Услуги по очистке и санации (Грузия - Тендер #47727939)

შსს შიდა ქართლის პოლიციის დეპარტამენტის ადმინისტრაციული შენობებისა და მიმდებარე ტერიტორიების დალაგება-დასუფთავების მომსახურების შესყიდვა.

1.2.1 მომსახურეობა უნდა მოხდეს ტექნიკური პერსონალით დაკომპლექტებული ჯგუფის მიერ;
1.2.2 მომსახურე პერსონალი უნდა იყოს აღჭურვილი ყველა საჭირო ინვენტარით და სათანადო სპეციალური უნიფორმით, რომელსაც უნდა გააჩნდეს ორგანიზაციის ბრენდირებული ნიშანი და/ან წარწერა;
1.2.3 მიმწოდებელი ვალდებულია გამოყოს თანამშრომელი (მენეჯერი) შემსყიდველის მოთხოვნის შესაბამისად;
1.2.4 მენეჯერი ვალდებულია კოორდინაცია და ზედამხედველობა გაუწიოს ობიექტს და უშუალო კავშირი ჰქონდეს შემსყიდველთან მომსახურების პროცესში წარმოშობილ ყველა საკითხთან დაკავშირებით;
1.2.5 მომწოდებელი ვალდებულია ობიექტი სისტემატიურად უზრუნველყოს ჰიგიენური საშუალებებით:
ობიექტზე უნდა იყოს ჰიგიენური საშუალებების მინიმუმ 2 კვირის მარაგი.
1.2.6 სატენდერო დოკუმენტაციით განისაზღვროს, რომ მიმწოდებელი ვალდებულია მომსახურების გაწევის დროს მიმწოდებლის ბრალეულობით, შემსყიდველის ქონებაზე მიყენებული ნებისმიერი ზიანი, აღმოფხვრას საკუთარი სახსრებით.
1.2.7 შენობის მთელი ტერიტორიის ყოველდღიური დასუფთავება
- ჭერის და კედლების დასუფთავება - ჭერი და კედლები ადგილზე უნდა გაიწმინდოს კვირაში ერთხელ მშრალად, ხოლო თვეში ერთხელ სველი ჩვრით, შესაბამისი ხსნარის გამოყენებით. საფარზე არ უნდა იყოს ხილული ლაქები, ჩამჯდარი ჭუჭყი და ობობის ქსელები, პრეტენდენტის მიერ უნდა იქნას შერჩეული და შემოთავაზებული აღნიშნული მომსახურების გაწევისათვის საჭირო ყველა საწმედი საშუალება;
- საოფისე ავეჯის წმენდა - მტვერი უნდა გაიწმინდოს ყოველ დღე, მათზე არ უნდა იყოს ჩამჯდარი ჭუჭყი, ნათითურები, ლაქები და ა.შ. სკამზე და სავარძელზე არ უნდა იყოს მტვერი, დაღვრილი ნივთიერებები, ლაქები, პრეტენდენტის მიერ უნდა იქნას შერჩეული და შემოთავაზებული აღნიშნული მომსახურების გაწევისთვის საჭირო ყველა საწმენდი საშუალება;
- კომპიუტერებისა და ორგტექნიკის წმენდა - ყველა ზედაპირი უნდა გაიწმინდოს ყოველდღიურად. მათზე არ უნდა იყოს მტვერი, ჩამჯდარი ჭუჭყი, პრეტენდენტის მიერ უნდა იქნას შერჩეული და შემოთავაზებული აღნიშნული მომსახურეობის გაწევისთვის საჭირო ყველა საწმენდი საშუალება;
- რბილი ავეჯის დასუფთავება - ავეჯი უნდა დასუფთავდეს მტვერსასრუტით საჭიროებისამებრ, მათზე არ უნდა იყოს ჩამჯდარი ჭუჭყი, ლაქები, პრეტენდენტის მიერ უნდა იქნას შერჩეული და შემოთავაზებული აღნიშნული მომსახურების გაწევისთვის საჭირო ყვლა საწმენდი საშუალება;
- სხვადასხვა მყარი იატაკების და მათი კუთხეების (მარმარილო, გრანიტი, მეთლახი, პარკეტი, ლამინატი, და ა.შ) დასუფთავება - იატაკები უნდა დაიგავოს ყველდღიურად და მოიწმინდოს სპეციალურ ხსნარში დასველებული ჩვრით. იატაკზე არ უნდა იყოს ღრმად ჩამჯდარი ჭუჭყი, ლაქები. პრეტენდენტის მიერ უნდა იქნას შერჩეული და შემოთავაზებული აღნიშნული მომსახურების გაწევისთვის საჭირო ყველა საწმენდი საშუალება;
- ფანჯრებისა და მინისებური ზედაპირის წმენდა - მინებზე მტვერი უნდა გაიწმინდოს ყოველდღიურად. ფანჯრების თაროები უნდა იყოს ყველთვის სუფთა. პრეტენდენტის მიერ უნდა იქნას შერჩეული და შემოთავაზებული აღნიშნული მომსახურების გაწევითვის საჭირო ყველა საწმენდი საშვალება;
- დერეფნის, კიბის უჯრედების და სხვა ზოგადი ტერიტორიის დასუფთავება - დერეფნები და კიბეები უნდა დაიგავოს ყოველდღიურად. კიბეები, კედლები და მოაჯირები უნდა იყოს სუფთა, მათზე არ უნდა იყოს რაიმე ჩამჯდარი ჭუჭყი, ლაქები. პრეტენდენტის მიერ უნდა იქნას შერჩეული და შემოთავაზებული აღნიშნული მომსახურების გაწევისთვის საჭირო ყველა საწმენდი საშუალება;
- სველი წერტილების დასუფთავება - სველი წერტილები უნდა გაიწმინდოს სადეზინფექციო ხსნარით. ნიჟარები იატაკები, კედლები და სარკეები ყოველთვის უნდა იყოს სუფთა. არხები და საცობები იატაკებზე უნდა გაიწმინდოს შესაბამისი მასალის გამოყენებით. ტუალეტში არ უნდა იყოს საწმენდი მასალების და საპნის ნარჩენები, სასაპნეები და ხელსაბანები უნდა იყოს სუფთა. პრეტენდენტის მიერ უნდა იქნას შერჩეული და შემოთავაზებული აღნიშნული მომსახურების გაწევისთვის საჭირო ყველა საწმენდი საშუალება;
- ნაგვის ურნების დაცლა, მათში პოლიეთილენის პარკების მოთავსება და ნაგვის გატანა - ურნები უნდა დაიცალოს ყოველდღიურად და ჩაეფინოს პოლიეთილენის ახალი პარკები. ურნებზე არ უნდა იყოს რაიმე ლაქა და ჭუჭყი. პრეტენდენტი მიერ უნდა იქნას შერჩეული და შემოთავაზებული აღნიშნული მომსახურების გაწევისთვის საჭირო ყველა საშუალება;
- უნდა მოხდეს დღის განმავლობაში წარმოქმნილი დაბიძურების ოპერატიული აღმოფხვრა და სისუფთავის შენარჩუნება შენობის მთელ ტერიტორიაზე;
1.2.8 შენობის მთელ ტერიტორიაზე გენერალური დასუფთავება (თვეში ერთხელ)
- საოფისე ავეჯის, კომპიუტერებისა და ორგტექნიკის კაპიტალური წმენდა;
- ქრომისა და უჟანგავი ლითონის ზედაპირის წმენდა-პოლირება;
- სველი წერტილების კაპიტალური დასუფთავება;
1.2.9 დასუფთავების სპეციფიკური სამუშაოები
- ფანჯრების, ვიტრაჟების, მათი ჩარჩოების და დარაბების კაპიტალური წმენდა (ორმხრივი) სპეციალური, პროფესიონალური ინვენტარის მეშვეობით (3 თვეში ერთჯერ – გაწმენდის ხანგრძლივობა 15 დღე);
- დეპარტამენტის ადმინისტრაციული შენობის, გორის, ქარელისა და ხაშურის რაიონული სამმართველოების შენობის ფასადებზე არსებული ალიკობონდების გაწმენდი სამუშაოების ჩატარება წელიწადში ერთხელ.
- მყარი იატაკების ქიმიური მორეცხვა და პოლირება სპეციალური აპარატების გამოყენებით (მოთხოვნის შესაბამისად);
- რბილი ავეჯის წმენდა სპეციალური აპარატის გამოყენებით (საჭიროებისამებრ);
- შენობაში არსებული საერთო და პირადი სარგებლობის სველი წერტილების თხევადი საპნითა და ჰაერგამწმენდი ავტომატური გამფრქვევი ბალონებით უზრუნველყოფა;
- შენობაში არსებული საერთო და პირადი სარგებლობის საპირფარეშოების ჰიგიენური ქაღალდებით უზურნველყოფა;
- შენობაში არსებული საერთო და პირადი სარგებლობის სველი წერტილების, ასევე სამზარეულოების ქაღალდის ხელსახოცებით (დისპენსერების მონტაჟით). შემსყიდველის მოთხოვნის შესაბამისად.
- საჭიროების შემთხვევაში რემონტის შემდგომი ან სხვა დამატებითი დასუფთავების სამუშაოს შესრულება, მათ შორის არასამუშაო საათებშიც;
1.2.10 ჰიგიენური ქაღალდის სპეციფიკაცია:
-. ორფენიანი ქაღალდისთვის - ჰიგიენური ქაღალდი: თეთრი ფერის, 100 % ცელულოზა, მრგვალი რულონი; ქაღალდის ფენების რაოდენობა; არანაკლებ ორი. სიგრძე 200-300 მეტრი; სიგანე 9.5-10.5 სმ. შიდა დიამეტრი საკიდისთვის 6-7 სმ.
- ერთფენიანი ქაღალდისთვის - ჰიგიენური ქაღალდი: მრგვალი რულონი შიდა საკიდარის გარეშე; ქაღალდის ფენების რაოდენობა: ერთი;

2023 წლის 1 დეკემბრიდან/ხელშეკრულების გაფორმებიდან 2024 წლის 31 დეკემბრის ჩათვლით (2023 წლის ბიუჯეტით გათვალისწინებულია 31618.62 ლარი, ხოლო 2024 წლის ბიუჯეტით 379423.44 ლარი)

მომსახურების გაწევა უნდა განხორციელდეს დანართი N3-ით განსაზღვრულ მისამართებზე.

ხელშეკრულების მოქმედების ნებისმიერ ეტაპზე და ასევე მისი მოქმედების დასრულების შემდგომ, აღმოჩენილი ხარვეზის ან/და ნაკლის არსებობის შემთხვევაში, მიმწოდებელი ვალდებულია შემსყიდველის მოთხოვნიდან (სატელეფონო ან/და ელ. ფოსტის მეშვეობით) 1 (ერთი) კალენდარული დღის ვადაში გამოასწოროს ნაკლი, შემსყიდველის მხრიდან დამატებითი დანახარჯების გაწევის გარეშე.

ტენდერში მონაწილე პრეტენდენტს 2021 წლის 01 იანვრიდან უნდა გააჩნდეს არანაკლებ 500 000 (ხუთასი ათასი) ლარის ღირებულების შენობ(ებ)ის დალაგება-დასუფთავების მომსახურების გაწევის გამოცდილება. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი.
ან/და შესრულების დამადასტურებელი სხვა დოკუმენტაცია.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომლითაც უნდა დასტურდებოდეს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა მინიმუმ 30 (ოცდაათი) კალენდარული დღით უნდა აღემატებოდეს ხელშეკრულებით გათვალისწინებული შესყიდვის ობიექტის მიწოდების საბოლოო ვადას.

ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული სამუშაოების პროპორციულად.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ანგარიშსწორება მოხდება უნაღდო ანგარიშსწორებით ლარში.

ანგარიშსწორება შემსყიდველის მიერ მოხდება ფაქტიურად გაწეული მომსახურების მიხედვით. მიღება–ჩაბარების აქტისა და შესაბამისი საგადასახადო ანგარიშ-ფაქტურის (კანონმდებლობით დადგენილ შემთხვევაში) წარმოდგენის შემდეგ არაუგვიანეს 15 კალენდარული დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

მაკა ზუბაშვილი, 595089191, m.zubashvili@gmail.com ტექნიკური საკითხებთან დაკავშირებით დაუკავშირდით ზურაბ ხითარიშვილს 577 55 09 44.

10.1.1 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.6 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.
10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.2.1 მომსახურების ხარჯთაღრიცხვა დანართი N1-ის მიხედვით (ხარჯთაღრიცხვის წარმოუდგენლობა ან/და განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
10.2.2 ინფორმაცია მონაწილე პრეტენდენტი პირის მიერ 2021 წლის 01 იანვრიდან არანაკლებ 500 000 (ხუთასი ათასი) ლარის ღირებულების შენობ(ებ)ის დალაგება-დასუფთავების მომსახურების გაწევის გამოცდილების შესახებ. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი. ან/და აღნიშნულის შესრულების დამადასტურებელი სხვა დოკუმენტაცია.
10.2.3 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.