Инженерные услуги (Грузия - Тендер #47727920)

ხონის მუნიციპალიტეტში გზების რეაბილიტაციის საპროექტო-სახარჯთაღრიცხვო დოკუმენტაციის მომზადება (ექსპერტიზის დასკვნით).

სამუშაოების განხორციელებისას, საპროექტო დოკუმენტაციაში გამოვლენილი უზუსტობების ან/და შეუსაბამობები შემთხვევაში მიმწოდებელი ვალდებულია, მუნიციპალიტეტის მიერ წერილობითი მიმართვიდან 5 სამუშაო დღის ვადაში, საკუთარი ხარჯებით უზრუნველყოს საპროექტო-სახარჯთაღრიცხვო დოკუმენტაციის კორექტირება და კორექტირებული დოკუმენტაციის მუნიციპალიტეტისთვის მიწოდება.

მიმწოდებელი ვალდებულია საპროექტო-სახარჯთაღრიცხვო დოკუმენტაცია წარმოადგინოს სსიპ ,,ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული საექსპერტო ორგანიზაციის დადებითი დასკვნით (ექსპერტიზის დასკვნის მომზადების ღირებულება ანაზღაურდება მიმწოდებლის მიერ).


1. სოფელ დედალაურში ჩაის მეურნეობის ტუნგოების დასახლებაში გზის მოასფალტება - სავარაუდო ღირებულება 600 000 ლაარი - 2000 გრძ.
2. სოფელ მათხოჯში მე-14 ქუჩის მე-2 ჩიხისა და მე-6 ქუჩაზე ასფალტის მოწყობა - სავარაუდო ღირებულება 150 000 ლარი- 550 გრძმ.
3. სოფელ დედალაურში ჭოლოკავების უბანში გზის მოასფალტება - სავარაუდო ღირებულება 250 000ლარი - 700 გრძმ.
4. სოფელ დედალაურში კინწურაშვილების უბანში გზის მოასფალტება - სავარაუდო ღირებულება 300 000 - 1000 გრძმ.
5. სოფელ პატარა ჯიხაიშში ბოკელავაძეების უბანში გზის მოასფალტება - სავარაუდო ღირებულება 300 000 ლარი -1200 გრძმ.
6. სოფ. ბანგვეთში ბეტონის გზის მოწყობა სავარაუდო ღირებულება 350 000ლარი - 2000 გრძმ.
7. სოფ. ქუტირში საბავშვო ბაღთან მისასვლელი გზის მოასფალტება - სავარაუდო ღირებულება 25 000 ლარი - 80 გრძმ.
8. ჭანტურიას ქუჩის მე-4 შესახვევის მოასფალტება - სავარაუდო ღირებულება 120 000 ლარი - 300 გრძმ.
9. ქ. ხონში ჭანტურიას ქუჩაზე სანიაღვრე არხების მოწყობა 540 გრძმ - სავარაუდო ღირებულება 160 000ლარი.
10. სოფელ ივანდიდში პირველი ქუჩის პირველი შესახვევის მოასფალტება-250გრ/მ, სავარაუდო ღირებულება 150 000 ლარი.
11. ნახახულევის ადმინისტრაციულ ერთეულში სოფელ კონტუათში მე-5 ქუჩისა და მე-5 ქუჩის პირველი ჩიხის გზის მოასფალტება-650გრ/მ, სავარაუდო ღირებულება 200 000 ლარი.
12. გურამიშვილის ქუჩის III ჩიხის რეაბილიტაცია, 300 გრძმ. სავარაუდო ღირებულება 80 000 ლარი.
13. სოფელ ივანდიდში მე-17 ქუჩის რეაბილიტაცია, სავარაუდო ღირებულებით 450 000 ლარი, 1500 გრძმ.
14.სოფელ ივანდიდში მე-8 და მე-15 ქუჩების რეაბილიტაცია, სავარაუდო ღირებულებით 450 000 ლარი, 1500გრძმ.
15.სოფელ დედალაურში ჭელიძეების უბანში გზის მოასფალტება, სავარაუდო ღირებულებით 750 000 ლარი, 2500გრძმ.

ხელშეკრულების გაფორმების თარიღიდან 60 კალენდარული დღე.

1. მიმწოდებელი ვალდებულია გადასცეს შემსყიდველ ორგანიზაციას სრული საპროექტო-სახარჯთაღრიცხვო დოკუმენტაცია.

2. საპროექტო-სახარჯთაღრიცხვო დოკუმენტაცია წარმოდგენილი უნდა იქნეს მხოლოდ ქართულ ენაზე.

3. საპროექტო-სახარჯთაღრიცხვო დოკუმენტაციის ეგზემპლიარების რაოდენობა:

ა) საპროექტო დოკუმენტაცია _ 3 ეგზემპლიარი ბეჭდური (A-3 და A-4 ფორმატები);
ბ) სახარჯთაღრიცხვო დოკუმენტაცია _ 3 ეგზემპლიარი ბეჭდური (A-4 ფორმატი);
გ) საპროექტო-სახარჯთაღრიცხვო დოკუმენტაციის სრული ელექტრო (PDF და Excel ფაილები) ვერსია _ 1 CD/DWD დისკი;
დ) საჭიროების შემთხვევაში მიმწოდებელი ვალდებულია გადასცეს შემსყიდველ ორგანიზაციას საპროექტო-სახარჯთაღრიცხვო დოკუმენტაციის სამუშაო ელექტრონული ფაილები (MS Word, Excel, AutoCAD, ArchiCAD და სხვა).

4. საბოლოო (სრული) საპროექტო-სახარჯთაღრიცხვო დოკუმენტაცია წარდგენილ უნდა იყოს შემდეგ მისამართზე: ქ.ხონი, თავისუფლების მოედანი N6; (ხონის მუნიციპალიტეტის მერიის ადმინისტრაციული შენობა).

1. პრეტენდენტს 2020 წლის პირველი იანვრიდან ტენდერის გამოცხადების თარიღამდე - დაპროექტებული უნდა ჰქონდეს არანაკლებ 500 000 (ხუთასიათასი ლარი და ნული თეთრი) ლარის საამშენებლო ღირებულების გზების მშენებლობა, რეკონსტრუქცია, მოდერნიზაცია ან რეაბილიტაცია.

2. პრეტენდენტს 2020 წლის პირველი იანვრიდან ტენდერის გამოცხადების თარიღამდე - დაპროექტებული უნდა ჰქონდეს არანაკლებ ერთი მსგავსი ობიექტი (გზის მშენებლობა, რეკონსტრუქცია, მოდერნიზაცია ან რეაბილიტაცია) საამშენებლო ღირებულებით არანაკლებ 200000,00 (ორასიათასი ლარი და ნული თეთრი) ლარის ოდენობით.

3. გზების მშენებლობის, რეკონსტრუქციის, მოდერნიზაციის ან რეაბილიტაციის საპროექტო-სახარჯთაღრიცხვო დოკუმენტაციის შედგენის მომსახურების გამოცდილების დადასტურების მიზნით, პრეტენდენტი ვალდებულია წარმოადგინოს, საანგარიშო პერიოდში მხარეთა მიერ ხელმოწერილი ხელშეკრულებები და საბოლოო მიღება-ჩაბარების აქტები. სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR) წარმოდგენა.

4. ინფორმაცია გამოცდილების შესახებ წარმოდგენილი უნდა იყოს დანართი N3–ის შესაბამისად.

მიმწოდებელი ვალდებულია ჰქონდეს კარგი გამოცდილება საავტომობილო გზების პროექტირების, წინასწარი საპროექტო კვლევების და ეკონომიკური ანალიზების თვალსაზრისით.

1. მას უნდა ჰყავდეს გამოცდილი სპეციალისტებით დაკომპლექტებული გუნდი, რომლებიც ადგილზე (ველზე) განახორციელებენ მომსახურეობისა და დავალების შესრულებისათვის საჭირო საინჟინრო საქმიანობას, რისთვისაც, როგორც მინიმუმ, აუცილებელია ჰყავდეთ:

• გუნდის ხელმძღვანელი - საგზაო ინჟინერი არანაკლებ 10 წლიანი გამოცდილებით;
• ტოპოგრაფიული კვლევის სპეციალისტი – არანაკლებ 5 წლიანი გამოცდილებით;
• ხარჯთაღრიცხვის სპეციალისტი _ არანაკლებ 5 წლიანი გამოცდილებით;

2. თითოეულ ძირითად სპეციალისტზე პრეტენდენტმა უნდა წარმოადგინოს:
ა) პირადობის მოწმობის ასლი;
ბ) უმაღლესი განათლების დამადასტურებელი დოკუმენტი;
გ) სპეციალისტის ბიოგრაფიული მონაცემები სატენდერო დოკუმენტაციის დანართით N5 გათვალისწინებული მოთხოვნების შესაბამისად, რომელიც ხელმოწერილი უნდა იყოს ძირითადი სპეციალისტი მიერ.
დ) მიმწოდებელსა და სპეციალისტს შორის გაფორმებული შრომითი ხელშეკრულება რომლის მოქმედების ვადაც არ უნდა იყოს ნაკლები 2023 წლის 31 დეკემბერისა.

3. საჭიროების შემთხვევაში, მიმწოდებელი ვალდებულია მომსახურების დროს უზრუნველყოს იმ სპეციალისტების წარმოდგენა რომელებიც ჩამონათვალში არ არის გათვალისწინებული. დამატებითი სპეციალისტების შესახებ ინფორმაცია, მიმწოდებელმა შესათანხმებლად უნდა წარუდგინოს მუნიციპალიტეტს.

4. საჭიროების შემთხვევაში მომსახურების დროულად დასრულების მიზნით მიმწოდებელი ვალდებულია უზრუნველყოს ძირითადი სპეციალისტების რაოდენობის გაზრდა. ასევე, აუცილებლობის შემთხვევაში შემსყიდველი ორგანიზაციის დასაბუთებული არგუმენტაციის საფუძველზე უზრუნველყოს სპეციალისტ(ებ)ის ჩანაცვლება სხვა უფრო მაღალი კვალიფიკაციის სპეციალისტებით.

5. ინფორმაცია სპეციალისტების შესახებ წარმოდგენილი უნდა იქნას დანართი N5-ის შესაბამისად

6. მიმწოდებლისთვის (კონსულტანტი) რეკომენდირებულია იქონიოს მჭიდრო სამუშაო კონტაქტები და კონსულტაციები შემსყიდველთან, ძირითადი და საკვანძო საკითხების გაანალიზებისა და გადაწყვეტის პროცესში. იგი ვალდებულია გაითვალისწინოს შემსყიდველის კომენტარები და შენიშვნები და მოახდინოს შესაბამის ანგარიშებში სათანადო კორექტირება, ხელშეკრულების ვადის საბოლოო ამოწურვამდე.

1. მომწოდებელმა წერილობით უნდა აცნობოს შემსყიდველს მოცემული ხელშეკრულების ფარგლებში, ყველა ქვეკონტრაქტორთან დადებული ხელშეკრულებების შესახებ და მიიღოს მისგან წერილობითი თანხმობა;

2. ქვეკონტრაქტორები არ უნდა იყვნენ რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“; წინააღმდეგ შემთხვევაში მომწოდებელს არ მიეცემა თანხმობა ქვეკონტრაქტორის აყვანაზე.

3. ქვეკონტრაქტორის მიერ შესასრულებელ სამუშაოზე წარმოდგენილი იქნას შემდეგი სახის ინფორმაცია: შესასრულებელი სამუშაოების დასახელება ღირებულებით და ქვეკონტრაქტის ასლი;

4. ქვეკონტრაქტორ(ებ)ის მიერ შესასრულებელი სამუშაოების ჯამური მოცულობა არ უნდა აღემატებოდეს შესასრულებელი სამუშაოების მთლიანი მოცულობის 40%;

5. მიუხედავად ქვეკონტრაქტორის გამოყენებისა, ჯამურად მთლიან პროექტზე და მათ შორის - ქვეკონტრაქტორის მიერ განხორციელებულ სამუშაოზე შემსყიდველის წინაშე სრულად პასუხისმგებელია პრეტენდენტი (მიმწოდებელი).

6. .მომწოდებელს არა აქვს უფლება, გადასცეს მესამე პირს ხელშეკრულებით განსაზღვრული სამუშაოები , უფლებები და მოვალეობები .

7 . ქვეკონტრაქტორთან დაკავშირებით წარმოდგენილი უნდა იქნას ინფორმაცია მათი პერსონალის შესახებ.

8. შემსყდველის მიერ ქვეკონტრაქტორების საკითხის განხილვისა და მიღების შემდეგ ქვეკონტრაქტორის ყოველი ცვლილება წინასწარ უნდა ეცნობოს და შეუთანხმდეს შემსყიდველს პრეტენდენტის (ან უკვე მომწოდებლის) მიერ.

პრეტენდენტის მიერ სახელმწიფო შესყიდვების ერთიან ელექტრონულ სისტემაში ასატვირთი დოკუმენტაციის ჩამონათვალი:

ა) ფასების ცხრილი - იმ შემთხვევაში თუ ფასების ცხრილი არ იქნება წარმოდგენილი, ან წარმოდგენილი იქნება განფასების გარეშე, მისი დაზუსტების მოთხოვნა არ გამოიყენება, შესაბამისად განხორციელდება პრეტენდენტის დისკვალიფიკაცია შესყიდვის პროცედურებიდან. ფასების ცხრილის შევსების პირობები მოცემულია სატენდერო დოკუმენტაციის 1.3. პუნქტში ატვირთულ დოკუმენტში;

ბ) იმ შემთხვევაში თუ პრეტენდენტი არის ამხანაგობა, მაშინ მისმა მონაწილეებმა ტექნიკურ დოკუმენტაციაში მკაფიოდ უნდა განსაზღვრონ (შინაარსობრივად), თუ თითოეული მონაწილე კონკრეტულად რომელ ვალდებულებას შეასრულებს სახელმწიფო შესყიდვის შესახებ ხელშეკრულების ფარგლებში. მისი დაზუსტების მოთხოვნა არ გამოიყენება, შესაბამისად განხორციელდება პრეტენდენტის დისკვალიფიკაცია შესყიდვის პროცედურებიდან. ინფორმაცია წარმოდგენილი უნდა იყოს სატენდერო დოკუმენტაციის დანართი N 5 შესაბამისად. ამასთან, დასაშვებია ამხანაგობის მონაწილეთა ფინანსური და მატერიალურ-ტექნიკური შესაძლებლობების დაჯამება, ხოლო არ დაიშვება გამოცდილების შეკრება. ამხანაგობის არცერთი წევრი არ უნდა იყოს რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“; წინააღმდეგ შემთხვევაში მოხდება ამხანაგობის დისკვალიფიკაცია წინამდებარე ტენდერიდან დაზუსტების გარეშე.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე,სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-5 პუნქტის საფუძველზე პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება განხორციელდება ფაქტიურად განხორციელებული მომსახურეობის მიხედვით, ეროვნულ ვალუტაში უნაღდო ანგარიშსწორების ფორმით, საპროექტო დოკუმენტაციის, სასაქონლო ზედნადების/ანგარიშ-ფაქტურის (ელექტრონული ფორმით) და მიღება-ჩაბარების აქტის გაფორმების შემდეგ.

შემსყიდველი მიმწოდებელთან მიღება-ჩაბარების აქტის გაფორმებას განახორციელებს სსიპ ,,ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული პირის დადებითი დასკვნის წარმოდგენის შემდეგ (წარმოდგენილ უნდა იქნას აკრედიტაციის დამადასტურებელი დოკუმენტის ასლი), ექსპერტიზის დასკვნის მომზადების ღირებულება ანაზღაურდება მიმწოდებლის მიერ.

მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის ვადაში.

გიორგი ჯანელიძე, 598309250, tinatinpailodze@gmail.com

1. ფასი გამოსახული უნდა იყოს ლარში, რაც უნდა მოიცავდეს ტენდერით განსაზღვრული მომსახურების მიწოდებისთვის გათვალისწინებულ ყველა ხარჯსა და მოსაკრებელს და მიმწოდებლისთვის გათვალისწინებულ ყველა გადასახადს. სატენდერო წინადადების ფასის დაანგარიშებისას დადგენილი მოთხოვნები მოცემულია ხარჯთაღრიცხვაში, რომელიც ატვირთულია სატენდერო დოკუმეტაციის 1.3. პუნქტში;

2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იყოს ქართულ ენაზე. დოკუმენტების ან/და ინფორმაციის სხვა ენაზე წარდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას სხვაენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;

3. მიმწოდებელმა საპროექტო-სახარჯთაღრიცხვო დოკუმენტაციის ექსპერტიზა განახორციელოს სსიპ ,,ლევან სამხარაულის სახელობის სასამართლო ექსპერტიზის ეროვნული ბიურო“-ში ან სხვა აკრედიტირებულ პირთან (წარმოდგენილ უნდა იქნას აკრედიტაციის დამადასტურებელი დოკუმენტის ასლი), ექსპერტიზის დასკვნის მომზადების ღირებულება ანაზღაურდება მიმწოდებლის მიერ, რომლის საფუძველზეც გაფორმდება მიღება-ჩაბარების აქტი.

4. მიმწოდებელმა უნდა უზრუნველყოს საჭიროებისამებრ საპროექტო-სახარჯთაღრიცხვო დოკუმენტაციის კორექტირება როგორც სამუშაოების დაწყებამდე, ასევე სამუშაოების მიმდინარეობისას ნებისმიერ ეტაპზე, დამატებითი ანაზღაურების გარეშე.

5. პრედენდენტს არა აქვს უფლება წარმოადგინოს ალტერნატიული სატენდერო წინადადება

6. მომსახურების გაწევის პროცესში, მიმწოდებელმა უნდა უზრუნველყოს კონტროლის განმახორციელებელ პირთა მიერ გაცემული, როგორც ზეპირი ასევე წერილობითი რეკომენდაციების და მითითებების შესრულება;

7. საველე სამუშაოების განხორციელებამდე მიმწოდებელმა მინიმუმ ერთი დღით ადრე უნდა აცნობოს მუნიციპალიტეტს ან მის წარმომადგენელს, რომლებიც დაესწრებიან აღნიშნულ პროცესებს.

8. ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით განხორციელდება შესაბამისი განმარტება, რითაც შესაძლებელია იხელმძღვანელოს ნებისმიერმა დაინტერესებულმა პირმა.

9. ყველაზე დაბალი წინადადების ფასის მქონე პრეტენდენტს, სატენდერო კომისიის გადაწყვეტილების/ქმედების თაობაზე განმარტების მოთხოვნის უფლება აქვს ელექტრონული ტენდერისთვის ტენდერის სტატუსის „შერჩევა-შეფასება“ მინიჭებიდან ტენდერის სტატუსის „ხელშეკრულება დადებულია“ მინიჭებამდე. ასეთ შემთხვევაში შესაბამისი განმარტების გაკეთება განხორციედება გონივრულ ვადაში.

10.2019 წლის 1 იანვრიდან, შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით /კვალიფიციური ელექტრონული ხელმოწერის შესრულება ან/და კვალიფიციური ელექტრონული შტამპის დასმა შესაძლებელია მხოლოდ PDF ფორმატის დოკუმენტებზე.