Ремонт и техническое обслуживание транспортных средств и оборудования и сопутствующие услуги (Грузия - Тендер #47685688)

შსს კახეთის პოლიციის დეპარტამენტის ბალანსზე რიცხული სხვადასხვა დასახელების ოპერატიული ციმციმების (ხმამაღლამოლაპარაკით) ტექნიკური მომსახურების შესყიდვა.

გასაწევი მომსახურების აუცილებელი და სავალდებულო პირობები:

ა) წინამდებარე ტენდერის გამარჯვებულ პრეტენდენტთან გაფორმებული ხელშეკრულების ფარგლებში მომსახურება უნდა განხორციელდეს რიგგარეშედ;

ბ) სადენების გადაბმა უნდა განხორციელდეს შესაბამისი უსაფრთხოების სტანდარტების დაცვით, სპეციალური საშუალებებით (მაგ: იხ. სურათი №1), ისე რომ არ იწვევდეს სადენების გადახურებას/ლღობას. სადენების გადაბმისას გამოყენებული უნდა იქნას თერმოკუმშვადი მილები (მაგ: იხ. სურათი №2);

გ) მოწყობილობებისთვის კვება მიწოდებული უნდა იქნეს უშუალოდ ავტომობილის აკუმულატორიდან სპეციალური დამცველი ბუდით და კაბელის დაბოლოებით (ბუნიკებით) (მაგ: იხ. სურათი №3);

დ) მოწყობილობების ცენტრალური კვებისთვის გამოყენებულ უნდა იქნას არანაკლებ 2,5 მმ² კვეთის სადენები;

ე) მომსახურების გაწევის პერიოდში, მიმწოდებლის ბრალეულობით ავტოსატრანსპორტო საშუალების დაზიანების შემთხვევაში, მიყენებული ზიანის აღმოფხვრის ხარჯების სრულად ანაზღაურება ეკისრება მიმწოდებელს;

გამოყენებული სათადარიგო ნაწილების უნდა იყოს ახალი/არამეორადი. მეორადი ნაწილების გამოყენება დასაშვებია მხოლოდ შემსყიდველის თანხმობის შემთხვევაში და მეორადი ნაწილის ღირებულება განსაზღვრული იქნება ურთიერთშეთანხმების საფუძველზე, საბაზრო ფასის გათვალისწინებით.

- მიბმული ფაილის სახით იხილეთ ინფორმაცია ოპერატიული ციმციმების (ხმამაღლამოლაპარაკით) ჩამონათვალის შესახებ (დანართი N2);

- გასაწევი მომსახურების ჩამონათვალი და გასაწევი მომსახურების სავარაუდო ერთეულის ღირებულებები მითითებულია სატენდერო დოკუმენტაციის 1.3 პუნქტით გათვალისწინებულ პრეისკურანტში (დანართი N1).

შემსყიდველი უფლებამოსილია შეწყვიტოს მიმდინარე ხელშეკრულება, თუ მიმწოდებელზე გაგზავნილ იქნა ორი ან მეტი გამაფრთხილებელი წერილი, სადაც დაფიქსირებული იქნება მათ მიერ სამუშაოს არაჯეროვნად ან ვადაგადაცილებით შესრულების შემთხვევები.

ტენდერში გამარჯვებულ ორგანიზაციას უნდა გააჩნდეს ყველა საჭირო ხელსაწყოთი აღჭურვილი საკუთარი სერვის ცენტრი, სადაც მაღალკვალიფიციური ტექნიკური პერსონალის მეშვეობით განახორციელებს სატენდერო დოკუმენტაციის დანართ N2-ში მითითებული ოპერატიული ციმციმების (ხმამაღლამოლაპარაკით) ტექნიკურ მომსახურებას;

• გაწეულ მომსახურებაზე მხარეები ადგენენ მიღება-ჩაბარების აქტს, რომელშიც მითითებული უნდა იყოს გაწეული მომსახურების დეტალური აღწერა, რაოდენობა, ფასი და საერთო ღირებულება (მომსახურების ფასები გათვალისწინებულ იქნება პრეისკურანტში (დანართი N1) მოცემული ფასების შესაბამისად).

მომსახურება უნდა განხორციელდეს ხელშეკრულების გაფორმებიდან/ 2024 წლის 01 იანვრიდან 2024 წლის 10 დეკემბრის ჩათვლით. ყოველ კონკრეტულ შემთხვევაში შემსყიდველის მოთხოვნიდან არაუგვიანეს 5 (ხუთი) სამუშაო დღის ვადაში.

- მოთხოვნა/შეტყობინება შესაძლებელია განხორციელდეს სატელეფონო ზარით ან SMS-ით, ან ელ-ფოსტაზე გაგზავნილი შეტყობინებით, ან ოფიციალური წერილის სახით. მიმწოდებელი ვალდებულია შეტყობინების მიღებიდან 3 დღის განმავლობაში უზრუნველყოს მანქანის სერვის ცენტრში მიღება და ტექნიკური მომსახურების გაწევა, ამასთან შემსყიდველს წინასწარ უნდა შეატყობინოს ავტომანქანის ცენტრში მიყვანის თარიღის შესახებ.


ტენდერში გამარჯვებული ორგანიზაცია ვალდებულია შემსყიდველის მხრიდან შეტყობინების მიღებიდან 24 საათის განმავლობაში შემსყიდველი ორგანიზაციის მიერ გამოყოფილ უფლებამოსილი პირის უშუალო მეთვალყურეობით დაზიანებულ ოპერატიული ციმციმებზე (ხმამაღლამოლაპარაკით) შეადგინოს დეფექტური აქტი. დეფექტურ აქტში მითითებულ უნდა იქნეს დაზიანებული ციმციმის ან/და ხმამაღლამოლაპარაკის კონკრეტული დასახელება, აღმოჩენილი ხარვეზი, აღნიშნული ხარვეზის აღმოფხვრისათვის საჭირო გასაწევი მომსახურებების ჩამონათვალი, მომსახურების გაწევის გონივრული ვადები და აღნიშნულ ვადებში განახორციელოს აღდგენითი (პროფილაქტიკური) მომსახურება სრული მოცულობით, ხარისხისა და სტანდარტების დაცვით;

მომსახურება განხორცილდება მიმწოდებლის მიერ შემოთავაზებულ სერვის ცენტრში.

ექსპლუატაციის პირობების დაცვის შემთხვევაში (თუ არ აღინიშნება გარეგანი მექანიკური ზემოქმედებით გამოწვეული დაზიანება) მიმწოდებლის მიერ მიწოდებულ შესყიდვის ობიექტზე საგარანტიო პერიოდი უნდა შეადგენდეს: პრეისკურანტის №1-დან №40 პოზიციის ჩათვლით განსაზღვრულ მომსახურებებზე - არანაკლებ 6 (ექვსი) თვეს - გაწეულ მომსახურებაზე მიღება-ჩაბარების აქტის გაფორმების თარიღიდან. ამასთან, გაწეულ მომსახურებაზე საგარანტიო პერიოდში გამოვლენილი ნაკლის/ხარვეზის შემთხვევაში, მიმწოდებელი ვალდებულია აღნიშნულის თაობაზე შემსყიდველის მხრიდან შეტყობინების მიღებიდან (სატელეფონო ზარით ან SMS-ით, ან ელ-ფოსტაზე გაგზავნილი შეტყობინებით, ან ოფიციალური წერილის სახით) არაუგვიანეს 3 (სამი) კალენდარული დღის ვადაში უზრუნველყოს გამოვლენილი ნაკლის/ხარვეზის აღმოფხვრა შემსყიდველის მხრიდან დამატებითი დანახარჯების გაწევის გარეშე (შენიშვნა: მიმწოდებელი ვალდებულია საგარანტიო ვადის შესახებ ინფორმაციაში დააკონკრეტოს საგარანტიო პერიოდი).

მიმწოდებელი ვალდებულია შეტყობინების მიღებიდან 3 კალენდარული დღის განმავლობაში უზრუნველყოს სერვის ცენტრში შემსყიდველის სატრანსპორტო საშუალების მიღება და ტექნიკური მომსახურების გაწევა, ამასთან შემსყიდველს წინასწარ შეატყობინოს სერვის-ცენტრში სატრანსპორტო საშუალების მიყვანის თარიღის შესახებ.

ტენდერში მონაწილე პრეტენდენტს 2021 წლის 01 იანვრიდან უნდა გააჩნდეს არანაკლებ 10 000 (ათი ათასი) ლარის ღირებულების წინამდებარე ტენდერით განსაზღვრული შესყიდვის ობიექტის ანალოგიური მომსახურების (ციმციმების, სირენების და ხმამაღლა მოლაპარაკე მოწყობილობების შეკეთების მომსახურება) გაწევის გამოცდილება, რომლის დამადასტურებლად პრეტენდენტმა ელექტრონულ სისტემაში უნდა ატვირთოს ტექ-მომსახურების გაწევის დამადასტურებელი შემდეგი დოკუმენტები: ხელშეკრულებ(ები)ა და ამ ხელშეკრულების საფუძველზე გაფორმებული გაწეული ტექ-მომსახურების ამსახველი მიღება-ჩაბარების აქტ(ებ)ი, ან/და მომსახურების გაწევის დამადასტურებელი სხვა დოკუმენტაცია.

პრეტენდენტს უნდა გააჩნდეს საკუთრებაში ან/და სარგებლობაში მინიმუმ 1 (ერთი) სერვის-ცენტრი ქ.თელავში ან ქ.თბილისში.

- ერთიან ელექტრონულ სისტემაში ატვირთული უნდა იქნეს საკუთრების ან სარგებლობის დამადასტურებელი დოკუმენტები, აგრეთვე ქვექკონტრაქტორის არსებობის შემთხვევაში პრედენდეტრმა უნდა წარმოადგინოს ხელშეკრულება რომლის მოქმედების ვადა უნდა შეადგენდეს არანაკლებ 2024 წლის 31 დეკემბერის ჩათვლით პერიოდს.

ქვეკონტრაქტორ(ებ)ის არსებობის შემთხვევაში, პრეტენდენტმა სატენდერო წინადადებასთან ერთად უნდა წარმოადგინოს:

ა) მხარეთა შორის გაფორმებული ხელშეკრულებ(ები)ა (წარმოდგენილ ხელშეკრულებაში, ხელშეკრულების საგანში გარკვევით უნდა იკითხებოდეს (ტექსტის შინაარსიდან ირვეოდეს) ინფორმაცია წინამდებარე ტენდერით განსაზღვრული ანალოგიური მომსახურების გაწევის თაობაზე), რომელთა მოქმედების ვადა უნდა იყოს არანაკლებ 2025 წლის 01 იანვრისა.

ბ) ქვეკონტრაქტორ(ებ)ის სერვის-ცენტრ(ებ)ის საკუთრების და/ან სარგებლობის უფლების დამადასტურებელი შესაბამისი დოკუმენტაცია (განახლებული საჯარო რეესტრის ამონაწერი). ამასთან, თუ სერვის-ცენტრი მეიჯარეს აქვს იჯარით, იჯარის ვადა შესაბამისი ხელშეკრულებით განსაზღვრული უნდა იყოს არაუადრეს 2025 წლის 01 იანვრისა. ამასთან, სერვის-ცენტრის იჯარის შემთხვევაში უნდა იქნას წარმოდგინილი როგორც იჯარის ხელშეკრულება და განახლებული საჯარო რეესტრის ამონაწერი. ასევე ყველა ის დოკუმენტი რომლითაც დადასტურდება, მეიჯარის უფლებამოსილება ქონების იჯარით გადაცემის თაობაზე.

შენიშვნა: მიმწოდებელმა უნდა წარმოადგინოს წინამდებარე ტენდერის გამოცხადების შემდგომი თარიღით განახლებული საჯარო რეესტრის ამონაწერი."

დამატებითი მოთხოვნები:
,,2.9.1 პრეტენდენტმა სატენდერო წინადადებასთან ერთად უნდა წარმოადგინოს, ინფორმაცია სერვის-ცენტრ(ებ)ი მისმართების შესახებ, (შესაბამისი მისამართების მითითებით).

2.9.2 იმ შემთხვევაში, თუ სერვის-ცენტრი წარმოადგენს პრეტენდენტის საკუთრებას პრეტენდენტმა უნდა წარმოადგინოს:
ა) შემოთავაზებული სერვის-ცენტრის საკუთრების დამადასტურებელი შესაბამისი დოკუმენტაცია (განახლებული საჯარო რეესტრის ამონაწერი).
2.9.3 იმ შემთხვევაში, თუ სერვის-ცენტრი პრეტენდენტს აქვს სარგებლობის უფლებით, პრეტენდენტმა უნდა წარმოადგინოს:

ა) იჯარის ხელშეკრულება, რომლის მიხედვითაც იჯარის ვადა უნდა იყოს არაუადრეს 2025 წლის 01 იანვრისა

ბ) ყველა ის დოკუმენტი, რომლითაც დადასტურდება, მეიჯარის უფლებამოსილება ქონების იჯარით გადაცემის თაობაზე (განახლებული საჯარო რეესტრის ამონაწერი და ა.შ.).

შენიშვნა: მიმწოდებელმა უნდა წარმოადგინოს წინამდებარე ტენდერის გამოცხადების შემდგომი თარიღით განახლებული საჯარო რეესტრის ამონაწერი."

2.9.4. გასაწევი მომსახურების ღირებულება უნდა შეიცავდეს მიმწოდებლის ყველა ხარჯს - დაკავშირებულს მომსახურების გაწევასთან (მათ შორის პრეისკურანტში (დანართი №1) რიგ პოზიციებზე გათვალისწინებულ გამოსაცველელი დეტალების ღირებულებებს) და საქართველოს კანონმდებლობით დადგენილ ყველა გადასახადს.

2.9.5 გასაწევი მომსახურების საერთო და ერთეულის ფასების წარმოდგენა დასაშვებია მხოლოდ ლარში.

2.9.6 პრეტენდენტის მიერ ერთიანი ელექტრონული სისტემის მეშვეობით დაფიქსირებული პრეისკურანტის ფასი არ უნდა აღემატებოდეს შემსყიდველის მიერ განსაზღვრულ პრეისკურანტის სავარაუდო ღირებულებას. ელექტრონული ვაჭრობის შემთხვევაში წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.

2.9.7 პრეტენდენტის მიერ გასაწევი მომსახურების ერთეულის ღირებულებები პოზიციების შესაბამისად პრეტენდენტის მიერ მითითებულ უნდა იქნეს პრეისკურანტში (დანართი №1) და არ უნდა აღემატებოდეს პრეისკურანტში ამავე პოზიციებზე დაფიქსირებულ ერთეულის მაქსიმალურ ზღვრულ ფასებს. ერთეულის ღირებულებების ჯამურმა ოდენობამ არ უნდა გადააჭარბოს 4517.00 (ოთხიათასხუთასშვიდმეტი ) ლარს, (დანართი №1 პრეტენდენტის მიერ ატვირთულ უნდა იქნეს ერთიან ელექტრონულ სისტემაში).

2.9.8 პრეტენდენტის მიერ პრეისკურანტის სავარაუდო ფასის შემცირების/კლების შემთხვევაში, ელექტრონულ სისტემაში დაფიქსირებული საბოლოო ფასიდან გამომდინარე, პრეისკურანტით გათვალისწინებული ერთეულის ღირებულებები დაკლებულ უნდა იქნეს პროპორციულად ყველა პოზიციაზე, პრეისკურანტის სავარაუდო ღირებულებასა და სისტემაში პრეტენდენტის მიერ დაფიქსირებულ პრეისკურანტის საბოლოო ღირებულებას შორის არსებული სხვაობიდან გამოთვლილი (გამოყვანილი) პროცენტის შესაბამისად. ამასთან, თუ ერთიან ელექტრონულ სისტემაში დაფიქსირებული საბოლოო ფასიდან გამომდინარე გასაწევი მომსახურებების ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია აღნიშნული ღირებულებები შეამციროს და დაამრგვალოს მეასედებამდე, შესაბამისად შეამციროს პრეისკურანტის ჯამური ღირებულებაც.

2.9.9. პრეისკურანტში დანადგარის ტექნიკური მომსახურების/საქონლის რომელიმე ერთეულის დამატებისას, აღნიშნული ერთეულის ფასი (მისი შესყიდვის აუცილებლობისას) დადგინდება შემსყიდველისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში, პრეისკურანტში დანადგარის ტექნიკური მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

2.9.10 შემსყიდველის მიერ მოთხოვნილი ყველა დოკუმენტი ან/და ინფორმაცია პრეტენდენტის მიერ ატვირთულ უნდა იქნეს ერთიან ელექტრონულ სისტემაში.

2.9.11 პრეტენდენტის მიერ ერთიან ელექტრონულ სისტემაში ატვირთული ყველა დოკუმენტი ან/და ინფორმაცია ხელმოწერილი ან/და შტამპდასმული უნდა იყოს ელექტორნულად.

2.9.12 პრეტენდენტს არ აქვს უფლება წარმოადგინოს ალტერნატიული წინადადება.

2.9.13 პრეტენდენტის მიერ შერჩევა-შეფასების ეტაპზე წარმოდგენილ დაზუსტებულ პრეისკურანტში რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას.

2.9.14 პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი N1-ის (პრეისკურანტის) წარმოუდგენლობა ან არსებითად შეუსაბამო დანართი N1-ის (პრეისკურანტის) წარმოდგენა გამოიწვევს პრეტენდენტის დისკვალიფიკაციას აღნიშნულ ტენდერში.

იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილ უნდა იქნეს ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნეს დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით მომსახურების გაწევის შესაძლებლობა.

დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები

- ანგარიშსწორება განხორციელდება ეტაპობრივად ან მთლიანად ფაქტიურად გაწეული მომსახურების ღირებულებების მიხედვით, შესაბამისი მიღება-ჩაბარების აქტის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენის შემდეგ.

- ანგარიშსწორების ვალუტა - ლარი.

- გადახდის ფორმა იქნება უნაღდო, გადარიცხვა მოხდება მიმწოდებლის საბანკო ანგარიშზე.

ანგარიშსწორება განხორციელდება ეტაპობრივად ან მთლიანად ფაქტობრივად გაწეული მომსახურების ღირებულებების მიხედვით, შესაბამისი მიღება-ჩაბარების აქტის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენიდან 10 (ათი) სამუშაო დღის განმავლობაში.

კახაბერ ჯიქიძე, 579400100, k.jiqidze@mia.gov.ge

„პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ" საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის"