Ремонт и техническое обслуживание строительных сооружений (Грузия - Тендер #47875092)

სსიპ საფიანსი-ანალიტიკური სამსახურის მონაცემთა შენახვის და დამუშავების ცენტრის პრეციზიული კონდიციონერების ტექნიკური მომსახურება.

სსიპ საფინანსო-ანალიტიკური სამსახურის მიერ შესასყიდი მონაცემთა შენახვის და დამუშავების ცენტრის პრეციზიული კონდიციონერების ტექნიკური მომსახურების მინიმალური მოთხოვნები:

• კომპანია „STULZ“-ის წარმოების 3 (სამი) ცალი CSD 352 A-მოდელი, 3 (სამი) ცალი ASR 602 A მოდელი, 2 (ორი) ცალი CCD 151 A-მოდელი და 1 (ცალი) CCD 251 A-მოდელი, ინსტალირებული პრეციზიული კონდიცირების სისტემის (შემდგომში – სისტემა) ტექნიკური მომსახურებით უზრუნველყოფა.
• ყოველი გეგმიური ინსპექტირების, თუ ავარიული გამოძახების შემდეგ, 2 (ორი) დღის ვადაში, უნდა განახორციელოს შემსყიდველისათვის წერილობითი ანგარიშის მიწოდება და მასში ინსპექტირების შედეგების/დასკვნების, შესრულებული სამუშაოების, ჩანაცვლებული სათადარიგო ნაწილების დეტალური აღნუსხვა, ასევე მთლიანობაში სისტემის და მისი ცალკეული კომპონენტების მწყობრიდან გამოსვლის თავიდან ასაცილებლად ზოგადი რეკომენდაციების გაცემა;
• პრეტენდენტმა მოულოდნელად წარმოქმნილი პრობლემების ან ხარვეზების აღმოფხვრისთვის (დღე-ღამის ნებისმიერ დროს) დაუყოვნებლივ უნდა განახორციელოს შემსყიდველის ტექნიკური მხარდაჭერა დისტანციურად (ტელეფონის ან სხვა საკომუნიკაციო საშუალებით), ასევე განახორციელოს წარმოქმნილი პრობლემების ან ხარვეზიზის ადგილზე აღმოფხვრა (საჭიროების შემთხვევაში დაზიანებული ნაწილების სათადარიგო ნაწილებით ჩანაცვლების გზით), შეტყობინების მიღებიდან არა უგვიანეს 6 (ექვსი) საათისა. იმ შემთხვევაში თუ 6 (ექვსი) საათში შეუძლებელია წარმოქმნილი პრობლემების ან ხარვეზების აღმოფხვარა, შესაბამისი დასაბუთების საფუძველზე, შემსყიდველი უფლებამოსილია აღნიშნული პერიოდი გაზარდოს გონივრული ვადით;
• მიმწოდებელმა დაუყოვნებლივ უნდა უზრუნველყოს სისტემის ინსპექტირების შედეგად აღმოჩენილი გაუმართაობების აღმოფხვრა საჭიროებისამებრ დაზიანებული ნაწილების სათადარიგო ნაწილებით ჩანაცვლების ჩათვლით;
• დაზიანებული ნაწილების სათადარიგო ნაწილებით ჩანაცვლება უნდა განხორციელდეს კომპანია „STULZ“-ის წარმოების (3 (სამი) ცალი CSD 352 A-მოდელი, 3 (სამი) ცალი ASR 602 A მოდელი, 2 (ორი) ცალი CCD 151 A-მოდელი და 1 (ცალი) CCD 251 A-მოდელი), პრეციზიული კონდიციონერში არსებული ნაწილების იდენტური სათადარიგო ნაწილების საშუალებით;
• მიმწოდებელი ვალდებულია ხელშეკრულების გაფორმებიდან 30 (ოცდაათი) დღის ვადაში უზრუნველყოს კომპანია „STULZ“-ის წარმოების პრეციზიული კონდიცირების სისტემის მაკომპლექტებელი ნაწილების იდენტური სათადარიგო ნაწილების მინიმუმ თითო ერთეულის, კერძოდ: კონდენციონერის კომპრესორის, მაღალი წნევის ამომრთველის, დაბალი წნევის ამომრთველის, ძირითადი ელექტრო პლატის, მართვის პანელის ეკრანის, დისტანციური მართვის მოწყობილობის, ქსელური მოდემის, ვენტილატორის ელექტრო ძრავის, კონდენსატორის ელექტრო ძრავსა და წნევის დიფერენციალური გადამრთველის, ადგილობრივ საწყობში განლაგება (დარეზერვება), რის თაობაზეც წერილობით უნდა აცნობოს შემსყიდველს.

სისტემის ტექნიკური მომსახურება უნდა განხორციელდეს ხელშეკრულების ძალაში შესვლიდან (მაგრამ არაუადრეს 2024 წლის 01 იანვრისა) - 2024 წლის 31 დეკემბრის ჩათვლით.

სისტემის ტექნიკური მომსახურება უნდა განხორციელდეს შემდეგ მისამართ(ებ)ზე: ქ. თბილისი, გორგასლის ქ. N16 და ქ. რუსთავი, წითელი ხიდის გზატკეცილი 21-ე კილომეტრი (სსიპ საფინანსო-ანალიტიკური სამსახური).

მომსახურება უნდა განხორციელდეს კომპანია „STULZ“-ის სერტიფიცირებული ან/და კვალიფიციური სპეციალისტ(ებ)ის/ინჟინერ(ებ)ის მიერ. აღნიშნულის დასადასტურებლად პრეტენდენტმა უნდა წარმოადგინოს შესაბამისი დოკუმენტ(ებ)ი, რომელიც დაადასტურებს კომპანია „STULZ“-ის წარმოების პრეციზიული კონდიცირების სისტემის მომსახურებაზე პრეტენდენტი კომპანიის თანამშრომლის კვალიფიკაციას.

მიმწოდებელმა სისტემის ტექნიკური მომსახურების ფარგლებში, უნდა განხორციელოს მთლიანობაში სისტემის, ასევე მისი ცალკეული კომპონენტების პერიოდული გეგმიური (კერძოდ ხელშეკრულების მოქმედების პერიოდში 4-ჯერ) ინსპექტირება/დათვალიერება. ამასთან ინსპექტირება/დათვალიერება უნდა განხორციელდეს - 1) 2024 წლის 01 თებერვალს, 2) 2024 წლის 10 მაისს, 3) 2024 წლის 12 სექტემბერს და 4) 2024 წლის 11 დეკემბერს;

პრეტენდენტმა უნდა წარმოადგინოს მწარმოებლის ავტორიზაციის წერილი (MAF), რომელიც დაადასტურებს კომპანია „STULZ“-ის მიერ წარმოებული კონდიციონერების ტექნიკურ მომსახურებაზე პრეტენდენტის ავტორიზაციას, მითითებული იქნება პრეტენდენტის დასახელება და წინამდებარე ტენდერის უნიკალური ნომერი.

იმ შემთხვევაში, თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში. ფასწარმოქმნის ადეკვატურობის დადასტურება შესაძლებელია შესყიდვის ობიექტის (პრეციზიული კონდიციონერების ტექნიკური მომსახურება, რომლის ხანგრძლივობა უნდა შეადგენდეს არანაკლებ 1 წელს) მიწოდებასთან/გაწევასთან დაკავშირებით პრეტენდენტის მიერ გაფორმებული ხელშეკრულებით და მისი შესრულების დამადასტურებელი საბოლოო მიღება-ჩაბარების აქტ(ებ)ით ან/და ანგარიშფაქტურ(ებ)ით.

7.2.1. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით;
7.2.2. ანგარიშსწორება მოხდება უნაღდო ანგარიშსწორებით ლარში.

შემსყიდველი იღებს ვალდებულებას გადაუხადოს მიმწოდებელს ფაქტობრივად გაწეული მომსახურების ღირებულება, მიღება-ჩაბარების აქტის გაფორმებიდან 10 (ათი) სამუშაო დღის განმავლობაში.

ირაკლი ბახტაძე, 592144449, I.bakhtadze@mof.ge ლევან კვანტალიანი, 577797984, l.kvantaliani@mof.ge

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხო ენაზე წარდგენის შემთხვევაში მათ უნდა დაერთოს სანოტარო წესით დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.2 ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით. ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა).