Техническое обслуживание и ремонт (Грузия - Тендер #48065342)

პორტაბელური კომპიუტერების (ლეპტოპების) და ტაბების შეკეთებისა და ტექნიკური მომსახურების შესყიდვა.

- შეკეთება და ტექნიკური მომსახურება გულისხმობს პორტაბელური კომპიუტერების (ლეპტოპების) დროულ და სრულყოფილ შეკეთებას; პროფილაქტიკური და დიაგნოსტიკური სამუშაოების ჩატარებას; ტექნიკის ნაწილების შეკეთებას და/ან გამოცვლას;
- იმ შემთხვევაში, თუ აღმოჩნდება რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდა წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით.


ტენდერში მონაწილე პრეტენდენტმა ასევე უნდა გაითვალისწინოს შემდეგი:
ა) ტენდერში გამარჯვებულ პრეტენდენტთან ხელშეკრულება გაფორმდება 60 000 (სამოცი ათასი) ლარზე, სატენდერო წინადადების ფასი კი წარმოდგენილი უნდა იყოს სატენდერო დოკუმენტაციის დანართი N1-ში მოცემული მომსახურების და ნაწილების ერთეულის ფასების ღირებულების შესაბამისად, მაგრამ არაუმეტეს ტენდერის ჩატარების შესახებ განცხადებაში მითითებული მთლიანი სავარაუდო ღირებულებისა და დანართი N1-ში განსაზღვრული ერთეულების ფასებისა;
ბ) ვაჭრობა გაიმართება ცხრილში მოცემული მომსახურების და ნაწილების ერთეულის ფასების ღირებულებაზე;
გ)სატენდერო დოკუმენტაციის 1.3 პუნქტით განსაზღვრული ფასების ცხრილი(პრეისკურანტი) წარმოდგენილი უნდა იყოს როგორც PDF აგრეთვე Excel ვერსიის სახით;
დ) პრეტენდენტის მიერ ელექტრონული ვაჭრობის შედეგად პრეისკურანტის (დანართი N1) საერთო ფასის შემცირების/კლების შემთხვევაში, ფასთა კლება, პრეისკურანტის სავარაუდო ღირებულებასა (სატენდერო ღირებულება) და პრეტენდენტის მიერ დაფიქსირებული საბოლოო პრეისკურანტის ფასის პროცენტულად და პროპორციულად უნდა აისახოს პრეისკურანტით განსაზღვრულ ყველა პოზიციაზე. პრეტენდენტის მიერ საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.

მომსახურების გაწევა უნდა განხორციელდეს ხელშეკრულების გაფორმების თარიღიდან მაგრამ არაუადრეს 2024 წლის 1 იანვრიდან 2024 წლის 31 დეკემბრის ჩათვლით, შემსყიდველის მოთხოვნის შესაბამისად, მოთხოვნიდან არაუმეტეს 5 (ხუთი) კალენდარული დღის ვადაში.

მომსახურების გაწევა უნდა განხორციელდეს ქ. თბილისში, პრეტენდენტის სარგებლობაში ან/და საკუთრებაში არსებულ სერვის ცენტრში, ამასთან პრეტენდენტმა უნდა უზრუნველყოს დაზიანებული ტექნიკის ტრანსპორტირება შემოსავლების სამსახურის ადმინისტრაციული შენობიდან (ქ.თბილისი გორგასლის N16) მის სარგებლობაში არსებულ სერვის ცენტრში გადატანა და შეკეთებულის უკან დაბრუნება. აღნიშნული უნდა განხორციელდეს შემსყიდველის მოთხოვნის შესაბამისად, მოთხოვნიდან არაუგვიანეს 10 (ათი) კალენდარული დღის ვადაში.

მიმწოდებლის მიერ გამოცვლილ სათადარიგო ნაწილებსა და გაწეულ მომსახურებაზე საგარანტიო ვადა უნდა შეადგენდეს არანაკლებ 6 (ექვსი) თვეს. ამასთან, სავალდებულოა ყველა დაზიანებული ნაწილი შეიცვალოს ახალი, ქარხნული წესით დამზადებული და მაღალი ხარისხის შესაბამისი ნაწილით.

პრეტენდენტს უნდა გააჩნდეს უკანასკნელი 3 (სამი) (2020 წლის 10 ნოემბრიდან ტენდერის გამოცხადების თარიღამდე პერიოდი) წლის განმავლობაში ანალოგიური მომსახურების გამოცდილება ლეპტოპებისა ან ტაბების შეკეთების სფეროში და ამ პერიოდის განმავლობაში შესრულებული მინიმუმ 3(სამი) პროექტი. აღნიშნულის დამადასტურებლად წარმოდგენილი უნდა იყოს შესრულებული ხელშეკრულებები და მიღება-ჩაბარების აქტები და/ან SPA/NAT და CMR ნომრები.

პრეტენდენტმა უნდა წარმოადგინოს ინფორმაცია, სარგებლობაში ან საკუთრებაში არსებული მომსახურების სერვის ცენტრის ადგილმდებარეობის შესახებ.
საკუთრების შემთხვევაში ამონაწერი საჯარო რეესტრიდან, ხოლო სარგებლობის შემთხვევაში გაფორმებული ხელშეკრულება, რომელიც უნდა აღემატებოდეს სატენდერო პირობებით განსაზღვრული მომსახურების გაწევის ვადას.

1.შემსყიდველის მიერ მოთხოვნილი ყველა დოკუმენტი და/ან ინფორმაცია პრეტენდენტის მიერ ატვირთული უნდა იქნას ერთიან ელექტრონულ სისტემაში, ამასთან შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და ნოტარიულად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში.

2. ტექნიკური დოკუმენტაციის შედგენისას პრეტენდენტის მიერ გათვალისწინებული უნდა იყოს (არ უნდა იყოს დარღვეული) სატენდერო დოკუმენტაციით განსაზღვრული დანართების ფორმები (მათ შორის ნუმერაცია) და არსებობის შემთხვევაში მათში მითითებული აუცილებელი პირობები.

3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულებები შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.

4. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე.

5. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.

6.სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით, როგორიცაა: ტრანსპორტირების ხარჯები და საქართველოს კანონმდებლობით დადგენილი გადასახადები, თუ მოსაკრებლები (მათ შორის - დღგ).

7.სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.

8.პრეტენდენტის მიერ ერთიან ელექტრონულ სისტემაში ატვირთული დოკუმენტები,„ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების შესაბამისად უნდა იყოს კვალიფიციური ელექტრონული შტამპით ან კვალიფიცური ელექტორნული ხელმოწერით დამოწმებული.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით, ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს, სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის შესაბამისად საშემფასებლო ან აუდიტის ან ექსპერტიზის დასკვნა. დასკვნასთან ერთად ასევე, წარმოდგენილი უნდა იქნას დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტ(ებ)ი.

სსიპ „ლევან სამხარაულის სახელობის ექსპერტიზის ეროვნული ბიუროს" მიერ გაცემული დასკვნის შემთხევაში, დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტის წარმოდგენა არ მოითხოვება.

4.1.1.2 ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.

ანგარიშსწორება მოხდება ეტაპობრივად, ფაქტიურად გაწეული მომსახუირების მიხედვით, უნაღდო ანგარისწორებით ლარში.

ანგარიშსწორება განხორციელდება უნაღდო ანგარიშსწორების ფორმით ლარში, პერიოდულად, ფაქტიურად გაწეული მომსახურების ღირებულების შესაბამისად გაფორმებული მიღება-ჩაბარების აქტისა და საქართველოს კანონმდებლობით გათვალისწინებული შესაბამისი საგადახდო დოკუმენტაციის წარდგენიდან 10 (ათი) სამუშაო დღის ვადაში. იმ შემთხვევაში, თუ მიმწოდებელი არ არის დღგ-ს გადამხდელი, მან უნდა წარმოადგინოს შესაბამისი ცნობა სსიპ შემოსავლების სამსახურიდან.

სოფიკო მდინარაძე, 599973301, s.mdinaradze@rs.ge