Услуги по очистке и санации (Грузия - Тендер #47727947)

სპეციალური საგამოძიებო სამსახურის მიერ დასუფთავების მომსახურების (ქ. თელავში, ერეკლე მეორის გამზ. №16-ში (ს.კ. 53.20.37.089) მდებარე შენობისთვის) სახელმწიფო შესყიდვა.

1.2.1 მიმწოდებელმა უნდა უზრუნველყოს ობიექტზე არანაკლებ 1 (ერთი) დამლაგებლის გამოყოფა ორშაბათიდან პარასკევის ჩათვლით, მათ შორის, შრომის კოდექსით გათვალისწინებულ უქმე დღეებში (გარდა შაბათ-კვირისა).
1.2.2 მიმწოდებელი ვალდებულია, ობიექტზე მომსახურე პერსონალი უზრუნველყოს: უნიფორმით, შესაბამისი ინსტრუმენტებით, საჭირო ინვენტარით და სხვა საშუალებებით, რომელიც საჭირო იქნება მომსახურების გაწევის პროცესში.
1.2.3 მიმწოდებელი ვალდებულია, ობიექტი აღჭურვოს მომსახურების გაწევისთვის საჭირო შესაბამისი ინვენტარით (ნაგვის ურნები, დისპენსერები და ა.შ).
1.2.4 მომსახურების გაწევისთვის საჭირო ჰიგიენური და სპეციალური საშუალებების მიწოდების ვალდებულება ეკისრება მიმწოდებელს.
1.2.5 მიმწოდებელმა უნდა უზრუნველყოს შენობის დასუფთავება შემდეგი სახის საშუალებებით:
1.2.5.1 იატაკის (პარკეტი, ლამინატი, გრანიტი, მეტლახი) საწმენდი საშუალებები (მასტიკა და სხვადასხვა თხევადი და არათხევადი საშუალებები);
1.2.5.2 კედლების (ბეტონი, თაბაშირ მუყაო, კაფელი) საწმენდი თხევადი და არათხევადი სხვადასხვა საშუალებები;
1.2.5.3 სველი წერტილების (ნიჟარა, უნიტაზი, პისუარი, ონკანი) საწმენდი თხევადი და არათხევადი სხვადასხვა საშუალებები;
1.2.5.4 ავეჯის (ტყავი, ხე, ლამინირებული, პოლიკარბონატი) საწმენდი (მოსავლელი და საპრიალებელი) სხვადასხვა საშუალებები;
1.2.5.5 შუშები (სარკე) საწმენდი/საპრიალებელი სხვადასხვა საშუალებები;
1.2.5.6 ჰაერის გამწმენდი (აეროზოლი) სხვადასხვა საშუალებები;
1.2.5.7 სხვადასხვა სახის სახეხი (სინა-ღრუბელი) საშუალებები;
1.2.5.8 იატაკის და ავეჯის (მაგიდა, კარადა და ა.შ) სხვადასხვა სახის და ზომის საწმენდი და საპრიალებელი საშუალებები (ტილო/ჩვარი);
1.2.5.9 საოფისე ტექნიკის (მონიტორი, ტელევიზორი, კლავიატურა, ქეისი (პროცესორი), პრინტერი და სხვა) საწმენდი სხვადასხვა საშუალებები.
1.2.6 გაწეული მომსახურების ფარგლებში მიმწოდებლის მიერ გამოყენებული საშუალებები უნდა შეესაბამებოდეს საქართველოს მოქმედი კანონმდებლობით დადგენილ მოთხოვნებს, აკმაყოფილებდეს საერთაშორისო სტანდარტებს და არ უნდა უქმნიდეს საფრთხეს ადამიანის სიცოცხლესა და ჯანმრთელობას;.
1.2.7 მიმწოდებელმა არ უნდა გამოიყენოს მწვავე (მძაფრი) სუნის ან ადამიანისათვის სხვა უარყოფითი რეაქციის გამომწვევი საშუალებები.
1.2.8 მიმწოდებელმა სისუფთავის შენარჩუნების მიზნით 19:00 საათამდე უნდა უზრუნველყოს შენობაში არსებული სველი წერტილების და სხვა ფართების დასუფთავება სპეციალური ინვენტარით და ხსნარებით.
1.2.9 მიმწოდებელი ვალდებულია ტექნიკური დოკუმენტაციით გათვალისწინებული მომსახურება განახორციელოს 09:00 საათამდე.
1.2.10 შენობის შიდა ფართი შეადგენს დაახლოებით 180 კვ.მ.

1.2.11 გასაწევი მომსახურების შესახებ დამატებითი ინფორმაცია მოცემულია შესყიდვის ობიექტის ტექნიკურ დავალებაში, რომელიც ატვირთულია სატენდერო დოკუმენტაციის 1.2 პუნქტში.

მომსახურების გაწევის ვადა: 2024 წლის 01 იანვრიდან 2024 წლის 31 დეკემბრის ჩათვლით.

ქ. თელავი, ერეკლე მეორის გამზ. №16 (ს.კ. 53.20.37.089), შემსყიდველის ადმინისტრაციული შენობა.

პრეტენდენტს 2021 წლის 01 იანვრიდან უნდა გააჩნდეს შესყიდვის სავარაუდო ღირებულების არანაკლებ 150%-ის ღირებულების შენობების ან/და შენობების და მიმდებარე ტერიტორიების დალაგება-დასუფთავების მომსახურების გაწევის გამოცდილება.
აღნიშნულის დასადასტურებლად, პრეტენდენტის მიერ ერთიან ელექტრონულ სისტემაში ატვირთულ უნდა იქნას ხელშეკრულება/ები და ამ ხელშეკრულებ(ებ)ის შესრულების დამადასტურებელი დოკუმენტები (მიღება-ჩაბარების აქტ(ებ)ი ან სხვა დოკუმენტაცია), ხოლო თუ პრეტენდენტს ხელშეკრულებ(ები)ა გაფორმებული აქვს სახელმწიფო შემსყიდველ ორგანიზაციასთან, საკმარისია მიუთითოთ შესაბამისი SPA, NAT, CMR ან სხვა ნომრები.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეულის ფას(ებ)ით და აგრეთვე ჯამური ღირებულებით ამავე მომსახურების ხარჯთაღრიცხვით განსაზღვრული შესყიდვის ობიექტის მიწოდების შესაძლებლობა.
ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება განხორციელდება უნაღდო ანგარიშსწორებით, შესყიდვის ობიექტის მიწოდების შესახებ გაფორმებული მიღება-ჩაბარების აქტის და შესაბამისი საგადასახადო დოკუმენტაციის (არსებობის შემთხვევაში) საფუძველზე, სპეციალური საგამოძიებო სამსახურის 2024 წლის ბიუჯეტის სახსრებით.

ეტაპობრივად, ფაქტიურად გაწეული მომსახურების შესაბამისად, მიღება–ჩაბარების აქტის გაფორმებიდან და საგადასახადო დოკუმენტაციის წარმოდგენიდან (არსებობის შემთხვევაში) 10 სამუშაო დღის განმავლობაში.

ბადრი საჯაია, 599700335, bsajaia@sis.gov.ge

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 პრეტენდენტი ვალდებულია სახელმწიფო შესყიდვებში ერთიან ელექტრონულ სისტემაში დოკუმენტაციის ატვირთვისას იხელმძღვანელოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და 10.1 პუნქტში ატვირთული სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე სახელმწიფო შესყიდვების სააგენტოს სახელმძღვანელო ინსტრუქციის შესაბამისად.
10.1.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.6 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.
10.1.7 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.8 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.9 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემის მოდულის - „კითხვა/პასუხის“ მეშვეობით, ან/და სატენდერო კომისიის აპარატში, ქ. თბილისი, მ. ასათიანის ქ. N9.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.2.1 მომსახურების ხარჯთაღრიცხვა (დანართი N1) (მომსახურების ხარჯთაღრიცხვის წარმოუდგენლობა ან განუფასებელი მომსახურების ხარჯთაღრიცხვის წარმოდგენა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას).
10.2.2 ინფორმაცია პრეტენდენტის გამოცდილების შესახებ, სატენდერო დოკუმენტაციის 2.2.1 ქვეპუნქტის შესაბამისად.