Полные или частичные строительные работы и публичные работы (Грузия - Тендер #47251037)

ქ. ბათუმში მდებარე ავარიულ მდგომარეობაში მყოფი სხვადასხვა კულტურული მემკვიდრეობის ძეგლების სარეაბილიტაციო სამუშაოების შესყიდვა.

1.2.1 შესასრულებელი სამუშაოების ჩამონათვალი და რაოდენობა განსაზღვრულია სატენდერო დოკუმენტაციის დანართი N1-ში (ხარჯთაღრიცხვა). სამუშაოები შესრულებული უნდა იქნას დანართი N1-ის (ხარჯთაღრიცხვა), სატენდერო დოკუმენტაციის, ტექნიკური დავალებისა და პროექტის შესაბამისად.
1.2.2 სავალდებულოა პრეტენდენტის მიერ ხარჯთაღრიცხვა ატვირთული იქნას Excel-ის ფორმატის ფაილის სახით დანართი N1–ის მიხედვით (ხარჯთაღრიცხვის წარმოუდგენლობა ან/და განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
1.2.3 თუ კი სამუშაოების უსაფრთხო წარმოებისთვის საჭიროა შესაბამის სამსახურებთან შეთანხმებული, უსაფრთხოების სქემით სამუშაოების წარმოება, მიმწოდებელი ვალდებულია სრულად დაიცვას შეთანხმებული სქემით განსაზღვრული პერიმეტრი შესაბამისი მარეგულირებელი ნიშნებით.
1.2.4 ხარჯთაღრიცხვის ექსელის ფორმატის ფაილი (დანართი N1) ატვირთულია სატენდერო დოკუმენტაციასთან ერთად.
1.2.5. სამუშაოების წარმოების დაწყებამდე მიმწოდებელმა უნდა განათავსოს დიდი ზომის საინფორმაციო ბანერი სამუშაოების დასახელების, შემსრულებელი კომპანიის, დაწყებისა და დასრულების ვადების მითითებით. ამასთან უნდა უზრუნველყოს საჭიროებისამებრ ობიექტების დაცლა საყოფაცხოვრებო ნივთებისაგან და დასაწყობება.
1.2.6. ობიექტების სარეაბილიტაციო სამუშაოების პროექტი გადაეცემა გამარჯვებულს ხელშეკრულების გაფორმების დროს.

2023 წლის 20 დეკემბრამდე

სამუშაოების შესრულების ხარჯთაღრიცხვაში მითითებულ მისამართებზე.

შესრულებულ სამუშაოების კონსტრუქციულ ნაწილზე ვრცელდება 5 წლიანი საგარანტიო ვადა, რომელიც აითვლება სამუშაოების დასრულების შესახებ მიღება-ჩაბარების შედგენის დღიდან. სხვა დანარჩენ სამუშაოებზე ვრცელდება 3 წლიანი საგარანტიო პერიოდი.

1. 2020 წლის 1 იანვრიდან ელექტრონული ტენდერის გამოცხადების პერიოდამდე პრეტენდენტს უნდა გააჩნდეს დღგ-ის ჩათვლით არანაკლებ 162 000 (ას სამოცდაორი ათასი) ლარის ჯამური ღირებულების დასრულებული სამშენებლო - სარემონტო სამუშაოების შესრულების გამოცდილება.
2. პრეტენდენტის გამოცდილებაში არ ჩაითვლება მიმდინარე ხელშეკრულება. მიმდინარედ ჩაითვლება ყველა ის ხელშეკრულება, რომელზეც პრეტენდეტი ვერ წარმოადგენს ხელშეკრულებით გათვალისწინებული სამუშაოების სრულად შესრულების დამადასტურებელ დოკუმენტაციას.
3. გამოცდილების დასადასტურებლად პრეტენდენტმა უნდა წარმოადგინოს ხელშეკრულება, მიღება-ჩაბარების აქტი და საგადასახადო ანგარიშ-ფაქტურა. წარმოდგენილი მიღება-ჩაბარების აქტებიდან და საგადასახადო ანგარიშფაქტურებიდან უნდა დგინდებოდეს ხელშეკრულებით ნაკისრი ვალდებულების სრულად შესრულება.

2.9.1. იურიდიული და ფიზიკური პირი ვერ გაივლის შეფასებას, თუ დადგენილ ვადებში არ წარმოადგენს ან/და ვერ დააკმაყოფილებს სატენდერო დოკუმენტაციით მოთხოვნილ პირობებს.
2.9.2. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.
2.9.3. შემსყიდველი ორგანიზაციის მიერ პრეტენდენტთა სატენდერო წინადადებების წარდგენის ალტერნატიული წესი არ განიხილება.
2.9.4. სატენდერო წინადადებაში საერთო და ერთეულის ფასი გამოსახულ უნდა იყოს ლარებში (საქართველოს კანონმდებლობით დადგენილი ყველა გადასახადების გათვალისწინებით).
2.9.5. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია წარმოდგენილი იქნას ქართულ ენაზე. უცხო ენაზე წარმოდგენისას თან უნდა დაერთოს ქართულ ენაზე ნათარგმნი ვერსია დამოწმებული ნოტარიული წესით.
2.9.6 სამშაოების ხარჯთაღრიცხვა წარმოდგენილი უნდა იყოს როგორც Excel ფორმატში. წარმოდგენილი ხარჯთაღრიცხვისა და გამოცდილების დამადასტურებელ დოკუმენტაციის კვალიფიციური ელექტრონული ხელმოწერით ან/და კვალიფიციური ელექტრონული შტამპით დამოწმება სავალდებულო არ არის.
2.9.7. აღნიშნულ ელექტრონულ ტენდერში მონაწილეობით პრეტენდენტი ადასტურებს, რომ სრულად ეთანხმება ამ კონკრეტული ელექტრონული ტენდერის სატენდერო განცხადებით და სატენდერო დოკუმენტაციით მოთხოვნილ პირობებს.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება. პრეტენდენტმა ფასწარმოქმნის ადეკვატურობა უნდა დაადასტუროს სერთიფიცირებული აუდიტის ან აკრედიტირებული საექსპერტო ორგანოს დასკვნით. ამასთან, ფასწარმოქმნის ადეკვატურობის დასაბუთების წარუდგენლობა გამოიწვევს პრეტენდენტის დისკვალიფიკაციას. პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

- შესრულებული სამუშაოების ღირებულების ანაზღაურება მოხდება ფაქტიურად შესრულებული სამუშაოების მიხედვით, მიღება-ჩაბარების აქტის გაფორმებისა და შესაბამისი საგადასახადო დოკუმენტაციის შემსყიდველისათვის წარმოდგენის შემდეგ.
- შემსყიდველი ორგანიზაციის მიერ მიმწოდებელზე პირგასამტეხლოს დარიცხვის შემთხვევაში საბოლოო ანგარიშსწორება განხორციელდება პირგასამტეხლოს გადახდის დამადასტურებელი დოკუმენტის წარმოდგენის შემდეგ.

- შესრულებული სამუშაოების ღირებულების ანაზღაურება მოხდება შესრულების დამადასტურებელი დოკუმენტაციის წარდგენიდან 10 დღის ვადაში.

ლელა კუნჭულია, 577261515, adjaraheritage@gmail.com