Услуги по исследованию и экспериментальным разработкам (Грузия - Тендер #48065302)

რუსთავის ჭალის ტყეების (მდ. მტკვრის მარცხენა სანაპირო) კონსერვაციის და განვითარების ხელშეწყობის მიზნით კვლევითი მომსახურების შესყიდვა.

შესყიდვის ობიექტია - რუსთავის ჭალის ტყეების (მდ. მტკვრის მარცხენა სანაპირო) კონსერვაციის და განვითარების ხელშეწყობის მიზნით კვლევითი მომსახურება. შესყიდვის ობიექტის ტექნიკური დავალება (დანართი N1) იხილეთ თანდართულ ფაილში.

მომსახურების გაწევის ვადები:

1.4.1 მიმწოდებლის მიერ ტენდერით გათვალისწინებული მომსახურება მოიცავს 2 (ორ) ეტაპს და უნდა დასრულდეს ხელშეკრულების გაფორმებიდან არაუგვიანეს 2024 წლის 31 აგვისტოს.

1.4.2 - I ეტაპი უნდა დასრულდეს არაუგვიანეს 2024 წლის 1 მარტს;
1.4.3 - II ეტაპი უნდა დასრულდეს არაუგვიანეს - 2024 წლის 31 აგვისტოს.

შენიშვნა:
თითოეული ეტაპის დასრულებამდე, მიმწოდებელი ვალდებულია, შემსყიდველს წარუდგინოს დოკუმენტის პროექტი. შემსყიდველი, დოკუმენტის პროექტს განიხილავს შესაბამის დაინტერესებულ პირებთან და მათი შენიშვნები და კომენტარები შეტანილი უნდა იქნას საბოლოო დოკუმენტში.

1.5.1 კვლევის დასრულების შემდეგ მიმწოდებლის მიერ წარმოდგენილი უნდა იქნეს პროექტის ანგარიში, რომელიც მოიცავს შემდეგი სახის ინფორმაციას:

პირველი ეტაპი:
ა) რუსთავის ჭალის ტყეების საზღვრების დასადგენად ჩატარებული საველე სამუშაოების ანგარიში. მეორე ეტაპზე წარმოსადგენ ინფორმაციას უნდა ახლდეს საველე აღწერის მასალები და ფოტოსურათები.
ბ) კვლევის მეთოდების შესაბამისად ველზე შეგროვებული და მიღებული მონაცემების (დეტალური ჩამონათვალი განისაზღვრება მეთოდოლოგიის შეთანხმების შემდეგ) წარმოდგენა; იდენტიფიცირებული რუსთავის ჭალის ტყის ფართობების ,,GIS’’-ის ფორმატში დამზადებული რუკები და ,,shp’’ - ფაილები, რომლებშიც ასახული იქნება ტერიტორიის შესახებ ინფორმაცია; შესაბამისი თემატური რუკები წარმოდგენილი უნდა იყოს არსებული საკვარტალე ქსელის გათვალისწინებით.

მეორე ეტაპი:
კვლევის საბოლოო ანგარიშის მომზადება (პროექტის განხორციელების ყოველ ეტაპზე წარმოდგენილი ინფორმაცია უნდა აისახოს საბოლოო ანგარიშში), სადაც წარმოდგენილი იქნება: ქ. რუსთავის ჭალის ტყეების განვითარებისა და აღდგენის გეგმები.

1.5.2 ანგარიშის წარმოდგენის ადგილია: ქ. თბილისი, მარშალ გელოვანის გამზ. N34, საქართველოს გარემოს დაცვისა და სოფლის მეურნეობის სამინისტრო.

2.2.1.1 პრეტენდენტს უნდა გააჩნდეს მსგავსი, მინიმუმ ერთი პროექტის განხორციელების გამოცდილება, რაზედაც წარმოდგენილი უნდა იქნეს დასრულებულ (მიმდინარე პროექტი არ განიხილება) პროექტზე შესაბამისი ხელშეკრულებისა და საბოლოო მიღება-ჩაბარების აქტ(ებ)ი ან დამკვეთის მიერ დამოწმებული მომსახურების საბოლოო მიღების დამადასტურებელი სხვა დოკუმენტების ასლები, თანხების და მომსახურების მითითებით.
მსგავს პროექტად განიხილება მომსახურება როგორც ტყის აღდგენის გეგმის, ისე ეკოსისტემების კონსერვაციის გენერალური გეგმის შემუშავების სფეროში, ან/და დაცული ტერიტორიების მენეჯმენტის გეგმების, ან/და რეკრეაციული ტერიტორიების შესწავლის, ან/და ეკოლოგიური შეფასებებისა და დაგეგმარების, ან/და ეკოსისტემების კონსერვაციისა და გენერალური გეგმების შემუშავების სფეროში.
2.2.1.2 ინფორმაცია გამოცდილებასთან დაკავშირებით წარმოდგენილი უნდა იყოს სატენდერო პირობების დანართი N3-ის შესაბამისად.
2.2.1.3 იმ შემთხვევაში თუ სახელმწიფო შესყიდვების ერთიან ელექტრონულ სისტემაში ატვირთულია დანართ N3-ში მითითებული ინფორმაციის ამსახველი ხელშეკრულება და მიღება-ჩაბარების აქტ(ებ)ი, ასეთ შემთხვევაში არ არის საჭირო მათი ატვირთვა.

2.4.1 გასაწევი მომსახურების ფარგლებში ჩართულნი უნდა იყვნენ შემდეგი კვალიფიკაციის მქონე პერსონალი:
პერსონალი რაოდენობა:
პროექტის მენეჯერი 1
მეტყევე სპეციალისტი (მ.შ. გამოცდილება ტყის აღდგენა-გაშენების კუთხით) 1
ნიადაგმცოდნე 1
სოციალურ-ეკონომიკური ექსპერტი 1
ლანდშაფტის სპეციალისტი 1
GIS სპეციალისტი 1
ჰიდროლოგი 1
ენტომოლოგი 1
ტურიზმის სპეციალისტი 1

2.4.1.2 პერსონალის კვალიფიკაციისა და გამოცდილების შესახებ ინფორმაცია წარმოდგენილი უნდა იქნეს სატენდერო პირობების დანართი #4 შესაბამისად. პრეტენდენტის მიერ ასევე წარმოდგენილი უნდა იქნეს თითოეულ პერსონალთან გაფორმებული წინარე შეთანხმება ურთიერთთანამშრომლობის შესახებ სატენდერო პირობების დანართი #5-ის შესაბამისად, რომლის ფარგლებში გამოხატული იქნება ორივე მხარის ნება პრეტენდენტის ტენდერში გამარჯვების შემთხვევაში მათი სავალდებულო თანამშრომლობის შესახებ კონკრეტულ პოზიციებზე. დაუშვებელია მიმწოდებლის მიერ ტენდერში წარმოდგენილი პერსონალის ჩანაცვლება, გარდა განსაკუთრებული შემთხვევებისა, რომელიც შეთანხმებული უნდა იქნეს შემსყიდველთან.

პრეტენდენტმა ერთიანი ელექტრონული სისტემის მეშვეობით უნდა წარმოადგინოს:

2.9.1 მომსახურების ხარჯთაღრიცხვა, დანართი N2-ის შესაბამისად.
2.9.2 ინფორმაცია პრეტენდენტის გამოცდილების შესახებ, სატენდერო პირობების 2.2.1 პუნქტის მოთხოვნებისა და დანართის N3-ის შესაბამისად;
2.9.3 კვლევის პროცესში ჩართული პერსონალის შესახებ ინფორმაცია, სატენდერო პირობების 2.4.1 პუნქტის მოთხოვნებისა და დანართების N4 და N5-ის შესაბამისად.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია სისტემაში ატვირთოს ფასწარმოქმნის ადეკვატურობის დამადასტურებელი დოკუმენტი.
ფასწარმოქმნის ადეკვატურობა, უნდა დასაბუთდეს ექსპერტიზის დასკვნით (პრეტენდენტის მიერ დასკვნასთან ერთად ასევე წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი) ან აუდიტორული დასკვნით (აუდიტორის დასკვნის წარმოდგენის შემთხვევაში, აუდიტორული კომპანია და აუდიტორი უნდა ირიცხებოდეს საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულების – ბუღალტრული აღრიცხვის, ანგარიშგებისა და აუდიტის ზედამხედველობის სამსახურის შესაბამის რეესტრში და წარმოდგენილ უნდა იქნას ინფორმაცია მათი სარეგისტრაციო ნომრების შესახებ).
ზემოაღნიშნული პირობების დაუცველობა, ფასწარმოქმნის ადეკვატურობის დასაბუთების დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული მოთხოვნები.

7.1.1.1 ხელშეკრულების გაფორმებიდან არაუგვიანეს 5 (ხუთი) სამუშაო დღის განმავლობაში მიმწოდებელი ვალდებულია შემსყიდველს წარუდგინოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის მიერ ლიცენზირებული სადაზღვევო კომპანიიდან გაცემული უპირობო და გამოუთხოვადი საბანკო გარანტია მთლიანი სახელშეკრულებო ღირებულების 20%-ის ოდენობით, რომლის მოქმედების ვადა არანაკლებ 30 კალენდარული დღით უნდა აღემატებოდეს მომსახურების გაწევის საბოლოო ვადას.
7.1.1.2. საავანსო საბანკო გარანტია უნდა იყოს „უპირობო“, ე.ი. გარანტიით გათვალისწინებული თანხა შემსყიდველმა უნდა მიიღოს ყოველგვარი დამატებითი განმარტებისა და მტკიცებულების წარდგენის გარეშე, პირველი მოთხოვნისთანავე.
7.1.1.3 საავანსო საბანკო გარანტიის წარმოდგენის შემდეგ ანგარიშსწორება მოხდება არაუგვიანეს 5 (ხუთი) სამუშაო დღის განმავლობაში.
7.1.1.4 მომსახურების გაწევის შემდეგ გაფორმებულ მიღება-ჩაბარების აქტებში დაფიქსირებული ღირებულებიდან მოხდება ჯერ ავანსის სახით გადარიცხული თანხის გაქვითვა.
7.1.1.5. მიმწოდებლის მხრიდან წინასწარ ანგარიშსწორების პირობების დარღვევის შემთხვევაში შემსყიდველი იტოვებს უფლებას ცალმხრივად შეწყვიტოს ხელშეკრულება.

ანგარიშსწორება მოხდება უნაღდო ანგარიშსწორებით ლარში.

ანგარიშსწორება მოხდება ეტაპობრივად, მხარეებს შორის მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის განმავლობაში.

გელა ღონღაძე, 591910091, gela.gongadze@mepa.gov.ge

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 პრეტენდენტის მიერ შექმნილი, წინადადების სახით წარმოსადგენი დოკუმენტები უნდა იქნას ელექტრონულად ხელმოწერილი შესაბამისად უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა, რწმუნებულება...) ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტმა, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტზე უნდა შეასრულოს კვალიფიციური ელექტრონული ხელმოწერა ან/და ეს დოკუმენტი დაამოწმოს კვალიფიციური ელექტრონული შტამპით. პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული ხარჯთაღრიცხვა შესაძლებელია წარმოდგენილ იქნას Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
10.1.4 დაფინანსების წყაროა საქართველოს მთავრობას - წარმოდგენილი საქართველოს გარემოს დაცვისა და სოფლის მეურნეობის სამინისტროს და შვედეთის სამეფოს მთავრობას - წარმოდგენილი შვედეთის საერთაშორისო განვითარების თანამშრომლობის სააგენტოს (Sida) შორის გაფორმებული საგრანტო შეთანხმების („გადავარჩინოთ ბუნება – საქართველოს“ თაობაზე Sida-ს დახმარება No 15169) თანახმად გაცემული გრანტი, პროგრამული კოდი: 31 01 01 02 (გრანტის სახსრები გათავისუფლებულია დღგ-ს გადასახადისგან).
10.1.5 სატენდერო წინადადებაში საერთო და ერთეულის ფასი გამოსახული უნდა იყოს მომსახურებასთან დაკავშირებული ყველა ხარჯის და საქართველოს კანონმდებლობით გათვალისწინებული გადასახადების (გარდა დღგ) ჩათვლით;
10.1.6 სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში;
10.1.7 პრეტენდენტს არ აქვს უფლება წარმოადგინოს ალტერნატიული სატენდერო წინადადება.