Мебель (Грузия - Тендер #47875200)

წინამდებარე სატენდერო დოკუმენტაციით განსაზღვრულ შესყიდვის ობიექტს წარმოადგენს საოფისე სავარძელი (გორგოლაჭიანი).

1.2.1. წინამდებარე კონსოლიდირებული ტენდერის სატენდერო დოკუმენტაციით განსაზღვრულ შესყიდვის ობიექტს წარმოადგენს, დანართი N1-ითა და დანართი N2-ით გათვალისწინებული 11 175 (თერთმეტი ათას ას სამოცდათხუთმეტი) ერთეული საოფისე სავარძელი (გორგოლაჭიანი).

მიმწოდებელმა უნდა გაითვალისწინოს, რომ წინამდებარე კონსოლიდირებული ტენდერით გათვალისწინებული (მისაწოდებელი) საოფისე სავარძლის (გორგოლაჭიანი) რაოდენობა საორიენტაციო ხასიათისაა და შესაძლებელია შეიცვალოს ჯამურად, 20%-ით მეტი ან ნაკლები ოდენობის ფარგლებში (არა თითოეული შემსყიდველი ორგანიზაციის მიერ მოთხოვნილი რაოდენობის ჭრილში), შემსყიდველი ორგანიზაციების საჭიროებებიდან გამომდინარე.

1.2.2. შესყიდვის ობიექტის ტექნიკური აღწერილობა განსაზღვრულია დანართი N1-ით. პრეტენდენტმა სისტემაში უნდა ატვირთოს მის მიერ შემოთავაზებული საქონლის დაზუსტებული ტექნიკური აღწერილობა წინამდებარე სატენდერო დოკუმენტაციის დანართი №1-ის შესაბამისად.

1.2.3. შესყიდვის ობიექტის რაოდენობების განაწილება შემსყიდველი ორგანიზაციების მიხედვით, ასევე მიწოდების ადგილები (ზუსტი მისამართებით) და მიწოდების სავარაუდო ვადები მოცემულია დანართი N2-ში.

1.2.4. პრეტენდენტმა ფასების ცხრილი უნდა წარმოადგინოს დანართი N3-ის შესაბამისად.

1.4.1. სატენდერო დოკუმენტაციის დანართი N2-ით განსაზღვრული ყველა შემსყიდველი ორგანიზაცია და გამარჯვებული პრეტენდენტი ვალდებულნი არიან სახელმწიფო შესყიდვის შესახებ ხელშეკრულებები გააფორმონ გამარჯვებული პრეტენდენტის გამოვლენიდან არაუგვიანეს 45 (ორმოცდახუთი) კალენდარული დღის ვადაში.

1.4.2. მიმწოდებელი ვალდებულია, საქონლის მიწოდება განახორციელოს ეტაპობრივად, ხელშეკრულების გაფორმებიდან 2024 წლის 15 დეკემბრის ჩათვლით, დანართი N2-ით განსაზღვრული გეგმა-გრაფიკის შესაბამისად.

1.4.3. მიმწოდებელი არ არის ვალდებული, საქონლის მიწოდება დაიწყოს გამარჯვებულად გამოვლენიდან 140 (ას ორმოცი) კალენდარული დღის განმავლობაში.

1.4.4. დანართ N2-ში მოცემული გეგმა-გრაფიკი საორიენტაციო ხასიათისაა და შეთანხმების შემთხვევაში, შემსყიდველი და მიმწოდებელი უფლებამოსილნი არიან დააზუსტონ იგი (მათ შორის, ხელშეკრულების გაფორმების ეტაპზეც).

1.5.1. შესყიდვის ობიექტის მიწოდება უნდა განხორციელდეს დანართი N2-ით განსაზღვრულ ლოკაციებზე.

1.5.2. მიმწოდებელი ვალდებულია, დანართი N2-ით განსაზღვრულ თითოეულ დანიშნულების ობიექტზე, საკუთარი ხარჯებით უზრუნველყოს საქონლის ტრანსპორტირება და ადგილზე მიწოდება.

1.5.3. შემსყიდველმა ორგანიზაციებმა უნდა განახორციელონ მისაწოდებელი საქონლის შეუფერხებლად მიღება (წინასწარ უზრუნველყონ შესაბამისი ადგილის/ფართის გამოყოფა/მომზადება), ხოლო მიმწოდებელი ვალდებულია 2 (ორი) სამუშაო დღით ადრე შეატყობინოს შემსყიდველ ორგანიზაციას საქონლის მიწოდების ზუსტი თარიღი და დრო, თუ მხარეები სხვა რამეზე არ შეთანხმდებიან წერილობით.

1.5.4. მიმწოდებელი ვალდებულია განახორციელოს მისაწოდებელი საქონლის დასაწყობება შემსყიდველის მიერ მითითებულ მისამართზე შესაბამის სასაწყობე ფართში, თუ მხარეები სხვა რამეზე არ შეთანხმდებიან.

1.5.5. მიმწოდებელი ვალდებულია შემსყიდველ ორგანიზაციას მიაწოდოს საქონელი დაშლილ ან/და აწყობილ მდგომარეობაში, შემსყიდველის მოთხოვნის შესაბამისად. ამავდროულად, მიმწოდებელი ვალდებულია, საქონლის დაშლილ მდგომარეობაში მიტანის შემთხვევაში, შემსყიდველ ორგანიზაციას განუმარტოს/აუხსნას ან/და ჩაუტაროს შესაბამისი ინსტრუქტაჟი საქონლის აწყობის პროცესთან დაკავშირებით.

1.7.1.1. პრეტენდენტმა შემოთავაზებულ საქონელზე, სწორი ექსპლუატაციის პირობებში (გარდა გარეგანი ზემოქმედებით და მესამე პირის მხრიდან მიყენებული დაზიანებისა), მიღება-ჩაბარების აქტის გაფორმების დღიდან უნდა გაავრცელოს გარანტია არანაკლებ 2 (ორი) წლის ვადით. საგარანტიო პერიოდში, მიმწოდებელი ვალდებულია საკუთარი ხარჯებით უზრუნველყოს წუნდებული/დაზიანებული საქონლის ან/და მისი ნაწილის შეცვლა, შემსყიდველი ორგანიზაციის მხრიდან სათანადო შეტყობინების მიღების დღიდან არაუგვიანეს 10 (ათი) კალენდარული დღის განმავლობაში.

1.7.1.2. წინამდებარე სატენდერო დოკუმენტაციის 1.7.1.1. პუნქტით გათვალისწინებული პირობების დასტურად, პრეტენდენტმა სახელმწიფო შესყიდვების ერთიანი ელექტრონული სისტემის მეშვეობით უნდა წარმოადგინოს მის მიერ გაცემული შესაბამისი წერილობითი დოკუმენტი/ინფორმაცია საგარანტიო ვადისა და პირობების შესახებ.

2.1.1.1. პრეტენდენტმა ფასების ცხრილში (დანართი N3-ში) უნდა მიუთითოს ინფორმაცია შემოთავაზებული საქონლის წარმოების ქვეყნის, მწარმოებლისა და მოდელის შესახებ.

2.1.1.2. იმ შემთხვევაში, თუ პრეტენდენტი არ მიუთითებს ინფორმაციას შემოთავაზებული საქონლის წარმოების ქვეყნის, მწარმოებლისა და მოდელის შესახებ, დაზუსტების გარეშე დაექვემდებარება დისკვალიფიკაციას.

კონსოლიდირებულ ტენდერში მონაწილე პრეტენდენტს 2022 წლის 01 იანვრიდან წინამდებარე კონსოლიდირებული ტენდერის გამოცხადების თარიღამდე უნდა გააჩნდეს არანაკლებ 1 500 000 (ერთი მილიონ ხუთასი ათასი) ლარის ღირებულების ავეჯის მიწოდების გამოცდილება. აღნიშნულის დასტურად, პრეტენდენტმა სახელმწიფო შესყიდვების ერთიან ელექტრონულ სისტემაში უნდა ატვირთოს ავეჯის მიწოდების დამადასტურებელი დოკუმენტები:

- ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი (თუ მხოლოდ მიღება-ჩაბარების დამადასტურებელი დოკუმენტიდან ირკვევა ავეჯის მიწოდება, მაშინ აუცილებელი არ არის ხელშეკრულების წარმოდგენა) ან/და

- სახელმწიფო შესყიდვების ერთიანი ელექტრონული სისტემის მონაცემები (SPA/NAT/CON/CMR… ნომრები, რომელშიც ატვირთული იქნება შესაბამისი დოკუმენტები ან/და ინფორმაცია) ან/და

- საგადასახადო დოკუმენტები, სასაქონლო ზედნადები ან საგადასახადო ანგარიშფაქტურა

ან

- აუდიტორული ფირმების ან/და აუდიტორების სახელმწიფო რეესტრში რეგისტრირებული პირის მიერ გაცემული შესაბამისი დასკვნა (დასკვნაში მითითებული უნდა იყოს დასკვნის გამცემი პირის სახელმწიფო რეესტრში რეგისტრაციის ნომერი და აღნიშნული უნდა იძებნებოდეს https://www.saras.gov.ge ვებ-გვერდზე შესაბამის რეესტრში), რომლითაც უნდა დასტურდებოდეს, რომ პრეტენდენტს ზემოაღნიშნული პერიოდის განმავლობაში გააჩნია მოთხოვნილი ღირებულების ავეჯის მიწოდების გამოცდილება.

2.7.1.1. პრეტენდენტმა ერთიან ელექტრონულ სისტემაში უნდა წარადგინოს შემოთავაზებული საქონლის EN 1335-2 ან ANSI/BIFMA x5.1 სტანდარტთან შესაბამისობის დამადასტურებელი TUV, SGS, INTERTEK ან სხვა აკრედიტირებული პირის (ასეთ შემთხვევაში, დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი ან მასერტიფიცირებლის (აკრედიტაციის მიმნიჭებელი პირის) ვებ გვერდი (მითითებული უნდა იქნას ლინკი და აგრეთვე, წარმოდგენილი უნდა იქნას ამობეჭდილი და თარგმნილი ქართულ ენაზე), სადაც იქნება ინფორმაცია დასკვნის გამცემი პირისათვის მინიჭებული აკრედიტაციის შესახებ) მიერ გაცემული ძალაში მყოფი სერტიფიკატი ან/და ტესტ-რეპორტი (იმ შემთხვევაში, თუ წარმოდგენილია მხოლოდ ტესტ-რეპორტი, იგი გაცემული უნდა იყოს არაუადრეს 2022 წლის 01 იანვრისა).

2.7.1.2. წარმოდგენილი დოკუმენტით უნდა დგინდებოდეს, რომ კონკრეტულად შემოთავაზებული მოდელი აკმაყოფილებს სრულ EN 1335-2 ან ANSI/BIFMA x5.1 სტანდარტს (მხოლოდ ცალკეული პუნქტები არ არის მისაღები).

2.7.1.3. პრეტენდენტმა სატენდერო წინადადებასთან ერთად უნდა წარმოადგინოს შემოთავაზებული საქონლის მწარმოებლის მიერ გაცემული წერილობითი ინფორმაცია/დოკუმენტი შემოთავაზებული საქონლის ზუსტი ტექნიკური აღწერილობის შესახებ, რომლითაც უნდა დგინდებოდეს შემოთავაზებული საქონლის შესაბამისობა წინამდებარე სატენდერო დოკუმენტაციის დანართი №1-ით განსაზღვრულ მოთხოვნებთან. ამასთან, წარმოდგენილი წერილობითი ინფორმაციიდან/დოკუმენტიდან ნათლად უნდა ირკვეოდეს, რომ იგი გაცემულია უშუალოდ წინამდებარე კონსოლიდირებული ტენდერის ფარგლებში პრეტენდენტის მიერ შემოთავაზებულ საქონელზე (მითითებული უნდა იყოს კონსოლიდირებული ტენდერის ნომერი, პრეტენდენტის დასახელება, საიდენტიფიკაციო ნომერი და საქონლის მოდელი).

პრეტენდენტმა უნდა წარმოადგინოს შემოთავაზებული პროდუქტის ვიზუალი - რომელშიც მოცემული იქნება წინხედი, გვერდხედი, ზედხედი და უკანა მხარე. აღნიშნული წარმოდგენილი უნდა იქნეს ფერადი ფოტოსურათ(ებ)ის ან/და მწარმოებლის ვებ გვერდის ბმულის მეშვეობით.

იმ შემთხვევაში, თუ ტენდერში პრეტენდენტის მიერ დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასაბუთება უნდა მოხდეს სსიპ ,,აკრედიტაციის ერთიანი ეროვნული ორგანო აკრედიტაციის ცენტრი’’-ს (https://gac.gov.ge/ka) მიერ აკრედიტებული ორგანიზაციის (პირი) დასკვნის საფუძველზე (დასკვნასთან ერთად ერთიან ელექტრონულ სისტემაში წარმოდგენილი უნდა იყოს აკრედიტაციის დამადასტურებელი დოკუმენტი), ან სსიპ ლევან სამხარაულის სახელობის სასამართლო ექსპერტიზის ეროვნული ბიუროს (http://expertiza.gov.ge/) დასკვნით, ან აუდიტის დასკვნით (დასკვნას თან უნდა ახლდეს „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად უფლებამოსილი ორგანოს (https://saras.gov.ge/) მიერ გაცემული საექსპერტო ან/და აუდიტორული საქმიანობის განხორციელების უფლების დამადასტურებელი დოკუმენტი).
ფასწარმოქმნის ადეკვატურობის დამადასტურებელი დოკუმენტით უნდა დასტურდებოდეს (ტექსტობრივად მკაფიოდ უნდა იკითხებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასითა და აგრეთვე ჯამური ღირებულებით წინამდებარე ტენდერით განსაზღვრული საქონლის მიწოდების შესაძლებლობა.

28440

5

10

ხელშეკრულების შესრულების უზრუნველყოფის უპირობო და გამოუთხოვადი საბანკო გარანტიის მოქმედების ვადა არანაკლებ 60 (სამოცი) კალენდარული დღით უნდა აღემატებოდეს საქონლის მიწოდების საბოლოო ვადას.

6.2.4.1. ტენდერში გამოყენებული იქნება საბანკო ან სადაზღვევო კომპანიის მიერ გაცემული ხელშეკრულების შესრულების უზრუნველყოფის უპირობო (გარანტიით გათვალისწინებული თანხა შემსყიდველმა უნდა მიიღოს ყოველგვარი დამატებითი განმარტებებისა და მტკიცებულებების წარდგენის გარეშე, პირველი მოთხოვნისთანავე) და გამოუთხოვადი საბანკო გარანტია, ხელშეკრულების საერთო ღირებულების 5%–ის ოდენობით, ხოლო იმ შემთხვევაში, თუ პრეტენდენტის მიერ სისტემაში დაფიქსირებული სატენდერო წინადადების საბოლოო ფასი 20%-ით ან მეტით ნაკლები იქნება შესყიდვის სავარაუდო ღირებულებაზე, ხელშეკრულების საერთო ღირებულების 10%-ის ოდენობით. მიმწოდებელმა უნდა წარმოადგინოს გარანტია წინამდებარე ტენდერის საფუძველზე გასაფორმებელი თითოეული ხელშეკრულების ფარგლებში ინდივიდუალურად, თუ სახელშეკრულებო ღირებულება შეადგენს ან აღემატება 30 000.00 (ოცდაათი ათასი) ლარს.

6.2.4.2. ხელშეკრულების შესრულების უზრუნველყოფის საბანკო გარანტია წარდგენილ უნდა იქნეს შემსყიდველ ორგანიზაციაში ხელშეკრულების გაფორმების მომენტში.

6.2.4.3. უპირობო, გამოუთხოვადი ხელშეკრულების შესრულების საბანკო გარანტია წარმოდგენილ უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

6.2.4.4. გამარჯვებული პრეტენდენტის მიერ წარმოდგენილ ხელშეკრულების შესრულების უზრუნველყოფის გარანტიაში არ უნდა იყოს მითითებული, რომ გარანტია მცირდება შესრულების პროპორციულად.

6.2.4.5. ხელშეკრულების შესრულების უზრუნველყოფის გარანტიას გამარჯვებული პრეტენდენტი შემსყიდველ ორგანიზაციას წარუდგენს მატერიალური ან/და ელექტრონული სახით, მხარეთა ურთიერთშეთანხმების საფუძველზე.

კონსოლიდირებული ტენდერის ფარგლებში, ანგარიშსწორება ხორციელდება ეტაპობრივად, შესყიდვის ობიექტის მიწოდების შემდეგ, უნაღდო ფორმით, ეროვნულ ვალუტაში და მოიცავს საქართველოს კანონმდებლობით დადგენილ ყველა გადასახადს.

ანგარიშსწორება შემსყიდველის მიერ ხორციელდება საქონლის მიწოდების დასრულების შემდეგ, ფაქტობრივად მოწოდებული საქონლის მიხედვით, მიღება–ჩაბარების აქტის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენიდან 10 (ათი) სამუშაო დღის განმავლობაში.

თეონა დანელია, 577011244, tdanelia@spa.ge თამარ შენგელია, 555511817, tshengelia@spa.ge; მარიამ ცაგარეიშვილი, 593121212, mtsagreishvili@spa.ge

10.1.1. წინამდებარე სატენდერო დოკუმენტაცია შემუშავებულია „სახელმწიფო შესყიდვების შესახებ“ საქართველოს კანონის (შემდგომში - კანონი) 20 მუხლის 2 პრიმა მუხლის, სახელმწიფო შესყიდვების სააგენტოს თავმჯდომარის 2018 წლის 14 დეკემბრის №14 ბრძანებით დამტკიცებული კონსოლიდირებული ტენდერის ჩატარების წესისა და პირობების,აგრეთვე, „2024-2025 წლების განმავლობაში სხვადასხვა სახის საქონლისა და მომსახურების სახელმწიფო შესყიდვის კონსოლიდირებული ტენდერ(ებ)ის საშუალებით განხორციელების თაობაზე“ საქართველოს მთავრობის 2023 წლის 3 ოქტომბრის №1762 განკარგულების პირველი მუხლის "ო" ქვეპუნქტის (სხვადასხვა სახის ავეჯის სახელმწიფო შესყიდვის 2024 წლის კონსოლიდირებული ტენდერ(ებ)ი) საფუძველზე;

10.1.2. სახელმწიფო შესყიდვების ერთიან ელექტორნულ სისტემაში რეგისტრირებული ყველა შემსყიდველი ორგანიზაცია ვალდებულია, 2024 წლის 1 დეკემბრის ჩათვლით, საოფისე სავარძლის (გორგოლაჭიანი) სახელმწიფო შესყიდვა განახორციელოს წინამდებარე კონსოლიდირებული ტენდერის (შემდგომში - კონსოლიდირებული ტენდერი) საშუალებით, გარდა უცხო ქვეყანაში საქართველოს შინაგან საქმეთა სამინისტროს, საქართველოს სახელმწიფო უსაფრთხოების სამსახურის, საქართველოს თავდაცვის სამინისტროს, აგრეთვე, თავდაცვის ატაშეს, საქართველოს დიპლომატიური წარმომადგენლობისა და საკონსულო დაწესებულების მიერ წინამდებარე სატენდერო დოკუმენტაციით განსაზღვრული საოფისე სავარძლის (გორგოლაჭიანი) შესყიდვის შემთხვევებისა;

10.1.3. სახელმწიფო შესყიდვების ერთიან ელექტორნულ სისტემაში რეგისტრირებული ყველა შემსყიდველი ორგანიზაცია საოფისე სავარძლის (გორგოლაჭიანი) კონსოლიდირებული ტენდერის ფარგლებს გარეთ შესყიდვის საჭიროების შემთხვევაში, შესაბამისი დასაბუთებით მიმართავს სატენდერო კომისიას (შემდეგში - სატენდერო კომისია), გარდა გადაუდებელი აუცილებლობით გამოწვეული შესყიდვის განხორციელებისა. სატენდერო კომისიის თანხმობის შემთხვევაში, შესყიდვა განხორციელდება სახელმწიფო შესყიდვების მარეგულირებელი კანონმდებლობის შესაბამისად;

10.1.4. სატენდერო დოკუმენტაციის დანართი N2-ით განსაზღვრული ყველა შემსყიდველი ორგანიზაცია ვალდებულია, საოფისე სავარძლის (გორგოლაჭიანი) სახელმწიფო შესყიდვის შესახებ ხელშეკრულების გაფორმებასთან დაკავშირებული ღონისძიებები დაასრულოს გამარჯვებული პრეტენდენტის გამოვლენიდან არაუგვიანეს 45 (ორმოცდახუთი) კალენდარული დღის განმავლობაში, ხოლო აღნიშნული ვადის ამოწურვის შემდგომ, სახელმწიფო შესყიდვის შესახებ ხელშეკრულებ(ებ)ა გაფორმდება მიმწოდებლისა და სატენდერო კომისიის თანხმობის შემთხვევაში, მაგრამ არაუგვიანეს 2024 წლის 1 დეკემბრისა;

10.1.5. გამარჯვებული პრეტენდეტი ვალდებულია სახელმწიფო შესყიდვის შესახებ ხელშეკრულება გააფორმოს სატენდერო დოკუმენტაციის დანართი N2-ით განსაზღვრულ ყველა შემსყიდველ ორგანიზაციასთან, რომელიც მიმართავს მას აღნიშნულის თაობაზე გამარჯვებულად გამოვლენიდან არაუგვიანეს 45 (ორმოცდახუთი) კალენდარული დღის განმავლობაში იმ რაოდენობაზე, რა რაოდენობაც განსაზღვრულია დანართ N2-ში.

10.1.6. სატენდერო წინადადების უზრუნველყოფის მიზნით წარმოდგენილი ელექტრონული გარანტია აღარ დაუბრუნდება გამარჯვებულ პრეტენდენტს იმ შემთხვევაში, თუ იგი უარს განაცხადებს საოფისე სავარძლის (გორგოლაჭიანი) სახელმწიფო შესყიდვის შესახებ ხელშეკრულების დადებაზე დანართი N2-ით განსაზღვრულ თუნდაც ერთ შემსყიდველ ორგანიზაციასთან, რომელიც მიმართავს მას გამარჯვებულად გამოვლენიდან 45 (ორმოცდახუთი) კალენდარული დღის განმავლობაში, იმ რაოდენობაზე რა რაოდენობაც განსაზღვრულია დანართ N2- ში;

10.1.7. იმ შემთხვევაში, თუ სატენდერო დოკუმენტაციის დანართი N2-ით გათვალისწინებულ შემსყიდველ ორგანიზაციებს დაუდგათ საოფისე სავარძლის (გორგოლაჭიანი) დამატებითი რაოდენობით შესყიდვის საჭიროება (ნებისმიერ ეტაპზე, მაგრამ არაუგვიანეს 2024 წლის 1 დეკემბრისა) ან იმ შემსყიდველ ორგანიზაციებს, რომლებიც არ არიან მოხსენიებულნი სატენდერო დოკუმენტაციის დანართ N2-ში, მაგრამ ტენდერის მიმდინარეობისას, ნებისმიერ ეტაპზე (მაგრამ არაუგვიანეს 2024 წლის 1 დეკემბრისა) გაუჩნდებათ საოფისე სავარძლის (გორგოლაჭიანი) შესყიდვის საჭიროება, სახელმწიფო შესყიდვის შესახებ ხელშეკრულებას აფორმებენ მიმწოდებლისა და სატენდერო კომისიის შესაბამისი თანხმობის შემდეგ. ასეთ შემთხვევაში, მათზე სრულად გავრცელდება წინამდებარე კონსოლიდირებული ტენდერის პირობები;

10.1.7.1. წინამდებარე კონსოლიდირებული ტენდერის ფარგლებში, დამატებით შესყიდული საქონლის ჯამური ღირებულება არ უნდა აღემატებოდეს ამავე ტენდერში გამარჯვებული პრეტენდენტის მიერ დაფიქსირებული საბოლოო ღირებულების 20%-ს;

10.1.8. კონსოლიდირებულ ტენდერში მონაწილეობის მიღება შეუძლიათ მხოლოდ სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ მომხმარებლებს;

10.1.9. კონსოლიდირებულ ტენდერში მონაწილეობისათვის „მიმწოდებელმა“ უნდა გადაიხადოს სატენდერო წინადადების წარდგენის საფასური 5000 (ხუთი ათასი) ლარის ოდენობით. იმ შემთხვევაში, თუ კონსოლიდირებული ტენდერი შეწყდება ან დასრულდება უარყოფითი შედეგით, არაუგვიანეს 60 კალენდარული დღის განმავლობაში ხელმეორედ გამოცხადებულ კონსოლიდირებულ ტენდერში, შეწყვეტილ ან უარყოფითი შედეგით დასრულებულ კონსოლიდირებულ ტენდერში მონაწილე პრეტენდენტისთვის, სატენდერო წინადადების განმეორებით წარდგენის საფასური განისაზღვრება 500 (ხუთასი) ლარის ოდენობით. საფასურის გადახდა უნდა განხორციელდეს სისტემის მეშვეობით;

10.1.10. წინამდებარე კონსოლიდირებულ ტენდერში ელექტრონული ვაჭრობა გაიმართება შესყიდვის სავარაუდო ჯამურ ღირებულებაზე;

10.1.11. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების ფასის წარმოდგენა დასაშვებია მხოლოდ ლარში;

10.1.12. თუ ელექტრონული ვაჭრობის შედეგად, სისტემაში დაფიქსირებული საბოლოო ჯამური ფასიდან გამომდინარე, შესყიდვის ობიექტის ერთეულის ღირებულება განისაზღვრება მრავალნიშნა ათწილადის სახით, პრეტენდენტი ვალდებულია იგი დაამრგვალოს ლარის მეასედის სიზუსტით შემცირების პრინციპით და შესაბამისად შეამციროს ჯამური ღირებულებაც;

10.1.13. პრეტენდენტი სატენდერო წინადადების წარმოდგენით ეთანხმება სატენდერო დოკუმენტაციითა და ხელშეკრულების პროექტით განსაზღვრულ ყველა მოთხოვნას;

10.1.14. პრეტენდენტის მიერ სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხოურ ენებზე. დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია. სატენდერო კომისია, უფლებამოსილია, მოსთხოვოს პრეტენდენტს შესაბამისი დოკუმენტის ორიგინალის ან/და ნოტარიულად დამოწმებული ასლის წარმოდგენა, რომლითაც შესაძლებელი იქნება წარმოდგენილი დოკუმენტების ნამდვილობის დადასტურება;

10.1.15. კონსოლიდირებულ ტენდერში გამარჯვებულად ჩაითვლება ის პრეტენდენტი, რომელიც ვაჭრობის შედეგად დააფიქსირებს ყველაზე დაბალ ჯამურ ღირებულებას და ამასთან, დააკმაყოფილებს სატენდერო დოკუმენტაციითა და შესაბამისი სამართლებრივი აქტებით დადგენილ მოთხოვნებს;

10.1.16. გამარჯვებული პრეტენდენტის სატენდერო წინადადება ძალაშია 2024 წლის 1 დეკემბრის ჩათვლით;

10.1.17. შემსყიდველი ორგანიზაცია ვალდებულია, ხელშეკრულების გაფორმების თაობაზე გამარჯვებულ პრეტენდენტს მიმართოს წერილობითი ფორმით. თავის მხრივ, გამარჯვებული პრეტენდენტი ვალდებულია, შემსყიდველი ორგანიზაციის მიმართვიდან არაუგვიანეს 5 (ხუთი) სამუშაო დღის ვადაში, გააფორმოს მასთან ხელშეკრულება;

10.1.18. სატენდერო წინადადების უზრუ