Компьютерное оборудование и принадлежности (Грузия - Тендер #47325720)

შესყიდვის ობიექტი არის ფერადი ლაზერული პრინტერები და მათთვის განკუთვნილი კარტრიჯის კომპლექტები.

• ფერადი A3 მულტიფუნქციური პრინტერი - 1 ერთეული; კარტრიჯის კომპლექტი (4 ფერიანი) – 3ც.
• ფერადი A4 მულტიფუნქციური პრინტერი - 3 ერთეული; კარტრიჯის კომპლექტი (4 ფერიანი) – 3ც.
• ფერადი A4 პრინტერი - 4 ერთეული; კარტრიჯის კომპლექტი (4 ფერიანი) – 3ც.

შენიშვნა: დეტალური ტექნიკური მახასიათებლები იხილეთ თანდართულ დოკუმენტში.

შესყიდვის ობიექტის მიწოდება უნდა განხორციელდეს ხელშეკრულების გაფორმებიდან არაუგვიანეს 45 კალენდარული დღის ვადაში.

შესყიდვის ობიექტის მიწოდების ადგილია: ქ. თბილისი, აეროპორტი (აეროპორტის დასახლება), შალვა ჭანკოტაძის ხეივანი, შპს „საქართველოს აეროპორტების გაერთიანების" ადმინისტრაციული ოფისი.

ინფორმაცია საგარანტიო ვადის თაობაზე წარმოდგენილ უნდა იქნეს ფასების ცხრილის საშუალებით.

საგარანტიო ვადა და პირობები:
1. პრინტერებზე უნდა ვრცელდებოდეს გარანტია შესაბამისი მიღება-ჩაბარების აქტის გაფორმების დღიდან არანაკლებ 1 (ერთი) წლის განმავლობაში.
2. მიმწოდებელი ვალდებულია საგარანტიო ვადის განმავლობაში საქონლის დაზიანების შემთხვევაში არაუგვიანეს 14 კალენდარული დღის განმავლობაში შეაკეთოს ან შეცვალოს ახლით.
3. ქარხნული წუნის შემთხვევაში, საგარანტიო ვადაში მიმწოდებელი ვალდებულია აღმოფხვრას გამოვლენილი დეფექტი - შეცვალოს ახლით არაუგვიანეს 14 კალენდარული დღის განმავლობაში.

პრეტენდენტმა სატენდერო დოკუმენტაციის ფასების ცხრილის საშუალებით უნდა წარმოადგინოს ინფორმაცია შემოთავაზებული საქონლის მწარმოებელი ქვეყნის, მწარმოებლის და მოდელის შესახებ.

პრეტენდენტის მიერ „წინადადების მიღება დასრულებულია“ ეტაპზე, სატენდერო დოკუმენტაციის ფასების ცხრილში შემოთავაზებული შესყიდვის ობიექტის მწარმოებელი ქვეყნის, მწარმოებლის და მოდელის მიუთითებლობა გამოიწვევს პრეტენდენტის დისკვალიფიკაციას.

ასევე, პრეტენდენტის მიერ დაზუსტებული სატენდერო წინადადების წარმოდგენის შემდგომ (ასეთის არსებობის შემთხვევაში) შემოთავაზებული შესყიდვის ობიექტის მწარმოებელი ქვეყნის, მწარმოებლის და მოდელის ცვლილება გამოიწვევს პრეტენდენტის დისკვალიფიკაციას.

იმ შემთხვევაში თუ ელექტრონულ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება. დასაბუთება შესაძლებელია განხორციელდეს:
* ექსპერტიზის დასკვნით ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);
ან
* შესყიდვის ობიექტის მიწოდებასთან დაკავშირებით პრეტენდენტის მიერ გაფორმებული ხელშეკრულებით და ამავე ხელშეკრულების მიღება-ჩაბარების აქტით ან/და სასაქონლო ზედნადებით ან/და ანგარიშფაქტურით (ინვოისით) ან/და საბაჟო დეკლარაციით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

ანგარიშსწორების საფუძველია მხარეების უფლებამოსილი პირების მიერ გაფორმებული „მიღება–ჩაბარების“აქტი, წარმოდგენილი სასაქონლო ზედნადები და საგადასახადო ანგარიშ–ფაქტურა (არსებობის შემთხვევაში).

შესაბამისი დოკუმენტაციის სრულყოფილად წარდგენიდან 10 (ათი) სამუშაო დღის ვადაში.

ანა ხაჩიაშვილი, 598799993, a.khachiashvili@airports.ge

დამატებითი ინფორმაცია ელექტრონულ ტენდერში მონაწილეთათვის:
• ელექტრონულ ტენდერთან დაკავშირებული ყველა დოკუმენტი და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
• სახელმწიფო შესყიდვების ერთიან ელექტრონულ სისტემაში ატვირთული დოკუმენტი ან/და ინფორმაცია დადასტურებული უნდა იყოს უფლებამოსილი პირის მიერ კვალიფიციურად.
• პრეტენდენტს არა აქვს უფლება წარმოადგინოს ალტერნატიული სატენდერო წინადადება.
• სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით (დღგ-ს გარეშე).
• სატენდერო წინადადების საერთო და ერთეულის ფასების წარმოდგენა დასაშვებია მხოლოდ ეროვნულ ვალუტაში - ლარი.

იმ შემთხვევაში თუ შემსყიდველმა ვერ მოახდინა შემოთავაზებული შესყიდვის ობიექტის ტექნიკური მახასიათებლების იდენტიფიცირება (გადამოწმება), იტოვებს უფლებას შერჩევა/შეფასების ეტაპზე პრეტენდენტს დამატებით მოსთხოვოს შემოთავაზებული საქონლის ტექნიკური დოკუმენტაციის წარმოდგენა სისტემის საშუალებით (მაგ: data sheet, თანხმლები ტექნიკური დოკუმენტაცია, მწარმოებლის წერილი და ა.შ), რომლითაც დადასტურდება შემოთავაზებული პროდუქციის შესაბამისობა შემსყიდველის მიერ მოთხოვნილ პარამეტრებთან.