Ремонт и техническое обслуживание транспортных средств и оборудования и сопутствующие услуги (Грузия - Тендер #47544512)

სხვადასხვა ტიპის ავტოსატრანსპორტო საშუალებების და მათთან დაკავშირებული მოწყობილობების შეკეთება და ტექნიკური მომსახურება.

1.2.1 მიმწოდებელმა უნდა უზრუნველყოს საქართველოს ფინანსთა სამინისტროს საგამოძიებო სამსახურის ბალანსზე რიცხული ავტომობილებისა და მათთან დაკავშირებული მოწყობილობების შეკეთება და ტექნიკური მომსახურება. ავტოსატრანსპორტო საშუალების შეკეთება და ტექნიკური მომსახურება (სერვისი-სათადარიგო ნაწილები) გულისხმობს ავტოსატრანსპორტო საშუალებების დროულ და სრულყოფილ შეკეთებას; პროფილაქტიკური და დიაგნოსტიკური სამუშაოების ჩატარებას; ავტომობილის ნაწილების შეკეთებას და/ან გამოცვლას; ავტოსატრანსპორტო საშუალების დაზიანებული ნაწილები უნდა შეიცვალოს ახალი ან/და შემსყიდველთან შეთანხმებით მეორადი სათადარიგო ნაწილებით და უნდა შეესაბამებოდეს პრეტენდენტის მიერ წარმოდგენილ ფასების ცხრილში მითითებულ შესაბამისი საქონლის მდგომარეობას (მეორადის შემთხვევაში მითითებული უნდა იყოს „მეორადი“), დასახელებას და ფასს.

1.2.2 მიმწოდებელი ვალდებულია ავტომანქანის სერვის-ცენტრში მიყვანიდან (რაზეც მიმწოდებელმა უნდა მოამზადოს შესაბამისი დოკუმენტი, რომელშიც მითითებული იქნება თარიღი, ავტომობილის მარკა, სახელმწიფო ნომერი, გარბენი, VIN კოდი და უფლებამოსილი პირის ხელმოწერა) არაუგვიანეს მომდევნო კალენდარული დღისა ჩაატაროს ავტოსატრანსპორტო საშუალებების დათვალიერება და წარუდგინოს შემსყიდველს დეფექტური აქტი ხელმოსაწერად (დეფექტური აქტის დაგვიანებით მომზადების შემთხვევაში მიმწოდებელს დაერიცხება პირგასამტეხლო ყოველ ჯერზე 200 (ორასი) ლარის ოდენობით). დეფექტურ აქტში გაწერილი უნდა იყოს გასაწევი მომსახურების ან/და ასეთი მომსახურებისათვის საჭირო სათადარიგო ნაწილების/საცხებ-საპოხი მასალის დეტალური აღწერა და მომსახურების დაწყებისა და დასრულების ვადები (დეფექტურ აქტში აგრეთვე მითითებული უნდა იყოს ისეთი სათადარიგო ნაწილებიც ან/და მომსახურება, რომელიც არ არის პრეისკურანტში და საჭიროებს დამატებით შეთანხმებას).

1.2.3 დეფექტური აქტის საფუძველზე გაწეულ მომსახურების დასრულებისთანავე უნდა შედგეს შესრულებული სამუშაოს აქტი, სადაც გაწერილი უნდა იყოს გაწეული მომსახურების ან/და ასეთი მომსახურებისათვის საჭირო სათადარიგო ნაწილების/საცხებ-საპოხი მასალის დეტალური აღწერა, მომსახურების დასრულების ვადა და ფასი (შესრულებული სამუშაოს აქტში აგრეთვე მითითებული უნდა იყოს ისეთი სათადარიგო ნაწილებიც ან/და მომსახურება, რომელიც არ არის პრეისკურანტში და საჭიროებს დამატებით შეთანხმებას).

1.2.4 თუ ხელშეკრულების დადების შემდეგ, ხელშეკრულების მოქმედების პერიოდში აღმოჩნდება, რომ პრეისკურანტში არ არსებობს რომელიმე სახის სათადარიგო ნაწილი/საცხებ-საპოხი მასალა/მომსახურება, მიმწოდებელი ვალდებულია 3 (სამი) სამუშაო დღის ვადაში მოიძიოს და შემსყიდველს შესთავაზოს აღნიშნული მომსახურება და დეტალი საბაზრო ფასებიდან გამომდინარე.
„შემსყიდველს“ უფლება აქვს მიუთითოს „მიმწოდებელს“ საქართველოში აღნიშნულ ნაწილის შეძენის ადგილი, რაც იმოქმედებს საბაზრო ფასის დადგენაზე.

1.2.5 ავტოსატრანსპორტო საშუალების ტექნიკური მომსახურება უნდა განხორციელდეს მიმწოდებელსა და შემსყიდველს შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) დეტალური აღწერა.

1.2.6 პრეტენდენტმა უნდა მიუთითოს ფასები განსაფასებელი ცხრილების (პრეისკურანტების) ჩამონათვალში მოცემულ სათადარიგო ნაწილებისა და მომსახურების ყველა სახეობაზე, რომლებიც არ უნდა აღემატებოდეს შემსყიდველის მიერ განსაფასებელ ცხრილებში (პრეისკურანტებში) მითითებულ თითოეულ პოზიციაზე სავარაუდო მაქსიმალურ ღირებულებას.

1.2.7 ხელშეკრულების დადების შემდეგ, პრეისკურანტში მომსახურების რომელიმე ერთეულის არარსებობისას აღნიშნული ერთეულის ფასი, მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი მომსახურების (ნაწილის) ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%–ს.

1.2.8 ავტოსატრანსპორტო საშუალების მომსახურება გაწეული უნდა იქნას დაუყოვნებლივ, რიგგარეშე.

1.2.9 მომსახურების გაწევის პერიოდში, მიმწოდებლის ბრალეულობით ავტოსატრანსპორტო საშუალების დაზიანების შემთხვევაში, მიყენებული ზიანის აღმოფხვრის ხარჯების სრულად ანაზღაურება ეკისრება მიმწოდებელს.

1.2.10 ტენდერში ვაჭრობა გაიმართება პრეისკურანტის ჯამურ სავარაუდო ღირებულებაზე;

1.2.11 ელექტრონული ვაჭრობის შემთხვევაში, პრეტენდენტის მიერ პრეისკურანტში დაფიქსირებული ერთეულის ღირებულებები დაკლებულ უნდა იქნას პროპორციულად ყველა პოზიციაზე, სატენდერო დოკუმენტაციაში მოცემული პრეისკურანტის ზღვრული ერთეულის ფასებიდან, შემსყიდველი ორგანიზაციის მიერ ერთიან ელექტრონულ სისტემაში ატვირთული პრეისკურანტის თავდაპირველ ჯამურ ღირებულებასა და მიმწოდებლის მიერ დაფიქსირებულ წინადადების საბოლოო ფასს შორის არსებული სხვაობიდან გამოთვლილი (გამოყვანილი) პროცენტის შესაბამისად. პრეტენდენტმა მინიმუმ აღნიშნული პროცენტის შესაბამისად პროპორციულად უნდა შეამციროს თითოეული მომსახურების ღირებულება, ხოლო კლების შემდგომ, იმ შემთხვევაში თუ მომსახურების ერთეულის ღირებულება არ იქნება მთელი რიცხვი, უნდა დაამრგვალოს ლარის მეასედის სიზუსტით (არითმეტიკული დამრგვალების მეთოდით). ამასთანავე, გათვალისწინებული უნდა იქნას, რომ დამრგვალების შემდგომ მიღებული პრეისკურანტის ჯამური ღირებულება არ უნდა აღემატებოდეს ვაჭრობის შედეგად სისტემაში საბოლოოდ დაფიქსირებული პრეისკურანტის ჯამურ ღირებულებას.

1.2.12 პრეისკურანტში ნულით განფასებული სათადარიგო ნაწილები და მომსახურება შემსყიდველის მიერ არ ანაზღაურდება. თუ პრეტენდენტი გეგმავს რომელიმე პოზიციაზე საქონელი და მომსახურება მიაწოდოს უფასოდ, ერთეულის ფასის შესაბამის გრაფაში უნდა ჩაიწეროს „0” ან ,,0.00". ცარიელი სიმბოლოს ან სხვა აღნიშვნის („-“, „* “ ან მსგავსი) მითითება დაუშვებელია, ასეთ შემთხვევაში იგულისხმება რომ აღნიშნულ პოზიციაზე პრეტენდენტის მიერ საქონელი და/ან მომსახურება განუფასებლადაა წარმოდგენილი. შესაბამისად, დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი პრეისკურანტი ან წარდგენილ პრეისკურანტში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.

1.2.13 ტენდერის შედეგად გაფორმებული ხელშეკრულების შესაბამისად, ძრავის ზეთების და ზეთის ფილტრების შეძენა, შესაძლებელია განხორციელდეს მხოლოდ იმ შემთხვევაში, როდესაც შეკეთდება ან შეიცვლება ავტოსატრანსპორტო საშუალების ძრავი, რომელზედაც საგარანტიო ვადა ვრცელდება 1 (ერთი) წელი, ამ შემთხვევაში გამოყენებული სატრანსპორტო საშუალების ზეთი და ზეთის ფილტრი განკუთვნილი უნდა იყოს იმ სატრანსპორტო საშუალების მარკის და მოდელისთვის რომელშიც განხორციელდება მისი ჩასხმა/შეცვლა. ასევე, სატრანსპორტო საშუალებებში ჩასხმული/გამოცვლილი ტრანსმისიის ზეთები განკუთვნილი უნდა იყოს იმ სატრანსპორტო საშუალების მარკის და მოდელისთვის რომელშიც განხორციელდება მისი ჩასხმა/შეცვლა.

1.2.14 მიმწოდებელი ვალდებულია საჭიროების შემთხვევაში, წინამდებარე ტენდერით გათვალისწინებული ავტოსატრანსპორტო საშუალებების ელექტრო (კომპიუტერული) სისტემის დიაგნოსტიკა და სავალი ნაწილების შემოწმების მომსახურება გაუწიოს შემსყიდველს უსასყიდლოდ - როგორც ხელშეკრულების მოქმედების ნებისმიერ ეტაპზე, ასევე საგარანტიო პერიოდის განმავლობაში.

1.2.15 სატენდერო დოკუმენტაციით განსაზღვრული მოთხოვნები გათვალისწინებული იქნება პრეტენდენტთან სახელმწიფო შესყიდვის შესახებ გასაფორმებელ ხელშეკრულებაში.

1.2.16 მიმწოდებელმა ხელშეკრულების მოქმედების პერიოდში, თბილისის სერვის-ცენტრში უნდა უზრუნველყოს შემსყიდველის წარმომადგენელთათვის თავისუფალი საოფისე ფართის გამოყოფა (ინტერნეტით და ავეჯით).

1.2.17 მიმწოდებელმა დეფიციტური ნაწილის შესახებ ინფორმაცია, ელ.ფოსტაზე უნდა აცნობოს შემსყიდველს 2 კალენდარული დღის ვადაში, ასევე, ავტოსათადარიგო ნაწილის საქართველოს ფარგლებს გარეთ შეკვეთისას შემსყიდველის მოთხოვნდან 2 კალენდარული დღის ვადაში წარმოდგენილი უნდა იქნეს შეკვეთის დამადასტურებელი დოკუმენტი (წინააღმდეგ შემთხვევაში მომსახურების გაწევის ვადა არ გაიზრდება).

შემსყიდველის მოთხოვნის შესაბამისად, ხელშეკრულების გაფორმებიდან 2023 წლის 31 დეკემბრის ჩათვლით.

ავტომობილების მომსახურება უნდა განხორციელდეს დაუყოვნებლივ, რიგგარეშე.
ამასთან, პრეისკურანტით მომსახურების ვადა თითოეულ შემთხვევაში არ უნდა აღემატებოდეს დეფექტური აქტის შედგენიდან:
1. სავალი ნაწილებისათვის ორ დღეს;
2. საცხებ-საპოხი მასალების შეცვლა მოთხოვნისთანავე;
3. სათადარიგო ნაწილების შეცვლა - ორ დღეს;
4. ელექტროობისათვის - სამ დღეს;
5. აგრეგატებისათვის - სამ დღეს;
6. სათუნუქე სამღებრო სამუშაოებისთვის - შვიდ დღეს;
7. ხანგრძლივი მომსახურების (ძრავის, სიჩქარეთა კოლოფის) გაწევის დრო - თხუთმეტ დღეს;
8. დეფიციტური სათადარიგო ნაწილებით უზრუნველყოფა - ოც დღეს (შენიშვნა: მიმწოდებელმა დეფიციტური ნაწილის შესახებ ინფორმაცია, ელ.ფოსტაზე უნდა აცნობოს შემსყიდველს 2 კალენდარული დღის ვადაში, ავტოსათადარიგო ნაწილის საქართველოს ფარგლებს გარეთ შეკვეთისას შემსყიდველის მოთხოვნის შემთხვევაში 2 კალენდარული დღის ვადაში, წარმოდგენილი უნდა იქნეს შეკვეთის დამადასტურებელი დოკუმენტი (წინააღმდეგ შემთხვევაში მომსახურების გაწევის ვადა არ გაიზრდება).

1.5.1 აღნიშნული მომსახურება უნდა განხორციელდეს საჭიროების მიხედვით ქ. თბილისში, ქ. ბათუმში, ქ. ქუთაისში ან მის მიმდებარე ტერიტორიაზე ქ. ზუგდიდში ან მის მიმდებარე ტერიტორიაზე, ქ. გორში ან მის მიმდებარე ტერიტორიაზე, ქ. ახალციხეში ან მის მიმდებარე ტერიტორიაზე, ქ. ფოთში ან მის მიმდებარე ტერიტორიაზე და ქ. თელავში ან მის მიმდებარე ტერიტორიაზე.
პრეტენდენტმა სისტემაში უნდა ატვირთოს ინფორმაცია ავტოსერვისის მისამართების შესახებ.

1.5.2 იმ შემთხვევაში, თუ ვერ ხერხდება ადგილზე ავტომანქანის შეკეთება ფინანსთა სამინისტროს საგამოძიებო სამსახურის თანხმობის შემდეგ შესაძლებელი იქნება ავტომანქანის გადატანა ევაკუატორით, მიმწოდებლის ხარჯებით, მისივე ან სხვა სერვის-ცენტრში. (რომელიმე რეგიონის სერვის ცენტრიდან საჭიროების შემთხვევაში გადატანა ქ. თბილისში)

ექსპლუატაციის პირობების დაცვის შემთხვევაში (თუ არ აღინიშნება გარეგანი მექანიკური ზემოქმედებით გამოწვეული დაზიანება) მიმწოდებლის მიერ გაწეულ ტექ-მომსახურებზე, ახალ, შეკეთებულ და მეორად ნაწილებზე გარანტია უნდა ვრცელდებოდეს:
* ძრავის რემონტზე ან სხვა ძრავით (ახალი, მეორადი) შეცვლის შემთხვევაში - არანაკლებ 1 წელი ან 50 000 კმ. გარბენი, (რომელიც უფრო ადრე შესრულდება) იმ შემთხვევაშიც თუ ძრავის ზეთის და ზეთის ფილტრის შეცვლა განხორციელდება სხვა სერვისში.
* გადაცემათა კოლოფის რემონტზე ან სხვა გადაცემათა კოლოფით (ახალი, მეორადი) შეცვლის შემთხვევაში - არანაკლებ 1 წელი ან 40 000 კმ. გარბენი, (რომელიც უფრო ადრე შესრულდება).
* გამანაწილებელი კოლოფის რემონტზე ან სხვა გამანაწილებელი კოლოფით (ახალი, მეორადი) შეცვლის შემთხვევაში - არანაკლებ 1 წელი ან 40 000 კმ. გარბენი, (რომელიც უფრო ადრე შესრულდება).
* ხიდის რემონტზე ან სხვა ხიდით (ახალი, მეორადი) შეცვლის შემთხვევაში - არანაკლებ 1 წელი ან 30 000 კმ. გარბენი, (რომელიც უფრო ადრე შესრულდება).
* სავალი ნაწილები - 6 თვე ან 30 000 კმ. გარბენი, (რომელიც უფრო ადრე შესრულდება).
* გადაბმულობის სისტემა - 6 თვე ან 20 000 კმ. გარბენი, (რომელიც უფრო ადრე შესრულდება).
* სათუნუქე - სამღებრო სამუშაოები არანაკლებ 1 წელი.
* მექანიზმები - არანაკლებ 1 წელი ან 30 000 კმ. გარბენი, (რომელიც უფრო ადრე შესრულდება).
* ელექტრო სამუშაოები - არანაკლებ 6 თვე ან 30 000 კმ. გარბენი, (რომელიც უფრო ადრე შესრულდება).
* ელექტრო დეტალები - არანაკლებ 1 წელი ან 50 000 კმ. გარბენი, (რომელიც უფრო ადრე შესრულდება).
* დანარჩენი აღდგენითი და სხვა მომსახურეობა - არანაკლებ 6 თვე ან 30 000 კმ. გარბენი, (რომელიც უფრო ადრე შესრულდება).
* სხვა დანარჩენი ა/სათადარიგო ნაწილები - არანაკლებ 1 წელი ან 60 000 კმ. გარბენი, (რომელიც უფრო ადრე შესრულდება).

2.2.1.1 პრეტენდენტს 2020 წლის 1 იანვრიდან ტენდერის გამოცხადების დღემდე პერიოდში უნდა გააჩნდეს არანაკლებ 500000 ლარის ღირებულების ავტოსატრანსპორტო საშუალებების შეკეთების და ტექნიკური მომსახურების გაწევის გამოცდილება.

2.2.1.2 პრეტენდენტის გამოცდილება უნდა დასადასტურდებოდეს:
2.2.1.2.1 ხელშეკრულებით;
2.2.1.2.2 წარმოდგენილი ხელშეკრულებების მიღება-ჩაბარების აქტ(ებ)ით ან/და ფორმა N2-ით და დადასტურებული ანგარიშ-ფაქტურ(ებ)ით;
2.2.1.2.3 სახელმწიფო შესყიდვის განხორციელების შემთხვევაში პრეტენდენტს შეუძლია დანართი N2-ის ცხრილში მიუთითოს შესაბამისი SPA ან/და NAT ან/და CMR ან/და სხვა ნომერი (ასეთ შემთხვევაში არ არის სავალდებულო სისტემაში იმ დოკუმენტაციის ატვირთვა, რომელიც უკვე ატვირთულია სახელმწიფო შესყიდვების ერთიან ელექტრონულ სისტემაში).

2.3.1.1. პრეტენდენტმა უნდა წარმოადგინოს ინფორმაცია მის სარგებლობაში ან/და საკუთრებაში არსებული სერვის ცენტრების (ქ. თბილისში (არანაკლებ ორი), ქ. ბათუმში, ქ. ქუთაისში ან მის მიმდებარე ტერიტორიაზე ქ. ზუგდიდში ან მის მიმდებარე ტერიტორიაზე, ქ. გორი ან მის მიმდებარე ტერიტორიაზე, ქ. ახალციხე ან მის მიმდებარე ტერიტორიაზე, ქ. ფოთი ან მის მიმდებარე ტერიტორიაზე და ქ. თელავი ან მის მიმდებარე ტერიტორიაზე) ადგილმდებარეობების შესახებ შესაბამისი მისამართების მითითებით. ამასთან, საკუთრების შემთხევაში წარმოდგენილი უნდა იქნას ამონაწერი საჯარო რეესტრიდან, ხოლო სარგებლობის (ქირავნობა, იჯარა, ლიზინგი, უზუფრუქტი და/ან სხვა) შემთხვევაში წარმოდგენილი უნდა იქნას გაფორმებული ხელშეკრულებები, რომელიც ძალაში უნდა იყოს მინიმუმ 2023 წლის 31 დეკემბრის ჩათვლით.

2.3.1.2 თბილისში ქვეკონტრაქტორის არსებობის შემთხვევაში წარმოდგენილი უნდა იყოს ქვეკონტრაქტორი კომპანიის, არანაკლებ 200000 ლარის ღირებულების, ანალოგიური მომსახურების დამადასტურებელი ხელშეკრულებ(ებ)ი, მიღება-ჩაბარების აქტ(ებ)ი და შესაბამისი დადასტურებული ანგარიშ-ფაქტურები 2020 წლის 1 იანვრიდან ტენდერის გამოცხადების დღემდე პერიოდში.

2.3.1.3 სერვის ცენტრებში პრეტენდენტს უნდა გააჩნდეს არანაკლებ შემდეგი ხელსაწყო დანადგარები:
- ავტომანქანის ამწე მექანიზმი, არანაკლებ 10 ცალი - თბილისში (ორივე სერვისცენტრში ცალ-ცალკე) და არანაკლებ 2-2 რეგიონებში;
- თვლების შეყრის (რაზვალი) დანადგარი;
- კომპიუტერული დიაგნოსტიკის მოწყობილობა;
- საყრდენი დისკის გასაჩარხი მოწყობილობა (დისკის მოუხსნელად);
- დათვალიერების ორმო ან ამწე-ესტაკადა;
- ძრავის ამოსაღები ამწე;
- ელექტრო მომარაგების სარეზერვო წყარო (გენერატორი) (მხოლოდ თბილისში);
- დისკის გასასწორებელი დანადგარი (მხოლოდ თბილისში);
- სერვისცენტრში სამუშაო ფართობი დაფარული უნდა იყოს ბეტონის ან მსგავსი ზედაპირით.

2.3.1.4 პრეტენდენტს ასევე უნდა გააჩნდეს საჭირო ფართი იმისათვის, რომ უზრუნველყოს შემსყიდველის ავტომობილების განთავსება აღნიშნულ ტერიტორიაზე.

2.3.1.5 ამასთან, შემსყიდველი უფლებამოსილია შერჩევა/შეფასების ეტაპზე ადგილზე შეამოწმოს მატერიალურ-ტექნიკური ბაზა.

ქვეკონტრაქტორის არსებობის შემთხვევაში, პრეტენდენტმა უნდა წარმოადგინოს ქვეკონტრაქტორ(ებ)თან არსებული სამართლებრივი ურთიერთობის დამადასტურებელი დოკუმენტ(ებ)ი (ხელშეკრულება, შეთახმება ან სხვა ექვივალენტური დოკუმენტი), სადაც მითითებული უნდა იყოს ინფორმაცია ქვეკონტრაქტორ(ებ)ის სერვის ცენტრის მდებარეობის შესახებ და რომელიც მოქმედი უნდა იყოს არანაკლებ წინამდებარე ტენდერით განსაზღვრული მომსახურების განხორციელების პერიოდის განმავლობაში.

მიმწოდებელი ვალდებულია ქვეკონტრაქტორის ან იჯარით გაცემული ფართის ცვლილების შემთხვევაში, აღნიშნული ცვლილება ერთი თვით ადრე შეათანხმოს შემსყიდველ ორგანიზაციასთან.

ქვეკონტრაქტორ(ებ)ი ანგარიშვალდებულია მიმწოდებლის წინაშე. ქვეკონტრაქორ(ებ)ის მიერ ნაკისრი ვალდებულებების შეუსრულებლობით ან არაჯეროვანი შესრულებით დამდგარ შედეგზე შემსყიდველის წინაშე პასუხისმგებელია მხოლოდ მიმწოდებელი.

ქვეკონტრაქტორის არსებობის შემთხვევაში, წარმოდგენილ უნდა იქნას ქვეკონტრაქტორის სერვის-ცენტრის საკუთრების და/ან სარგებლობის უფლების დამადასტურებელი შესაბამისი დოკუმენტაცია. ამასთან, საკუთრების შემთხევაში წარმოდგენილი უნდა იქნას ამონაწერი საჯარო რეესტრიდან, ხოლო სარგებლობის (ქირავნობა, იჯარა, ლიზინგი, უზუფრუქტი და/ან სხვა) შემთხვევაში წარმოდგენილი უნდა იქნას გაფორმებული ხელშეკრულებ(ებ)ი, რომელიც ძალაში უნდა იყოს მინიმუმ 2023 წლის 31 დეკემბრის ჩათვლით.

პრეტენდენტის მიერ ერთიან ელექტრონულ სისტემაში ასატვირთი დოკუმენტაცია/ინფორმაცია:
1. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია;
2. ფასების ცხრილი - პრეისკურანტი (პუნქტი 1.3);
შენიშვნა: პრეტენდენტის მიერ პრეისკურანტი წარმოდგენილ უნდა იქნას „MS Excel“ ფორმატით;
3. ინფორმაცია მომსახურების გაწევის ვადების შესახებ (პუნქტი 1.4);
4. ინფორმაცია მომსახურების გაწევის ადგილის შესახებ (პუნქტი 1.5);
5. ინფორმაცია საგარანტიო ვადის შესახებ (პუნქტი 1.7.1);
6. პრეტენდენტის გამოცდილების დამადასტურებელი დოკუმენტაცია (პუნქტი 2.2.1);
7. ინფორმაცია პრეტენდენტის და ქვეკონტრაქტორის (ასეთის არსებობის შემთხვევაში) მატერიალურ-ტექნიკური ბაზის შესახებ (პუნქტი 2.3.1);
8. ინფორმაცია/დოკუმენტაცია ქვეკონტრაქტორის შესახებ (ასეთის არსებობის შემთხვევაში) (პუნქტი 2.8.1).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის, საქართველოს აკრედიტაციის ეროვნულ ორგანოს - აკრედიტაციის ცენტრის მიერ, საერთაშორისო სტანდარტის – ISO/IEC 17024 შესაბამისად აკრედიტირებული სერტიფიკაციის ორგანოს მიერ გაცემული ქონების შემფასებლის მოქმედი სერტიფიკატ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.

დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლთ განსაზღვრული პირობები.

ანგარიშსწორება მოხდება უნაღდო ანგარიშსწორებით ლარში, 2023 წლის სახელმწიფო ბიუჯეტის ასიგნენების ფარგლებში.

ანგარიშსწორება მოხდება ეტაპობრივად, მიღება–ჩაბარების აქტის გაფორმებიდან 10 (ათი) სამუშაო დღის ვადაში.

გიორგი ლაბაძე, 551159083, g.labadze@mof.ge

10.1.1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3. პრეტენდენტი ვალდებულია სახელმწიფო შესყიდვებში ერთიან ელექტრონულ სისტემაში დოკუმენტაციის ატვირთვისას იხელმძღვანელოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და 10.1 პუნქტში ატვირთული სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე სახელმწიფო შესყიდვების სააგენტოს სახელმძღვანელო ინსტრუქციის შესაბამისად.
10.1.4. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.5. პრეტენდენტი, რომელიც მონაწილეობას მიიღებს აღნიშნულ ტენდერში, ავტომატურად ეთანხმება სატენდერო დოკუმენტაციით გათვალისწინებულ ყველა მოთხოვნას.