Строительно-монтажные работы (Грузия - Тендер #47441076)

სსიპ შემოსავლების სამსახურის საბაჟო გამშვებ პუნქტ "სარფი"-ში სახანძრო სიგნალიზაციის სისტემის სამონტაჟო სამუშაოების შესყიდვა.

1.მომწოდებელმა უნდა უზრუნველყოს სსიპ შემოსავლების სამსახურის საბაჟო გამშვებ პუნქტ "სარფი"-ში სახანძრო სიგნალიზაციის სისტემის მონტაჟის სამუშაოები;

2.მომწოდებელმა უნდა უზრუნველყოს დანართი №1.1-ში მოცემული მინიმალური პარამეტრების მქონე სახანძრო სიგნალიზაციისა და ხანძარსაქრობი მოწყობილობების სისტემების მონტაჟი, ინსტალაცია/კონფიგურაცია და ექსპლუატაციაში გაშვება, მწარმოებლის ტექნიკური მოთხოვნების და რეკომენდაციების დაცვით;

3.მიმწოდებელი ვალდებულია მიღება-ჩაბარების აქტის გაფორმებიდან 1 წლის განმავლობაში შესყიდვის ობიექტის ექსპლუატაციის პროცესს გაუწიოს მონიტორინგი (ზედამხედველობა), რომლის განმავლობაშიც არანაკლებ 3 თვეში ერთხელ უნდა მოახდინოს სრული შემოწმება და სწორი ექსპლუატაციის პირობებში აღმოჩენილი დეფექტების აღმოფხვრა საკუთარი ხარჯებით, რაზეც გაფორმდება შესაბამისი აქტი;

4.სამუშაოს შესრულება უნდა განახორციელოს ტექნიკური დავალებით დადგენილი პირობებისა და წესების, ასევე მოქმედი სახანძრო უსაფრთხოიების სტანდარტების დაცვით;

5.მიმწოდებელმა სამუშაოების წარმართვა უნდა უზრუნველყოს შეფერხების გარეშე. სამუშაოს მასშტაბის შესაბამისად სამუშაოს შესრულება უნდა უზრუნველყოს შესაბამისი რაოდენობის, სანდო, სათანადო უნარ/ჩვევების მქონე პერსონალით და შესაბამისი ტექნიკით;

6.სამუშაოს შესრულების პროცესში გამოყენებული ყველა ტექნიკური აღჭურვილობა და ინსტრუმენტი უნდა იყოს მუშა მდგომარეობაში, მათი ექსპლუატაცია უნდა ხდებოდეს მწარმოებლის მიერ განსაზღვრული წესით. ტექნიკური აღჭურვილობის და ინსტრუმენტის ექსპლუატაციისას დაუშვებელია არაქარხნული (კუსტარული) წესით დამზადებული დეტალის ან/და სათადარიგო ნაწილის გამოყენება;

7.სამუშაოებისას გამოყენებული ნებისმიერი მასალა ან/და მოწყობილობა უნდა შეესაბამებოდეს არსებულ საერთაშორისო სტანდარტებს. შემსყიდველი უფლებამოსილია კონკრეტულ შემთხვევებში ნებისმიერ დროს მოსთხოვოს მიმწოდებელს აღნიშნულის დამადასტურებელი დოკუმენტის გონივრულ ვადაში წარმოდგენა;

8.სამუშაოს შესრულების პროცესში უზრუნველყოს ხარისხისა და სამუშაოების მიმდინარეობის ზედამხედველობისა და კონტროლის განმახორციელებელ პირთა მიერ გაცემული, როგორც ზეპირი ასევე წერილობითი რეკომენდაციების და მითითებების შესრულება;

9.მიმწოდებელმა უნდა გამოყოს ობიექტზე პასუხისმგებელი პირები და უზრუნველყოს სამუშაოების წარმოება მათი მუდმივი ზედამხედველობით;

10.მიმწოდებელმა საკუთარი ხარჯებით უნდა უზრუნველყოს სამუშაო ფართის დასუფთავება, მონტაჟით გამოწვეული ნარჩენების მოგროვება და ტერიტორიიდან გატანა;

11.ტექნიკური დავალებით გათვალისწინებული რომელიმე ვალდებულების დარღვევის შემთხვევაში, აღნიშნულის შედეგად წარმოშობილ ზიანზე სრული პასუხისმგებლობა დაეკისრება მიმწოდებელს;

12. პრეტენდენტებს შესაძლებლობა აქვთ, გაუმჯობესებული ტექნიკური პარამეტრების მქონე დეტალების შემოთავაზების;

13. სატენდერო დოკუმენტაციის 1.2 კითხვარით მოცემული პირობები გათვალისწინებული იქნება გასაფორმებელი სახელმწიფო შესყიდვების შესახებ ხელშეკრულებაში.

სსიპ შემოსავლების სამსახურის საბაჟო გამშვებ პუნქტ „სარფი“-ში სახანძრო სიგნალიზაციის სისტემის მონტაჟი უნდა განხორციელდეს ხელშეკრულების გაფორმებიდან არანაკლებ 90 (ოთხმოცდაათი) სამუშაო დღეში.

სამუშაოების შესრულების ადგილია:
სსიპ შემოსავლების სამსახურის საბაჟო გამშვები პუქტი "სარფი" - ხელვაჩაურის მუნიციპალიტეტი, სოფელი სარფი

ა) სწორი ექსპლუატაციის პირობებში საგარანტიო პერიოდი უნდა შეადგენდეს არანაკლებ 1 წელს, რომელიც აითვლება მხარეთა შორის მიღება-ჩაბარების აქტის გაფორმების დღიდან.
ბ) საგარანტიო პერიოდში წუნის/დეფექტის გამოვლენის ან დაზიანების შემთხვევაში შესყიდვის ობიექტი უნდა შეკეთდეს ან შეიცვალოს ახლით, შემსყიდველის მიერ მითითებულ გონივრულ ვადაში, მაგრამ არაუგვიანეს 10 სამუშაო დღისა.
გ) წუნის/დეფექტის/დაზიანების გამო შეკეთების ან ახლით შეცვლის შემთხვევაში, ხარჯების გაწევა უნდა უნდა უზრუნველყოს მიმწოდებელმა.

პრეტენდენტი ვალდებულია ფასების ცხრილში (დანართი N1.1) პირველ, მე-2, მე-3, მე-4 და მე-5 პოზიციებზე, მიუთითოს შესყიდვის ობიექტის წარმოშობის ქვეყანა, მწარმოებელი კომპანია და მოდელი (ასეთის არსებობის შემთხვევაში).

აღნიშნული ინფორმაციის წარმოუდგენლობა დაზუსტებას არ დაექვემდებარება და გამოიწვევს პრეტენდენტის სატენდერო პროცედურებიდან დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების „ელექტრონული ტენდერის ჩატარების წესის დამტკიცების შესახებ“ 27-ე მუხლის მე-3 პუნქტის შესაბამისად.

ტენდერში მონაწილე პრეტენდენტმა უნდა წარმოადგინოს ინფორმაცია, უკანასკნელი 3 (სამი) (2020 წლის 23 ოქტომბრიდან ტენდერის გამოცხადების თარიღამდე პერიოდი) წლის განმავლობაში სახანძრო სიგნალიზაციის სისტემის მონტაჟის გამოცდილება და ამ პერიოდის განმავლობაში შესრულებული სამუშაოების ჯამური ღირებულება არ უნდა იყოს 42 488.00 (ორმოცდაორი ათას ოთხას ოთხმოცდარვა ლარი და 00 თეთრის) ლარზე ნაკლები.

კერძოდ, ტენდერში მონაწილე პრეტენდენტმა ერთიანი ელექტრონული სისტემის საშუალებით უნდა წარმოადგინოს ტენდერით გათვალისწინებული სახანძრო სიგნალიზაციის სისტემის მონტაჟის შესახებ გაფორმებული ხელშეკრულებ(ებ)ი და აღნიშნულის დასრულების დამადასტურებელი დოკუმენტების ასლები (მიღება-ჩაბარების აქტი, ანგარიშფაქტურები) ან/და წარმოდგენილი უნდა იქნას SPA ან/და NAT ან/და CMR ნომრები.

პრეტენდენტმა უნდა წარმოადგინოს დანართი N1.1-ის პირველ, მე-2, მე-3, მე-4 და მე-5 პოზიციით განსაზღვრულ მოწყობილობებზე, შემოთავაზებული სახანძრო სიგნალიზაციის სისტემის მწარმოებელი კომპანიის მიერ ოფიციალურად დადასტურებული დეტალური ტექნიკური მახასიათებლების შესახებ დოკუმენტი (ქართულ ენაზე ნათარგმნი და ნოტარიულად დამოწმებული) ან მწარმოებელი კომპანიის ოფიციალური ვებ-ბმული.

აღიშნული ინფორმაციიდან შესაძლებელი უნდა იყოს, როგორც შემოთავაზებული სახანძრო სიგნალიზაციის სისტემის წარმოშობის ქვეყნის, მწარმოებელი კომპანიის და მოდელის, ასევე მისი სატენდერო დოკუმენტაციის 1.2 კითხვარით განსაზღვრული დეტალური ტექნიკური მახასიათებლის შესახებ ინფორმაციის იდენტიფიცირება.

აღნიშნული ინფორმაციის, შემოთავაზებული სახანძრო სიგნალიზაციის სისტემის მწარმოებელი კომპანიის ოფიციალური ვებ-ბმულის სახით წარმოდგენის შემთხვევაში ქართულ ენაზე თარგმნა და ნოტარიულად დამოწმება არ მოითხოვება;

1.შემსყიდველის მიერ მოთხოვნილი ყველა დოკუმენტი და/ან ინფორმაცია პრეტენდენტის მიერ ატვირთული უნდა იქნას ერთიან ელექტრონულ სისტემაში, ამასთან შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და ნოტარიულად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში. პრეტენდენტის მიერ წარმოდგენილი (ერთიან ელექტრონულ სისტემაში ატვირთული) ყველა დოკუმენტი და/ან ინფორმაცია ხელმოწერილი ან/და ბეჭედდასმული უნდა იყოს ხელმძღვანელის ან უფლებამოსილი პირის მიერ (უფლებამოსილი პირის შემთხვევაში წარმოდგენილი უნდა იქნას (ატვირთულ უნდა იქნას ერთიან ელექტრონულ სისტემაში) უფლებამოსილების დამადასტურებელი შესაბამისი დოკუმენტ(ებ)ი).

2. ტექნიკური დოკუმენტაციის შედგენისას პრეტენდენტის მიერ გათვალისწინებული უნდა იყოს (არ უნდა იყოს დარღვეული) სატენდერო დოკუმენტაციით განსაზღვრული დანართების ფორმები (მათ შორის ნუმერაცია) და არსებობის შემთხვევაში მათში მითითებული აუცილებელი პირობები.

3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასი დაჯდება მრავალნიშნა ათწილადი, პრეტენდენტი ვალდებულია შეამციროს და დაამრგვალოს მეასედებამდე.

4. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე ნათარგმნი და ნოტარიული წესით დამოწმებული, გარდა წინამდებარე ტენდერის 2.7.1 ქვეპუნქტით განსაზღვრული გამონაკლისისა;

5. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.

6.სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით, როგორიცაა: ტრანსპორტირების ხარჯები და საქართველოს კანონმდებლობით დადგენილი გადასახადები, თუ მოსაკრებლები (მათ შორის - დღგ).

7.სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.

8.„ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების შესაბამისად, პრეტენდენტის მიერ ერთიან ელექტრონულ სისტემაში ატვირთული დოკუმენტები უნდა იყოს კვალიფიციური ელექტრონული შტამპით ან კვალიფიცური ელექტორნული ხელმოწერით დამოწმებული.

9. შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და ნოტარიულად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით, ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს, სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის შესაბამისად საშემფასებლო ან აუდიტის ან ექსპერტიზის დასკვნა. დასკვნასთან ერთად ასევე, წარმოდგენილი უნდა იქნას დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტ(ებ)ი.

სსიპ „ლევან სამხარაულის სახელობის ექსპერტიზის ეროვნული ბიუროს" მიერ გაცემული დასკვნის შემთხევაში, დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტის წარმოდგენა არ მოითხოვება.

4.1.1.2 ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

- ანგარიშსწორება განხორციელდება უნაღდო ანგარისწორების ფორმით ლარში.

ანგარიშსწორება მიმწოდებელთან განხორციელდება ლარში, უნაღდო ანგარიშსწორების ფორმით, მიმწოდებლის მიერ ფაქტიურად მიწოდებული და დამონტაჟებული საქონლის ღირებულების შესაბამისად.
ანგარიშსწორება განხორციელდება მიმწოდებლის საბანკო რეკვიზიტებზე;
სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდების ადგილზე მიწოდებასთან დაკავშირებული ყველა გადასახადის გათვალისწინებით (მათ შორის ტრანსპორტირების ხარჯი).

ანგარიშსწორება განხორციელდება უნაღდო ანგარიშსწორების ფორმით ლარში, როგორც მთლიანად ასევე ეტაპობრივად, ფაქტიურად მიწოდებული და დამონტაჟებული საქონლის შესაბამისად გაფორმებული მიღება-ჩაბარების აქტის და საქართველოს კანონმდებლობით გათვალისწინებული შესაბამისი საგადახდო დოკუმენტაციის ან შუალედური მიღება-ჩაბარების აქტის და საქართველოს კანონმდებლობით გათვალისწინებული შესაბამისი საგადახდო დოკუმენტაციის წარდგენიდან 10 (ათი) სამუშაო დღის ვადაში. იმ შემთხვევაში, თუ მიმწოდებელი არ არის დღგ-ს გადამხდელი, მან უნდა წარმოადგინოს შესაბამისი ცნობა სსიპ შემოსავლების სამსახურიდან.

სოფიკო მდინარაძე, 599973301, s.mdinaradze@rs.ge