Ремонт и техническое обслуживание транспортных средств и оборудования и сопутствующие услуги (Грузия - Тендер #47987098)

ავტომობილებისა და მათთან დაკავშირებული მოწყობილობების შეკეთება და ტექნიკური მომსახურება (CPV 50110000).

ტექნიკური დავალება

ავტომობილებისა და მათთან დაკავშირებული მოწყობილობების შეკეთება და ტექნიკური მომსახურების პირობები:
1. ავტომანქანების შეკეთება და ტექნიკური მომსახურება (სერვისი) გულისხმობს შემსყიდველი ორგანიზაციის (შპს „საქართველოს ფოსტა“) საკუთრებაში არსებული ავტომანქანების დროულ და სრულყოფილ შეკეთებას, პროფილაქტიკური და დიაგნოსტიკური სამუშაოების ჩატარებას, ავტომობილის ნაწილების შეკეთებას და/ან გამოცვლას.
2. ავტომანქანების ტექნიკური მომსახურება უნდა განხორცილდეს დანართი #1-ში (პრეისკურანტი) მითითებული შესაბამისი საქონლის და მომსახურების შესაბამისად.
3. ავტომანქანების ტექნიკური მომსახურება უნდა განხორციელდეს მიმწოდებელსა და შემსყიდველს შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი.
4. მიმწოდებელი ვალდებულია მომსახურების გაწევისას გამოიყენოს ახალი და თანამედროვე სტანდარტების შესაბამისი სათადარიგო ნაწილები (გამონაკლისის შემთხვევაში დასაშვებია მეორადი).
5. თუ ხელშეკრულების მოქმედების პერიოდში აღმოჩნდება, რომ განფასების ცხრილში (პრეისკურანტში) არ არის გათვალისწინებული იმ მომენტისათვის საჭირო საქონელი (ნაწილები და საცხებ საპოხი მასალა) და მომსახურება, აღნიშნული ერთეულ(ებ)ის ფასი მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
6. პრეტენდენტის მიერ შესყიდვების ერთიანი ელექტრონული სისტემის მეშვეობით წარმოდგენილ მომსახურების პრეისკურანტში (დანართი #1) მითითებული ერთეულის ფასები არ უნდა აღემატებოდეს შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ფასებს.
7. პრეტენდენტი ვალდებულია სატენდერო წინადადების წარდგენისას პრეისკურანტით განსაზღვრულ პოზიციებზე ფასების კლება განახორციელოს პროპორციულად (უცვლელი პროცენტული მნიშვნელობით) საბოლოო ფასები უნდა დაფიქსირდეს (დამრგვალდეს) მეასედის სიზუსტით. პრეტედენტის მიერ, სისტემაში ატვირთული პრეისკურანტსა და მის მიერ დაფიქსირებულ ფასს შორის სხვაობა დაანგარიშდება პროცენტულად, პრეტენდენტმა აღნიშნული პროცენტული მაჩვენებლის მიხედვით, პროპორციულად უნდა შეამციროს თითოეული საქონკისა და მომსახურების ღირებულება, რომლის მიხედვითაც უნდა წარმოადგინოს კორექტირებული დანართი #1 (პრეისკურანტი).
8. პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი #1- ის (პრეისკურანტი) წარმოუდგენლობა გამოიწვევს პრეტენდენტის დისკვალიფიკაციას აღნიშნულ ტენდერში.
9. მომსახურების გაწევის პროცესში, შესაკეთებელი ავტოსატრანსპორტო საშუალებ(ებ)ის სხვა სერვისცენტრში სავალდებულო გადაზიდვის ხარჯებს, უზრუნველყოფს მიმწოდებელი ორგანიზაცია (საწვავი, ევაკუატორის მომსახურება და ა.შ.).

შემსყიდველი იტოვებს უფლებას სრულად არ აითვისოს შესყიდვის ობიექტი.

შესყიდვის ობიექტის მიწოდება (მომსახურების გაწევა) უნდა განხორციელდეს რიგგარეშე, ამასთან მომსახურების ვადა თითოეულ შემთხვევაზე არ უნდა აღემატებოდეს:
• სავალი ნაწილებისათვის - 2 (ორი) კალენდარულ დღეს;
• ელექტროობისათვის - 2 (ორი) კალენდარულ დღეს;
• იმ შემთხვევაში, თუ საჭირო გახდა ძრავის კაპიტალური რემონტის ჩატარება ან დეფიციტური (დეფიციტურ ნაწილებში არ ჩაითვლება სავალი ნაწილების მარაგი და ცვეთადი ნაწილების მარაგი მაგალითად: ხუნდები,საყრდენი დისკები,ეგრეწოდებული სუპორტები,საჭის წევა,ბურთულა სახსარი,ყველა საჭირო დეტალი სავალი ნაწილების) ნაწილის მიწოდება, შესაძლებელია მომსახურების ვადა განისაზღვროს გონივრულ ვადაში, შემსყიდველთან შეთანხმებით.

შესყიდვის ობიექტის მიწოდება განხორციელდება ეტაპობრივად, 2024 წლის 01 იანვრიდან (აღნიშნულ ვადამდე ტენდერის პროცედურების დაუმთავრებლობის შემთხვევაში - ხელშეკრულების გაფორმებიდან) 2024 წლის 31 დეკემბრის ჩათვლით.

მომსახურების გაწევა განხორციელდება მიმწოდებლის სერვის ცენტრ(ებ)ში

მოთხოვნა პრეტენდენტის გამოცდილების შესახებ

* მიმწოდებელს უნდა გააჩნდეს, არანაკლებ 4 (ოთხი) წლიანი (2019/2020/2021/2022) გამოცდილება ანალოგიური მომსახურების შესახებ. (ხელშეკრულებები თანმდართული მიღება-ჩაბარების აქტებით)

* მიმწოდებელმა უნდა წარმოადგინოს ბოლო 2 (ორი) წლის (2021/2022) მანძილზე ანალოგიური მომსახურების გაწევის ხელშეკრულებები (შესაბამისი მიღება-ჩაბარების აქტებით) ჯამური ღირებულებით არანაკლებ 200 000 (ორასი ათასი) ლარი.

იმ შემთხვევაში თუ ანალოგიური გამოცდილება რეგისტრირებულია სახელმწიფო შესყიდვების სააგენტოს ერთიან ელექტრონულ სისტემაში, (ხელშეკრულებისა და მიღება-ჩაბარების აქტების წარმოდგენა არ არის სავალდებულო) მითითებული უნდა იქნას სისტემის მიერ მინიჭებული SPA/CMR/NAT ნომერი.

მიმწოდებელს უნდა გააჩნდეს (საკუთრებაში არსებული ან იჯარის ფორმით სარგებლობაში) არანაკლებ 5 (ხუთი) სერვის ცენტრი, არანაკლებ 2 (ორი) ქ. თბილისში და არანაკლებ 3 (სამი) სერვის ცენტრი რეგიონში. ინფორმაცია სერვის ცენტრების შესახ (ზუსტი მისამართის მითითებით) მიმწოდებელმა უნდა წარმოადგინოს სისტემის საშუალებით.

იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%- ით ან მეტით არის დაბალი შესყიდვის ობიექტის სავარაუდო ღირებულებაზე, პრეტენდენტმა უნდა დაასაბუთოს ფასწარმოქმნის ადეკვატურობა, რომელიც შესაძლებელია დასაბუთდეს სერთიფიცირებული ექსპერტის/აუდიტორის/საშემფასებლო კომპანიის მიერ გაცემული დასკვნით (დასკვნას თან უნდა ახლდეს დასკვნის გამცემი პირის შესაბამისი უფლებამოსილების/სერთიფიცირების დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

ანგარიშსწორების საფუძველია მხარეების უფლებამოსილი პირების მიერ ფაქტობრივად გაწეულ მომსახურებაზე გაფორმებული მიღება-ჩაბარების აქტი და კანონმდებლობით გათვალისწინებული საგადასახადო დოკუმენტაცია.

ანგარიშსწორება განხორციელდება მხარეთა შორის მიღება–ჩაბარების აქტის გაფორმების და კანონმდებლობით გათვალისწინებული საგადასახადო დოკუმენტაციის წარმოდგენიდან 10 (ათი) სამუშაო დღის ვადაში.

ნინო კონჯარია, 577222927, n.konjaria@gpost.ge