Ремонт и техническое обслуживание насосов, вентилей, кранов и металлических емкостей и оборудования (Грузия - Тендер #47325711)

სსიპ - სახელმწიფო სერვისების განვითარების სააგენტოს მონაცემთა დამუშავების ცენტრებში არსებული ელექტრომომარაგების სისტემის ძაბვის სტაბილიზატორების ტექნიკური მომსახურების სახელმწიფო შესყიდვა.

ელექტრონული ტენდერის მიზანია სახელმწიფო სერვისების განვითარების სააგენტოს გამოთვლით ცენტრებში არსებული ელ. მომარაგების სისტემისა და ძაბვის სტაბილიზატორის ტექნიკური მხარდაჭერის შესყიდვა.

არსებული ტექნიკის ჩამონათვალი, რომელზეც უნდა გავრცელდეს მომსახურება, იხილეთ №1 ცხრილში.

ტექნიკური მომსახურების პირობები:
• ტექნიკური მომსახურება N1 ცხრილში მითითებულ ტექნიკაზე.
• მომსახურების გაწევის ვადა: ხელშეკრულების დადებიდან 24 კალენდარული თვე.
• მომსახურების გაწევის ადგილი: ქ. თბილისში, შემსყიდველის მონაცემთა დამუშავების ცენტრალური და სარეზერვო ცენტრები.
• შესაძლო გაუმართაობების თავიდან აცილების მიზნით, ხელშეკრულების მოქმედების განმავლობაში აღნიშნული ტექნიკის ძირითადი კომპონენტების ადგილზე დათვალიერება მინიმუმ 3 თვეში ერთხელ და დასკვნის სახით დოკუმენტის წარმოდგენა, რომელშიც ასახული იქნება დათვალიერების სრული შედეგი, სისტემის მოსალოდნელი გაუმართაობის აღმოჩენის შემთხვევაში დაზიანების აღმოფხვრის გზები და ვადები.
• ტექნიკის ნებისმიერი ნაწილის დაზიანების შემთხვევაში მიმწოდებელი ვალდებულია შეაკეთოს (მწყობრში მოიყვანოს) ისინი, ხოლო საჭიროების შემთხვევაში დაზიანების აღმოფხვრის მიზნით ჩაანაცვლოს იმავე ან უკეთესი მონაცემების მქონე ნაწილებით, შემსყიდველის მიერ ხარვეზის არსებობის შესახებ შეტყობინებიდან ან მიმწოდებლის მიერ ადგილზე დათვალიერების შედეგად გაუმართაობის ან მოსალოდნელი გაუმართაობის აღმოჩენიდან გონივრულ ვადაში, თუმცა იგი არ უნდა აღემატებოდეს 20 დღეს. დაზიანებული დეტალის შეცვლის აუცილებლობის დადგომის შემთხვევაში სერვისის მხარდაჭერის პირობებზე არ მოქმედებს N2 ცხრილში მოცემული „გადაწყვეტის მაქსიმალური დროის“ ვადები. შეცვლილი ნაწილი სრულად უნდა აკმაყოფილებდეს №1 ცხრილში მითითებული ტექნიკის მოთხოვნებს და არ უნდა ქმნიდეს საფრთხეს მის მუშაობაში.

• სისტემის კომპონენტის მომსახურების პერიოდში მიმწოდებელი ვალდებულია დაიცვას მომსახურების გაწევის ვადები, რომლებიც წარმოდგენილია N2 ცხრილში. ინციდენტების აღრიცხვისა და რეგისტრაციის მიზნით მიმწოდებელი ვალდებულია შექმნას ელექტრონული პორტალის მომხმარებელი ან გამოყოს ელექტრონული ფოსტის მისამართი. ინციდენტზე საპასუხო ქმედების და მოგვარებისთვის დადგენილი ვადის ათვლა იწყება ინციდენტის მიმწოდებლის მიერ გამოყოფილ ელექტრონულ მისამართზე მიღებიდან. მიმწოდებელი ასევე ვალდებულია შეთანხმებული ელექტრონული მისამართიდან მიაწოდოს ინფორმაცია შემსყიდველს ხარვეზის აღმოფხვრის შესახებ. აღნიშნული ინფორმაციის, სააგენტოს საკონტაქტო ელექტრონულ ფოსტაზე (სააგენტოს საკონტაქტო მისამართია servicedesk@sda.gov.ge), მიღების დროსა და ინციდენტის რეგისტრაციის დროს შორის სხვაობით გამოითვლება ინციდენტის მოგვარებისათვის დახარჯული მაქსიმალური დრო.
• შემსყიდველი ვალდებულია ინციდენტის შეფასების შემდეგ, ზემოთდადგენილი კომუნიკაციის ფორმის შესაბამისად განაცხადოს თანხმობა მიმწოდებელს ნაწილის შეცვლის შესახებ წერილობითი ფორმით. ნაწილის შეცვლის ვადის ათვლა დაიწყება შემსყიდველის მიერ ზემოაღნიშნული წერილობითი დადასტურებიდან.
• შემსყიდველი ვალდებულია საჭიროების შემთხვევაში უზრუნველყოს მიმწოდებლის წარმომადგენლების დაშვება სისტემის განთავსების ადგილზე, ხოლო საჭიროების შემთხვევაში, მიმწოდებელი ვალდებულია ხარვეზის აღმოფხვრის მიზნით უზრუნველყოს შესაბამისი უფლებამოსილი პირის მივლინება ადგილზე.


მოთხოვნები პრეტენდენტის მიმართ:
• დაიცვას და დაემორჩილოს სააგენტოს მიერ დადგენილი შესვლის და სამუშაოების ჩატარების წესებს (შესვლის და გასვლის წესები, ასევე აკრძალულია მობილური მოწყობილობების და ვიდეო გადაღების მოწყობილობების გამოყენება);
• დაიცვას და არ გადასცეს მესამე პირებს განსახორციელებელი სამუშაოების, მათი ადგილმდებარეობის და შინაარსის შესახებ ინფორმაცია.

ტექნიკური მომსახურება უნდა განხორციელდეს ხელშეკრულების დადებიდან 24 თვის განმავლობაში, მაგრამ არაუადრეს მიმდინარე წლის 15 დეკემბრისა.

მომსახურების გაწევის ადგილი: ქ. თბილისი, შემსყიდველის მონაცემთა დამუშავების ძირითადი (ქ. თბილისი, აკ. წერეთლის გამზ. N67ა) და სარეზერვო ცენტრი (ქ. თბილისი, მეტრო ახმეტელის მიმდებარე ტერიტორია).

პრეტენდენტმა, სატენდერო წინადადებასთან ერთად, უნდა წარმოადგინოს ინფორმაცია გამოცდილების შესახებ, კერძოდ: პრეტენდენტს უნდა გააჩნდეს 2019 წლის 01 იანვრიდან წინადადების მიღების დაწყებამდე არანაკლებ 2 ცალი სტაბილიზატორის ინსტალაციის ან/და სტაბილიზატორ(ებ)ის მომსახურების გამოცდილება. პრეტენდენტმა ყოველივე ზემოაღნიშნულის დასადასტურებლად უნდა წარმოადგინოს დამკვეთთან/შემსყიდველთან გაფორმებული ხელშეკრულებები და შესაბამისი მიღება-ჩაბარების აქტები, ან/და შესრულების დამადასტურებელი სხვა დოკუმენტები, ან/და მიუთითოს ელექტრონულ სისტემაში არსებული ელექტრონული ტენდერის ან CMR ნომერი.

1. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი წინამდებარე კითხვარის 1.3 პუნქტით გათვალისწინებული ფასების ცხრილი.

2. პრეტენდენტმა სატენდერო წინადადებასთან ერთად უნდა წარმოადგინოს კომპანიის უფლებამოსილი პირის მიერ დადასტურებული ინფორმაცია, რომ მას გააჩნია შესაბამისი სახელმწიფო უწყების მიერ გაცემული სახელმწიფო საიდუმლოებასთან დაკავშირებული საქმიანობის ნებართვა ფორმა N2 ან ფორმა N3 (პრეტენდენტი ვალდებულია ნებართვა მატერიალური სახით წარმოადგინოს შემსყიდველ ორგანიზაციაში ხელშეკრულების დადებამდე).

3. დაუშვებელია პრეტენდენტის მიერ ტენდერში ქვეკონტრაქტორით მონაწილოება. ასევე ქვეკონტრაქტორის გამოცდილება არ ჩაითვლება პრეტენდენტის გამოცდილებად.

1. იმ შემთხვევაში, თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). წარმოდგენილი ინფორმაცია და დოკუმენტ(ებ)ი უნდა ადასტურებდეს პრეტენდენტის მიერ ხელშეკრულებით ნაკისრი ვალდებულებების შესრულების შესაძლებლობას, როგორც დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

2. პრეტენდენტის მიერ ფასწარმოქმნის ადეკვატურობის დასაბუთების მიზნით, პირველი პუნქტით განსაზღვრული დასკვნის წარმოდგენის შემთხვევაში, ფასწარმოქმნის ადეკვატურობის შეფასება გაკეთებული უნდა იყოს შეფასების მომენტისთვის არსებული მდგომარეობის განხილვის შედეგად მიღებული მონაცემების გათვალისწინებით და არა სამომავლოდ განსახორციელებელ მანიპულაციაზე ან მომავალში ჩასატარებელ რაიმე ღონისძიებაზე ან მოვლენაზე დაყრდნობით.

შემსყიდველი უფლებამოსილია განახორციელოს სახელშეკრულებო ღირებულების არაუმეტეს 15% წინასწარი ანგარიშსწორება, სადაზღვევო/საბანკო დაწესებულების მიერ გაცემული გარანტიის საფუძველზე, რომლის მოქმედების ვადა 1 თვით უნდა აღემატებოდეს შესყიდვის ობიექტის მიწოდების ვადას.
შემსყიდველი მიმწოდებლის მიერ წინასწარი ანგარიშსწორების გარანტიის წარდგენიდან, არაუგვიანეს 10 სამუშაო დღის ვადაში განახორციელებს წინასწარ ანგარიშსწორებას მიმწოდებლის ანგარიშზე.

ანგარიშსწორება განხორციელდება ეტაპობრივად (ყოველი კალენდარული თვის დასრულების შემდეგ), მომსახურების გაწევის შესახებ მიღება-ჩაბარების აქტის გაფორმების შემდეგ, გარდა წინასწარი ანგარიშსწორების შემთხვევისა.

ანგარიშსწორება განხორციელდება ეტაპობრივად, შესყიდვის ობიექტის მიწოდების შესახებ მიღება-ჩაბარების აქტის გაფორმებიდან და საგადასახადო ანგარიშფაქტურის წარმოდგენიდან (დღგ-ს გადამხდელად რეგისტრაციის შემთხვევაში) არაუგვიანეს 10 სამუშაო დღის განმავლობაში, გარდა სატენდერო კითხვარის 7.1.1 პუნქტით გათვალისწინებული პირობისა.

გია ბექაური, 555465567, g.bekauri@sda.gov.ge

10.1.1 სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები და გადასახდელები) გათვალისწინებით, დღგ-ს ჩათვლით;
10.1.2 როგორც თქვენთვის ცნობილია, 2019 წლის 1 იანვრიდან შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ყველა ელექტრონულ დოკუმენტზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით. აღნიშნული წესით შესრულებული დოკუმენტი იურიდიული ძალის მქონეა.

დოკუმენტების ელექტრონულად დამოწმება შესაძლებელია შემდეგი ფორმით:
1) სატენდერო წინადადებისა თუ დაზუსტებული ინფორმაციის ელექტრონულად წარსადგენად შესაძლებელია თავფურცელის (წერილის სახით) უფლებამოსილი პირის მიერ ელექტრონულად ხელმოწერილი ან ორგანიზაციის ელექტრონული შტამპით დამოწმებული სახით მომზადება, რომელშიც მითითებული იქნება, რა მიზნით წარადგენთ დოკუმენტებსა თუ ინფორმაციას და აქვე ჩამოთვლით იმ დოკუმენტებსა თუ ინფორმაციას, რომლის წარმოდგენასაც გეგმავთ სატენდერო წინადადებისა თუ დაზუსტებული ინფორმაციის სახით. ასეთ შემთხვევაში წერილის დანართ(ებ)ი არ საჭიროებენ ელექტრონულად დამოწმებას. ერთიან ელექტრონულ სისტემაში ასეთი სახით წარმოდგენილი დოკუმენტაცია ჩაითვლება ელექტრონულად დამოწმებულად ან 2) სავალდებულოა პრეტენდენტის მიერ შექმნილი ნებისმიერი დოკუმენტის (მათ შორის: ფასების ცხრილი, გეგმა-გრაფიკი და სხვა) დამოწმება ელექტრონული ხელმოწერით ან/და კვალიფიციური ელექტრონული შტამპით.

10.1.3 სატენდერო წინადადება და თანმხლები დოკუმენტები შედგენილი უნდა იქნას ქართულ ენაზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე;
10.1.4 ალტერნატიული სატენდერო წინადადება არ განიხილება;
10.1.5 ხელშეკრულების ფორმა და პირობები მოცემულია 8.1 პუნქტში, რომელიც დაზუსტდება "ელექტრონული ტენდერის ჩატარების წესის დამტკიცების შესახებ" სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის 33-ე მუხლის პირველი პუნქტის შესაბამისად.
10.1.6 ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის (მათ შორის ფასების ცხრილთან დაკავშირებით) საშუალება და პროცედურა განისაზღვრება "ელექტრონული ტენდერის ჩატარების წესის დამტკიცების შესახებ"სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის მე-8 მუხლის შესაბამისად;
10.1.8 სატენდერო წინადადებასთან ერთად, პრეტენდენტმა უნდა წარმოადგინოს საკუთარი ორგანიზაციის შესახებ ის ინფორმაცია (მათ შორის საბანკო), რომელიც არ არის შევსებული ელექტრონულ სისტემაში არსებულ მიმწოდებლის პროფილში.
10.1.9 სახელმწიფო შესყიდვებში ერთიან ელექტრონულ სისტემაში ატვირთულ ელექტრონულ დოკუმენტებზე შესრულებული უნდა იყოს კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით. აღნიშნული წესისგან გათავისუფლებული არიან არარეზიდენტი პირები 2024 წლის 01 იანვრამდე. შესაბამისად, მათ მიერ შექმნილი ნებისმიერი დოკუმენტი, ხელმოწერილი და ბეჭედდასმული (არსებობის შემთხვევაში) უნდა იყოს უფლებამოსილი პირის მიერ და ატვირთული იქნას სახელმწიფო შესყიდვების ერთიან ელექტრონულ სისტემაში.