Утилиты для пакетов программного обеспечения (Грузия - Тендер #47727908)

ანტივირუსის პროგრამული პაკეტის - „Sophos Central InterceptX - Advanced“ ლიცენზიის შესყიდვა ერთი წლის ვადით, რომლის განმავლობაშიც მიმწოდებელმა უნდა უზრუნველყოს ანტივირუსის განახლებების ბაზაზე და მწარმოებლის მხარდაჭერის პორტალზე შემსყიდველის წვდომა.

იხილეთ თანდართული ტექნიკური დავალება.

შესყიდვის ობიექტის მიწოდება უნდა განხორციელდეს ხელშეკრულების დადებიდან არაუმეტეს 5 (ხუთი) სამუშაო დღის ვადაში.

შესყიდვის ობიეტის მიწოდება უნდა განხორციელდეს ელექტრონული სახით, ინსპექტირების განმახორციელებელი პირის ელექტრონული ფოსტის საშუალებით (აღნიშნული ელექტრონული ფოსტის მისამართი ხელშეკრულების გაფორმებასთან ერთად გადაეცემა მიმწოდებელს).

შემოთავაზებულ შესყიდვის ობიექტს უნდა გააჩნდეს ლიცენზია 1 (ერთი) წლიანი პერიოდით, რომლის ათვლა უნდა დაიწყოს შესყიდვის ობიექტის მოწოდების (გააქტიურების) დღიდან.

პრეტენდენტმა უნდა წარმოადგინოს ინფორმაცია შემოთავაზებული საქონლის წარმოშობის წყაროს, მწარმოებლისა და მოდელის შესახებ (მოდელის არარსებობის შემთხვევაში უნდა გაკეთდეს შესაბამისი ჩანაწერი), სატენდერო დოკუმენტაციის ფასების ცხრილის (დანართი №1) შესაბამის გრაფაში მითითებით. აღნიშნული ინფორმაციის წარმოუდგენლობა დაზუსტებას არ ექვემდებარება და ავტომატურად გამოიწვევს პრეტენდენტის დისკვალიფიკაციას.

(1) ფასწარმოქმნის ადეკვატურობა, შესაძლებელია დასაბუთებული იქნას სსიპ "ლევან სამხარაულის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული დასკვნით;

(2) საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნის წარმოდგენის შემთხვევაში, პრეტენდენტის მიერ, დასკვნასთან ერთად, დამატებით წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი;

(3) ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარიშსწორება განხორციელდება უნაღდო ანგარიშსწორებით, ეროვნულ ვალუტა - ლარში, მხარეთა შორის გაფორმებული მიღება-ჩაბარების აქტის საფუძველზე.

ანგარიშსწორებისთვის საჭირო დოკუმენტაციის სრულად გაფორმებიდან არაუგვიანეს 10 (ათი) სამუშაო დღის ვადაში.

თეონა როსტომაშვილი, 598344454, trostomashvili@sakpatenti.org.ge შესყიდვის ობიექტის ტექნიკურ საკითხებთან დაკავშირებით - გიორგი ბირკაძე - ადმინისტრაციული დეპარტამენტის საინფორმაციო ტექნოლოგიების სამმართველოს აიტი მენეჯერი, საკონტაქტო ნომერი: 591 18 91 18.

(1) სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;

(2) ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;

(3) პრეტენდენტს არ აქვს უფლება წარმოადგინოს ალტერნატიული წინადადება;

(4) ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;

(5) სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;

(6) სატენდერო წინადადების ფასი გამოსახული უნდა იყოს ეროვნულ ვალუტა - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით, დღგ-ის გარდა;

(7) პრეტენდენტმა სატენდერო წინადადების ფასში არ უნდა გაითვალისწინოს დღგ, მიუხედავად იმისა, არის თუ არა იგი დღგ-ის გადამხდელი საქართველოს კანონმდებლობის შესაბამისად. შემსყიდველი ორგანიზაცია ვალდებულია ხელშეკრულების ღირებულებაში გაითვალისწინოს სატენდერო წინადადების ფასის შესაბამისი დღგ-ის ოდენობა, თუ ხელშეკრულების დადების მომენტისთვის პრეტენდენტი არის დღგ-ის გადამხდელი საქართველოს კანონმდებლობის მოთხოვნათა შესაბამისად;

(8) პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი (სატენდერო დოკუმენტაციის დანართი №1) ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.