Очистные и санитарные услуги в городской или сельской местности и сопутствующие услуги (Грузия - Тендер #47987131)

ზესტაფონის მუნიციპალიტეტის ტერიტორიაზე გზების თოვლისგან გაწმენდის მომსახურეობის შესყიდვა.

მომსახურეობა უნდა განხორციელდეს ქვემოთ აღნიშნული ტექნიკური დავალების შესაბამისად:

ზამთრის პერიოდთან დაკავშირებით საჭიროა ქ. ზესტაფონში და ზესტაფონის მუნიციპალიტეტის ადმინისტრაციულ ერთეულებში არსებული ცენტრალური გზების თოვლისგან გაწმენდის მომსახურეობა, რათა თოვლმა არ შეზღუდოს საავტომობილო გზებზე ავტო-ტრანსპორტის მოძრაობა.
მომწოდებელს ევალება შემდეგი:
- აუცილებელ პირობას წარმოადგენს გზების თოვლისგან გაწმენდის მომსახურეობის შესრულება შემსყიდველის დაკვეთის შესაბამისად დასვენების დღეების ჩათვლით და არანორმირებულ საათებში. დიდთოვლობის შემთხვევაში ყველა დასახლებულ პუნქტში მიმავალი გზის გაწმენდა შეტყობინების მიღებიდან (სატელეფონო ან სხვა ფორმით) არაუგვიანეს 5 საათისა და დაასრულოს არსებული ვითარების სრულ აღმოფხვრამდე. საჭიროების შემთხვევაში ერთდროულად მოახდინოს გაწმენდითი სამუშაოები მინიმუმ 10 ობიექტზე სხვადასხვა მექანიზმებით . მომწოდებელმა არ უნდა დააზიანოს არსებული საგზაო ინფრასტრუქტურა. მომსახურეობა უნდა გასწიოს გზის საფარის შესაბამისად. ასფალტიანი გზები უნდა გაიწმინდოს ბორბლიანი ტრაქტორით დაგებული ასფალტის მთელ საფარზე, ხოლო გრუნტის გზაზე გაიწმინდოს ორ მხრივად და გაკეთდეს ე.წ ,,ჯიბეები" ავტომანქანების გვერდის ასაქცევად.
- ,,მიმწოდებელმა’’ გაწმენდითი სამუშაოები უნდა დაიწყოს მხოლოდ ,,შემსყიდველის‘’მოთხოვნის საფუძველზე მისგან სპეციალურად ამისათვის გამოყოფილი ზედამხედველისა და შესაბამისის ტერიტორიული ორგანოებში მერის წარმომადგენლის მითითებულ მიმართულებებზე.

ხელშეკრულების გაფორმებიდან 2024 წლის 30 მარტის ჩათვლით.

-მუნიციპალური გზების (ქალაქი და სოფელი) თოვლისგან გაწმენდითი მომსახურეობა უნდა განახორციელოს ზესტაფონის მუნიციპალიტეტის მთელ ტერიტორიაზე .

1) პრეტენდენტს, ტენდერით გათვალისწინებული მომსახურებისთვის, გზების თოვლისგან გასაწმენდად უნდა გააჩნდეს შესაბამისი ტექნიკა, საკუთარი ან სარგებლობის ნებისმიერი ფორმით (იჯარა, თხოვება, ქირა, ლიზინგი და ა.შ.) .
2) საკუთრების შემთხვევაში წარმოდგენილი უნდა იქნეს მანქანა-მექანიზმების საკუთრების დამადასტურებელი დოკუმენტის (სარეგისტრაციო მოწმობა ან აუდიტის დასკვნა ან მიღება-ჩაბარების აქტი, დადასტურებული საგადასახადო ანგარიშფაქტურა ან სხვა დოკუმენტაცია) ასლები; იჯარის, თხოვების, დაქირავების ან ლიზიგის შემთხვევაში წარმოდგენილი უნდა იქნეს შესაბამისი ხელშეკრულებები, საკუთრების დამადასტურებელი დოკუმენტის (სარეგისტრაციო მოწმობა,ან აუდიტის დასკვნა, ან მიღება-ჩაბარების აქტი, დადასტურებული საგადასახადო ანგარიშფაქტურა ან სხვა დოკუმენტაცია) ასლებთან ერთად (იჯარის, თხოვების ან დაქირავების ხელშეკრულებ(ებ)ის მოქმედების ვადა არ უნდა იყოს სამუშაოების დასრულების ვადაზე ნაკლები).
თოვლის გამწმენდი მექნიზმები უნდა წარმოადგინოს დანართი 3-ის მიხედვით.

ფასების ცხრილის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.
-იმ შემთხვევაში თუ შემსყიდველი არ დაისაჭიროებს მომსახურეობისთვის განკუთვნილ ღირებულებას სრულად, პრეტენდენტის პრეტენზია გათვალისწინებული არ იქნება
–სხვა დამატებითი პირობები დაზუსტებული იქნება სახელმწიფო შესყიდვის შესახებ ხელშეკრულების დადების დროს.

,ელექტრონული ტენდერის ჩატარების წესის დამტკიცების შესახებ ,,სახელმწიფო შესყიდვების სააგენტოს თავმჯდომარის 2017 წლის 14 ივლისის #12 ბრძანების მე–18 მუხლის საფუძველზე, თუ ტენდერში, ელექტრონული ვაჭრობის შედეგად, ყველაზე დაბალი ფასის წინადადების მქონე პრეტენდენტის მიერ დაფიქსირებული საბოლოო ფასი 20%-ით ან მეტით ნაკლებია შესყიდვის სავარაუდო ღირებულებაზე, პრეტენდენტს, დადგენილ ვადაში, მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობა უნდა დასაბუთდეს ექსპერტიზის დასკვნით, რომელიც დაადასტურებს დაფიქსირებულ ფასად სატენდერო დოკუმენტაციით განსაზღვრული შესყიდვის ობიექტის მიწოდების შესაძლებლობას. დასკვნა გაცემული უნდა იყოს სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის მიერ. თუ ექსპერტიზის დასკვნის გამცემი არ იქნება სსიპ ლევან სამხარაულის სახელობის სასამართლო ექსპერტიზის ეროვნული ბიურო, დამატებით წარმოდგენილი უნდა იქნეს ექსპერტიზის განმახოციელებელი პირის შესაბამისი აკრედიტაციის სერთიფიკატი.
- ფასწარმოქმნის ადეკვატურობის დამადასტურებელი დოკუმენტ(ებ)ის დადგენილ ვადაში წარუდგენლობა ან სატენდერო პირობებთან ან/და ტექნიკურ დოკუმენტაციასთან შეუსაბამობა გამოიწვევს პრეტენდენტის დისკვალიფიკაციას, სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 32-ე მუხლის პირველი პუნქტის „დ“ ქვეპუნქტის საფუძველზე.

-ანგარიშსწორება განხორციელდება უნაღდო ანგარიშსწორების წესით, თანხის გადარიცხვის ფორმით, ეროვნულ ვალუტაში _ ლარში.
- ანგარიშსწორება იწარმოებს, ფაქტობრივად გაწეული მომსახურების გათვალისწინებით, შესაბამისი მიღება-ჩაბარების აქტ(ებ)ის, საქართველოს კანონმდებლობით დაშვებული საგადასახადო დოკუმენტებისა (სასაქონლო ზედნადები ან/და საგადასახადო ანგარიშფაქტურა ან/და სხვა დოკუმენტები) და ანგარიშსწორების შესახებ წერილობითი მომართვის საფუძველზე.
-. ანგარიშსწორება შესაძლებელია განხორციელდეს ეტაპობრივად (პერიოდულად), შუალედური ანგარიშსწორებით, რაზეც, წერილობით მოთხოვნასთან ერთად, წარმოდგენილი უნდა იქნეს შესაბამისი მიღება-ჩაბარების აქტ(ებ)ი და საქართველოს კანონმდებლობით დაშვებული საგადასახადო დოკუმენტაცია.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე

ტარიელსახელაშვილი, 599247158, tariel.saxelashvili@gmail.com სატენდერო კომისიის აპარატის წევრები :
გიორგი ამილახვარი 551187719. დამატებითი ინფორმაციისთვის ნიკოლოზ ბარბაქაძე ტელ-551511250

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა. დამატებით პრეტენდენტმა უნდა ატვირთოს შესასრულებელი სამუშაოების ხარჯთაღრიცხვა ექსელის (Excel) და PDF ფაილის სახით. PDF ფაილი უნდა დაამოწმოს/დაადასტუროს კვალიფიციური ხელმოწერით/კვალიფიციური შტამპით.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
8. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით

9.ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.