Автомобили (Грузия - Тендер #47987185)

ა(ა)იპ ბათუმის მუნიციპალური ინსპექციის საჭიროებისათვის ევაკუატორის სახელმწიფო შესყიდვა.

1.2.1 შესასყიდი საქონლის რაოდენობაა 1 (ერთი) ერთეული ევაკუატორი (ობობა).
1.2.2 შემოთავაზებული ევაკუატორი უნდა იყოს:
ა) ახალი
ბ) არაუადრეს 2023 წლის გამოშვების
გ) ექსპლუატაციაში არმყოფი
დ) ნივთობრივად და უფლებრივად უნაკლო
ე) მიწოდებისას გარბენი არაუმეტეს 2500 კმ
ვ) განბაჟებული
1.2.3 გამარჯვებული პრეტენდენტი შესყიდვის ობიექტის მიწოდებისას ვალდებულია ჩაატაროს, სწორი ექსპლუატაციის ინსტრუქტაჟი, შემსყიდველი ორგანიზაციის თანამშრომლებისთვის.
1.2.4 მიმწოდებელი ვალდებულია უზრუნველყოს სატრანსპორტო საშუალებების უკან გაწვევა იმ შემთხვევაში თუ სატრანსპორტო საშუალებების მწარმოებელი ქარხანა საწარმოო დეფექტის აღმოჩენის შემთხვევაში განახორციელებს შესაბამის ღონისძიებებს სატრანსპორტო საშუალებების უკან გაწვევის მიზნით.
1.2.5 პრეტენდენტს შეუძლია გაუმჯობესებული მახასიათებლების მქონე საქონლის შემოთავაზება.
1.2.6 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
1.2.7 შემსყიდველ ორგანიზაციაში წარმოსადგენი ყველა დოკუმენტი (გარდა Excel-ის ფორმატის ფაილისა) ან/და ინფორმაცია ხელმოწერილი ან/და ბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროების შემთხვევაში წარმოდგენილ უნდა იქნას მინდობილობა ან რწმუნებულება).
1.2.8 შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
1.2.9 ავტომანქანის ტექნიკური მახასიათებლების/სპეციფიკაციის შესახებ ინფორმაცია იხილეთ მიბმულ ფაილში. პრეტენდენტი ერთიანი ელექტრონული სისტემის მეშვეობით წარმოადგენს დანართ N1-ს.

მიმწოდებელი ვალდებულია სატრანსპორტო საშუალების (ევაკუატორი) მიწოდება განახორციელოს ხელშეკრულების გაფორმებიდან არაუმეტეს 300 (სამასი) კალენდარული დღის განმავლობაში.

1.5.1 მიმწოდებელი ვალდებულია სატრანსპორტო საშუალების (ევაკუატორი) მიწოდება განახორციელოს შემდეგ მისამართზე: ქ. ბათუმი, გალაკტიონ ტაბიძის N56.

1.5.2 სატენდერო დოკუმენტაციის 1.4 პუნქტში განსაზღვრულ ვადაში მიმწოდებელი ევაკუატორის მიწოდებას უზრუნველყოფს საკუთარი ხარჯებით საქართველოს კანონმდებლობით განსაზღვრული ყველა სახის გადასახადის, მოსაკრებლის ჩათვლით, მათ შორის, განბაჟებისა და სახელმწიფო რეგისტრაციის (შემსყიდველზე გადაფორმებისა და სტანდარტული ფასის სახელმწიფო სანომრე ნიშნების) ხარჯების ჩათვლით.

1.7.1.1 შესყიდვის ობიექტის საგარანტიო ვადაა არანაკლებ 200 000 კმ. ან 2 (ორი) წელი (რომელიც უფრო ადრე დადგება). რომლის ათვლა იწყება ავტომანქანების შემსყიდველისათვის ჩაბარების დღიდან.
1.7.1.2 საგარანტიო ვადაში აღმოჩენილი წუნის, დეფექტის და შემსყიდველისგან დამოუკიდებელი მიზეზით გამოწვეული დაზიანების ან დეტალის მწყობრიდან გამოსვლის შემთხვევაში (ცვეთადი დეტალების გარდა – საბურავები, სამუხრუჭე ხუნდების ზესადებები და ა.შ.) მიმწოდებელი ვალდებულია, შემსყიდველის მხრიდან მიღებული ნებისმიერი სახის შეტყობინებიდან გონივრულ ვადაში, მაგრამ არაუმეტეს 10 კალენდარული დღისა, მოახდინოს დეფექტის აღმოფხვრა.
1.7.1.3 სრული საგარანტიო პერიოდის განმავლობაში, საგარანტიო შემთხვევაში ევაკუატორის მუშა პროცესში დაზიანებისას მიმწოდებელი ვალდებულია, საკუთარი ხარჯებით განახორციელოს ევაკუატორის ტრანსპორტირება ავტორიზებულ/ლიცენზირებულ სერვისცენტრამდე შემსყიდველის შეტყობინებიდან არაუგვიანეს 24 საათის განმავლობაში.
1.7.1.4 გარანტიის პერიოდში, მიმწოდებელი პასუხისმგებელია ევაკუატორის ნებისმიერი სახის ტექნიკურ დეფექტზე/ზიანზე, რომელიც გამოწვეულია ევაკუატორის შემადგენელი კომპონენტების წუნის გამო.
1.7.1.5 საგარანტიო პირობებით განსაზღვრული მოთხოვნები, ძალაშია მთელი საგარანტიო ვადის განმავლობაში, მიუხედავად ევაკუატორის შესყიდვის ხელშეკრულების მოქმედების ვადის ამოწურვისა. ამასთან, საგარანტიო პერიოდში ტექ-მომსახურების გაწევისას გამოყენებული სათადარიგო ნაწილები და საცხებ-საპოხი მასალები უნდა იყოს ახალი (ექსპლუატაციაში არმყოფი) და მწარმოებლის მიერ რეკომენდირებული.
1.7.1.6 თუ მიმწოდებელი არ მოახდენს დეფექტის (არსებობის შემთხვევაში) აღმოხვრას 10 კალენდარული დღის ვადაში, შემსყიდველი იტოვებს უფლებას დააკისროს მომწოდებელს საჯარიმო სანქციები, ყოველ ვადაგადაცილებულ დღეზე, ავტომანქანის ღირებულების 0.1%–ის ოდენობით. საჯარიმო სანქციები არ ვრცელდება იმ შემთხვევებზე, რომლებიც გამოწვეულია დაუძლეველი ძალით.

შენიშვნა: პრეტენდენტს შეუძლია წარმოადგინოს გაუმჯობესებული საგარანტიო პირობები.

2.1.1.1 პრეტენდენტმა შემოთავაზებული საქონლის ბრენდის, მოდელის და წარმოშობის ქვეყნის დასახელება, ასევე ერთეულის ფასი და ჯამური ღირებულება უნდა მიუთითოს დანართი N2-ის შესაბამისად.

2.1.1.2 იმ შემთხვევაში, თუ სატენდერო წინადადებით წარმოდგენილ დანართი N2-ში არ იქნება მითითებული შემოთავაზებული საქონლის ბრენდის, მოდელისა ან წარმოშობის ქვეყნის დასახელება, პრეტენდენტი დაექვემდებარება დისკვალიფიკაციას.

2.1.1.3 საქონლის ბრენდის, მოდელისა ან წარმოშობის ქვეყნის შესახებ ინფორმაცია არ ექვემდებარება ცვლილებას და უნდა იყოს საბოლოო, წინააღმდეგ შემთხვევაში პრეტენდენტი დაექვემდებარება დისკვალიფიკაციას.

2.1.1.4 შემოთავაზებული სატრანსპორტო საშუალება (ევაკუატორი) უნდა იწარმოებოდეს და მოძრავი პლატფორმის ავტომანქანაზე მონტაჟი უნდა ხდებოდეს ევროკავშირის ან/და ეკონომიკური თანამშრომლობისა და განვითარების ორგანიზაციის (OECD) წევრ ქვეყანაში.

2.2.1.1 პრეტენდენტის მიერ შემოთავაზებული ავტომანქანის მწარმოებელ კომპანიას უნდა გააჩნდეს არანაკლებ 5 წლიანი გამოცდილება სპეც-ტექნიკის ავტომანქანების წარმოებაში, რომლის დასადასტურებლად წარმოდგენილი უნდა იქნას მწარმოებელი კომპანიის მიერ გაცემული (ნოტარიულად დამოწმებული) წერილი.
2.2.1.2 მწარმოებელ კომპანიასა ან პრეტენდენტს უკანასკნელი 3 წლის განმავლობაში ჯამურად უნდა ჰქონდეს მიწოდებული არანაკლებ 5 ცალი სპეც-ტექნიკა ევროკავშირის მასშტაბით ან/და საქართველოში.
2.2.1.3 სატენდერო დოკუმენტაციის 2.2.1.2 პუნქტით გათვალისწინებული პირობების დასადასტურებლად პრეტენდენტმა უნდა წარმოადგინოს შესრულების დამადასტურებელი დოკუმენტაცია (ხელშკეკრულებ(ებ)ი (არსებობის შემთხვევაში) და ამ ხელშეკრულების მიღება-ჩაბარების აქტ(ებ)ი ან/და "შემსყიდველი" ორგანიზაციის წერილი ავტომანქანების შესყიდვასთან დაკავშირებით.
2.2.1.4 იმ შემთხვევაში თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დოკუმენტაციას, პრეტენდენტი ვალდებულია დამატებით წარმოადგინოს მიწოდებულ საქონელზე დადასტურებული საგადასახადო ანგარიშ-ფაქტურების ქსეროასლები.

2.3.1.1 პრეტენდენტს საკუთრებაში ან სარგებლობაში უნდა გააჩნდეს მწარმოებლ(ებ)ის (როგორც შასის, ასევე ზედდგმულის (დგარი)) მიერ ავტორიზებული/ლიცენზირებული მოქმედი სერვისცენტრი ქალაქ თბილისის ან/და ბათუმის ტერიტორიაზე ან მათ შემოგარენში (ადმინისტრაციული საზღვრიდან არაუმეტეს 20 კილომეტრის დაშორებით), სადაც საჭიროების შემთხვევაში სერვისი განხორციელდება მწარმოებლ(ებ)ის მიერ დადგენილი (რეკომენდირებული) ექსპლუატაციის, როგორც მიმდინარე, ასევე ყოველდღიური/რეგულარული მომსახურების და რემონტის ინსტრუქციების (რეგლამენტის) სრული დაცვით. ზემოაღნიშნულის დასადასტურებლად პრეტენდენტმა ერთიანი ელექტრონული სისტემის მეშვეობით უნდა წარმოადგინოს მწარმოებლ(ებ)ის ოფიციალური წერილობითი ინფორმაცია, სადაც მითითებული იქნება ინფორმაცია ავტორიზებული/ლიცენზირებული სერვისცენტრ(ებ)ის მისამართ(ებ)ის შესახებ. შემსყიდველი უფლებამოსილია ნებისმიერ ეტაპზე ადგილზე შეამოწმოს პრეტენდენტის სერვისცენტრი სატენდერო დოკუმენტაციით განსაზღვრულ პირობებთან მისი შესაბამისობის დადგენის მიზნით.

შენიშვნა: ავტორიზებული სერვისცენტრის ქ. თბილისში არსებობის შემთხვევაში მიმწოდებელი ვალდებულია შემსყიდველი ორგანიზაციის მოთხოვნის დაკმაყოფილების მიზნით (შემოთავაზებული ავტოსატრანსპორტო საშუალების გამართულად ფუნქციონირებისათვის) ქ. ბათუმში გამოაგზავნოს მობილური სერვის ჯგუფები ავტომანქანის ტექნიკური გამართულობის უზრუნველსაყოფად. საჭიროების შემთხვევაში კი მოახდინოს ევაკუატორის ტრანსპორტირება ქ. თბილისში, პრეტენდენტის მიერ შემოთავაზებულ ლიცენზირებულ სერვის ცენტრში. მობილური ჯგუფის ტრანსპორტირებასა და ევაკუატორის ტრანსპორტირების ხარჯებს (ორი გზა: ბათუმი-თბილისი; თბილისი-ბათუმი) გაიღებს მიმწოდებელი კომპანია. აღნიშნული პირობა ვრცელდება სრული საგარანტიო პერიოდის განმავლობაში.

2.3.1.2 ტექნიკური შესაძლებლობის შესახებ პრეტენდეტმა ერთიან ელექტრონულ სისტემაში უნდა ატვირთოს ინფორმაცია აღნიშნული სერვის ცენტრ(ებ)ის ფლობის ან/და კანონმდებლობით გათვალისწინებული სარგებლობის დამადასტურებელი დოკუმენტაცია სერვის-ცენტრ(ებ)ის მისამართის მითითებით;

2.7.1.1. პრეტენდენტი უნდა იყოს, შემოთავაზებული შასის და დანადგარის (დგარი) ოფიციალური დილერი/ავტორიზებული წარმომადგენელი საქართველოს ტერიტორიაზე. ზემოაღნიშნულის დადასტურების მიზნით პრეტენდენტმა უნდა წარმოადგინოს მწარმოებლ(ებ)ის მიერ გაცემული დოკუმენტ(ებ)ი ერთიანი ელექტრონული სისტემის მეშვეობით.

2.7.1.2. შემოთავაზებული სატრანსპორტო საშუალების (ევაკუატორი) ტექნიკური მახასიათებლების (წარმოდგენილი დანართი №1-ით განსაზღვრული მონაცემები) სატენდერო დოკუმენტაციით განსაზღვრულ მოთხოვნებთან ურთიერთშესაბამისობის დამადასტურებლად პრეტენდენტი ვალდებულია წარმოადგინოს ამ სატრანსპორტო საშუალების მწარმოებლის მიერ გაცემული დოკუმენტი ან ვებ-ბმული სატრანსპორტო საშუალების მწარმოებლის ოფიციალური ვებ-გვერდიდან, ან კატალოგიდან, რომელიც დაადასტურებს შემოთავაზებული საქონლის ტექნიკური მახასიათებლების შესაბამისობას სატენდერო დოკუმენტაციით განსაზღვრულ მოთხოვნებთან. იმ შემთხვევაში, თუკი სატრანსპორტო საშუალებაზე (ევაკუატორი) დამონტაჟებული ,,დგარი წარმოებულია სხვა კომპანიის მიერ, მაშინ პრეტენდენტი ვალდებულია წარმოადგინოს მწარმოებლის მიერ გაცემული დოკუმენტი ან ვებ-ბმული ,,დგარი-ს მწარმოებლის ოფიციალური ვებ-გვერდიდან, ან კატალოგიდან, რომელიც დაადასტურებს შემოთავაზებული საქონლის ტექნიკური მახასიათებლების შესაბამისობას სატენდერო დოკუმენტაციით განსაზღვრულ მოთხოვნებთან.

(შენიშვნა: იმ შემთხვევაში, თუ პრეტენდენტის მიერ მწარმოებლის ოფიციალური ვებ-გვერდიდან წარმოდგენილ ლინკზე მოცემული ინფორმაცია იქნება ინგლისურენოვანი, მისი თარგმნა არ არის აუცილებელი).

პრეტენდენტმა სახელმწიფო შესყიდვების ერთიან ელექტრონულ სისტემაში უნდა წარმოადგინოს შემდეგი სახის დოკუმენტაცია:

დანართი N1
დანართი N2 - სატენდერო დოკუმენტაციის 2.1.1 პუნქტის შესაბამისად

ასევე, სატენდერო დოკუმენტაციის 1.7.1; 2.2.1; 2.3.1 და 2.7.1 პუნქტებით გათვალისწინებული დოკუმენტაცია/ინფორმაცია.

იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთული, საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების ან/და მომსახურების გაწევის შესაძლებლობა.


ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

5 Процентов

10 Процентов

ხელშეკრულების შესრულების უზრუნველყოფის გარანტიის მოქმედების ვადა მინიმუმ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

საბანკო ან სადაზღვევო დაწესებულების მიერ გაცემული ხელშეკრულების შესრულების უზრუნველყოფის უპირობო გამოუთხოვადი საბანკო გარანტია (რაც გულისხმობს, რომ გარანტი უპირობოდ, გამოუთხოვადად, ყოველგვარი უარყოფისა და გასაჩივრების უფლების გარეშე კისრულობს საგარანტიო თანხის სრული ოდენობით ანაზღაურების ვალდებულებას მიმწოდებლის მიერ წინამდებარე ტენდერის ფარგლებში შემსყიდველთან გაფორმებული ხელშეკრულების პირობების დარღვევის საფუძველზე, შემსყიდველის პირველივე წერილობითი მოთხოვნის მიღებისთანავე არაუგვიანეს 5 (ხუთი) სამუშაო დღის განმავლობაში. ამასთან, გარანტიით გათვალისწინებული თანხები შემსყიდველმა უნდა მიიღოს ყოველგვარი დამატებითი მტკიცებულების წარდგენის გარეშე, პირველი მოთხოვნისთანავე) წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. საგარანტიო დოკუმენტში არ უნდა იყოს მითითებული, რომ საგარანტიო თანხა მცირდება მიმწოდებლის მიერ ხელშეკრულებით ნაკისრი ვალდებულებების შესრულების (გაწეული მომსახურების ღირებულების) პროპორციულად. ხელშეკრულების შესრულების უზრუნველყოფის გარანტიაში მითითებულ უნდა იქნეს შესყიდვის კონკრეტული დასახელება, აღნიშნულ შესყიდვასთან დაკავშირებით ერთიან ელექტრონულ სისტემაში განთავსებული განცხადების ნომერი და პრეტენდენტის საიდენტიფიკაციო კოდი.

მხარეთა შეთანხმებით, შესაძლებელია საავანსო ანგარიშსწორება ხელშეკრულების ღირებულების 100%-ის ფარგლებში.

ავანსის გადახდა შესაძლებელია მხოლოდ მიმწოდებლის მიერ ავანსად გადასახდელი თანხის იდენტური ოდენობის გარანტიის წარმოდგენის შემთხვევაში ხელშეკრულებით გათვალისწინებული პირობების შესაბამისად;

საბანკო ან სადაზღვევო დაწესებულების მიერ გაცემული ხელშეკრულების საბანკო გარანტია უნდა იყოს უპირობო და გამოუთხოვადი (რაც გულისხმობს, რომ გარანტი უპირობოდ, გამოუთხოვადად, ყოველგვარი უარყოფისა და გასაჩივრების უფლების გარეშე კისრულობს საგარანტიო თანხის სრული ოდენობით ანაზღაურების ვალდებულებას მიმწოდებლის მიერ წინამდებარე ტენდერის ფარგლებში შემსყიდველთან გაფორმებული ხელშეკრულების პირობების დარღვევის საფუძველზე, შემსყიდველის პირველივე წერილობითი მოთხოვნის მიღებისთანავე არაუგვიანეს 5 (ხუთი) სამუშაო დღის განმავლობაში. ამასთან, გარანტიით გათვალისწინებული თანხები შემსყიდველმა უნდა მიიღოს ყოველგვარი დამატებითი მტკიცებულების წარდგენის გარეშე, პირველი მოთხოვნისთანავე) წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. საგარანტიო დოკუმენტში არ უნდა იყოს მითითებული, რომ საგარანტიო თანხა მცირდება მიმწოდებლის მიერ ხელშეკრულებით ნაკისრი ვალდებულებების შესრულების (გაწეული მომსახურების ღირებულების) პროპორციულად. ხელშეკრულების შესრულების უზრუნველყოფის გარანტიაში მითითებულ უნდა იქნეს შესყიდვის კონკრეტული დასახელება, აღნიშნულ შესყიდვასთან დაკავშირებით ერთიან ელექტრონულ სისტემაში განთავსებული განცხადების ნომერი და პრეტენდენტის საიდენტიფიკაციო კოდი.

გარანტიის მოქმედების ვადა მინიმუმ 60 (სამოცი) კალენდარული დღით უნდა აღემატებოდეს ხელშეკრულების მოქმედების ვადას.

7.2.1 მიმწოდებელთან ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში.

7.2.2 ანგარიშსწორება განხორციელდება ხელშეკრულებით გათვალისწინებულ მიწოდებულ საქონელზე შესაბამისი მიღება-ჩაბარების აქტ(ებ)ის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენის შემდეგ.

7.3.1 ანგარიშსწორება განხორციელდება მიღება-ჩაბარების აქტისა და შესაბამისი საგადასახადო დოკუმენტების წარმოდგენიდან არაუგვიანეს 10 (ათი) სამუშაო დღის განმავლობაში.

სალომე ჩხარტიშვილი, 597531818, procurementinspection@gmail.com

10.1.1 სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
10.1.2 სახელმწიფო შესყიდვების ერთიან ელექტრონულ სისტემაში ატვირთული პრეტენდენტის მიერ შექმნილი დოკუმენტი წარმოდგენილი უნდა იყოს PDF ფორმატით რომელიც უნდა დამოწმდეს კვალიფიციური ხელმოწერით/კვალიფიციური შტამპით.
10.1.3 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.4 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.5 სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
10.1.6 სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.