Специальные одежда и аксессуары (Грузия - Тендер #47292115)

პოლიციელის კეპების და პილოტური თავსაბურავების სახელმწიფო შესყიდვა.

1.2.1 პოლიციელის კეპი - 4 000 ცალი

კეპი მუქი ლურჯი ფერის (ფერის ტონალობა აუცილებლად უნდა დაზუსტდეს შემსყიდველთან).
ქსოვილის ბოჭკოვანი შემადგენლობა: ბამბა 35%±5%, დანარჩენი პოლიესტერი.
ქსოვილის წონა: 270±15 გრ/მ2
ქსოვილის ფერი მდგრადი რეცხვის მიმართ ფერის ცვლილება ტესტირების შედეგად არანაკლებ 4; ფერის მდგრადობა სინათლის მიმართ არანაკლებ 4;
ფერის მდგრადობა ოფლის მიმართ არანაკლებ 4;
წებოვანას ქსოვილის სიმკვრივე არანაკლებ 160 გრ/1მ2.

წინაფრა: მკვრივი, დრეკადი, ელასტიური, პლასტიკური მასა, სისქე 1-1,5 მმ ფარგლებში ქსოვილით დაფარული. სიგრძე 7-8 სმ ცენტრალური ნაწილიდან წინ, თავსაბურავი ხუთი ნაწილისაგან შეკერილი. ოთხი თანაბარტოლი, ხოლო შუბლის ნაწილი შედარებით განიერი, გარეთა მხრიდან საშუბლე ნაწილზე სტილიზებული ჩანაკერით. შუბლის ნაწილის სიმაღლე 8.0 სმ±3 მმ. ქუდის შემადგენელი ნაწილების შეერთების ადგილი (დაბოლოება) წვერზე დასრულდება სტილიზებული მრგვალი, იმავე ფერის ქსოვილით დაფარული ღილით. კეპის ოთხი თანაბარტოლი ნაწილი (საშუბლე ნაწილის გარდა) მუშავდება თითო მრგვალი ფორმის, დაახლოებით 2.0-3.00 მმ დიამეტრის, გვირისტით დამუშავებული საჰაერო ნასვრეტეებით. მარცხენა მხარეს წინაფრაზე დამუშავებულია წითელი ფერის ნაქარგი წარწერა (SECURITY POLICE) საერთო ზომით 8 სმ×2 სმ±0,5 სმ. კეპი შიგნითა მხრიდან, სტაბილიზაციის და მდგრადობის შესანარჩუნებლად მუშავდება: საშუბლე ნაწილი წებოვანი ქსოვილით გამყარებული, ქსოვილზე წებოს მთლიანი დატანით.

შუბლის ადგილმდებარეობაში განთავსებულია ქუდის ემბლემა ე.წ. (კოკარდა) შესრულებული ჯაკორდული ქარგვის მეთოდით ზომა: 5,5 სმ×5 სმ ±0,3 სმ.
უნდა გამოირიცხოს ქუდის ნაქარგი ემბლემის ძაფების ფერთა აღრევა რეცხვისას და მისი გადასვლა ქსოვილზე.

ქუდის უკანა მხარეს ზომის სარეგულირებელი საქამრეები ხაოიანი კონტაქტის დანაკერებით და დაბოლოებებზე ლითონის დეკორატიული ფირფიტებით. შესაძლებელია შესაკრავის სხვა კონსტრუქციის შემოთავაზება, რომელიც არ გააუარესებს ქუდის ხარისხს და ესთეთიკურ მხარეს. ქუდის ნაკერები (თავსაბურავის ხუთი ნაჭრიანი შეერთერის ადგილები) დამუშავებული ორმაგი ჩაკეტილი ნაკერით და შიგნითა მხრიდან დამუშავებული ქსოვილის ქობით, სხვა დეტალები დამუშავებული სამკერვალო და გასაფორმებელი გვირისტებით. კეპი შიგნიდან დამუშავებულია ლენტით, გაოფლიანებისგან დასაცავათ.

ქუდს შიგნითა მხრიდან ჩამაგრებული უნდა ჰქონდეს ინფორმერი, მწარმოებელი ქვეყნის, ქსოვილის ბოჭკოვანი პროცენტული შემადგენლობის (ვისკოზა-სინთეთიკური ბოჭკო) და მოვლის (რეცხვის) პირობების მიმანიშნებელი საჭირო პიქტოგრამები (სიმბოლოები).

1.2.2 პილოტური თავსაბურავი - 300 ცალი

ფერი: მუქი ლურჯი (თანაბარი)
ქსოვილის ბოჭკოვანი შემადგენლობა: ვისკოზა 35%±5%, დანარჩენი პოლიესტერი;
ქსოვილის წონა: 210±10 გრ/მ2.
ქსოვილის ფერი მდგრადი რეცხვის მიმართ ფერის ცვლილება ტესტირების შედეგად არანაკლებ 4; ფერის მდგრადობა სინათლის მიმართ არანაკლებ 4;ფერის მდგრადობა ოფლის მიმართ არანაკლებ 4;

პილოტური თავსაბურავის ნაკეცები დამუშავებულია წითელი ფერის 0,3 სმ-იანი კანტით. თავსაბურავის აჭრის სტილი უნდა იყოს ესკიზთან შესაბამისი. მარცხენა მხარეს განთავსებული უნდა იყოს ქუდის ემბლემა ე.წ. (კოკარდა) შესრულებული ჯაკორდული ქარგვის მეთოდით ზომა:5,5სმ×5სმ ±0,3 (იხილეთ ემბლემის ესკიზი) მასზე გამოსახული კომპონენტების მკაფიო და ხარისხიანი გამოსახულებით. არ დაიშვება ემბლემის პილოტური ქუდის ნაპირებიდან გასვლა.

შესყიდვის ობიექტის ქსოვილის ფერი უნდა იყოს იდენტური დაცვის პოლიციის დეპარტამენტში დამტკიცებული ტანსაცმლის ფერისა. იმის გათვალისწინებით, რომ შესაძლებელია ესკიზებზე ზუსტად არ იყოს შესაძლებელი შესყიდვის ობიექტის რომელიმე შემადგენელი დეტალის ფერის ტონალობის და თარგის აღქმა, პრეტენდენტი ვალდებულია საქონლის თარგი და ფერი ნიმუშის წარმოდგენის ეტაპზე შეათანხმოს შემსყიდველთან და შეიკეროს შემსყიდველის მოთხოვნის შესაბამისად.

შენიშვნა: დასაშვებია პრეტენდენტის მიერ როგორც პირველად, ასევე დაზუსტებულ წინადადებაში არ ჰქონდეს იმ მახასიათებლზე კონკრეტული მნიშვნელობები მითითებული, რომლებზეც მოთხოვნილია ექსპერტიზის დასკვნების წარმოდგენა (მაგ: გრამაჟი, შემადგენლობა, ფერის მედეგობა და ა.შ.). ასევე არ მოითხოვება როგორც შესყიდვის ობიექტის ასევე მათი სხვადასხვა ჩანართების ზომების კონკრეტული მნიშვნელობების მითითება, ვინაიდან მათი გადამოწმება შესაძლებელია ნიმუშების ვიზუალური დათვალიერებით.

ექსპერტიზის დასკვნები ტექნიკური მახასიათებლების შესაბამისად წარმოდგენილი უნდა იქნას:
კეპები - ქსოვილის ბოჭკოვანი შემადგენლობა, ქსოვილის წონა,ქსოვილის ფერის მედეგობა რეცხვის, სინათლის ,ფერის და ოფლის მიმართ, წებოვანა ქსოვილის სიმკვრივე.
პილოტური თავსაბურავები -ქსოვილის ბოჭკოვანი შემადგენლობა, ქსოვილის წონა,ქსოვილის ფერის მედეგობა რეცხვის, სინათლის ,ფერის და ოფლის მიმართ.

1.4.1. ხელშეკრულების გაფორმებიდან არაუმეტეს 90 კალენდარული დღის განმავლობაში. (მიწოდება უნდა განხორციელდეს არაუადრეს 2024 წლის 03 იანვრიდან)

1.5.1. ქ. თბილისი, აღმაშენებლის ხეივანი N158. სსიპ დაცვის პოლიციის დეპარტამენტის ც/საწყობი
1.5.2. მიწოდებული საქონლის ჩამოტვირთვა დაცვის პოლიციის ცენტრალურ საწყობში უნდა განხორციელდეს მიმწოდებლის მიერ საკუთარი ხარჯებით და მუშა ხელით.

1.7.1.1. საგარანტიო ვადა განისაზღვრება არანაკლებ 1 წლის ვადით, მიღება-ჩაბარების აქტის გაფორმებიდან.
1.7.1.2. საგარანტიო პერიოდში მოწოდებულ საქონელზე გამოყენებული მეტალის მასალა და დამხმარე აქსესუარები არ უნდა დაიჟანგოს, ჩამკეტი მოწყობილობა, ფიქსატორები ძალის ზემოქმედების შედეგად არ უნდა დაიმსხვრეს და დაზიანდეს. უნდა ინარჩუნებდეს ხარისხსა და თვისობრივ მახასიათებლებს.
1.7.1.3. რეცხვის დროს მოწოდებული საქონელი უნდა ინარჩუნებდეს ზომას და ფორმას. ყველგან გამოყენებული გვირისტი შესრულებულია სამკერვალო ძაფით, რომელიც ხელის ძლიერი ზემოქმედებით არ უნდა წყდებოდეს, გვირისტის შესრულება უნდა იყოს სწორი, პროპორციული და გამძლე.
1.7.1.2. საგარანტიო ვადის პერიოდში გამოვლენილი ხარვეზების აღმოფხვრა უნდა უზრუნველყოს საკუთარი ხარჯებით მომწოდებელმა.
1.7.1.3. ხარვეზის ან/და დეფექტის მქონე საქონლის დაფიქსირების შემთხვევაში, საქონლის საგარანტიო მოქმედების ვადაში შემსყიდველი უფლებამოსილია მოითხოვოს გამოვლენილი ნაკლის ან ხარვეზის გამოსწორება (თუ ეს შესაძლებელია) ან საქონლის შეცვლა ახლით, აღნიშნულის შესახებ შემსყიდველი ატყობინებს მიმწოდებელს წერილობით ან/და ელექტრონული ფოსტის მეშვეობით (მიმწოდებლის მიერ მითითებულ ელ. მისამართზე), შეტყობინების გაგზავნის მომდევნო დღიდან აითვლება წუნდებული საქონლის ხარვეზის გამოსწორების ან შეცვლის 10 კალენდარულ დღიანი ვადა.

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის მწარმოებელის/ბრენდის და წარმოშობის ქვეყნის შესახებ.
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

2.2.1.1. პრეტენდენტს, 2021 წლის 01 იანვრიდან უნდა გააჩნდეს არანაკლებ 10 000 (ათი ათასი) ლარის ღირებულების ანალოგიური საქონლის (ტანსაცმლის ან/და სპეც. ტანსაცმლის და/ან ფეხსაცმლის ან/და უნიფორმის ან/და ტანსაცმლის აქსესუარების) მიწოდების გამოცდილება.
2.2.1.2. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს პროდუქციის მიწოდების დამადასტურებელი დოკუმენტები ხელშეკრულება/ხელშეკრულებები და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი. ან/და აღნიშნული პროდუქციის მიწოდების დამადასტურებელი სხვა დოკუმენტაცია.

2.9.1. შემსყიდველი უფლებამოსილია ხელშეკრულების ძალაში შესვლიდან, მოწოდების სრულად განხორციელებამდე, მოთხოვოს მიმწოდებელს შესყიდვის ობიექტის/მისი შემადგენელი ნაწილის მიწოდებასთან ან/და დამზადებასთან დაკავშირებული ინფორმაცია.
2.9.2. ხელშეკრულების გაფორმების შემდეგ, საქონლის მიწოდებისას, თუ კონტროლის განმახორციელებელი პირი ვიზუალური დათვალიერების შედეგად ჩათვლის, რომ შესყივის ობიექტი განსხვავდება ტექნიკური აღწერილობისგან ან/და ელექტრონულ ტენდერზე წარმოდგენილი ნიმუშისგან, შემსყდველი უფლებამოსილია მიმწოდებელს მოსთხოვოს, მოთხოვნიდან (მოთხოვნა შესაძლებელია განხორციელდეს ელ.ფოსტის ან ოფიციალური წერილის მეშვეობით) 15 (თხუთმეტი) სამუშაო დღის განმავლობაში წარმოადგინოს ექსპერტიზის დასკვნა საქონლის ტექნიკურ მოთხოვნებთან შესაბამისობის დადგენის მიზნით. მიმწოდებელმა უნდა წარმოადგინოს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“, SGS, INTERTEK, EKOTEKS ან სხვა აკრედიტირებული პირის (ასეთ შემთხვევაში, დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი) მიერ გაცემული დასკვნა.
2.9.3. საჭიროების შემთხვევაში ,,შემსყიდველმა “ და ,,მომწოდებელმა” ურთიერთშეთანხმების შემთხვევაში, ფორმის ტანსაცმლის არსებითი ცვლილების, ხელშეკრულების ფასის შეცვლის და მხარეთა კანონიერი ინტერესებისათვის ზიანის მიყენების გარეშე, შესაძლოა შეიტანონ უნიფორმის ტანსაცმლის ცალკეული ელემენტების დიზაინში ცვლილებები.
ატრიბუტიკის და სხვა აქსესუარების დიზაინი და ზომები დაზუსტებული და შეთანხმებული უნდა იქნეს შემსყიდველთან ხელშეკრულების დადებამდე.

3.1.1.1. პრეტენდენტი ვალდებულია შემსყიდველ ორგანიზაციაში წარმოადგინოს შემოთავაზებული საქონლის ნიმუშებთან ერთად სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ SGS, INTERTEK, EKOTEKS ან სხვა აკრედიტირებული პირის (ასეთ შემთხვევაში, დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი) მიერ გაცემული შესაბამისი დასკვნის ორიგინალი/დედანი და ექსპერტიზაგავლილი ქსოვილი,ექსპერტიზის დასკვნები უნდა ჩატარდეს სატენდერო დოკუნტაციის 1.2 პუნქტში მითითებულ "ექსპერტიზის დასკვნები ტექნიკური მახასიათებლების შესაბამისად წარმოდგენილი უნდა იქნას".
3.1.1.2. ექსპერტიზის დასკვნის ორიგინალი/დედანი, ექსპერტიზაგავლილ ქსოვილთან ერთად წარმოდგენილი უნდა იყოს ექსპერტიზის გამცემი პირის მიერ დალუქული. (ასეთის არ არსებობის შემთხვევაში, პრეტენდენტმა შესაძლებელია წარმოადგინოს ექსპერტიზაგავლილი ქსოვილი დალუქულ, ხოლო ექსპერტიზის დასკვნის ორიგინალი/დედანი დაულუქავ მდგომარეობაში. ამ შემთხვევაში შესაძლებელი უნდა იყოს დალუქული ქსოვილის, შესაბამისი ექსპერტიზის დასკვნასთან იდენტიფიცირება. მაგალითად, ექსპერტიზის დასკვნის ინდივიდუალური ნომერი უნდა ემთხვეოდეს დალუქული საქონლის შეფუთვაზე (შეფუთვაში) არსებულ ნომერს) (ექსპერტიზის ხარჯებს ანაზღაურებს პრეტენდენტი). წარმოდგენილი ნიმუშები სრულად უნდა აკმაყოფილებდეს ტექნიკურ მოთხოვნებს.
3.1.1.3. თუ მიმწოდებელი წინამდებარე ტენდერში არსებულ საბოლოო პროდუქტებს ქმნის ერთიდაიმავე (მ. შ. იდენტური ფერის) ქსოვილით, შესაძლებელია შესაბამის ქსოვილებზე წარმოდგენილი იქნას ერთი დასკვნა.
3.1.1.4. ექსპერტიზის დასკვნაში მითითებული უნდა იყოს წინამდებარე ტენდერის უნიკალური ნომერი, რომელთან ერთადაც დასაშვებია მხოლოდ შს სამინისტროს სისტემაში შემავალი შემსყიდველი ორგანიზაციების მიერ გამოცხადებული სხვა ტენდერის ნომრების მითითება.
3.1.1.5. პრეტენდენტის მიერ წარდგენილი შესყიდვის ობიექტის ნიმუში/ექსპერტიზის დასკვნები დაზუსტებას არ ექვემდებარება.
3.1.1.6 ტენდერში მონაწილე „დისკვალიფიცირბულ“ პრეტენდენტს ნიმუშები და ექსპერტიზის დასკვნების დაუბრუნების მოთხოვნა შეუძლია წინამდებარე ტენდერის საფუძველზე ხელშეკრულების გაფორმების შემდეგ 30 დღის განმავლობაში, ხოლო „გამარჯვებულ" პრეტენდენტს საქონლის სრულად მიწოდების შემდეგ 30 დღის განმავლობაში. აღნიშნული ვადის გასვლის შემდეგ, შემსყიდველი ორგანიზაცია იხსნის ყოველგვარ პასუხისმგებლობას პრეტენდენტ(ებ)ის მიერ წარმოდგენილი ნიმუშის დაბრუნებაზე.

შენიშვნა: ექსპერტიზაგავლილი ქსოვილი არის ქსოვილი რომელზეც უშუალოდ ჩატარდა ექსპერტიზა ან/და ე.წ. დარჩენილი ორიგინალი ქსოვილი.

ქ. თბილისი, აღმაშენებლის ხეივანი N 158. სსიპ დაცვის პოლიციის დეპარტამენტის ადმინისტრაციული შენობა.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2. ექსპერტიზის ან/და აუდიტის მიერ გაცემული შესაბამისი დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
4.1.1.3. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები“.

ვინაიდან, წინამდებარე ტენდერით ხდება საქართველოს შინაგან საქმეთა სამინისტროს სსიპ დაცვის პოლიციის დეპარტამენტის სტრუქტურული დანაყოფების მოსამსახურეთათვის კეპების და თავსაბურავების სახელმწიფო შესყიდვა, აუცილებლობას წარმოადგენს, ფინანსურად იქნეს უზრუნველყოფილი მომწოდებლის პასუხისმგებლობა. აქედან გამომდინარე, წინამდებარე ტენდერში გამოყენებულ იქნება ხელშეკრულებების შესრულების უზრუნველყოფის საბანკო გარანტია, ხელშეკრულებების საერთო ღირებულებების 5% (10%)–ის ოდენობით.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა მინიმუმ 90 (ოთხმოცდაათი) კალენდარული დღით უნდა აღემატებოდეს წინამდებარე ტენდერის საფუძველზე გაფორმებული ხელშეკრულებით გათვალისწინებული საქონლის მიწოდების ვადას.

ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენ ეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს მიწოდებული საქონლის პროპორციულად.

7.1.1.1 წინასწარი ანგარიშწორების (ავანსი) გამოყენება შესაძლებელია ხელშეკრულების საერთო ღირებულების არაუმეტეს 30% -ის ოდენობით, საავანსო თანხის იდენტური ოდენობის უპირობო გამოუთხოვადი გარანტიის წარმოდგენის საფუძველზე, (რომლის მოქმედების ვადა 90 (ოთხმოცდაათი) კალენდარული დღით უნდა აღემატებოდეს საქონლის მიწოდების ვადას) რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები. ავანსად გადახდილი თანხის გამოქვითვა განხორციელდეს სატენდერო დოკუმენტაციის 7.1.1.2 პუნქტით გათვალისწინებული პირობის შესაბამისად.
7.1.1.2 პირველ ეტაპზე მოხდება სატენდერო დოკუმენტაციის 7.1.1.1 პუნქტით გათვალისწინებული ავანსად მიღებული თანხის გამოქვითვა.
7.1.1.3 სატენდერო დოკუმენტაციის 7.1.1.1 პუნქტის მიზნისთვის წარმოდგენილი წინასწარი ანგარიშსწორების (საავანსო) გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

7.2.1. ანგარიშსწორება განხორცილდება ეტაპობრივად უნაღდო ანგარიშსწორებით, ლარებში, მიმწოდებლის საბანკო ანგარიშზე, მიღება-ჩაბარების აქტის და საგადასახადო ანგარიშ-ფაქტურის (კანონმდებლობით გათვალისწინებულ შემთხვევაში) წარმოდგენის შემდეგ.
7.2.2. მიმწოდებელმა მიღება–ჩაბარების აქტი და შესაბამისი საანგარიშსწორებო დოკუმენტაცია უნდა წარმოადგინოს მომსახურების მიწოდებიდან არაუმეტეს 10 სამუშაო დღის ვადაში, წინააღმდეგ შემთხვევაში შემსყიდველი იტოვებს უფლებას უარი განაცხადოს თანხის ანაზღაურებაზე.

7.3.1 ანგარიშსწორება განხორციელდება 7.2.1. პუნქტში მითითებული დოკუმენტების წარმოდგენიდან არაუგვიანეს 10 (ათი) სამუშაო დღის ვადაში.

ანი ჭრელაშვილი, 555151672, a.chrelashvili@spd.ge

10.1.1 სახელმწიფო შესყიდვების ერთიან ელექტრონულ სისტემაში ატვირთული დოკუმენტი წარმოდგენილი უნდა იყოს მოქმედი კანონმდებლობის შესაბამისად.
10.1.2 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.
10.1.4 პრეტენდენტს არა აქვს უფლება წარმოადგინოს ალტერნატიული სატენდერო წინადადება.

10.2. პრეტენდენტის მიერ ერთიან ელექტრონულ სისტემაში ასატვირთი მონაცემები:

10.2.1 მისაწოდებელი საქონლის ფასების ცხრილი (მწარმოებელის, წარმოშობის ქვეყნის და საგარანტიო ვადის მითითებით) დანართი N1-ის მიხედვით და მისაწოდებელი საქონლის ტექნიკური მახასიათებლები სატენდერო დოკუმენტაციის 1.2 პუნქტის შესაბამისად.

შენიშვნა: შესყიდვის ობიექტის წარმოშობის ქვეყნის ან/და მწარმოებლის შესახებ ინფორმაციის წარმოუდგენლობა, ასევე ფასთა ცხრილის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.

10.2. პრეტენდენტს, 2021 წლის 01 იანვრიდან უნდა გააჩნდეს არანაკლებ 10 000 (ათი ათასი) ლარის ღირებულების ანალოგიური საქონლის (ტანსაცმლის ან/და სპეც. ტანსაცმლის და/ან ფეხსაცმლის ან/და უნიფორმის ან/და ტანსაცმლის აქსესუარების) მიწოდების გამოცდილება. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს პროდუქციის მიწოდების დამადასტურებელი დოკუმენტები ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი. ან/და აღნიშნული პროდუქციის მიწოდების დამადასტურებელი სხვა დოკუმენტაცია.

10.3 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.