციის მკაცრი აღრიცხვის, უნიკალურ ნომრიანი ზედდებულების მიწოდებას;
ვ) თუ მიმწოდებელი ვერ განახორციელებს გზავნილის ჩაბარებას ზედნადებში მითითებული არასწორი ინფორმაციის, მიმღების მიერ გზავნილის მიღებაზე უარს განცხადების ან/და ზედნადებში მითითებულ მისამართზე ადრესატის 2-ჯერ არდახვედრის შემთხვევაში, მიმწოდებელი ვალდებულია დაუყოვნებლივ შეატყობინოს აღნიშნული შემსყიდველს და უზრუნველყოს გზავნილის უკან დაბრუნება აღნიშნული ტექნიკური დოკუმენტაციის 2. პუნქტით განსაზღვრული ვადების განმავლობაში. ამ შემთხვევაში გზავნილის უკან დაბრუნების ღირებულების გადახდას უზრუნველყოფს შემსყიდველი გზავნილის გაგზავნის ღირებულების ოდენობით.
ზ) იმ შემთხვევაში, თუ გზავნილის ადრესატისათვის ჩაბარება ვერ ხორციელდება დადგენილ ვადაში, მიმწოდებელმა დაუყოვნებლივ უნდა უზრუნველყოს შემსყიდველისათვის აღნიშნული გარემოების შეტყობინება.

2. საერთაშორისო გზავნილის ადრესატისათვის მიტანა უნდა განხორციელდეს მიმწოდებლის მიერ შემსყიდველისაგან გზავნილის ჩაბარებიდან:
ა) ევროპის ქვეყნებში – 6 სამუშაო დღეში;
ბ) ამერიკაში – 7 სამუშაო დღეში;
გ) დსთ-ს ქვეყნებში – 6 სამუშაო დღეში;
დ) სხვა დანარჩენ ქვეყნებში – 6 სამუშაო დღეში.

2024 წლის 1 იანვრიდან 2023 წლის 31 დეკემბრის ჩათვლით

ქ. თბილისი, გორგასლის ქ. 24, - საქართველოს გენერალური პროკურატურის ადმინისტრაციული შენობა

ქ. თბილისი, ხეივანი დავით აღმაშენებელი N70 - ქალაქ თბილისის პროკურატურის ადმინისტრაციული შენობა.

პრეტენდენტს ბოლო სრული სამი წლის (15.11.2020-15.11.2023 წ.) განმავლობაში უნდა გააჩნდეს, ამ ტენდერის გამოცხადების თარიღამდე შესრულებული ანალოგიური ხასიათის, სირთულისა და შინაარსის მომსახურების (სწრაფი საერთაშორისო საფოსტო მომსახურება) შესრულების გამოცდილება, რისთვისაც პრეტენდენტმა შესყიდვების ერთიან ელექტრონულ სისტემის საშუალებით უნდა წარმოადგინოს ინფორმაცია შესყიდვების ელექტრონულ სისტემაში მოცემული შესყიდვის განცხადებისა ან/და ხელშეკრულების რეგისტრაციის ნომრების მითითებით, ან/და შესაბამისი ხელშეკრულებები, მიღება-ჩაბარების აქტები და შესრულებასთან დაკავშირებული სხვა დოკუმენტები სრულად, ან/და ამ ტენდერისთვის შემსყიდველი სახელმწიფო ორგანიზაციის მიერ გაცემული დოკუმენტი, საიდანაც შესაძლებელი იქნება შესაბამისი გამოცდილების შინაარსის და ღირებულების იდენტიფიცირება.

პრეტენდენტის მიერ ერთიან ელექტრონულ სისტემაში ატვირთული შესაბამისი დოკუმენტები უნდა იყოს უფლებამოსილი პირის მიერ კვალიფიციური ელექტრონული შტამპით ან კვალიფიცური ელექტორნული ხელმოწერით დამოწმებული, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამისად.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა შესაძლებელია დასაბუთდეს ექსპერტიზის დასკვნით ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. პრეტენდენტის მიერ წარმოდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

ანგარიშსწორება მოხდება უნაღდო ანგარიშსწორებით ლარში.

ანგარიშსწორება განხორციელდება ერთ თვეში ფაქტიურად გაწეულ მომსახურებაზე, კონკრეტული მომსახურებ(ებ)ის მიწოდების შესახებ დამდასტურებელი დოკუმენტების (შემსყიდველის თანამშრომლ(ებ)სა და მიმწოდებელს შორის გაფორმებული კონკრეტული მომსახურებ(ებ)ის მიღების შესახებ მიღება-ჩაბარების აქტი) შესაბამისი მიღება–ჩაბარების აქტის და საქართველოს კანონმდებლობით დადგენილი შესაბამისი დოკუმენტაციის (იმ შემთხვევაში თუ მიმწოდებელი არ არის დღგ–ს გადამხდელი, მის მიერ წარმოდგენილი უნდა იქნას შესაბამისი ცნობა) წარმოდგენის შემდეგ. ყველა დოკუმენტი ხელმოწერილი უნდა იყოს მხარეთა უფლებამოსილი წარმომადგენლების მიერ.

დაფინანსების წყარო 2024-2025 წლების სახელმწიფო ბიუჯეტი:
2024 წელი სავარაუდოდ 22 000.00 (ოცდაორი ათასი) ლარი;
2025 წელი სავარაუდოდ 2 000.00 (ორი ათასი) ლარი;

ანგარიშსწორება მოხდება მიღება–ჩაბარების აქტის გაფორმებიდან და შესაბამისი ფინანსური დოკუმენტაციის წარმოდგენიდან 10 (ათი) სამუშაო დღის განმავლობაში.

ქეთევანი მეტრეველი, 577169903, kemetreveli@pog.gov.ge