Ремонт и техническое обслуживание транспортных средств и оборудования и сопутствующие услуги (Грузия - Тендер #47251051)

პრეისკურანტით სპეც. ტექნიკის (გაზ, ზილ, ურალი, უაზი, კამაზი, რეკორდი, ჰოვო, მაზი, მანი, ფორდ კარგო, CPCD Y100 და მისაბმელის) ტექნიკური მომსახურების (სერვისი სათადარიგო ნაწილებით) შესყიდვა

შესყიდვის ობიექტის ტექნიკური პირობის სიმრავლიდან და თავისებურებიდან გამომდინარე, ამასთან მასში არსებული ცხრილის გათვალისწინებით მათი აღწერის თვალსაჩინოებისთვის გამოყენებულია მიმაგრებული ფაილი.

1.2.1 სატენდერო წინადადების წარდგენით, პრეტენდენტი ავტომატურად გამოხატავს თანხმობას ამ ველში მიმაგრებულ "ტექნიკური პირობის" დოკუმენტზე, რაც უცვლელად, დანართად დაერთვება გასაფორმებელ ხელშეკრულებას.


იხ. მიმაგრებული ფაილი: ტექნიკური პირობა

სს „საქართველოს სახელმწიფო ელექტროსისტემის“ ბალანსზე რიცხული სპეცტექნიკისა და მათთან დაკავშირებული მოწყობილობების ტექნიკური მომსახურების(სერვისი სათადარიგო ნაწილებით) გაწევის ვადაა:

ეტაპობრივად, 2024 წლის 1 იანვრიდან 2024 წლის 31 დეკემბრის ჩათვლით, ,,შემსყიდველის“ მიერ ავტოსატრანსპორტო საშუალებების ,,მიმწოდებლის“ სერვის ცენტრ(ებ)ში მიყვანიდან ან/და სადეფექტო აქტების შედგენიდან (მომსახურების ვადა თითოეულ შემთხვევაზე არ უნდა აღემატებოდეს):

• სავალი ნაწილი - არაუმეტეს 5 (ხუთი) სამუშაო დღე;
• ელექტროობა - არაუმეტეს 4 (ოთხი) სამუშაო დღე;
• აგრეგატები - არაუმეტეს 10 (ათი) სამუშაო დღე;
• სათუნუქე - სამღებრო სამუშაოები - არაუმეტეს 15 (თხუთმეტი) სამუშაო დღე.
• ხანგრძლივი მომსახურება (ძრავის, სიჩქარეთა კოლოფის შეკეთება) - 12 (თორმეტი) სამუშაო დღე;
• მობილური ჯგუფის სერვისი - გამოძახების დაფიქსირებიდან 2 (ორი) კალენდარული დღე;
• სათადარიგო ნაწილის შეკვეთა - 25 (ოცდახუთი) კალენდარული დღე;

1.მომსახურების გაწევის ადგილი: აღმოსავლეთ საქართველო - ქ.თბილისი, დასავლეთ საქართველო - ქ.ქუთაისი ან ქ.ქუთაისიდან 10კმ-ს რადიუსში.

2.მობილური ჯგუფის მიერ მომსახურების გაწევის ადგილია საქართველოს ტერიტორია.

(!)
პრეტენდენტმა სატენდერო წინადადებით უნდა წარმოადგინოს ინფორმაცია კონკრეტული საგარანტიო ვადის შესახებ.

მიმწოდებლის მიერ შეცვლილ ან/და შეკეთებულ სათადარიგო ნაწილებზე (გარდა სწრაფად ცვეთადი ნაწილებისა) საგარანტიო ვადა შეადგენს 6 (ექვსი) თვეს, მიღება-ჩაბარების აქტის გაფორმების დღიდან ნორმალური ექსპლუატაციის შემთხვევაში.

საგარანტიო პერიოდში წუნის აღმოჩენის შემთხვევაში მიმწოდებელი ვალდებულია დაუყონებლივ, შემსყიდველის წერილობითი მოთხოვნის მიღებიდან გონივრულ ვადაში, საკუთარი ხარჯებით აღმოფხვრას აღმოჩენილი წუნი და მისგან გამოწვეული დაზიანება.
მიმწოდებლის მიზეზით გამოწვეულ ნებისმიერ დაზიანებაზე (სამუშაო პროცესში მიმწოდებლის მიერ გამოწვეული დაზიანებები) პასუხისმგებლობა ეკისრება მიმწოდებელს. მიმწოდებელი ვალდებულია საკუთარი ხარჯით აღმოფხვრას აღნიშნული დაზიანება.

სატენდერო დოკუმენტაციით მოთხოვნილი გარანტიის მოქმედების არეალი მოიცავს საქართველოს ტერიტორიას.
წუნის/ხარვეზის/დეფექტის/გაუმართაობის შემთხვევაში საქონლის ტრანსპორტირება (მათ შორის საქართველოს საზღვრებს გარეთ) უნდა უზრუნველყოს მიმწოდებელმა.


შენიშვნა:პრეტენდენტის მიერ შემოთავაზებული საგარანტიო ვადა არ უნდა იყოს 6 თვეზე ნაკლები.

(!)

"პრეტენდენტს" უნდა ჰქონდეს გამოცდილება სატრანსპორტო საშუალებების(სპეცტექნიკის) ტექნიკური მომსახურების (სერვისი სათადარიგო ნაწილებით) ანალოგიურ მომსახურებაზე არანაკლებ 2(ორი) წელი, რაზედაც წარმოდგენილი უნდა იქნეს ინფორმაცია/დოკუმენტაცია გაწეული ანალოგიური ტექნიკური მომსახურების (სერვისი სათადარიგო ნაწილებით) შესახებ უკანასკნელი 2(ორი) წლის განმავლობაში.

ზემოაღნიშნულის დასადასტურებლად "პრეტენდენტმა" სატენდერო წინადადებით უნდა წარმოადგინოს ხელშეკრულება და მისი მიღება-ჩაბარების აქტი ან შუალედური მიღება-ჩაბარების აქტი ან საქართველოს სახელმწიფო შესყიდვების ერთიანი ელექტრონული სისტემის ტენდერის/CMR ნომრები, სადაც შესაძლებელი იქნება მოთხოვნილი დოკუმენტაციის გადამოწმება და დადასტურდება აღნიშნული გამოცდილება.

(!)

"პრეტენდენტმა" სატენდერო წინადადებით უნდა წაროადგინოს (ატვირთოს) შემდეგი დოკუმენტაცია/ინფორმაციის ატვირთვა სახელმწიფო შესყიდვების ერთიან ელექტრონულ სისტემაში, კერძოდ:

2.9.1 „პრეტენდენტმა“ უნდა წარმოადგინოს კონკრეტული მისამართები, სადაც განხორციელდება ტექნიკური მომსახურება (სერვისი სათადარიგო ნაწილებით) სატენდერო დოკუმენტაციის 1.5 ველში წარმოდგენილი #1 მოთხოვნის შესაბამისად.

2.9.2 სატენდერო დოკუმენტაციის კითხვარის 1.3 ველში მოცემული სრულად შევსებული ფასების ცხრილები (სულ: 19 ფასების ცხრილი). თუ სატენდერო დოკუმენტაციის მოთხოვნ(ებ)ის შესაბამისად, არ იქნება წარდგენილი ფასების ცხრილები ან თუ წარდგენილ ფასების ცხრილებში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს, პრეტენდენტი დაექვემდებარება დისკვალიფიკაციას.

ფასწარმოქმნის ადეკვატურობის მოთხოვნასთან დაკავშირებით კომისია ყურადღებას ამახვილებს შემდეგ ფაქტობრივ გარემოებაზე:

- „თავისუფალი ვაჭრობისა და კონკურენციის შესახებ“ საქართველოს კანონის უმთავრესი მიზანია საქართველოში თავისუფალი ვაჭრობისა და კონკურენციისათვის ბარიერების მოხსნა. დღეის მდგომარეობით, ეკონომიკური აგენტები თავისუფალნი არიან საქონლის/მომსახურების/სამუშაოს ფასწარმოქმნის ჯაჭვის ფორმირებისას. ვინაიდან მოქმედი სამართლებრივი აქტებით არ არის განსაზღვრული/რეგულირებული შესაბამისი კრიტერიუმები, თუ რა საფუძვლით უნდა განხორციელდეს ფასის ფორმირება, მიგვაჩნია, რომ ფასწარმოქმნის ადეკვატურობის დასაბუთების შეფასება ობიექტურ კრიტერიუმებზე დაყრდნობით შეუძლებელია.
- კომისიას მიაჩნია, რომ კონკურენტუნარიანი ბაზრის განვითარებისთვის, მინიმუმამდე უნდა იქნეს დაყვანილი ადმინისტრაციული ბარიერები. ამასთან, ეკონომიკური აგენტებისათვის კონკურენციის არამართლზომიერი შეზღუდვის დაწესება დაუშვებელია.

ყოველივე ზემოაღნიშნულიდან გამომდინარე, დისკრეციული უფლებამოსილების ფარგლებში, სატენდერო კომისია მიიჩნევს, რომ პრეისკურანტით სპეც. ტექნიკის (გაზ, ზილ, ურალი, უაზი, კამაზი, რეკორდი, ჰოვო, მაზი, მანი, ფორდ კარგო, CPCD Y100 და მისაბმელის) ტექნიკური მომსახურების (სერვისი სათადარიგო ნაწილებით) ამ კონკრეტულ შესყიდვაში არ გამოიყენოს ფასწარმოქმნის ადეკვატურობის დასაბუთება სსიპ სახელმწიფო შესყიდვების სააგენტოს თავმჯდომარის 2017 წლის 14 ივნისის N12-ე ბრძანების „ელექტრონული ტენდერის ჩატარების წესის დამტკიცების შესახებ“ მე-18 მუხლის მე-5 პუნქტის საფუძველზე.

5 Процентов

10 Процентов

მიმწოდებლის მიერ წარმოდგენილი უპირობო და გამოუთხოვადი ხელშეკრულების შესრულების უზრუნველყოფის გარანტიის მოქმედების ვადა მინიმუმ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

6.4.1. გამარჯვებულ პრეტენდენტს - მიმწოდებელს, ხელშეკრულების შესრულების უზრუნველყოფის უპირობო და გამოუთხოვადი გარანტიის (საბანკო გარანტია) შემსყიდველ ორგანიზაციაში მატერიალური სახით წარმოდგენა მოეთხოვება ხელშეკრულების გაფორმებამდე;
6.4.2. ხელშეკრულების შესრულების უზრუნველყოფის საბანკო გარანტიის ოდენობა განისაზღვრება ხელშეკრულების ღირებულების ________%-ის ოდენობით;
6.4.3. ხელშეკრულების შესრულების უზრუნველყოფის მიზნით მიმწოდებლის მიერ წარმოდგენილი უპირობო და გამოუთხოვადი ხელშეკრულების შესრულების უზრუნველყოფის საბანკო გარანტია გამოიყენება მიმწოდებლის მიერ ხელშეკრულების შეწყვეტის, ხელშეკრულების პირობების შეუსრულებლობის ან არაჯეროვანი შესრულების გამო;
6.4.4. მიმწოდებლის მიერ ხელშეკრულებით ნაკისრი ვალდებულებების სრულად და ჯეროვნად შესრულების შემდეგ ან მიმწოდებლისაგან დამოუკიდებელი მიზეზებით ხელშეკრულების შეწყვეტის გამო, მიმწოდებლის წერილობითი მოთხოვნის შემთხვევაში შემსყიდველი ვალდებულია უზრუნველყოს ხელშეკრულების შესრულების უზრუნველყოფის საბანკო გარანტიის დაუყოვნებლივ დაბრუნება;
6.4.5. ხელშეკრულების შესრულების უზრუნველყოფის საბანკო გარანტიის თანხა არ უნდა მცირდებოდეს მიმწოდებლის მიერ ხელშეკრულების ფარგლებში შესრულებული ვალდებულებების პროპორციულად;
6.4.6. შემსყიდველმა ხელშეკრულების შესრულების უზრუნველყოფის საბანკო გარანტიით გათვალისწინებული თანხა გარანტიის გამცემი ორგანიზაციისგან უნდა მიიღოს პირველი მოთხოვნისთანავე, ყოველგვარი დამატებითი დასაბუთების, განმარტების და მტკიცებულების წარდგენის გარეშე;
6.4.7. საქართველოს სამოქალაქო კოდექსის 398-ე მუხლის შესაბამისად ხელშეკრულების ღირებულების და/ან მოქმედების ვადის გაზრდის შემთხვევაში, მიმწოდებელი ვალდებულია წარმოადგინოს ცვლილების შესაბამისად განახლებული ხელშეკრულების შესრულების უზრუნველყოფის საბანკო გარანტია.
6.4.8. საბანკო გარანტია და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მას თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით));
6.4.9. რეზიდენტი პრეტენდენტის მიერ ხელშეკრულების შესრულების უზრუნველყოფის უპირობო გამოუთხოვადი გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის“ მიერ ლიცენზირებული სადაზღვევო კომპანიიდან, შემდეგი ფორმის დაცვით: დაბეჭდილი გარანტიის გამცემი დაწესებულების ტიტულიან ფურცელზე (ბლანკი), ხელმოწერილი ან/და ბეჭედდასმული;
6.4.10. არარეზიდენტი პრეტენდენტის მიერ ხელშეკრულების შესრულების უზრუნველყოფის უპირობო გამოუთხოვადი გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის“ მიერ ლიცენზირებული სადაზღვევო კომპანიიდან. უცხოური ბანკიდან ან/და სადაზღვევო კომპანიიდან საბანკო გარანტიის წარმოდგენის შემთხვევაში მასთან ერთად მიმწოდებელმა უნდა წარმოადგინოს ზემოაღნიშნული საბანკო გარანტიის საფუძველზე საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის“ მიერ ლიცენზირებული სადაზღვევო კომპანიიდან გაცემული „კონტრგარანტია“. შემდეგი ფორმის დაცვით: „კონტრ გარანტიის" გამცემი დაწესებულების ტიტულიან ფურცელზე (ბლანკი), ხელმოწერილი ან/და ბეჭედდასმული.

ანგარიშსწორება განხორციელდება ეტაპობრივად, ფაქტიურად გაწეულ ტექნიკურ მომსახურებაზე (სერვისი სათადარიგო ნაწილებით) გაფორმებული მიღება-ჩაბარების აქტის და საგადასახადო ანგარიშფაქტურის საფუძველზე, უნაღდო ანგარიშსწორების ფორმით ლარში.

ანგარიშსწორება განხორციელდება ეტაპობრივად, ფაქტიურად გაწეულ ტექნიკურ მომსახურებაზე (სერვისი სათადარიგო ნაწილებით) მიღება ჩაბარების აქტის გაფორმებიდან და საგადასახადო ანგარიშფაქტურის წარმოდგენიდან 8 (რვა) სამუშაო დღის ვადაში.

მაია ხაბეიშვილი, 577240458, maia.khabeishvili@gse.com.ge

1. ალტერნატიული სატენდერო წინადადება არ მიიღება;

2. სატენდერო კომისია უფლებამოსილია განიხილოს პრეტენდენტის მიერ წარმოდგენილი შესყიდვის ობიექტის ცალკეული გაუმჯობესებული კომპონენტები/მახასიათებლები (ასეთის არსებობის შემთხვევაში), რომელიც არსებითად არ ცვლის შესყიდვის ობიექტის შინაარსს, და ობიექტურ კრიტერიუმებზე დაყრდნობით, მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ.

3. სატენდერო კომისია უფლებამოსილია განიხილოს პრეტენდენტის მიერ წარმოდგენილ (ატვირთულ) სატენდერო წინადადებაში ან/და დაზუსტებულ სატენდერო წინადადებაში რედაქციული (გრამატიკული) ხასიათის ცდომილება/შეუსაბამობა, რომელიც არ ცვლის შესყიდვის ობიექტის შინაარს და სატენდერო წინადადებით დაფიქსირებულ საბოლოო ფასს და მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ.

4. სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე;

5. სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;

6. თუ სატენდერო დოკუმენტაციის მოთხოვნ(ებ)ის შესაბამისად, არ იქნება წარდგენილი ფასების ცხრილები ან თუ წარდგენილ ფასების ცხრილებში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს, პრეტენდენტი დაექვემდებარება დისკვალიფიკაციას, სსიპ სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანების ,,ელექტრონული ტენდერის ჩატარების წესის დამტკიცების შესახებ“ 27-ე მუხლის მე-3 პუნქტის შესაბამისად.

7. სატენდერო დოკუმენტაციაში, შესყიდვის ობიექტის ტექნიკური და ხარისხობრივი მაჩვენებლების აღწერისას, სადაც მითითებულია კონკრეტული სასაქონლო ნიშანი, მოდელი, პატენტი ან მწარმოებელი კომპანია, იგულისხმება „მსგავსი“ ან/და „ეკვივალენტური“. ასეთ შემთხვევაში, პრეტენდენტი ვალდებულია წარმოადგინოს სატენდერო დოკუმენტაციით განსაზღვრული შესყიდვის ობიექტის მსგავსი ან/და ეკვივალენტური მახასიათებლების მქონე საქონელი;

8. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;

9.პრეტენდენტები ვალდებულები არიან, ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.