Образовательные услуги (Грузия - Тендер #47441159)

„პიროვნული და პროფესიული კომპეტენციების განვითარების კურსი“ -7 თანამშრომელი, „მოხელის მენეჯერული უნარები“-5 თანამშრომელი

1. საბაზისო სასწავლო პროგრამა №1 _ „მოხელის მენეჯერული უნარები“.

1.1. სასწავლო პროგრამის მიზანია მონაწილეებს გააცნოს და გაუღრმავოს: ა) ეფექტური კომუნიკაცია და მოლაპარაკებების წარმართვის უნარი; ბ) საჯარო დაწესებულების წარმომადგენლობის უნარი; გ) სტრატეგიული და კომპლექსური აზროვნების უნარი; დ) სტრუქტურული ერთეულისა და ინდივიდუალური ამოცანების დასახვის უნარი; ე) ცვლილებების/სიახლეების ინიციირებისა და მართვის უნარი; ვ) თათბირებისა და შეხვედრების წარმართვის უნარი; ზ) მოხელის პროფესიული განვითარების, შეფასებისა და მოტივირების უნარი; თ) გუნდის განვითარების უნარი; ი) პრობლემის გადაჭრისა და კონფლიქტების მართვის უნარი.

1.2. სასწავლო კურსი უნდა მოიცავდეს შემდეგ თემებს:

თემა 1 _ სტრატეგიული მართვა-დაგეგმვა (სტრატეგიული მენეჯმენტი, გრძელვადიანი და საშუალოვადიანი მიზნებისა და ამოცანების დაგეგმვა, სამოქმედო გეგმების შემუშავება);
თემა 2 _ მომსახურებისა და ხარისხის მართვა, რისკების მართვა, ცვლილებების მართვა;
თემა 3 _ გადაწყვეტილების მიღება, ლიდერობა და გუნდის მართვა, გუნდის გაძლიერება და მოტივირება, გენდერული თანასწორობა და სექსუალური შევიწროების აღმოფხვრა სამუშაო ადგილზე;
თემა 4 _ პროფესიული კომუნიკაცია, ეფექტური კომუნიკაცია და ეფექტური მოლაპარაკებები, მედიასთან ურთიერთობა და საჯარო გამოსვლა;
თემა 5 _ საჯარო სამსახურის ეთიკა, კონფლიქტების მოგვარება, ორგანიზაციული კულტურა, ანტიკორუფციული პოლიტიკა და კორუფციის წინააღმდეგ ბრძოლის სამართლებრივი საშუალებები



2. საბაზისო სასწავლო პროგრამა №2 _ „პიროვნული და პროფესიული კომპეტენციების განვითარების კურსი“.

2.1. კურსის მიზანია გაუღრმავოს მსმენელებს: ა) ეფექტური კომუნიკაციის უნარი; ბ) დამოუკიდებელი მუშაობის უნარი; გ) გუნდური მუშაობის უნარი; დ) კომპლექსური აზროვნება; ე) დროის ეფექტიანი მართვა; ვ) ინფორმაციის შეგროვებისა და ანალიზის უნარი; ზ) საქმის დაგეგმვისა და ორგანიზების უნარი; თ) ინფორმაციის შეგროვების, ანალიზისა და დეტალებზე ორიენტირების უნარი.

2.2. სასწავლო კურსი უნდა მოიცავდეს შემდეგ თემებს:

თემა 1 _ ადმინისტრაციული წარმოება;
თემა 2 _ ეთიკა საჯარო სამსახურში;
თემა 3 _ პროფესიული კომუნიკაცია, თანამშრომლობა და გუნდური მუშაობა;
თემა 4 _ ეფექტიანი მომსახურება და დროის მართვა.



მიმწოდებელმა ტრენინგის ორგანიზება და ჩატარება უნდა უზრუნველყოს სამუშაო დღეებში ZOOM-ის ონლაინ პლატფორმის მეშვეობით, მიმწოდებლის მიერ შემოთავაზებული და შემსყიდველთან შეთანხმებული გეგმა-გრაფიკის შესაბამისად, თითოეული ტრენინგის ხანგრძლივობაა დღეში არაუმეტეს 4 საათი. სატრენინგო მომსახურების დასრულების ვადად განისაზღვრება არაუგვიანეს 2023 წლის 25 დეკემბერი.
ტრენინგის ჩატარების თარიღის ცვლილების შესახებ ინფორმაცია მიმწოდებელს უნდა ეცნობოს 15 სამუშაო დღით ადრე.
ერთ ჯგუფში დამსწრეთა რაოდენობა არ უნდა აღემატებოდეს 20 მსმენელს. სულ ტენდერში გამარჯვებულმა პრეტენდენტმა უნდა შეძლოს 13 მონაწილის მიღება.
სატრენინგო პროცესი უნდა მოიცავდეს როგორც თეორიულ და პრაქტიკულ მეცადინეობას, ასევე, შესაბამის სასწავლო მასალას. სასწავლო მასალა ტრენინგის მსვლელობის დროს თითოეული მონაწილისთვის მიწოდებული უნდა იქნას ელექტრონული ფორმით.
ტრენინგ-კურსის დასრულების შემდეგ, ტენდერში გამარჯვებულმა უნდა უზრუნველყოს მონაწილეთათვის სერთიფიკატების გადაცემა, შემსყიდველის სახელით.
პროგრამის სწავლის შედეგების შეფასების მიზნით, ტენდერში გამარჯვებულმა პრეტენდეტმა უნდა უზრუნველყოს ტესტირების პროცესის წარმართვა და ტესტების შედეგების მიწოდება.
ტრენინგის პროცესის, ასევე, შედეგებისა და ტრენინგზე დასწავლილი უნარების ტრანსფერის შეფასების მიზნით, უნდა განხორციელდეს ტრენინგის შინაარსის მონაწილეთა რეალურ სამუშაო შინაარსთან კავშირის უზრუნველყოფა და მონაწილეების მიერ რეალური სიტუაციის გამკლავებისათვის აუცილებელი გამოცდილების შეძენის უზრუნველყოფა. შეფასების მეთოდებიდან გამოყენებული უნდა იყოს: უკუკავშირის კითხვარი (ტრენინგის მონაწილეთა რეაქციები, რამდენად მოსწონთ პროგრამა, როგორია მათი შეფასება და ა.შ.).
თითოეული ტრენინგის დასრულების შემდგომ სერვისის მიმწოდებელმა უნდა წარმოადგინოს ტრენინგის შემაჯამებელი ანგარიში, რომელიც მოიცავს ინფორმაციას სასწავლო თემებისა და მეთოდების გამოყენების, მონაწილეთა ჩართულობის, აგრეთვე ტრენინგის ჩატარებასთან დაკავშირებული ტექნიკური დავალებით გათვალისწინებული სხვა მოთხოვნების შესრულების შესახებ.

1.4.1. მიმწოდებლის მიერ სატრენინგო მომსახურების ორგანიზება და ჩატარება უნდა განხორციელდეს ხელშეკრულების გაფორმებიდან - 2023 წლის 25 დეკემბრის ჩათვლით, პერიოდულად, სამუშაო დღეებში და სამუშაო საათებში, წინამდებარე სატენდერო დოკუმენტაციის პირობების შესაბამისად და შემსყიდველ ორგანიზაციასთან წინასწარი შეთანხმებით.
1.4.2. მიმწოდებლის მიერ სატრენინგო მომსახურების ორგანიზება და ჩატარება უნდა განხორციელდეს შემსყიდველი ორგანიზაციის მოთხოვნის შესაბამისად, შემსყიდველის მიერ გაგზავნილ თითოეულ მონაწილეზე ინდივიდუალურად, ხოლო ჯგუფის ფორმირების შემთხვევაში - ჯგუფურად.

სატრენინგო მომსახურება უნდა განხორცილდეს დისტანციურად ZOOM-ის ონლაინ პლატფორმის მეშვეობით.

„პიროვნული და პროფესიული კომპეტენციების განვითარების კურსი“ -24-40 აკადემიური საათი,
„მოხელის მენეჯერული უნარები“-16-24 აკადემიური საათი.
თითოეული ტრენინგის ხანგრძლივობაა დღეში არაუმეტეს 4 საათი, ტრენინგი უნდა ჩატარდეს სამუშაო დღეებში (შემყიდველთან შეთანხმებულ დღეებში და საათებში), სატრენინგო მომსახურების დასრულების ვადად განისაზღვრება არაუგვიანეს 2023 წლის 20 დეკემბერი

პრეტენდენტს მინიჭებული უნდა ჰქონდეს საქართველოს მთავრობის 2018 წლის 22 მაისის №242 დადგენილებით განსაზღვრული „პიროვნული და პროფესიული კომპეტენციების განვითარების კურსის“ და „მოხელის მენეჯერული უნარების" პროფესიული საჯარო მოხელის პროფესიული განვითარების პროგრამის აკრედიტაცია. აღნიშნულის დასადასტურებლად პრეტენდენტებმა სატენდერო წინადადებასთან ერთად ერთიან ელექტრონულ სისტემაში უნდა ატვირთოს პროფესიული განვითარების პროგრამების აკრედიტაციის საბჭოს მიერ გაცემული აკრედიტაციის დამადასტურებელი დოკუმენტები, რომლის თანახმად პროგრამების აკრედიტაციის მოქმედების ვადა ძალაში უნდა იყოს არანაკლებ 2023 წლის 31 დეკემბრის ჩათვლით.

აღნიშნულ ტენდერზე არ გამოიყენება ფასწარმოწმნის ადეკვატურობის დასაბუთების მოთხოვნა, ვინაიდან, აღნიშნულ ტენდერში შესყიდვის ობიექტს წარმოადგენს სატრენინგო მომსახურება, რაც წარმოადგენს პრეტენდენტისაგან ინტელექტუალური მომსახურების შესყიდვას, რომლის შესრულებაზეც მიმწოდებელს არ ესაჭიროება დამატებითი ხარჯის გაწევა (გარდა საკანცელარიო და რაც უმნიშვნელოა) სატენდერო კომისია მიზანშეწონილად მიიჩნევს პრეტენდენტ(ებ)ს არ მოეთხოვოს რაიმე სახის დოკუმენტის წარმოდგენა ფასწარმოქმნის ადეკვატურობის დასასაბუთებლად.

7.2.1.ანგარიშსწორება მოხდება უნაღდო ანგარიშსწორებით ლარებში;

7.2.2 ანგარიშსწორება განხორციელდება ეტაპობრივად, ფაქტობრივად გაწეული მომსახურების მიხედვით გაფორმებული მიღება - ჩაბარების აქტისა და კანონმდებლობით გათვალისწინებული დოკუმენტაციის საფუძველზე.

ანგარიშსწორებისთვის განსაზღვრული დოკუმენტების საბოლოოდ გაფორმებიდან 10 (ათი) სამუშაო დღის განმავლობაში.

ირმა ჩოხელი, 591970198, irmachoxeli@rambler.ru

1. სატენდერო წინადადების საერთო და ერთეულის ფასი წარმოდგენილ უნდა იყოს მხოლოდ ლარებში;
2. სატენდერო წინადადების ფასი წარმოდგენილი უნდა იქნას მომსახურების გაწევასთან დაკავშირებულ ყველა ხარჯსა და საქართველოს კანონმდებლობით გათვალისწინებულ გადასახადებს (დღგ-ს გარდა). ხარჯი, რომლებიც სატენდერო წინადადების ფასში არ იქნება გათვალისწინებული არ დაექვემდებარება ანაზღაურებას.
3. სატენდერო წინადადების ფასი სახელმწიფო შესყიდვების ერთიან ელექტრონულ სისტემაში მითითებული უნდა იქნას დღგ–ს გარეშე (იმის მიუხედავად არის თუ არა პრეტენდენტი დღგ–ს გადამხდელად რეგისტრირებული). თუ გამარჯვებული პრეტენდენტი ხელშეკრულების დადებისას იქნება რეგისტრირებული დღგ-ს გადამხდელად ხელშეკრულებაში დამატებით იქნება გათვალისწინებული დღგ–ს ოდენობა;
4. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე.
5. დოკუმენტების უცხოურ ენაზე წარმოდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს გადაწყვეტს სატენდერო კომისია.
6. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.
7 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
8.პრეტენდენტს არა აქვს უფლება წარმოადგინოს ალტერნატიული სატენდერო წინადადება.
9.სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი.
10.პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტაცია დაამოწმოს/დაადასტუროს კვალიფიციური ხელმოწერით/კვალიფიციური შტამპით.