Вспомогательные услуги при транспортировке по земле, воде и воздуху (Грузия - Тендер #47875147)

სსიპ „საზოგადოებრივი მაუწყებლის“ კუთვნილი ავტომანქანების (სავარაუდოდ 65 ერთეული ავტომობილი) სანავიგაციო მოწყობილობებით აღჭურვა და შემდგომში პროგრამული მონიტორინგის მომსახურების სახელმწიფო შესყიდვა.

იხილეთ მიმაგრებული ფაილი

3.1 შესყიდვის ობიექტია: სსიპ „საზოგადოებრივი მაუწყებლის“ საუკთრებაში არსებული სავარაუდოდ 65 (სამოცდახუთი) ავტომანქანის სანავიგაციო მოწყობილობებით აღჭურვა და შემდგომში პროგრამული მონიტორინგით მომსახურების სახელმწიფო შესყიდვა.
3.2 პროგრამული მონიტორინგით მომსახურება უნდა განხორციელდეს საქართველოს მასშტაბით ყოველდღიურად 24 საათის განმავლობაში (24/7);
3.3 ტენდერში გამარჯვებულმა უნდა უზრუნველყოს შემსყიდველის საკუთრებაში არსებულ სავარაუდოდ 65 (სამოცდახუთი) ავტომანქანაზე სანავიგაციო მოწყობილობების მონტაჟი* ეტაპობრივად ხელშეკრულების გაფორმებიდან 10 დღეში, ხოლო სანავიგაციო პროგრამული მონიტორინგით მომსახურება უნდა განხორციელდეს: 2024 წლის 1 იანვრიდან - 2024 წლის 31 დეკემბრის ჩათვლით (12 თვე).
3.4 სანავიგაციო მოწყობილობების მონტაჟი უნდა განხორციელდეს შესმყიდველის ავტოპარკში: მისამართი ქ. თბილისი კოსტავას №68;
3.5 სატრანსპორტო საშუალებებზე დამონტაჟებული სანავიგაციო მოწყობილობები მომსახურების პერიოდში და მომსახურების დასრულების შემდგომ რჩება მიმწოდებლის საკუთრებაში.
3.6 მიმწოდებელმა უნდა უზრუნველყოს შეუზღუდავად დღე-ღამეში 24 საათიან რეჟიმში უფასოდ ტექნიკური მხარდაჭერის აღმოჩენა სატელეფონო კავშირის და ელექტრონული ფოსტის საშუალებით.
3.7 მიმწოდებელმა უნდა უზრუნველყოს მომსახურებასთან დაკავშირებული უფასო ტრეინინგების ჩატარება შემსყიდველის თანამშრომლებისათვის.
3.8 პროგრამული მომსახურებით შესაძლებელი უნდა იყოს შემსყიდველმა მიიღოს შემდეგი სახის ინფორმაცია:
 ონლაინ მონიტორინგი - სატრანსპორტო საშუალების მონიტორინგი რეალურ დროში. სიჩქარის, მოძრაობის ტრაექტორიას ძრავისა და დამატებითი მოჭყობილობების კონტროლი.;
 ავტომანქანის მოძრაობის ისტორია - სატრანსპორტო საშუალებების მოძრაობის ისტორიის კონტროლი, როგორც გრაფიკულ ასევე ანიმაციურ რეჟიმში, დგომის და პარკირების წერტილების ასახვით. ისტორიის ამოღება შესაძლებელი უნდა იყოს ნებისმიერი სასურველი პერიოდის მითითებით, მაგრამ არა უმეტეს ერთი წლისა. მოძრაობის ტრაექტორიაზე სხვადასხვა ფერით უნდა აისახოს განსხვავებული სიჩქარის მონაკვეთები.
 სტატისტიკური მონაცემები - შესაძლებელი უნდა იყოს სტატისტიკური მონაცემების შაბლონების შექმნა, რომელშიც უნდა აისახოს ყველა სახის მონაცემები შემსყიდველისათვის სასურველი ფორმით. სტატისტიკური მონაცემები უნდა გენერირდებოდეს, როგორც ერთეული სატრანსპორტო საშუალებებისათვის ასევე გარკეული პრინციპით ჯგუფებად გაერთიანებულ სატრანსპორტო საშუალებებისათვისაც და შესაძლებელი უნდა იყოს მონაცემების ექსპორტი სხვადასხვა ფორმატში (Excel, pdf, XML, CSV).
 ობიექტები რუკაზე (POI) - შემსყიდველს საშუალება უნდა ჰქონდეს ციფრულ რუკაზე მარტივად დაიტანოს მისთვის საინტერესო ობიექტები, რაც საშუალებას უნდა იძლეოდეს გაკონტროლდეს მძღოლებისათვის მიცემული დავალებების შესრულება.
 შეტყობინებები - შეტყობინებების მიღება შესაძლებელი უნდა იყოს სხვადასხვა შემთხვევებისას, მაგალითად მსგავსი შემთხვევები შეიძლება იყოს სიჩქარის გადაჭარბება, განგაშის ღილაკის ამოქმედება, სენსორის მაჩვენებლის შეცვლა, კავშირის დაკარგვა ობიექტთან ან და დანიშნული მარშუტის საკონტროლო წერტილზე მისვლისა და ა.შ.
 სატრანსპორტო საშუალებების დაჯგუფება ნებისმიერი თემატიკის მიხედვით. ამავდროულად ერთი და იგივე სატრანსპორტო საშუალება შეიძლება განთავსდეს ორ ან მეტ თემატურ ჯგუფში.
 მონოტორინგის სისტემაში სატრანსპორტო საშუალებების თვალთვალი როგორც ჯგუფების ასევე საერთო ჩამონათვალის (ყველა ობიექტის ან შერჩევით) საშუალებით.
 მარშრუტიზაცია და ზონირება - მარშრუტის წინასწარ დაგეგმვა და კონტროლი მის შესრულებაზე. აკრძალული გეოზომების შექმნა. ამ ოპციების კონტროლი შესაძლებელი უნდა იყოს როგორც სტატისტიკური მონაცემებით ასევე შეტყობინების საშუალებით.
 საწვავის მოხმარების კონტროლი - საწვავის დონის და მოხმარების მონიტორინგი სატრანსპორტო საშუალებებზე უნდა განხორციელდეს თავად ავტომანქანაში არსებული სენსორის საშუალებით. საწვავის დონის და მოხმარების კონტროლი შესაძლებელი უნდა იყოს როგორც სტატისტიკური მონაცემების საშუალებით, ასევე გრაფიკების გამოყენებით. საწვავის კონტროლი დამოკიდებულია ავტომანქანაში არსებული სენსორის ტექნიკურ მდგომარეობასა და პარემეტრებზე.
 რუკები - მონიტორინგის სისტემაში ინტეგრირებული უნდა იყოს მაღალი ხარისხის ციფრული რუკები. სერვერზე უნდა განთავსდეს საქართველოს დეტალური რუკა, რომელზეც დატანილი უნდა იყოს დასახლებული პუნქტების ქუჩების დასახელება და შენობა ნაგებობების სამისამართო ნომრები. ამ მონაცემების გამოყენებით შესაძლებელი უნდა იყოს სისტემაში ინტეგრირებული საძიებო სისტემის გამოყენებით მოიძებნოს სასურველი მისამართები.
 მიმწოდებელმა უნდა უზრუნველყოს მომსახურების პერიოდში (საჭიროების შემთხვევაში) არაუმეტეს 10 სანავიგაციო მოწყობილობების გადაადგილება ერთი სატრანსპორტო საშუალებიდან მეორეზე.
3.9 შემსყიდველი მომსახურების გაწევის პარალელურად განახორციელებს შესყიდვის ობიექტის (გაწეული მომსახურების) შემოწმებას, იმ შემთხვევაში თუ მომსახურების შემოწმების პროცესში აღმოაჩნდება გარკვეული ხარვეზები და მიმწოდებელი ვერ/ან არ უზრუნველყოფს აღნიშნული ხარვეზის გამოსწორებას შემსყიდველი უფლებამოსილია უარი განაცხადოს შესყიდვის ობიექტის მიღებაზე და მიღება-ჩაბარების აქტის გაფორმებაზე (შესყიდვის ობიექტი ჩაითვლება მიღებულად მხოლოდ მხარეთა შორის მიღება-ჩაბარების აქტის გაფორმების შემდეგ).
3.10 შესყიდვის ობიექტის შემოწმების პროცესში მიმწოდებელი ვალდებულია საკუთარი ხარჯებით უზრუნველყოს კონტროლის (ინსპექტირების) შედეგად გამოვლენილი ხარვეზის აღმოფხვრა.

ტენდერში გამარჯვებულმა უნდა უზრუნველყოს შემსყიდველის საკუთრებაში არსებულ სავარაუდოდ 65 (სამოცდახუთი) ავტომანქანაზე სანავიგაციო მოწყობილობების მონტაჟი* ეტაპობრივად ხელშეკრულების გაფორმებიდან 10 დღეში, ხოლო სანავიგაციო პროგრამული მონიტორინგით მომსახურება უნდა განხორციელდეს: 2024 წლის 1 იანვრიდან - 2024 წლის 31 დეკემბრის ჩათვლით (12 თვე).

შენიშვნა: * - სსიპ „საზოგადოებრივი მაუწყებლის“ ავტომანქანებზე დამონტაჟებულია სანავიგაციო მოწყობილობები და 2023 წლის 31 დეკემბრის ჩათვლით პროგრამული მონიტორინგის მომსახურებას ახორცილებს ელექტრონულ ტენდერში (SPA220002668) გამარჯვებული ორგანიზაცია - შპს I GPS ოპერატორი

სანავიგაციო მოწყობილობების მონტაჟი უნდა განხორციელდეს შესმყიდველის ავტოპარკში: მისამართი ქ. თბილისი კოსტავას N68;

პრეტენდენტის გამოცდილების (აღნიშნული საქმიანობის სფეროში) დამადასტურებელი ინფორმაცია და/ან დოკუმენტაცია (პრეტენდენტს ბოლო 2 (ორი) წლის განმავლობაში განხორციელებული უნდა ჰქონდეს ანალოგიური მომსახურება არანაკლებ 2 (ორი) ორგანიზაციაზე; რომლის საერთო (ჯამური) ღირებულება უნდა შეადგენდეს არანაკლებ - 20 000 (ოციათასი) ლარს. აღნიშნული წარმოსადგენი ინფორმაცია ხელმოწერილი უნდა იყოს პრეტენდენტის შესაბამისად უფლებამოსილი პირის მიერ, შემსყიდველის და გაწეული მომსახურების დასახელებით (შესაძლებელია პრეტენდენტის მიერ ასევე შესაბამისი ხელშეკრულების ღირებულების მითითებაც) და/ან შესაძლებელია პრეტენდენტის მიერ სისტემაში აიტვირთოს გაფორმებული ხელშეკრულების ან ანალოგიური მომსახურების მიწოდების დამადასტურებელი დოკუმენტ(ებ)ის ასლ(ებ)ი (მიღება-ჩაბარების აქტი, ან/და ნებისმიერი სხვა ინფორმაცია, რომლითაც დადასტურდება ანალოგიური შესყიდვის ობიექტის მიწოდება). იმ შემთხვევაში თუ პრეტენდენტის მიერ შესაბამისი მომსახურების დამადასტურებელი დოკუმენტაცია განთავსებულია შესყიდვების ერთიან ელექტრონულ სისტემაში (https://tenders.procurement.gov.ge/) მაშინ პრეტენდენტის მიერ შესაძლებელია წარმოდგენილი იქნას შესაბამისი SPA, NAT და/ან CMR ნომრები. - შესაბამის სფეროში გამოცდილების არ ქონა გამოიწვევს პრეტენდენტის დისკვალიფიკაციას.

მიმწოდებელ ორგანიზაციას უნდა გააჩნდეს მომსახურების გაწევისთვის აუცილებელი ტექნიკური შესაძლებლობები (პერსონალისა და ინფრასტრუქტურის გათვალისწინებით), პრეტენდენტმა უნდა წარმოადგინოს აღნიშნულის შესახებ ინფორმაცია და/ან დოკუმენტაცია.

პრეტენდენტის მიერ წარმოდგენილი უნდა იყოს ხელმძღვანელის და საკონტაქტო პირის სახელი და გვარი და საბანკო რეკვიზიტები - აღნიშნული ინფორმაცია წარმოდგენილი უნდა იყოს იმ შემთხვევაში, თუ პრეტენდენტის მიერ შესყიდვების ერთიან ელექტრონულ სისტემაში პრეტენდენტის პროფილში არ არის და/ან არასრულად არის შევსებული შესაბამისი ინფორმაცია.

• შესყიდვის ობიექტის სპეციფიკის გათვალისწინებით (ვინაიდან აღნიშნული შესყიდვის ობიექტს წარმოადგენს ავტომანქანების სანავიგაციო მოწყობილობებით აღჭურვა და შემდგომში პროგრამული მონიტორინგის მომსახურების შესყიდვა), მომსახურების გაწევისთვის აუცილებელი ტექნიკური შესაძლებლობების მქონე და კვალიფიციურმა მიმწოდებელმა ორგანიზაციამ შესაძლებელია შესაბამისი მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება მოხდება ლარებში
გადახდის ფორმა - უნაღდო
ანგარიშსწორება განხორციელდება ეტაპობრივად (ყოველთვიურად), ფაქტიურად გაწეული მომსახურების მიხედვით, მხარეთა შორის მიღება ჩაბარების აქტის გაფორმების საფუძველზე.

მიღება ჩაბარების აქტის გაფორმებიდან 10 (ათი) დღეში

ნათია ზამთარაძე, 577107799, n.zamtaradze@1tv.ge • სატენდერო დოკუმენტაციასთან დაკავშირებული განმარტებებისა და დამატებითი ინფორმაციის გაცეაზე უფლებამოსილი პირია სატენდერო კომისიის აპარატის წევრი - გიორგი ფირცხალავა, ტელ: 2 40 91 45 - შესყიდვების სამსახურის სპეციალისტი;

• ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მას უნდა დაერთოს სანოტარო წესით დამოწმებული ქართულენოვანი თარგმანი.
• შესყიდვის ობიექტის სპეციფიკური ტექნიკური აღწერილობა შესაძლებელია წარმოდგენილი იყოს ინგლისურ ენაზე.
• სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია (რომელიც ითვალისწინებს ხელმოწერას) უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, მოქმედი კანონმდებლობის ფარგლებში.
• შესყიდვების ერთიან ელექტრონულ სისტემაში „მიმწოდებლად“ რეგისტრირებული არარეზიდენტი მომხმარებლები განთავისუფლებულები არიან „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტით გათვალისწინებული ვალდებულებისაგან იხ. საქართველოს მთავრობის განკარგულება.
• პრეტენდენტს არ აქვს უფლება წარმოადგინოს ალტერნატიული სატენდერო წინადადება.