Верхняя одежда (Грузия - Тендер #47685763)

ლაბადების სახელმწიფო შესყიდვა.

ლაბადა უნდა იკვრებოდეს წინ ელვა შესაკრავით. წინა კალთებზე განთავსებული უნდა ჰქონდეს ორი დახრილი ჯიბე, კისრის ნაწილში საწვიმარ ლაბადაზე განთავსებული უნდა იყოს ე.წ "დასამალი" კაპიუშონი მოსაჭიმი თასმით, რომელიც იკვრება (იმალება) ელვა შესაკრავით და ბოლოვდება ნაკეცით. საწვიმარი ლაბადის მკლავი უნდა ბოლოვდებოდეს (კიდეებზე) დაკერებული სალტით, რომელიც იკვრება ტექნიკური შესაკრავით (ე.წ. ფხრიწი). კისრის მიდამოში უნდა ფიქსირდებოდეს საკიდი. ზურგზე წარწერა "აღსრულების პოლიცია" წარწერა უნდა იყოს შუქამრეკლი ქსოვილისგან (წარწერის ზომა და შუქამრეკლი ქსოვილის ფერი- შემსყიდველთან შეთანხმებით) წინა კალთაზე, მკერდის არეში (მარჯვენა ან მარცხენა მხარეს -შემსყიდველთან შეთანხმებით) განთავსებული უნდა იყოს აღსრულების პოლიციის ლოგო ზომით 10 სმ (+/- 5 მმ) (ზომები შესაძლებელია დაკორქტირდეს შემსყიდველთან შეთანხმებით) . ლაბადის შიდა ზედა მხარის ნაკერები წყალგაუმტარობისთვის უნდა დამუშავდეს წებოლენტით. ლაბადის საზედაპირე ქსოვილი - 100 % პოლიესტერი დაფარული პოლიურეთანით, ფერი: მუქი ლურჯი (ფერი შესაძლებელია დაკორექტირდეს შემსყიდველთან შეთანხმებით) ფხრიწები, ელვაშესაკრავები მუქი ლურჯი ფერის. 1მ2 ქსოვილის წონა 185 გრ (+/-15 გრ), წყალგაუმტარობა არანაკლებ 3000 მმ. ლაბადას უნდა მოყვებოდეს შესანახი ჩანთა, რომელიც იკვრება ელვა შესაკრავით, ლაბადის ზომები შემსყიდველთან შეთანხმებით.
საგარანტიო პერიოდში მოწოდებულ საქონელზე გამოყენებული მეტალის მასალა და დამხმარე აქსესუარები არ უნდა დაიჟანგოს, ჩამკეტი მოწყობილობა, ფიქსატორები ძალის ზემოქმედების შედეგად არ უნდა დაიმსხვრეს და დაზიანდეს. უნდა ინარჩუნებდეს ხარისხსა და თვისობრივ მახასიათებლებს.
რეცხვის დროს მოწოდებული საქონელი უნდა ინარჩუნებდეს ზომას და ფორმას. ყველგან გამოყენებული გვირისტი შესრულებული უნდა იყოს სამკერვალო ძაფით, რომელიც ხელის ძლიერი ზემოქმედებით არ წყდება, გვირისტის შესრულება უნდა იყოს სწორი და პროპორციული. გამძლე.

შენიშვნა*
პრეტენდენტის მიერ, საქონლის ტექნიკურ პარამეტრებთან დაკავშირებული ინფორმაცია მითითებულ უნდა იქნას სატენდერო დოკუმენტაციის დანართი N1 ის შესაბამის (მე-3) გრაფაში.

სახელმწიფო შესყიდვის შესახებ ხელშეკრულების გაფორმების თარიღიდან, არაუგვიანეს 15 (თხუთმეტი) სამუშაო დღის ვადაში.

1.5.1 საქონლის მიწოდება უნდა განხორციელდეს მიმწოდებლის მიერ, მისივე ხარჯებით, შემსყიდველის მხრიდან რაიმე დამატებითი დანახარჯის გაწევის გარეშე.
1.5.2 შესასყიდი საქონლის მიწოდების ადგილია: ქ. თბილისი. აღმაშენებლის ხეივანი N99, სსიპ „აღსრულების ეროვნული ბიუროს“ საწყობი.

1.7.1.1 საქონლის საგარანტიო ვადა მიწოდებულ საქონელზე (ლაბადები) უნდა შეადგენდეს, საქონლის ექსპლუატაციაში გაცემის თარიღიდან - არანაკლებ 6 (ექვსი) თვეს.
1.7.1.2 მიმწოდებელი ვალდებულია შემსყიდველის მიერ წერილობითი მოთხოვნიდან არაუმეტეს 10 (ათი) სამუშაო დღის ვადაში განახორციელოს წუნდებული საქონლის შეცვლა შემსყიდველის მხრიდან რაიმე დამატებითი დანახარჯის გაწევის გარეშე.

2.1.1.1 პრეტენდენტმა დანართ N1-ში უნდა წარმოადგინოს ინფორმაცია შემოთავაზებული საქონლის წარმოშობის ქვეყნის და მწარმოებელი კომპანიის შესახებ.
2.1.1.2 დაზუსტებას არ დაექვემდებარება ტექნიკური დოკუმენტაცია, თუ დანართ N1-ში (ტექნიკურ-ხარისხობრივი მახასიათებლები და ფასების ცხრილი) არ იქნება მითითებული ინფორმაცია შესყიდვის ობიექტის წარმოშობის ქვეყნის და მწარმოებელი კომპანიის შესახებ.

პრეტენდენტს, მინიმუმ, ბოლო ერთი წლის განმავლობაში (2022 წელი), უნდა გააჩნდეს, ანალოგიური საქონლის - სამუშაო ტანსაცმლის ან/და სპეცტანსაცმლის ან/და გარედან ჩასაცმელი ტანსაცმლის მიწოდების გამოცდილება. აღნიშნულის დამადასტურებლად, პრეტენდეტმა უნდა წარმოადგინოს (სისტემაში ატვირთოს) ანალოგიური საქონლის სამუშაო ტანსაცმლის ან/და სპეცტანსაცმლის ან/და გარედან ჩასაცმელი ტანსაცმლის მიწოდების შესახებ გაფორმებული ხელშეკრულებ(ებ)ის და ამ ხელშეკრულებ(ებ)ის შესრულების დამადასტურებელი დოკუმენტის ასლ(ებ)ი (მიღება-ჩაბარების აქტი, ან/და საგადასახადო ანგარიშ-ფაქტურა), ან/და სახელმწიფო შესყიდვის განხორციელების შემთხვევაში, უფლებამოსილი პირის ხელმოწერით დამოწმებული დოკუმენტი, სადაც მითითებული იქნება შესაბამისი SPA/ CMR/ NAT და ა.შ. ნომერი (ამ შემთხვევაში დამატებითი დოკუმენტაციის (ხელშეკრულება, მიღება-ჩაბარების აქტი) წარმოდგენა სავალდებულო არ არის), ან ნებისმიერი სახის დოკუმენტი, რომელიც დაადასტურებს ანალოგიური მომსახურების შესახებ პრეტენდენტის გამოცდილებას. პრეტენდენტის მიერ ანალოგიური მომსახურების გამოცდილების შესახებ ინფორმაცია მითითებული უნდა იქნას სატენდერო დოკუმენტაციით გათვალისწინებულ დანართ N2-ში (დანართი N2 პრეტენდენტის მიერ ატვირთულ უნდა იქნას ერთიან ელექტრონულ სისტემაში).

3.1.1.1. პრეტენდენტმა, შემსყიდველ ორგანიზაციაში, შემსყიდველი ორგანიზაციის მოთხოვნით, უნდა წარმოადგინოს შემოთავაზებული საქონლის ნიმუში.
3.1.1.2. პრეტენდენტის მიერ ორგანიზაციაში წარმოდგენილი ნიმუში სრულად უნდა აკმაყოფილებდეს ტექნიკურ მოთხოვნებს.
3.1.1.3. პრეტენდენტის მიერ წარდგენილი შესყიდვის ობიექტის ნიმუში დაზუსტებას არ ექვემდებარება.

ნიმუშის წარმოდგენის ადგილია, ქ. თბილისი, დავით აღმაშენებლის ხეივანი N99, სსიპ „აღსრულების ეროვნული ბიუროს“ ლოჯისტიკის დეპარტამენტი.

პრეტენდენტს სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში მოეთხოვება ფასწარმოქმნის ადეკვატურობა.
ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

7.2.1 ანგარიშსწორება განხორციელდება უნაღდო ანგარიშსწორების ფორმით ლარში, ფაქტიურად მიწოდებული საქონლის შესაბამისად.
7.2.2. ანგარიშსწორება განხორციელდება მიმწოდებლის საბანკო რეკვიზიტებზე.
7.2.3. საავანსო ანგარიშსწორება არ გამოიყენება.

ანგარიშსწორება განხორციელდება 10 (ათი) სამუშაო დღის განმავლობაში, ხელშეკრულების შესაბამისად გაფორმებული მიღება-ჩაბარების აქტისა და საგადასახადო დოკუმენტაციის წარდგენის საფუძველზე.

თეონა ცაბუტაშვილი, 577180818, ttsabutashvili@nbe.gov.ge

10.1.1 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით.
10.1.2 დისკვალიფიკაციას დაექვემდებარება პრეტენდენტი, თუ სატენდერო დოკუმენტაციის დაზუსტებისას, ასევე, ელექტრონული ვაჭრობის შედეგად დაფიქსირებული, საბოლოო ფასის შესაბამისად დაზუსტებული ფასების ცხრილში, განახორციელებს თავდაპირველად შემოთავაზებული საქონლის წარმოშობის ქვეყნისა და მწარმოებელი კომპანიის შეცვლას.
10.1.3 „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანების 27-ე მუხლის მე-3 პუნქტის შესაბამისად, დაზუსტებას არ დაექვემდებარება ტექნიკური დოკუმენტაცია, თუ დანართ N1-ში (ტექნიკურ-ხარისხობრივი მახასიათებლები და ფასების ცხრილი) არ იქნება მითითებული ინფორმაცია შესყიდვის ობიექტის წარმოშობის ქვეყნის და მწარმოებელი კომპანიის შესახებ, ასევე, ან თუ განუფასებელი პოზიცი(ებ)ის რაოდენობა აღემატება განფასებულის - 1 %.
10.1.4 საქონლის ტექნიკურ მახასიათებლებში მითითებულია მინიმალური მოთხოვნები, რომელსაც უნდა აკმაყოფილებდეს შემოთავაზებული საქონელი, პრეტენდენტს შეუძლია შემოგვთავაზოს გაუმჯობესუბელი მახასიათებლების მქონე საქონელი.
10.1.5 ელექტრონულ ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული ქართული თარგმანი. დოკუმენტაციასთან დაკავშირებული სადავო საკითხების გადაწყვეტისას, უცხოურენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს შემსყიდველი ორგანიზაცია.
10.1.6 სახელმწიფო შესყიდვების ერთიან ელექტრონულ სისტემაში (შემდგომში – სისტემა), ატვირთული ყველა დოკუმენტი (მათ შორის დანართები) ან/და ინფორმაცია, უფლებამოსილი პირის მიერ (საჭიროების შემთხვევაში ატვირთულ უნდა იქნას უფლებამოსილი პირის მინდობილობა ან რწმუნებულება) დამოწმებული უნდა იყოს ელექტრონული ხელმოწერით ან/და კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების გათვალისწინებით.
10.1.7 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.
10.1.8 სატენდერო წინადადების წარდგენა გულისხმობს, რომ პრეტენდენტი ეთანხმება სატენდერო პირობებს.
10.1.9 პრეტენდენტის მიერ სისტემაში სავალდებულოდ ასატვირთი დოკუმენტებია:
 დანართი №1 (ტექნიკურ-ხარისხობრივი მახასიათებლები და ფასების ცხრილი);
 დანართი N2 (ანალოგიური საქონლის მიწოდების გამოცდილება);
 პრეტენდენტის გამოცდილების დამადასტურებელი დოკუმენტები, სატენდერო დოკუმენტაციის 2.2.1 პუნქტის შესაბამისად.
 დანართი №3 (პრეტენდენტის რეკვიზიტები), იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ინფორმაცია რეკვიზიტების შესახებ.