Услуги офисного обеспечения (Грузия - Тендер #48065288)

სათარჯიმნო მომსახურების შესყიდვა აზერბაიჯანული/სომხური/რუსული ენიდან ქართულ ენაზე და პირიქით.

ტექნიკური დავალება:

1) სათარჯიმნო მომსახურება უნდა განხორციელდეს აზერბაიჯანული/სომხური/რუსული ენიდან ქართულ ენაზე და პირიქით;

2) მომსახურება უნდა განხორციელდეს ხელშეკრულების გაფორმებიდან ეტაპობრივად შემსყიდველის მოთხოვნის შესაბამისად 2023 წლის 31 დეკემბრის ჩათვლით (დღე-ღამის ნებისმიერ დროს) შემსყიდველის მხრიდან შეტყობინების მიღების შემდეგ; მიმწოდებელმა დაუყოვნებლივ (არაუმეტეს 1 საათისა) უნდა უზრუნველყოს შესაბამისი ენის სპეციალისტ(ებ)ის გამოგზავნა ზეპირ თარგმნაში მონაწილეობის მისაღებად, საჭიროების შემთხვევაში მთარგმნელობითი მომსახურება შესაძლებელია მოთხოვნილ იქნას არასამუშაო საათებში ან უქმე დღეებშიც; მიმწოდებელმა მთარგმნელობითი მომსახურება საჭიროების შემთხვევაში უნდა განახორციელოს 24 საათის განმავლობაში საქართველოს მთელ ტერიტორიაზე. ტრანსპორტირება ქ. თბილისის ფარგლებს გარეთ განხორციელდება შემსყიდველის ხარჯებით.

3) მომსახურების ხარისხი უნდა შეესაბამებოდეს შესაბამის სტანდარტებს და აკმაყოფილებდეს კონკრეტულ მოთხოვნებს (იურიდიული, სამხედრო ტერმინოლოგია, ტექნიკური, ეკონომიკური მასალების თარგმნა უნდა განახორციელოს კონკრეტული მიმართულების სპეციალისტმა, რომელიც კარგად იცნობს შესაბამის ტერმინოლოგიას), მიმწოდებელი პასუხისმგებელია მის მიერ გაწეული მომსახურების შედეგებზე (ნათარგმნზე), რაც უნდა დადასტურდეს ხელმოწერით ყველა პროცესუალურ დოკუმენტზე.

4) ნათარგმნი მასალა უნდა იყოს შინაარსობრივად და გრამატიკულად გამართული და მისი შინაარსი და სტილი შესაბამისობაში უნდა იყოს ორიგინალთან. მიმწოდებელმა ასევე უნდა უზრუნველყოს შემსყიდველის მიერ წარდგენილი სპეციფიკური ტექსტების თარგმნა. მიმწოდებელი ვალდებულია გამომძიებლის ან პროკურორის ნებართვის გარეშე არ გაამჟღავნოს და დაიცვას ოპერატიული და საგამოძიებო მოქმედებებში მონაწილეობის დროს მისთვის მიღებული (ცნობილი) და ნათარგმნი ინფორმაციის კონფიდენციალობა, მიმწოდებელი სრულად არის პასუხისმგებელი ნათარგმნი მასალის სისწორეზე.

5) მიმწოდებელის ტელეფონის ნომრები (როგორც ქალაქის, ასევე მობილური), რომლებზეც 24 საათის განმავლობაში შესაძლებელი იქნება შემსყიდველის მხრიდან შეტყობინების განხორციელება. შემდგომში გაფორმებული ხელშეკრულების მოქმედების პერიოდში აკრძალულია აღნიშნული ნომრების გათიშვა, მათი დაზიანების ან შეცვლის შემთხვევაში მიმწოდებელი ვალდებულია დაუყონებლივ აცნობოს ამის შესახებ შემსყიდველს და მიაწოდოს ინფორმაცია ალტერნატიული ნომრების შესახებ.

6) მიმწოდებელი ვალდებულია თარგმნითი მომსახურების დასრულების შემდგომ, ნათარგმნი მასალის ელექტრონული ვერსია და ქაღალდზე დაბეჭდილი ვარიანტი წარუდგინოს შემსყიდველს იურიდიულ მისამართზე ქ. თბილისი გ. კვინიტაძის ქუჩა N20.

7) გაწეულ მომსახურებაზე მხარეები ადგენენ მიღება–ჩაბარების აქტს (რომელიც დადასტურებული უნდა იქნას მხარეთა უფლებამოსილი წარმომადგენლების მიერ), რომელშიც მითითებული უნდა იყოს წარმოებაში არსებული საქმის (ან სხვა) ნომერი, გამოყენებული ენა, ზეპირი თარგმნის შემთხვევაში გაწეული მომსახურების ხანგრძლივობა, წერილობითი თარგმნის შემთხვევაში ნათარგმნი გვერდების რაოდენობა და გაწეული მომსახურების ღირებულება, რომელიც მოწოდებულ უნდა იქნას შემსყიდველის იურიდიულ მისამართზე.

8) საჭიროების შემთხვევაში მიმწოდებელმა უნდა უზრუნველყოს ნათარგმნი დოკუმენტების ნოტარიულად დამოწმება.

9) წერილობითი თარგმნის შემთხვევაში, მიმწოდებელმა უნდა უზრუნველყოს არანაკლებ 20 გვერდის თარგმნა (პრეისკურანტით განსაზღვრულ ნებისმიერ ენაზე) მისთვის სათარგმნი მასალის გადაცემიდან არაუგვიანეს 1 სამუშაო დღის განმავლობაში, ხოლო დიდი მოცულობის მასალის თარგმნის საჭიროების შემთხვევაში -შემსყიდველთან შეთანხმებულ გონივრულ ვადაში.

მომსახურების გაწევის ვადა: ხელშეკრულების ძალაში შესვლიდან, 2023 წლის 31 დეკემბრის ჩათვლით, შემსყიდველის მოთხოვნის შესაბამისად.

შემსყიდველის მოთხოვნის შესაბამისად (საქართველო).

შემსყიდველის მხრიდან ანაზღაურება განხორციელდება მიმწოდებლის მიერ ფაქტიურად გაწეული მომსახურების შესაბამისად.

პრეტენდენტს, 2020 წლიდან ტენდერის გამოცხადების თარიღამდე (კონკრეტულ წელს მნიშვნელობა არ ენიჭება) უნდა გააჩნდეს მთარგმნელობითი ან/და სათარჯიმნო მომსახურების სფეროში გამოცდილება, რომელთა ჯამური ღირებულება უნდა შეადგენდეს არანაკლებ 3 000 ლარს.

აღნიშნულის დასადასტურებლად ტენდერში მონაწილე პრეტენდენტებმა სახელმწიფო შესყიდვების ერთიან ელექტრონულ სისტემაში უნდა ატვირთონ გამოცდილების დამადასტურებელი დოკუმენტების დედნები/ასლები (შემსყიდველი ორგანიზაციის დასახელების, მიწოდების ვადების და ღირებულების მითითებით მიღება-ჩაბარების აქტ(ებ)ი და საგადახდო ანგარიშფაქტურები).

იმ შემთხვევაში, თუ ანალოგიური გამოცდილება რეგისტრირებულია სახელმწიფო შესყიდვების სააგენტოს ერთიან ელექტრონულ სისტემაში, მითითებული უნდა იქნას სისტემის მიერ მინიჭებული SPA/CMR/NAT ნომერი დახელშეკრულებას უნდა ქონდეს მინიჭებული სტატუსი „შესრულებული ხელშეკრულება“ ან/და სისტემაში ატვირთული უნდა იყოს საქონლის მიწოდებასთან დაკავშირებული მიღება ჩაბარების აქტები, იმ შემთხვევაში თუ ხელშეკრულებას ექნება მინიჭებული სტატუსი „მიმდინარე ხელშეკრულება“.

პრეტენდენტმა უნდა წარმოადგინოს არანაკლებ სამი სარეკომენდაციო წერილი მთარგმნელობითი ან/და სათარჯიმნო მომსახურების 2020-2022 წლ(ებ)ის განმავლობაში წარმატებით გაწევის შესახებ, რომელთაგან ორი მაინც გაცემული უნდა იყოს სახელმწიფო ორგანიზაციის მიერ.

შესყიდვის ობიექტის თავისებურებიდან გამომდინარე, საქართველოს ბაზარზე ოპერირებულ კომპანიებს შორის ურთიერთ კონკურენციიდან გამომდინარე, შესაბამის ბაზარზე არსებულ კომპანიებს შეუძლიათ შემსყიდველს საბაზრო ღრებულებაზე ნაკლებ ფასად შესთავაზონ სატენდერო დოკუმენტაციით განსაზღვრული შესყიდვის ობიექტი. კონკურენციის გაზრდისა და ხელსაყრელი ფასის მიღების მიზნით, სახელმწიფო შესყიდვების სააგენტოს თავჯდომარის 2017 წლის 14 ივნისის N12 ბრძანების მე-18 მუხლის საფუძველზე, ფასწარმოქმნის ადეკვატურობის დამადასტურებელი დოკუმენტი წინამდებარე ტენდერში არ მოითხოვება.

ანგარიშსწორება განხორციელდება მომსახურების საბოლოო მიღება-ჩაბარების აქტის გაფორმების შემდეგ.

მომსახურების გაწევის საბოლოო მიღება-ჩაბარების აქტის ხელმოწერიდან 15 სამუშაო დღის ვადაში.

ქეთევან ზანგურაშვილი, 599131916, kezangurashvili@mod.gov.ge

ა) პრეისკურანტის სავარაუდო ღირებულება შეადგენს:237.33 ლარს (დღგ-ს გარეშე);

ბ) გამარჯვებულ პრეტენდენტთან ხელშეკრულება გაფორმდება 3 000 ლარზე (მიუხედავად იმისა დღგ-ს გადამხდელია თუ არა პრეტენდენტი);

გ) სატენდერო წინადადებაში (პრეისკურანტი) ერთეულის ფასი გამოსახული უნდა იყოს ლარში, საქართველოს კანონმდებლობით გათვალისწინებული და მომსახურების გაწევასთან დაკავშირებული ყველა ხარჯის და გადასახადის გათვალისწინებით, დამატებული ღირებულების გადასახადის (დღგ-ს) გარეშე. თუ ხელშეკრულების გაფორმების მომენტისთვის გამარჯვებული პრეტენდენტი იქნება დარეგისტრირებული დღგ-ს გადამხდელად, ხელშეკრულების გაფორმებისას აღნიშნული მომსახურების ერთეულის ღირებულებას დაემატება დღგ-ს გადასახადი (18%);

დ) დოკუმენტების წარდგენა შესაძლებელია როგორც ქართულ, ისე უცხოურ ენებზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით (ნოტარიულად დამოწმებული) შესრულებული თარგმანები ქართულ ენაზე;

ე) ვაჭრობის შედეგად ფასების დაზუსტების შემთხვევაში დაუშვებელია ერთეულის ღირებულების გაზრდა;

ვ) შემყიდველი ორგანიზაციის მიერ სახელმწიფო შესყიდვების ერთიან ელექტრონულ სისტემაში განსაზღვრული პრეისკურანტის სავარაუდო ღირებულების პრეტენდენტის მიერ შემცირების შემთხვევაში ფასთა კლება პროცენტულად და პროპორციულად (უცვლელი პროცენტული მნიშვნელობით) უნდა აისახოს მომსახურების პრეისკურანტში მოცემული ჩამონათვალის ერთეულის ფასებზე. ერთეულის ფასები უნდა დამრგვალდეს მეასედებამდე ნაკლებობისკენ. დაზუსტებულ პრეისკურანტში რომელიმე პოზიციის ერთეულის ფასის გაზრდა (რომელიც პრეტენდენტს მითითებული აქვს თავდაპირველ პრეისკურანტში) დაუშვებელია და გამოიწვევს პრეტენდენტის დისკვალიფიკაციას;

ზ) ხელშეკრულების გაფორმებისას ერთეულის ღირებულება დამრგვალდება მეასედებამდე ნაკლებობისკენ.