Разные изделия и сопутствующие товары (Грузия - Тендер #48065337)

1.1.1. შესყიდვის ობიექტს წარმოადგენს: ზუგდიდის მუნიციპალიტეტის ყულიშკარის, ალერტკარის, ცაიშის, ცაცხვის, ახალსოფლის, ჭაქვინჯისა და ჩხორიას ადმინისტრაციულ ერთეულებში ქუჩების გადასახვევებში განსათავსებელი ქუჩის დასახელებებისა და მიმართულებების აღმნიშვნელი აბრების (თანმდევი მომსახურებით _ მოწყობა-მონტაჟით).

ტექნიკური დავალება

შესასყიდი ქუჩების დასახელებებისა და მიმართულებების აღმნიშვნელი აბრები უნდა შეესაბამებოდეს შემდეგ ტექნიკურ პარამეტრებს:

1. ძირითადი მილი _ დამზადებული ლითონის მილისაგან, სიგრძე: 3,2მ, კედლის სისქე: არანაკლებ 2,5 მმ, დიამეტრი: 60 მმ. მილის ქვედა ნაწილში, რომელიც ბეტონში მაგრდება (ბეტონთან მყარი მოჭიდებისათვის), ჯვარედინად შედუღებული 2 (ორი) 20 სმ სიგრძის და არანაკლებ 12 მმ დიამეტრის მქონე ხრახნილიანი მილი. მილის სიმაღლე: ფუნდამენტიდან 2,7 მ, სიმაღლე ფუნდამენტიდან აბრამდე 2,1 მ.
2. მილზე ჩამოცმული პიედესტალი _ დამზადებული ლითონის მილისაგან, დიამეტრი: 89 მმ, სიგრძე: 70 სმ, სისქე: არანაკლებ 2,55 მმ;
2.1. პიედესტალის მთლიანი კონსტრუქცია _ წამოცმული ძირითად მილზე და მათ შორის დარჩენილი ნაპრალის ავსება „პლაზმური ჭრილით“, ამოჭრილი რკინის ლითონის რგოლით (ფირფიტა);
2.2. პიედესტალის კონსტრუქცია ძირითად მილს მყარად უკავშირდება _ შედუღების გზით.
3. ლითონის გაჩარხული თავაკები _ ძირითადი მილის ჩამოსაცმელი _ არანაკლებ 60 მმ-იანი დიამეტრის თავაკი მჭიდროდ ხურავს და ავსებს ძირითადი მილის ხვრელს, ჩაჭედვის ან შედუღების გზით, ისე, რომ არ სცდება მილის დიამეტრს;
4. აბრის ჩარჩო _ კორპუსი მართკუთხა, სიგრძე 79 სმ, ხოლო სიგანე 39 სმ, დამზადებული არანაკლებ 20*20 მმ დიამეტრის და არანაკლებ 1,5 მმ სისქის მილკვადრატისაგან; ჩარჩო უნდა იყოს შედუღებული მილზე განთავსებულ 79 სმ სიგრძის ზოლოვანაზე, არანაკლებ 20*3 მმ. ჩარჩოზე, ზევიდან და ქვევიდან, მყარდება დეკორატიული ნაკეთობა, რომლებიც რკლისებურად არიან დამაგრებული (შედუღებული ) ზოლოვანასა და აბრის ჩარჩოზე (იხ. დანართი №1). რკალი დამზადებული უნდა იყოს არანაკლებ 20*3 ზე ზოლოვანით. დეკორატიულ რკალებს შორის 60 მმ-იანი დიამეტრის და არანაკლებ 20 მმ-იანი სიგრძის და 2,5 მმ-იანი კედლის სისქის მილის რგოლები, რომლებიც მაგრდება აბრის ჩარჩოსა და მილზე დამაგრებულ ზოლოვანაზე.
5. აბრის ჩარჩო _ ერთმანეთის პარალელურად, შედუღების გზით მაგრდება 2 სამაგრით, მილკვადრატით, თითოეული 35 სმ სიგრძის, არანაკლებ 20*10 მმ ზომის; სამისამართო კონსტრუქცია შეღებილი საავტომობილო საღებავით, დამუშავებული გრუნტის საღებავით ან თერმული ღებვით, ფერი: შავი.
6. აბრა _ ბოძზე 2 (ორი) ცალი ცალმხრივი აბრა _ დამზადებული არანაკლებ 4მმ-იანი სისქის დიბონდისაგან არანაკლებ 75 სმ სიგრძისა და არანაკლებ 35 სმ სიგანის, მართკუთხა ოთხივე კუთხე 50%–იანი შიდა რკალით ამოხაზული (იხ. დანართი №1). აბრებზე ცალმხრივად დაკრული ამრეკლიანი არაკალი „uv“ ბეჭდვით (აბრის დიაზიანი სურათი №1). ფერი: ღია რუხი (შემსყიდველთან შეთანხმებით). აბრები სპეციალური სამაგრებით მაგრდება აბრის საყრდენებზე, 4 ადგილას.
7. აბრის ტექსტი და გრაფიკული ნაწილი _ ქუჩის დასახელება, შესახვევი, ჩიხი _ წარწერა აბრებზე _ ქართული შრიფტით (ასოების სიმაღლე: 7 სმ) აბრების ზედა ნაწილში განლაგებული ერთ მწკრივად (მაგ: დავით აღმაშენებელის ქ.), ხოლო ინგლისური შრიფტი (საწყისი ასოების სიმაღლე _ 6,0 სმ) აბრების ქვედა ნაწილში განლაგებული ერთ მწკრივად (მაგ: David Aghmashenebeli str.).
8. ქართული და ინგლისური (საწყისი დიდი ასოთი) სიმბოლო (ქუჩის დასახელება) _ ასოების წარწერა სრულად განთავსდება აბრის ფორმის პროპორციულად.
9. აბრაზე განთავსებული ისრის ზომა: სიგრძე: 40 სმ, სიგანე: 6 სმ (იხ. დანართი №1).
10. ორმხრივი მიმართულების მანიშნებელი ისარი: სიგრძე: 45 სმ, სიგანე: 6 სმ. ისრის ცალკეული ნიშანი.
11. აბრაზე: „შესახვევის“, „ჩიხის“ რიგითობა _ რომაული ციფრებით (I, II, III, IV და ა.შ.).
12. ორმოს ამოთხრა, ბეტონი და მონტაჟი _ მილი მიწაში ჩადის 50 სმ-ის სიღრმეზე და მაგრდება M300 მარკის ბეტონით. ორმოს გარშემოწერილობა და სიღრმე 50/40/40 სმ.
13. შეღებვა _ კონსტრუქციის ყველა ლითონის ნაწილი (გარდა აბრებისა) იღებება ელექტროსტატიკურად, ფერი: შავი.

შენიშვნა: 1) შესყიდვის ობიექტი უნდა აკმაყოფილებდეს სატენდერო დოკუმენტაციით დადგენილ ტექნიკურ მოთხოვნებს და უნდა შეესაბამებოდეს თანდართულ ფორმასა და დიზაინს (იხ. მიბმული ფაილი); 2) აბრების დამზადებამდე საბოლოო დიზაინის შეთანხმება უნდა განხორციელდეს შემსყიდველთან. შემსყიდველი ორგანიზაცია უფლებამოსილია მცირეოდენი კორექტივები შეიტანოს დიზაინში; 3) ქვემოთ ჩამოთვლილი დოკუმენტები წარმოადგენენ სატენდერო დოკუმენტაციის შემადგენელ ნაწილს. ამასთან, ტექნიკური დავალება შემდგომ განიხილება, როგორც გასაფორმებელი სახელმწიფო შესყიდვის შესახებ ხელშეკრულების განუყოფელი ნაწილი.

1.4.1. შესყიდვის ობიექტის (თანმდევი მომსახურებით _ მოწყობა-მონტაჟით) მიწოდების ვადაა: ხელშეკრულების დადებიდან 30 (ოცდაათი) კალენდარული დღე.

1.5.1. შესყიდვის ობიექტი ჩაითვლება მიღებულად მხოლოდ მიღება-ჩაბარების აქტის გაფორმების შემდეგ (შესყიდვის ობიექტის მიღებისა და საბოლოო შემოწმების ადგილი, პირობები და წესი ასახულია ხელშეკრულების პირობებში).
1.5.2. შესყიდვის ობიექტის (თანმდევი მომსახურებით _ მოწყობა-მონტაჟით) მიწოდების ადგილია: ზუგდიდის მუნიციპალიტეტის ტერიტორია (ტექნიკური დავალებით განსაზღვრული ადგილები).

1) შემოთავაზებულ შესყიდვის ობიექტზე (თანმდევი მომსახურებით - მოწყობა-მონტაჟით) საგარანტიო ვადა უნდა შეადგენდეს არანაკლებ 3 (სამი) წელს, საბოლოო მიღება-ჩაბარების აქტის გაფორმების დღიდან, რომლის განმავლობაში რაიმე ნაკლის/დეფექტის გამოვლენის შემთხვევაში, ტენდერში გამარჯვებული ვალდებულია, შეტყობინების მიღებიდან, შემსყიდველის მიერ განსაზღვრულ გონივრულ ვადაში, გამოასწოროს წარმოქმნილი ნაკლოვანება/დეფექტი, შემსყიდველის მხრიდან დამატებითი დანახარჯების გაწევის გარეშე.
2) საგარანტიო პირობები არ ვრცელდება შესყიდვის ობიექტის სრულფასოვანი ფუნქციონირებით გამოწვეული ცვეთისა და გარე ფაქტორით დაზიანების შემთხვევაში. ასევე, ექსპლუატაციის წესების დარღვევის შემთხვევაში.

შენიშვნა: პრეტენდენტმა, ფასების ცხრილის (იხ. 1.3 პუნქტი) შესაბამის სვეტში, შესაბამის პოზიციაზე, უნდა მიუთითოს ინფორმაცია საგარანტიო ვადის შესახებ, რომელიც არ უნდა იყოს დადგენილ ვადაზე ნაკლები.

ტენდერში მონაწილე პრეტენდენტის სატენდერო წინადადება უნდა შეიცავდეს მონაცემებს შესყიდვის ობიექტის მწარმოებელი ქვეყნისა და მწარმოებლის შესახებ. აღნიშნული ინფორმაცია წარმოდგენილი უნდა იქნეს ფასების ცხრილის (იხ. 1.3 პუნქტი; დანართი №1) სახით.

შენიშვნა: პრეტენდენტის მიერ, „წინადადების მიღება დასრულებულია ეტაპზე,“ მწარმოებელი ქვეყნისა და მწარმოებლის მიუთითებლობა გამოიწვევს ტენდერში მონაწილე პრეტენდენტის დისკვალიფიკაციას.

2.9.1. პრეტენდენტის მიერ შემოთავაზებული შესყიდვის ობიექტის აღწერილობა უნდა აკმაყოფილებდეს სატენდერო დოკუმენტაციით დადგენილ ტექნიკურ მოთხოვნებსა და პარამეტერებს.
2.9.2. ყველა მოსაწოდებელი შესყიდვის ობიექტი უნდა იყოს ახალი, ექსპლოატაციაში არ მყოფი.
2.9.3. იმ შემთხვევაში, თუ მიწოდებული შესყიდვის ობიექტი აღმოაჩნდება უხარისხო, წუნით ან/და დეფექტით ტენდერში გამარჯვებული ვალდებულია დაუყოვნებლივ განახორციელოს წუნდებული შესყიდვის ობიექტის შეცვლა, ახალი, მოთხოვნილი პარამეტრების მქონე შესყიდვის ობიექტით, შემსყიდველის მხრიდან რაიმე დამატებითი დანახარჯის გაწევის გარეშე.
2.9.4. სატენდერო წინადადების ღირებულება, შესყიდვის ობიექტის ღირებულების გარდა წარმოდგენილი უნდა იყოს საქართველოს კანონმდებლობით დადგენილი გადასახადების, მიწოდების ადგილამდე ტრანსპორტირების, მონტაჟისა და სხვა ხარჯის გათვალისწინებით.

1) თუ ტენდერში, ელექტრონული ვაჭრობის შედეგად, ყველაზე დაბალი ფასის წინადადების მქონე პრეტენდენტის მიერ დაფიქსირებული საბოლოო ფასი 20%-ით ან მეტით ნაკლებია შესყიდვის სავარაუდო ღირებულებაზე, პრეტენდენტს, დადგენილ ვადაში, მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობა უნდა დასაბუთდეს სსიპ „ლევან სამხარაულის ექსპერტიზის ეროვნული ბიუროს“ ან სხვა აკრედიტირებული პირის ან აუდიტორის/აუდიტორული ფირმის დასკვნით (დასკვნასთან ერთად ასევე, წარმოდგენილი უნდა იქნეს დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტაცია), რომელიც დაადასტურებს დაფიქსირებულ ფასად სატენდერო დოკუმენტაციით განსაზღვრული შესყიდვის ობიექტის მიწოდების შესაძლებლობას.
2) ფასწარმოქმნის ადეკვატურობის დამადასტურებელი დოკუმენტ(ებ)ით შესყიდვის ობიექტის მიწოდების შესაძლებლობა უნდა დასტურდებოდეს, როგორც, პრეტენდენტის მიერ დაფიქსირებული წინადადების ფასთან (ხარჯთაღრიცხვის მთლიან ღირებულებასთან), ასევე, ხარჯთაღრიცხვის ერთეულის ფასებთან მიმართებაში.
3) ფასწარმოქმნის ადეკვატურობის დამადასტურებელი დოკუმენტ(ებ)ის დადგენილ ვადაში წარუდგენლობა ან სატენდერო პირობებთან ან/და ტექნიკურ დოკუმენტაციასთან შეუსაბამობა გამოიწვევს პრეტენდენტის დისკვალიფიკაციას, სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 32-ე მუხლის პირველი პუნქტის „დ“ ქვეპუნქტის საფუძველზე.

7.2.1. ანგარიშსწორება განხორციელდება უნაღდო ანგარიშსწორების წესით, თანხის გადარიცხვის ფორმით, ეროვნულ ვალუტაში _ ლარში.
7.2.2. ანგარიშსწორება იწარმოებს, ფაქტობრივად მიწოდებული შესყიდვის ობიექტის გათვალისწინებით, შესაბამისი მიღება-ჩაბარების აქტისა და საქართველოს კანონმდებლობით დაშვებული საგადასახადო დოკუმენტების (სასაქონლო ზედნადები ან/და საგადასახადო ანგარიშფაქტურა ან/და სხვა დოკუმენტები) საფუძველზე.

7.3.1. ანგარიშსწორება განხორციელდება ფაქტობრივად მიწოდებული შესყიდვის ობიექტის გათვალისწინებით შესაბამისი მიღება-ჩაბარების აქტის ხელმოწერიდან და საგადასახადო დოკუმენტების (სასაქონლო ზედნადები ან/და საგადასახადო ანგარიშფაქტურა ან/და სხვა დოკუმენტები) დადასტურებიდან 10 (ათი) სამუშაო დღის განმავლობაში.

ბესიკ ქარდავა, 595222788, kardava.b@gmail.com

1) სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების საფუძველზე.
2) ტენდერში მონაწილე პრეტენდენტის სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია შედგენილ უნდა იქნეს ქართულ ენაზე. დოკუმენტის ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ამ შემთხვევაში მოცემული სატენდერო წინადადების ინტერპრეტაციის დროს, უცხოენოვან დოკუმენტსა და მის ქართულ ენაზე შესრულებულ თარგმანს შორის უპირატესობის მინიჭების საკითხს წყვეტს სატენდერო კომისია.
3) პრედენტენტის მიერ წარმოდგენილი სატენდერო წინადადება და მასში შემავალი დოკუმენტაცია შესრულებული/დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად. ასევე, „სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე“ სახელმძღვანელო ინსტრუქციის გათვალისწინებით.
4) სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
5) პრეტენდენტს უფლება არა აქვს წარმოადგინოს ალტერნატიული სატენდერო წინადადება.
6) სატენდერო წინადადების წარდგენით პრეტენდენტი ეთანხმება სატენდერო დოკუმენტაციით დადგენილ მოთხოვნებსა და პირობებს.