Услуги в области лесного хозяйства (Грузия - Тендер #47685708)

შესყიდვის ობიექტია ჭიათურის მუნიციპალიტეტის ტერიტორიაზე ხმელი, დეგრადირებული და ავარიული ხეების 74 ძირის მოჭრის, 52 ძირის გადაბელვის, შესხეპვის და მორების 100სმ-ზე დახერხვის, გადაზიდვის (ტრანსპორტირების) მომსახურება.
აღნიშნული სამუშაოები უნდა განხორციელდეს ორ ეტაპად:
1. პირველი ეტაპის სამუშაოები უნდა განხორციელდეს 2023 წელს. პირველი ეტაპის სამუშაოებში შედის 74 ძირის მოჭრა ღირებულებით არანაკლებ 16100 ლარი დღგ-ს გარეშე.
2. მეორე ეტაპის სამუშაოები განხორციელდება 2024 წელის 23 იანვრამდე. მეორე ეტაპის სამუშაოებში შედის 52 ძირის გადაბელვის, შესხეპვის სამუშაოები.

1.2.1 მომსახურების დროს მცენარეების, შენობა-ნაგებობების ან სხვა საგნების დაზიანების შემთხვევაში მიმწოდებელი ვალდებულია დაუყოვნებლივ აცნობოს აღნიშნულის შესახებ ტექნიკურ ზედამხედველს და შესაბამის ორგანოებს. ზარალი ანაზღაურდება მიმწოდებლის მიერ.
1.2.2 მიმწოდებელი ვალდებულია შემსყიდველის მოთხოვნის შემთხვევაში ერთდროულად იმუშაოს მინიმუმ 1(ერთი) ჯგუფით 5 (ხუთი) კაციანი შემადგენლობით (ფორს–მაჟორის შემთხვევაში 24 საათიანი სამუშაო გრაფიკით).
1.2.3 მიმწოდებელი ვალდებულია საჭიროების შემთხვევაში უზრუნველყოს ობიექტზე დამცავი ბარიერების მოწყობა.
1.2.4 მიმწოდებელი ვალდებულია წინასწარ შეატყობინოს და შეათანხმოს შესაბამის სამსახურებთან მომსახურების გაწევა, რომელიც იწვევს მოძრაობის, ელექტროენერგიის, ინტერნეტის და სხვა საკაბელო კავშირების შეფერხებას.
1.2.5 ყოველ კონკრეტულ ობიექტზე სამუშაო ადგილი უნდა შემოიფარგლოს თვალსაჩინო ნიშნებით (ზოლიანი ბაბთა ან ზონარი), მომსახურების დასრულების შემდეგ მიმწოდებელი ვალდებულია საკუთარი სახსრებით დაუყოვნებლივ (არაუგვიანეს ერთი დღის ვადაში) გაანთავისუფლოს სამუშაო ადგილი მომსახურების შედეგად წარმოქმნილი ნარჩენებისაგან.
1.2.6 მიმწოდებელმა უნდა უზრუნველყოს მოჭრილი და გადაბელილი ხეების დაჭრა და შემსყიდველის მიერ მითითებულ მისამართზე საკუთარი ხარჯით გადაზიდვა.
1.2.7 მიმწოდებელი იღებს ვალდებულებას, რომ გაწეული მომსახურების ხარისხი უპასუხებს ხელშეკრულებით გათვალისწინებულ პირობებს და დააკმაყოფილებს შემსყიდველის მოთხოვნებს.
1.2.8 მიმწოდებელი ვალდებულია საკუთარი ხარჯებით უზრუნველყოს კონტროლის (ინსპექტირების) შედეგად გამოვლენილი ყველა დეფექტის ან ნაკლის აღმოფხვრა და წუნდებით გაწეული მომსახურების ხელახალი შესრულება.
1.2.9 მომსახურეობის განხორციელების დროს დაცული უნდა იყოს უსაფრთხოების ნორმები.

1. სამუშაოს შესრულების პირველი ეტაპი 74 ძირის მოჭრა უნდა განხორციელდეს 2023 წლის 31 დეკემბრამდე.
2. სამუშაოების მეორე ეტაპი 52 ძირის გადაბელვა, შესხეპვა უნდა განხორციელდეს 2024 წლის 23 იანვრამდე.

ჭიათურის მუნიციპალიტეტის ტერიტორიაზე 74 ძირი ხმელი დეგრადირებული და ავარიული ხის მოჭრის, 52 ძირის გადაბელვის, შესხეპვის, 100 სმ სიგრძის მორებად დახერხვის და გადაზიდვის (ტრანსპორტირების) მომსახურება. ჭიათურა 26 მაისის ქ.N1 ა-ში.

პრეტენდენტს უნდა გააჩნდეს ანალოგიური სამუშაოების გამოცდილება, რაზედაც უნდა წარმოადგინოს ინფორმაცია შესაბამისი დოკუმენტაციით, ხელშეკრულებითა და მიღება-ჩაბარების აქტებით.

სატენდერო წინადადების ფასი სახელმწიფო შესყიდვების ერთიანი ელექტრონულ სისტემაში მითითებული უნდა იქნას დღგ-ს გარეშე (იმის მიუხედავად არის თუ არა პრეტენდენტი დღგ-ს გადამხდელად რეგისტრირებული). იმ შემთხვევაში თუ გამარჯვებული პრეტენდენტი იქნება დღგ-ს გადამხდელი, ხელშეკრულების დადებისას ხელშეკრულების ღირებულებაში იქნება გათვალისწინებული დღგ-ს ოდენობა.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისგან ითხოვს ფასწარმოქმნის ადეკვატურობის დასაბუთებას, რაზედაც პრეტენდენტის მიერ წარმოდგენილ უნდა იქნას ექსპერტიზის შესაბამისი დასკვნა. ექსპერტიზის დასკვნის წარმოუდგენლობა ან⁄და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. პრეტენდენტმა აღნიშნული დასკვნის ღირებულება უნდა დაფაროს საკუთარი ხარჯებით და უნდა უზრუნველყოს მისი წარმოდგენა ერთიანი ელექტრონული სისტემის მეშვეობით, შემსყიდველის მიერ მოთხოვნილი ვადის შესაბამისად.
(დასკვნა გაცემულ უნდა იქნას ლევან სამხარაულის სახელობის საექსპერტო ბიუროს ან აკრედიტაციის ერთიანი ეროვნული ორგანო - აკრედიტაციის ცენტრის აკრედიტირებულ პირთა რეესტრში არსებული პირის მიერ, შესაბამის სფეროში. აუდიტორების სახელმწიფო რეესტრში რეგისტრირებული აუდიტორები და აუდიტორული ფირმები).

ანგარიშსწორება განხორციელდება ეროვნულ ვალუტაში (ლარში) უნაღდო ანგარიშსწორების ფორმით. ხელშეკრულებით გათვალისწინებული შესრულებული სამუშაოს მოცულობის მიხედვით, მიღება-ჩაბარების აქტის და სხვა სათანადო საბუთების წარმოდგენის საფუძველზე.

ანგარიშსწორება განხორციელდება უნაღდო ანგარიშსწორებით, ეროვნულ ვალუტა ლარში მიღება-ჩაბარების აქტის და სხვა სათანადო საბუთების წარმოდგენიდან 10 სამუშაო დღის განმავლობაში.

ლაშა ტაბატაძე, 557265550, dasuftaveba_chiatura@yahoo.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.