Автомобили (Грузия - Тендер #48111923)

ახალი, ექსპლუატაციაში არ მყოფი, ავტოსატრანსპორტო საშუალების სახელმწიფო შესყიდვა,
ვეტერინარული სამედიცინო მომსახურებისთვის: ქ. თბილისის სხვადასხვა ლოკაციაზე, საველე პირობებში, ავტოსატრანსპორტო საშუალებაში უნდა ჩატარდეს ქირურგიული ოპერაციები (ცხოველის სტერილიზაცია-კასტრაცია და სხვა სამედიცინო მანიპულაცია).

1.2.1. შესყიდვის ობიექტის რაოდენობა: 1 (ერთი) ერთეული ავტომანქანა,
1.2.2. დანართი N1-ში ავტომანქანის ტექნიკურ მახასიათებლებში მითითებულია მინიმალური მოთხოვნები, რომელსაც უნდა აკმაყოფილებდეს წინამდებარე ტენდერით განსაზღვრული შესყიდვის ობიექტი.
1.2.3. შემოთავაზებული ავტომანქანა უნდა იყოს ახალი, ექსპლუატაციაში არ მყოფი, გარბენი არაუმეტეს 200კმ.
1.2.4. ავტოსატრანსპორტო საშუალება უნდა იყოს ნივთობრივად და უფლებრივად უნაკლო;
1.2.5. ქარხნული წარმოების ავტოსატრანსპორტო საშუალებაზე არ უნდა იყოს განხორციელებული არაქარხნული ცვლილება (შეკეთება/აღდგენა, ნაწილის გამოცვლა);
1.2.6. ავტოსატრანსპორტო საშუალებების განბაჟება, სახელმწიფო სანომრე ნიშნები, შემსყიდველზე გაფორმების პროცედურები საკუთარი ხარჯებით უნდა უზრუნველყოს მიმწოდებელმა.
1.2.7. მიმწოდებელი ვალდებულია, უზრუნველყოს სატრანსპორტო საშუალების უკან გაწვევა იმ შემთხვევაში, თუ სატრანსპორტო საშუალებების მწარმოებელი ქარხანა საწარმოო დეფექტის აღმოჩენის შემთხვევაში, განახორციელებს შესაბამის ღონისძიებებს სატრანსპორტო საშუალებების უკან გაწვევის მიზნით.

1.4.1. მიმწოდებელმა უნდა უზრუნველყოს შესყიდვის ობიექტის მიწოდება ხელშეკრულების დადებიდან არაუგვიანეს 2023 წლის 20 დეკემბრის ჩათვლით პერიოდში;
1.4.2. მიმწოდებლის მიერ ავტოსატრანსპორტო საშუალების საგარანტიო - სერვისული მომსახურების გაწევა უნდა განხორციელდეს საგარანტიო პერიოდის განმავლობაში.

1.5.1. ავტოსატრანსპორტო საშუალების მიწოდებას უზრუნველყოფს მიმწოდებელი საკუთარი ხარჯებით, საქართველოს კანონმდებლობით განსაზღვრული ყველა სახის გადასახადის და სახელმწიფო რეგისტრაციის (შემსყიდველზე გადაფორმება, სტანდარტული ფასის სახელმწიფო სანომრე ნიშნები) ხარჯების ჩათვლით;
1.5.2.მიმწოდებელი ვალდებულია სატრანსპორტო საშუალების მიწოდება განახორციელოს შემსყიდველის მისამართზე: ქ. თბილისი, გურამიშვილის ჩიხი N5;
1.5.3. მიმწოდებელმა, ავტოსატრანსპორტო საშუალების თანმდევი საგარანტიო (გეგმიური) მომსახურების გაწევა უნდა განახორციელოს ქ. თბილისში მდებარე სერვის-ცენტრ(ებ)ში. საჭიროების შემთხვევაში, სერვის-ცენტრამდე ტრანსპორტირების ხარჯებს (გადატანის ხარჯებს) აანაზღაურებს მიმწოდებელი.

1.7.1.1. ავტოსატრანსპორტო საშუალებაზე უნდა ვრცელდებოდეს გარანტია მიღება-ჩაბარების აქტის გაფორმებიდან არანაკლებ 2 (ორი) წელი ან არანაკლებ 100 000 (ასი ათასი) კილომეტრი (რომელიც ადრე შესრულდება);
1.7.1.2. საგარანტიო პერიოდის განმავლობაში მიმწოდებელი ვალდებულია, ავტომობილზე გამოვლენილი ნებისმიერი საწარმოო დეფექტის აღმოფხვრა, შეკეთება განახორციელოს საკუთარი სახსრებით, შემსყიდველის მიერ წერილობითი მოთხოვნიდან არაუმეტეს 5 (ხუთი) სამუშაო დღის ვადაში. აღნიშნული ვადა, მხარეთა შეთანხმებით შესაძლებელია განისაზღვროს არაუმეტეს 30 კალენდარული დღით, თუ საჭირო გახდა დეფიციტური ნაწილ(ებ)ის (რომელიც მოცემული მომენტისთვის შეუძლებელია მოძიებულ იქნას საქართველოს ტერიტორიაზე) შეცვლა ახლით.
1.7.1.3. საგარანტიო პერიოდში, ავტოსატრანსპორტო საშუალების ტექ-მომსახურების გაწევისას, გამოყენებული სათადარიგო ნაწილები და მასალები უნდა იყოს ახალი (ექსპლუატაციაში არმყოფი) და მწარმოებლის მიერ რეკომენდირებული.
1.7.1.4. საგარანტიო პირობებით განსაზღვრული მოთხოვნები, ძალაშია მთელი საგარანტიო ვადის განმავლობაში, მიუხედავად ხელშეკრულების მოქმედების ვადის ამოწურვისა.
1.7.1.5. გარანტია არ გავრცელდება შემდეგი მიზეზით გამოწვეულ დაზიანებებზე:
• საავტომობილო შემთხვევით;
• გარეგანი მექანიკური ზემოქმედებით;
• სტიქიური მოვლენებით;
• აფეთქებით;
• ხანძრით;

1.7.1.6. საგარანტიო პერიოდში შემსყიდველი ვალდებულია:
• საგარანტიო პერიოდის განმავლობაში ავტომობილს ნებისმიერი სახის სამუშაო/მომსახურება (მათ შორის სამღებრო, სათუნუქე) გაუწიოს მხოლოდ მიმწოდებლის სერვის ცენტრებში;
• საგარანტიო ვადის განმავლობაში დაიცვას მიმწოდებლის მიერ დადგენილი სავალდებულო პერიოდული მომსახურების პირობები და ვადები;
• არ მოახდინოს გარბენის მრიცხველის ნებისმიერი მიზეზით გათიშვა ან ცვლილება;
• არ დაარღვიოს ქარხნულად დალუქული დეტალების ლუქის მთლიანობა;
• არ განახორციელოს მიმწოდებელთან წინასწარი შეთანხმების გარეშე რაიმე მოწყობილობის მონტაჟი, მათ შორის ციმციმა, ხმამაღლა მოლაპარაკე ა.შ;

შენიშვნა: საგარანტიო ვადის შესახებ 1.7.1.1. – 1.7.1.6. პუნქტების მოთხოვნები არ ვრცელდება ავტოსატრანსპორტო საშუალებების სწრაფად ცვეთად ნაწილებზე და მასალებზე (მაგ: ანტიფრიზი ფრეონი, საბურავები, ელექტრონათურები, ელექტრომცველები, შუშის საწმენდი ჯაგრისები, გადაცემათა კოლოფის გადაბმულობის ქურო, გადაცემათა კოლოფის მომჭიმი საკისარი, გადაცემათა კოლოფის გადაბმულობის დისკი და საყრდენი დისკი და ა.შ.).

2.1.1.1 პრეტენდენტი ვალდებულია „ფასების ცხრილში" მოცემულ შესაბამის გრაფაში მიუთითოს ინფორმაცია შესყიდვის ობიექტის წარმოების ქვეყნისა და ავტომანქანის მარკა/მოდელის შესახებ.
2.1.1.2 იმ შემთხვევაში, თუ სატენდერო წინადადებით წარმოდგენილ „ფასების ცხრილში" არ იქნება მითითებული შემოთავაზებული სატრანსპორტო საშუალების წარმოების ქვეყნის ან/და მარკა-მოდელის შესახებ ინფორმაცია პრეტენდენტი დაექვემდებარება დისკვალიფიკაციას.
2.1.1.3. შემოთავაზებული სატრანსპორტო საშუალების წარმოების ქვეყნის და მარკა-მოდელის შესახებ ინფორმაცია არ ექვემდებარება ცვლილებას და უნდა იყოს საბოლოო, წინააღმდეგ შემთხვევაში პრეტენდენტი დაექვემდებარება დისკვალიფიკაციას.

2.3.1.1. პრეტენდენტს ექსპლუატაციაში (საკუთარი ან/და სარგებლობის უფლებით) უნდა გააჩნდეს მოქმედი მინიმუმ 1 (ერთი) სერვის ცენტრი ქალაქ თბილისში და ჰყავდეს მინიმუმ 1 (ერთი) მობილური ბრიგადა, რომელთა დაფარვის არეალი იქნება ქ. თბილისი.
2.3.1.2. პრეტენდენტმა, 2.3.1.1 პუნქტში აღნიშნული მოთხოვნის დადასტურების მიზნით, ერთიანი ელექტრონული სისტემის მეშვეობით უნდა წარმოადგინოს ინფორმაცია, საკუთარი ან/და სარგებლობის უფლებით მქონე სერვის ცენტრ(ებ)ის, მისამართ(ებ)ის და სამუშაო საათების მითითებით.

პრეტენდენტი უნდა იყოს, შემოთავაზებული სატრანსპორტო საშუალების ოფიციალური დილერი (იმპორტიორი) საქართველოს ტერიტორიაზე;
ზემოაღნიშნულის დადასტურების მიზნით პრეტენდენტმა, ერთიანი ელექტრონული სისტემის მეშვეობით, უნდა წარმოადგინოს ინფორმაცია შემოთავაზებული თვითმცლელის შასის და ძარის მწარმოებლის მიერ დადასტურებული ოფიციალური დოკუმენტი, რომლითაც დადასტურდება, რომ პრეტენდენტი არის შემოთავაზებული შასის და ძარის მწარმოებლის ოფიციალური წარმომადგენელი საქართველოში.

2.9.1. პრეტენდენტის მიერ ერთიან ელექტრონულ სისტემაში ასატვირთი დოკუმენტებია:
• ფასების ცხრილი, დანართი №2-ის ფორმის მიხედვით - სატენდერო დოკუმენტაციის 1.3. პუნქტის მოთხოვნის შესაბამისად და დანართი N1-ის (ავტომანქანის ტექნიკურ მახასიათებლები) მოთხოვნის გათვალისწინებით;
• შემოთავაზებული შესყიდვის ობიექტის ტექნიკური მახასიათებლები/სპეციფიკაცია დანართი N1-ის სახით, სატენდერო დოკუმენტაციის 1.2. პუნქტის მოთხოვნების გათვალისწინებით;
• საგარანტიო ვადასთან დაკავშირებული მოთხოვნების შესახებ ინფორმაცია სატენდერო დოკუმენტაციის 1.7.1 პუნქტის მოთხოვნების შესაბამისად;
• მატერიალურ-ტექნიკურ ბაზასთან დაკავშირებული ინფორმაცია - სატენდერო დოკუმენტაციის 2.3.1 პუნქტის მოთხოვნების შესაბამისად;
• შემოთავაზებული სატრანსპორტო საშუალების, საქართველოს ტერიტორიაზე ოფიციალური დილერის (იმპორტიორი) შესახებ ინფორმაცია - სატენდერო დოკუმენტაციის 2.7.1 პუნქტის მოთხოვნების შესაბამისად.
• პრეტენდეტმა უნდა წარმოადგინოს შემოთავაზებული სატრანსპორტო საშუალების ფოტოსურათ(ებ)ი.

2.9.2. 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის ” 27-ე მუხლის მე-3 პუნქტის შესაბამისად, დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, მასში არ არის მითითებული ინფორმაცია შესყიდვის ობიექტის მოდელის, მარკის, წარმოშობის ქვეყნის და მწარმოებლის შესახებ, ასევე არ არის, ან განუფასებლადაა წარდგენილი ხარჯთაღრიცხვა და ზემოაღნიშნულ შემთხვევებში მოხდება პრეტენდენტის დისკვალიფიკაცია;
2.9.3. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების გათვალისწინებით, სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია დადასტურებული/დამოწმებული უნდა იყოს უფლებამოსილი პირის მიერ (მინდობილი პირის შემთხვევაში, ატვირთული უნდა იქნეს მინდობილობა ან რწმუნებულება) კვალიფიციური ელექტრონული ხელმოწერით და/ან დამოწმებული უნდა იყოს კვალიფიციური ელექტრონული შტამპით.
2.9.4. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, უპირატესობის მინიჭების საკითხს გადაწყვეტს სატენდერო კომისია.

4.1.1.1. იმ შემთხვევაში, თუ ტენდერში მონაწილე პრეტენდენტის მიერ სისტემაში დაფიქსირებული საბოლოო ფასი 20%-ით, ან მეტით დაბალია შესყიდვის ობიექტის სავარაუდო ღირებულებაზე პრეტენდენტი ვალდებულია, დაასაბუთოს ფასწარმოქმნის ადეკვატურობა.
4.1.1.2. პრეტენდენტის მიერ ფასწარმოქმნის ადეკვატურობა შესაძლებელია დასაბუთდეს ექსპერტიზის დასკვნით ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას;
4.1.1.3. ფასწარმოქმნის ადეკვატურობა შესაძლებელია ასევე დასაბუთდეს წინამდებარე ტენდერით განსაზღვრული შესყიდვის ობიექტის ანალოგიური საქონლის 2022 ან/და 2023 წლის განმავლობაში დაფიქსირებულ ან უფრო დაბალ ფასად მიწოდებასთან დაკავშირებით პრეტენდენტის მიერ გაფორმებული ხელშეკრულებით და მიღება-ჩაბარების აქტით.

7.2.1. მიმწოდებელთან ანგარიშსწორება განხორციელდება უნაღდო ანგარიშსწორების ფორმით, ეროვნულ ვალუტაში - ლარი;
7.2.2. ანგარიშსწორება განხორციელდება მიწოდებულ საქონელზე, მიღება-ჩაბარების აქტის გაფორმებისა და სათანადო დოკუმენტაციის (სასაქონლო ზედნადები, საგადასახადო ანგარიშფაქტურა) წარმოდგენის საფუძველზე.

ანგარიშსწორება განხორციელდება შესყიდვის ობიექტის მიწოდების შესაბამისად ერთიანად, სატენდერო დოკუმენტაციის 7.2. პუნქტში მითითებული დოკუმენტაციის წარმოდგენიდან არაუგვიანეს 10 (ათი) სამუშაო დღის განმავლობაში.

მაკა ლეშკაშელი, 577187070, makaleshkashelii@gmail.com

10.1.1. პრეტენდენტს არ აქვს უფლება წარმოადგინოს ალტერნატიული სატენდერო წინადადება;
10.1.2. სატენდერო წინადადებაში პრეტენდეტის მიერ შემოთავაზებული ფასი უნდა მოიცავდეს ყველა ხარჯს, კანონმდებლობით გათვალისწინებულ ყველა გადასახადს (მათ შორის ავტომანქანის შემსყიდველ ორგანიზაციაზე რეგისტრაციისათვის საჭირო, სსიპ „შსს მომსახურების სააგენტოს” მომსახურების ყველა საფასურს), ასევე ტრანსპორტირების ხარჯებს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას. შემოთავაზებული ფასის წარმოდგენა დასაშვებია მხოლოდ ლარებში.
10.1.3. სატენდერო წინადადების ფასის წარმოდგენა დასაშვებია მხოლოდ ეროვნულ ვალუტაში - ლარი.