Ремонт и техническое обслуживание транспортных средств и оборудования и сопутствующие услуги (Грузия - Тендер #47325674)

ავტოსატრანსპორტო საშუალებების თვითწებადი ფირებით გაფორმების მომსახურება

- გასაწევი მომსახურების ჩამონათვალი, გასაწევი მომსახურების სავარაუდო ერთეულის ღირებულებები და მომსახურების გაწევის ოპერატიულობა მითითებულია სატენდერო დოკუმენტაციის 1.3 პუნქტით გათვალისწინებლ პრეისკურანტში (დანართი N1);

- ტენდერში გამარჯვებულმა ორგანიზაციამ ყველა საჭირო ხელსაწყოთი აღჭურვილ სერვის ცენტრში, მაღალკვალიფიციური ტექნიკური პერსონალის მეშვეობით უნდა განახორციელოს სატენდერო დოკუმენტაციის დანართი N1-ის შესაბამისად ავტოსატრანსპორტო საშუალებების თვითწებადი ფირებით გაფორმება.

- მომსახურების გაწევის დროს მიმწოდებლის ბრალეულობით ავტოსატრანსპორტო საშუალების დაზიანების შემთხვევაში, მიყენებული ზიანის აღმოფხვრის ხარჯების სრულად ანაზღაურება ეკისრება მიმწოდებელს.

- გაწეულ მომსახურებაზე მხარეები ადგენენ მიღება-ჩაბარების აქტს, რომელშიც მითითებული უნდა იყოს გაწეული მომსახურების დეტალური აღწერა, გაწეული მომსახურების რაოდენობა, ფასი და საერთო ღირებულება (მომსახურების ფასები გათვალისწინებულ იქნება პრეისკურანტში (დანართი N1) მოცემული ფასების შესაბამისად).

- მხარეებს უფლება აქვთ სახელშეკრულებო ღირებულების შეუცვლელად, შეთანხმების საფუძველზე (შესაბამისი დოკუმენტის გაფორმების გზით) ხელშეკრულებაში შეიტანონ ცვლილება და დაამატონ ისეთი მომსახურება, რომელიც მანამდე არ იყო გათვალისწინებული პრეისკურანტით. მომსახურების ფასი დადგინდება შემსყიდველთან წინასწარი შეთანხმებით, მიმდინარე საბაზრო ღირებულების შესაბამისად.

მომსახურება უნდა განხორციელდეს ხელშეკრულების ძალაში შესვლის დღიდან (არაუადრეს 2024 წლის 01 იანვრიდან) - 2024 წლის 10 დეკემბრის ჩათვლით, შემსყიდველის მოთხოვნის შესაბამისად:

- ქ. თბილისში (საკუთარ სერვის ცენტრში ან ნოე რამიშვილის ქ. N38-ში): შემსყიდველის მხრიდან შეტყობინების მიღებიდან 1 კალენდარული დღის განმავლობაში (1 დღის ვადაში გასაფორმებელი ავტოსატრანსპორტო საშუალებების რაოდენობა არ აღემატება 7 ერთეულს);

- რეგიონის შემთხვევაში: შემსყიდველის მხრიდან შეტყობინების მიღებიდან 7 კალენდარული დღის განმავლობაში (1 დღის ვადაში გასაფორმებელი ავტოსატრანსპორტო საშუალებების რაოდენობა არ აღემატება 4 ერთეულს);

- აღნიშნული პირობა ითვალისწინებს აგრეთვე ავტომანქანის სრულ დასტიკერებასაც. სრული მოცულობით, ხარისხისა და სტანდარტების დაცვით.

- შეტყობინება შესაძლებელია განხროციელდეს როგორც წერილობით, ისე სატელეფონო ზარის ან ელექტრონული ფოსტის საშულებით ერთიან ელექტრონულ სისტემაში მიმწოდებლის პროფილში მითითებულ ელექტრონულ ფოსტაზე, ან მიმწოდებლის მიერვე შემსყიდველისთვის მითითებულ სხვა ელექტრონულ ფოსტაზე. შეტყობინება ასევე, შესაძლებელია განხორციელდეს მხარეთა მიერ შეთანხმებული სხვა ნებისმიერი ფორმით.

- მომწოდებელი ვალდებულია ოპერტიულად უზრუნველყოს მომსახურების გაწევა როგორც ქ.თბილისში, საკუთარ სერვის ცენტრში ან ნოე რამიშვილის ქ. N38-ში, ისე საქართველოს სხვადასხვა ქალაქებში (რეგიონების შემთხვევაში მობილური ჯგუფების საშუალებით);

- მობილური ჯგუფებით მომსახურების გაწევა უნდა განხორციელდეს შემდეგ ქალაქებში:
ბათუმი, ქობულეთი, ოზურგეთი, ლანჩხუთი, ქუთაისი, სამტრედია, ზესტაფონი, ხაშური, გორი, ახალციხე, ბორჯომი, თელავი, გურჯაანი, ზუგდიდი, ფოთი, სენაკი, მარნეული, რუსთავი, ასევე სოფელი სადახლო.

- საგარანტიო ვადა: არანაკლებ 1 წელი (მათ შორის გაითვალისწინება მდგრადობა ფირის გახუნებაზეც);

- საგარანტიო ვადის ათვლა დაიწყება მიღება-ჩაბარების აქტის გაფორმების დღიდან.

- საგარანტიო პირობა: საგარანტიო პერიოდში გამოვლენილი დეფექტის აღმოფხვრა, ასევე არახარისხოვნად გაწეული მომსახურების შედეგად გამოვლენილი ნებისმიერი სხვა ზიანის აღმოფხვრა;

- დეფექტის აღმოფხვრის ოპერატიულობა: შემსყიდველის მხრიდან შეტყობინების მიღებიდან ერთი კალენდარული დღის განმავლობაში.

- შეტყობინება შესაძლებელია განხროციელდეს როგორც წერილობითი, ისე სატელეფონო ზარის ან ელექტრონული ფოსტის საშუალებით ერთიან ელექტრონულ სისტემაში მიმწოდებლის პროფილში მითითებულ ელექტრონულ ფოსტაზე, ან მიმწოდებლის მიერვე შემსყიდველისთვის მითითებულ სხვა ელექტრონულ ფოსტაზე. შეტყობინება ასევე შესაძლებელია განხორციელდეს მხარეთა მიერ შეთანხმებული სხვა ნებისმიერი ფორმით.

პრეტენდენტს 2021 წლის 01 იანვრიდან უნდა გააჩნდეს არანაკლებ 100 000.00 ლარის ღირებულების ავტოსატრანსპორტო საშუალებების თვითწებადი ფირებით გაფორმების მომსახურების გაწევის გამოცდილება. აღნიშნულის დამადასტურებლად პრეტენდენტმა ელექტრონულ სისტემაში უნდა ატვირთოს აღნიშნული მომსახურების გაწევის დამადასტურებელი შემდეგი დოკუმენტები: ხელშეკრულებ(ები)ა და ამ ხელშეკრულების საფუძველზე გაფორმებული გაწეული მომსახურების ამსახველი მიღება-ჩაბარების აქტ(ებ)ი ან/და შესრულების დამადასტურებელი სხვა დოკუმენტაცია.

- პრეტენდენტს უნდა გააჩნდეს ყველა საჭირო ხელსაწყოთი აღჭურვილი საკუთარი ან/და იჯარით მინიმუმ 1 (ერთი) სერვის-ცენტრი ქ. თბილისში. ობიექტის შიდა სივრცე და ეზო აღჭურვილი უნდა იყოს ვიდეოსამეთვალყურეო კამერებით. დახურულ სივრცე არანაკლებ 250 კვ.მ, შესაძლებელი უნდა იყოს დახურულ სივრცეში არანაკლებ 2 და ეზოში არანაკლებ 3 ერთეული ავტომანქანის განთავსება ერთდროულად. პრეტენდენტს უნდა გააჩნდეს წებვადი ფირის საბეჭდი და სასერი აპარატები; ამასთან, პრეტენდენტს უნდა შეეძლოს მომსახურების გაწევა ბათუმში, ქობულეთში, ოზურგეთში, ლანჩხუთში, ქუთაისში, სამტრედიაში, ზესტაფონში, ხაშურში, გორში, ახალციხეში, რუსთავში, მარნეულში, ბორჯომში, თელავში, გურჯაანში, ზუგდიდში, ფოთსა და სენაკში, ასევე სოფელ სადახლოში, მობილური ჯგუფების საშუალებით.

- თბილისში არსებული სერვის-ცენტრ(ებ)ის მისამართების შესახებ ინფორმაცია მითითებულ უნდა იქნეს დანართ N2-ში, რომელიც პრეტენდენტის მიერ ატვირთულ უნდა იქნეს ერთიან ელექტრონულ სისტემაში.

- მიბმული ფაილის სახით იხ. ინფორმაცია მომსახურების გაწევის ადგილების შესახებ - დანართი N2.

პრეტენდენტის მიერ ერთიან ელექტრონულ სისტემაში ატვირთულ უნდა იქნეს სერვის-ცენტრის საკუთრების/ფლობის დამადასტურებელი დოკუმენტაცია, კერძოდ:

ა) იმ შემთხვევაში, თუ სერვის-ცენტრი წარმოადგენს პრეტენდენტის საკუთრებას პრეტენდენტმა უნდა წარმოადგინოს საკუთრების დამადასტურებელი შესაბამისი დოკუმენტაცია (ამონაწერ(ებ)ი საჯარო რეესტრიდან);

ბ) სარგებლობის შემთხვევაში ატვირთულ უნდა იქნეს საიჯარო ხელშეკრულებ(ებ)ი, სადაც მითითებული უნდა იქნეს ობიექტის შესაბამისი საკადასტრო კოდ(ებ)ი და აღნიშნული ხელშეკრულების მოქმედების ვადა უნდა შეადგენდეს არანაკლებ 2024 წლის 31 დეკემბერს. საიჯარო ხელშეკრულებას თან უნდა ახლდეს მეიჯარე(ები)ს სახელზე ამონაწერ(ებ)ი საჯარო რეესტრიდან.

შენიშვნა: საჯარო რეესტრის ამონაწერის წარმოდგენისას სავალდებულოა დოკუმენტის საბოლოო ვარიანტის წარმოდგენა.

2.8.1 ქვეკონტრაქტორ(ებ)ის არსებობის შემთხვევაში, პრეტენდენტმა სატენდერო წინადადებასთან ერთად უნდა წარმოადგინოს:

ა) მხარეთა შორის გაფორმებული ხელშეკრულებ(ები)ა, რომელთა მოქმედების ვადა უნდა იყოს არანაკლებ 2024 წლის 31 დეკემბრისა.

ბ) ქვეკონტრაქტორ(ებ)ის სერვის-ცენტრის საკუთრების და/ან სარგებლობის უფლების დამადასტურებელი შესაბამისი დოკუმენტაცია (განახლებული საჯარო რეესტრის ამონაწერი). ამასთან, თუ სერვის-ცენტრის მეიჯარეს აქვს იჯარით, იჯარის ვადა შესაბამისი ხელშეკრულებით განსაზღვრული უნდა იყოს არაუადრეს 2024 წლის 31 დეკემბრისა. ამასთან, სერვის-ცენტრის იჯარის შემთხვევაში უნდა იქნას წარმოდგინილი როგორც იჯარის ხელშეკრულება და განახლებული საჯარო რეესტრის ამონაწერი. ასევე ყველა ის დოკუმენტი რომლითაც დადასტურდება, მეიჯარის უფლებამოსილება ქონების იჯარით გადაცემის თაობაზე.

შენიშვნა: საჯარო რეესტრის ამონაწერის წარმოდგენისას სავალდებულოა დოკუმენტის საბოლოო ვარიანტის წარმოდგენა.

დამატებითი მოთხოვნები:

1. გასაწევი მომსახურების ღირებულება უნდა შეიცავდეს მიმწოდებლის ყველა ხარჯს - დაკავშირებულს მომსახურების გაწევასთან და საქართველოს კანონმდებლობით დადგენილ ყველა გადასახადს.

2. გასაწევი მომსახურების საერთო და ერთეულის ფასების წარმოდგენა დასაშვებია მხოლოდ ლარში.

3. პრეტენდენტის მიერ ერთიანი ელექტრონული სისტემის მეშვეობით დაფიქსირებული პრეისკურანტის ფასი არ უნდა აღემატებოდეს შემსყიდველის მიერ განსაზღვრულ პრეისკურანტის სავარაუდო ღირებულებას. ელექტრონული ვაჭრობის შემთხვევაში წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.

4. პრეტენდენტის მიერ გასაწევი მომსახურების ერთეულის ღირებულებები პოზიციების შესაბამისად პრეტენდენტის მიერ მითითებულ უნდა იქნეს პრეისკურანტში (დანართი №1) და არ უნდა აღემატებოდეს პრეისკურანტში ამავე პოზიციებზე დაფიქსირებულ ერთეულის მაქსიმალურ ზღვრულ ფასებს. ერთეულის ღირებულებების ჯამურმა ოდენობამ არ უნდა გადააჭარბოს 393.00 (სამას ოთხმოცდაცამეტი ლარი და 00 თეთრი) ლარს (დანართი №1 პრეტენდენტის მიერ ატვირთულ უნდა იქნეს ერთიან ელექტრონულ სისტემაში).

5. პრეტენდენტის მიერ პრეისკურანტის სავარაუდო ფასის შემცირების/კლების შემთხვევაში, ელექტრონულ სისტემაში დაფიქსირებული საბოლოო ფასიდან გამომდინარე, პრეისკურანტით გათვალისწინებული ერთეულის ღირებულებები დაკლებულ უნდა იქნეს პროპორციულად ყველა პოზიციაზე, პრეისკურანტის სავარაუდო ღირებულებასა და სისტემაში პრეტენდენტის მიერ დაფიქსირებულ პრეისკურანტის საბოლოო ღირებულებას შორის არსებული სხვაობიდან გამოთვლილი (გამოყვანილი) პროცენტის შესაბამისად. ამასთან, თუ ერთიან ელექტრონულ სისტემაში დაფიქსირებული საბოლოო ფასიდან გამომდინარე გასაწევი მომსახურებების ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია აღნიშნული ღირებულებები შეამციროს და კლებადობით დაამრგვალოს მეასედებამდე, შესაბამისად შეამციროს პრეისკურანტის ჯამური ღირებულებაც.

6. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე პრეტენდენტები ვალდებულები არიან სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე (გარდა სატენდერო დოკუმენტაციის 2.2.1, 2.3.1. და 4.1.1 პუნქტებით მოთხოვნილი დოკუმენტებისა) შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით (იხ. ინსტრუქცია შემდეგ ბმულზე: (http://procurement.gov.ge/getattachment/News/news-(50)/eSignature_25-Dec-18.pdf.aspx ).
თუ აღნიშნული ვალდებულება დროებით/მუდმივად შეჩერებულ/გაუქმებულ იქნა სხვა ნორმატიული აქტით, პრეტენდენტი თავისუფლდება მოცემული პირობისგან. ასეთ შემთხვევაში დოკუმენტზე შესრულებულ უნდა იქნეს ხელმძღვანელის ან სხვა უფლებამოსილი პირის მიერ სველი ხელმოწერა (ერთიან ელექტრონულ სისტემაში უფლებამოსილი პირის მიერ ხელმოწერილი დოკუმენტების ატვირთვის შემთხვევაში, ასევე ატვირთულ უნდა იქნეს მისი უფლებამოსილების დამადასტურებელი შესაბამისი დოკუმენტ(ებ)ი).

7. შემსყიდველის მიერ მოთხოვნილი ყველა დოკუმენტი ან/და ინფორმაცია პრეტენდენტის მიერ ატვირთულ უნდა იქნეს ერთიან ელექტრონულ სისტემაში; დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს მოქმედი კანონმდებლობის შესაბამისად დამოწმებული თარგმანი ქართულ ენაზე.

8. პრეტენდენტის მიერ ერთიან ელექტრონულ სისტემაში ატვირთული ყველა დოკუმენტი ან/და ინფორმაცია ხელმოწერილი უნდა იყოს ხელმძღვანელის ან უფლებამოსილი პირის მიერ (ერთიან ელექტრონულ სისტემაში უფლებამოსილი პირის მიერ ხელმოწერილი დოკუმენტების ატვირთვის შემთხვევაში ასევე ატვირთულ უნდა იქნეს მისი უფლებამოსილების დამადასტურებელი შესაბამისი დოკუმენტ(ებ)ი).

9. შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და საქართველოს მოქმედი კანონმდებლობის შესაბამისად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში;

10. პრეტენდენტის მიერ შერჩევა-შეფასების ეტაპზე წარმოდგენილ დაზუსტებულ პრეისკურანტში რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას. პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი N1-ის (პრეისკურანტის) წარმოუდგენლობა ან არსებითად შეუსაბამო დანართი N1-ის (პრეისკურანტის) წარმოდგენა გამოიწვევს პრეტენდენტის დისკვალიფიკაციას აღნიშნულ ტენდერში.

11. პრეტენდენტს არ აქვს უფლება წარმოადგინოს ალტერნატიული წინადადება.

4.1.1.1 იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილ უნდა იქნეს ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნეს დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით მომსახურების გაწევის შესაძლებლობა.

4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

- ანგარიშსწორების ვალუტა - ლარი.

- გადახდის ფორმა იქნება უნაღდო, გადარიცხვა მოხდება მიმწოდებლის საბანკო ანგარიშზე.

- ხელშეკრულების ღირებულება, რომელიც განსაზღვრული იქნება 150000.00 (ას ორმოცდაათი ათასი ლარი და 00 თეთრი) ლარის ოდენობით აღებულია შესაძლო გასაწევი მომსახურებების მიხედვით, ხოლო ანაზღაურება "მიმწოდებელთან" განხორციელდება მის მიერ ფაქტობრივად გაწეული მომსახურებების მიხედვით, შესაბამისად ხელშეკრულების მოქმედების ვადის ამოწურვის მომენტისათვის ხელშეკრულების საერთო ღირებულებიდან გამოუმუშავებელი თანხა დარჩება "შემსყიდველთან" და იგი არ წარმოშობს მხარეებს შორის რაიმე დამატებით ვალდებულებებს.

ანგარიშსწორება განხორციელდება ფაქტობრივად გაწეული მომსახურების ღირებულებების მიხედვით, შესაბამისი მიღება-ჩაბარების აქტის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენიდან 10 (ათი) სამუშაო დღის განმავლობაში.

მიხეილ ტიშჩენკო, 577771900, m.tishchenko@mia.gov.ge სატენდერო პირობებთან დაკავშირებით: დავით გოცაძე 577 77 88 12

დამატებითი ინფორმაცია:

• ერთიან ელექტრონულ სისტემაში ელექტრონულად შევსებული სატენდერო დოკუმენტაციის ველებში მოცემული პირობების შესახებ დამატებითი ინფორმაციისა და განმარტებების მოთხოვნა შესაძლებელია სისტემის შესაბამისი მოდულის მეშვეობით ან/და სატენდერო კომისიის აპარატის იმ წევრისგან, რომლის საკონტაქტო ინფორმაციაც მითითებულია სატენდერო დოკუმენტაციის 9.1 პუნქტის ველში;

• შემსყიდველ ორგანიზაციასა და პრეტენდენტს შორის ნებისმიერი მიმოწერა მიმდინარეობს სისტემის შესაბამისი მოდულის მეშვეობით და სისტემის გამოყენების გარეშე მიმოწერა სავალდებულო არ არის. შეტყობინება ოფიციალურად მიღებულად ჩაითვლება მისი სისტემაში ატვირთვის მომენტიდან;

• ელექტრონულად შევსებული სატენდერო დოკუმენტაციის პირობების ველებსა და ატვირთულ დოკუმენტებს შორის წინააღმდეგობის არსებობის შემთხვევაში უპირატესობა ენიჭება სატენდერო დოკუმენტაციის ველებს;

• პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შსს საპატრულო პოლიციის დეპარტამენტის მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.