Типографские услуги и связанные с ними услуги (Грузия - Тендер #47325703)

ბეჭდვითი მომსახურების შესყიდვა

ბეჭდვითი მომსახურება

1.4.1 მომსახურების გაწევა უნდა განხორციელდეს - ხელშეკრულების გაფორმებიდან არაუგვიანეს 2023 წლის 25 დეკემბრის ჩათვლით, ეტაპობრივად, შემსყიდველის მოთხოვნის შესაბამისად. მომსახურების გაწევა უნდა განხორციელდეს შემსყიდველის ყოველი მოთხოვნიდან არაუგვიანეს 5 სამუშაო დღის ვადაში. ყოველი მოთხოვნის საფუძველზე მისაწოდებელი პოლიგრაფიული პროდუქციის დასახელება და რაოდენობა განისაზღვრება შემსყიდველის მოთხოვნით.
1.4.2 შემსყიდველის მიერ ხელშეკრულებით გათვალისწინებულ ელ-ფოსტის შეტყობინების გაგზავნა ითვლება მიღებულ მოთხოვნად. მომსახურების გაწევის ვადა აითვლება მოთხოვნის გაგზავნიდან მომდევნო სამუშაო დღე.

1.5.1 შემსყიდველი უფლებამოსილია შეკვეთის ოდენობა განსაზღვროს კონკრეტული საჭიროების მიხედვით.
1.5.2. კომპანიის მიერ შესაბამისი დოკუმენტაციის გადაცემიდან 5 (ხუთი) სამუშაო დღის ვადაში, უსასყიდლოდ, მიმწოდებელმა შემსყიდველს უნდა შესთავაზოს ინფორმაციული ტრიპლეტის არანაკლებ 3 (სამი) დიზაინი, რომელთაგან ერთ-ერთი შეირჩევა დასაბეჭდად, შემუშავებული დიზაინი განისაზღვრება ზოგადი სამუშაო დოკუმენტების შაბლონად.
1.5.3 გაწეული მომსახურება (ნაბეჭდი მასალა) უნდა აკმაყოფილებდეს სატენდერო დოკუმენტაციის 1.2 პუნქტით განსაზღვრულ ტექნიკურ პარამეტრებს.
1.5.4 ნაბეჭდი მასალის მიწოდება უნდა განხორციელდეს მიმწოდებლის ხარჯით შემდეგ მისამართზე: ქ. თბილისი ანნა პოლიტკოვსკაიას ქ. N5.7. შპს "საქართველოს გაერთიანებული წყალმომარაგების კომპანიის" ცენტრალური ოფისი.

2.2.1.1 პრეტენდენტს 2021 წლის პირველი იანვრიდან ტენდერის გამოცხადების დღემდე უნდა გააჩნდეს არანაკლებ 5000 (ხუთი ათასი) ლარის ღირებულების ბეჭდვის მომსახურეობის განხორციელების გამოცდილება.
2.2.1.2 პრეტენდენტი ვალდებულია წარმოადგინოს მხარეთა მიერ ხელმოწერილი ხელშეკრულებების და დამკვეთის ან/და მის მიერ განსაზღვრული უფლებამოსილი პირის მიერ დადასტურებული შესაბამისი მომსახურების გაწევის დამადასტურებელი დოკუმენტების ასლები, საიდანაც უნდა იკვეთებოდეს გაწეული მომსახურების დასახელება და ღირებულება (გაწეული მომსახურების მიღება-ჩაბარების აქტი, ან/და დამკვეთის მიერ გაცემული, მომსახურების გაწევის დამადასტურებელი ნებისმიერი წერილობითი დოკუმენტი).
2.2.1.3 სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში საკმარისია შესაბამისი განცხადების ნომრ(ებ)ის (SPA, NAT, CMR, MEP, DAP და სხვა ნომრები) წარმოდგენა. აღნიშნულის დასადასტურებლად პრეტენდენტმა უნდა უზრუნველყოს ინფორმაციის წარმოდგენა სატენდერო დოკუმენტაციის 2.2.1 პუნქტში არსებული დანართი N2-ის შესაბამისად.

ამასთან:
ა) დანართი N2-ის ატვირთვა სავალდებულო არ არის;
ბ) იმ შემთხვევაში, თუ დანართ N2-ში არ იქნება ასახული ინფორმაცია განცხადების ნომრ(ებ)ის (SPA, NAT, CMR, MEP, DAP და სხვა ნომრები) ან/და ელექტრონული ტენდერის შესაბამის მოდულში მოცემული ინფორმაცია ვერ უზრუნველყოფს სატენდერო დოკუმენტაციით მოთხოვნილი გამოცდილების დადასატურებას, პრეტენდენტმა უნდა წარმოადგინოს მხარეთა შორის ხელმოწერილი ხელშეკრულებების ასლები და მომსახურების გაწევის დამადასტურებელი დოკუმენტების ასლები (მიღება-ჩაბარების აქტი, ან/და დამკვეთის მიერ გაცემული, მომსახურების გაწევის დამადასტურებელი ნებისმიერი წერილობითი დოკუმენტი), რითაც დადასტურდება მოთხოვნილი გამოცდილება.
გ) მომსახურებაზე, რომელიც გაწეულია საქართველოს ტერიტორიაზე და დამკვეთს წარმოადგენს კერძო სამართლის სუბიექტი (არა შესყიდველი ორგანიზაციები), პრეტენდენტმა დამატებით უნდა წარმოადგინოს შესაბამისი დადასტურებული საგადასახადო ანგარიშ-ფაქტურა.

პრეტენდენტი ვალდებულია, ტრიპლეტის გარდა, წარმოადგინოს ფასების ცხრილის (დანართი N1) ყველა პოზიციაზე შემოთავაზებული შესყიდვის ობიექტის თითო ცალი ნიმუში მისამართზე - ქ. თბილისი ანნა პოლიტკოვსკაის ქ. N5, 7. შპს „საქართველოს გაერთიანებული წყალმომარაგების კომპანიის“ ცენტრალური ოფისი სამუსაო საათებში (დილის ცხრა საათიდან საღამოს 18 საათამდე).

ნიმუშის დადგენილ ვადაში წარუდგენლობა ან სატენდერო პირობებთან ან/და ტექნიკურ დოკუმენტაციასთან შეუსაბამობა სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ 28-ე მუხლის მე-6 პუნქტის შესაბამისად გამოიწვევს პრეტენდენტის დისკვალიფიკაციას ამამავე წესის 32-ე მუხლის პირველი პუნქტის „დ“ ქვეპუნქტის საფუძველზე.

პრეტენდენტის მიერ წარმოდგენილი შესყიდვის ობიექტის ნიმუში დაზუსტებას არ ექვემდებარება.

პრეტენდენტს შესყიდვის ობიექტის ნიმუში დაუბრუნდება გონივრულ ვადაში.

ქ. თბილისი, ანნა პოლიტკოვსკაის ქ . N 5, 7 შპს ,,საქართველოს გაერთიანებული წყალმომარაგების კომპანიის სათაო ოფისი.

წინამდებარე ტენდერში არ იქნება მოთხოვნილი ფასწარმოქმნის ადეკვატურობის დასაბუთება, რადგან, შესყიდვის ობიექტის თავისებურებიდან გამომდინარე, მომსახურების ფასწარმოქმნის მექნიზმი რთული დასადგენია და დამოკიდებულია კონკრეტული მიმწოდებელი ორგანიზაციის ინდივიდუალურ ბიზნეს გადაწყვეტილებაზე, რაც პოტენციურად შესაძლებელს ხდის აღნიშნული მომსახურების გაწევას სავარაუდო ღირებულებაზე 20%-ით ნაკლებ ფასად.

7.2.1. სატენდერო წინადადებაში საერთო ფასი გამოსახული უნდა იყოს გასაწევ მომსახურებასთან დაკავშირებული საქართველოს კანონმდებლობით გათვალისწინებული ყველა ხარჯისა და გადასახადის გათვალისწინებით.
7.2.2. მიმწოდებელთან“ ანგარიშსწორება განხორციელდება უნაღდო ანგარიშსწორების ფორმით, ეროვნულ ვალუტაში.
7.2.3. დაფინანსების წყარო: შპს „საქართველოს გაერთიანებული წყალმომარაგების კომპანიის“ 2023 წლის სახსრები.
7.2.4. ანგარიშსწორება განხორციელდება ეტაპობრივად, ფაქტიურად გაწეული მომსახურების (მოწოდებული ნაბეჭდი მასალის) მიხედვით, მიღება–ჩაბარების აქტის, საგადასახადო ანგარიშ–ფაქტურის (დღგ-ს გადამხდელის შემთხვევაში) და სასაქონლო ზედნადების მიმწოდებლის მიერ წარდგენის შემდეგ.

ანგარიშსწორება განხორციელდება მიმწოდებლის მიერ ანგარიშსწორებისათვის საჭირო დოკუმენტაციის წარმოდგენიდან 10 (ათი) სამუშაო დღის ვადაში.

თინათინ მეძმარიაშვილი, 577978336, t.medzmariashvili@water.gov.ge

10.1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
10.2. პრეტენდენტს არ აქვს უფლება წარმოადგიმოს ალტერნატიული სატენდერო წინადადება;
10.3. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;
10.4. სახელმწიფო შესყიდვების ერთიან ელექტრონულ სისტემაში ატვირთული, პრეტენდენტის მიერ შექმნილი,დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
10.6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს).
10.7. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. პრეტენდენტი ვალდებულია ფასების ცხრილში (ხარჯთაღრიცხვა) მითითებული ერთეულის ფასები, გამოსახოს და შესაბამისად გაინაგარიშოს ლარის მეასედის - თეთრების სიზუსტით (მძიმის შემდეგ ორი ციფრი).