Столовые и общественное питание (Грузия - Тендер #47250970)

შსს ლოჯისტიკის დეპარტამენტის მოთხოვნის უზრუნველსაყოფად, საზოგადოებრივი უსაფრთხოებისა და მართლწესრიგის დაცვის ღონისძიებებში მონაწილე შს სამინისტორს მოსამსახურეების კვებით უზრუნველყოფის მომსახურების შესყიდვა.

1.2.1 მიმწოდებელმა, ხარისხის სრული დაცვით, შემსყიდველის მოთხოვნის შესაბამისად უნდა უზრუნველყოს შინაგან საქმეთა სამინისტროს მოსამსახურეების კვებით მომსახურება.
1.2.2 მიმწოდებელმა სატენდერო დოკუმენტაციით გათვალსწინებული საკვების მომზადება უნდა განახორციელოს საქართველოში მოქმედი ნორმების სრული დაცვით და საკვების მომზადება უნდა განახორციელოს კვალიფიციურმა პერსონალმა;
1.2.3 მიმწოდებლის მიერ დამზადებული კვების პროდუქტები თავისი საგემოვნო თვისებებით უნდა შეესაბამებოდეს შესაბამის სტანდარტებს და უნდა იყოს საკვებად ვარგისი და ჯანმრთელობისთვის უვნებელი, რაზეც მიმწოდებელი პასუხს აგებს საქართველოში მოქმედი კანონმდებლობით გათვალისწინებული წესით.
1.2.4 თითოეული კომპლექტის დაფასოება უნდა მოხდეს ინდივიდუალურად. თითოეული სენდვიჩი კი დაფასოებული უნდა იყოს საკვები პროდუქტებისთვის განკუთვნილ ქაღალდის პაკეტში.
1.2.5 შენიშვნა: მიმწოდებელმა შეკვეთის დამზადებამდე შემსყიდველთან უნდა შეათანხმოს სასმელი წყლის მწარმოებელი/ბრენდი.
1.2.6 შემსყიდველი უფლებამოსილია საკუთარი შეხედულებისამებრ განახორციელოს მიმწოდებლის მიერ ნაკისრი ვალდებულების შესრულების კონტროლი, მიმწოდებელი ვალდებულია ხელშეკრულების მოქმედების პერიოდის განმავლობაში ინსპექტირების ჩატარებისას ხელი უნდა შეუწყოს შემსყიდველს და მიაწოდოს ყველა საჭირო დოკუმენტი.

მომსახურების გაწევის ვადა: 2024 წლის 01 იანვრიდან/ხელშეკრულების გაფორმებიდან 2024 წლის 31 დეკემბრის ჩათვლით, შემსყიდველის მოთხოვნიდან (მოთხოვნა განხორციელდება ელექტრონული ფოსტის საშუალებით) 24 საათის განმავლობაში. მიმწოდებელმა, შემსყიდველის მოთხოვნიდან ერთჯერადად უნდა შეეძლოს არანაკლებ 20 და არაუმეტეს 2500 კომპლექტის დამზადება (მიმწოდებლის თანხმობის შემთხვევაში შესაძლებელია შეიცვალოს აღნიშნული რაოდენობა, აღნიშნული არ საჭიროებს წერილობით შეთანხმებას).

შემსყიდველის მიერ მზა საკვების გატანა მოხდება ქ. თბილისში მიმწოდებლის მიერ მითითებული ლოკაციიდან.

1.7.1.1 ხარვეზის ან/და ნაკლის არსებობის შემთხვევაში, მიმწოდებელი ვალდებულია შეტყობინების მიღებისთანავე (იმავე დღეს) გამოასწოროს ნაკლი, შემსყიდველის მხრიდან დამატებითი დანახარჯების გაწევის გარეშე.
1.7.1.2 მიმწოდებელი ვალდებულია უზრუნველყოს მისაწოდებელი კერძების დამზადება, ახალი, მაღალხარისხიანი და ჯანსაღი პროდუქტებისგან, რომელთა ვარგისიანობის ვადა უნდა შეადგენდეს მთლიანი ვადის არანაკლებ 70%-ს.

2.3.1.1 პრეტენდენტს საკუთრებაში ან სარგებლობაში უნდა გააჩნდეს საწარმო ფართი ან უნდა ჰყავდეს ქვეკონტრაქტორი, სადაც განახორციელებს საკვები პროდუქტების მომზადებას. რომლის დამადასტურებლად პრეტენდენტმა სისტემის საშუალებით უნდა წარმოადგინოს შესაბამისი ინფორმაცია/დოკუმენტაცია.

2.8.1 ქვეკონტრაქტორ(ებ)ის არსებობის შემთხვევაში, პრეტენდენტმა სატენდერო წინადადებასთან ერთად უნდა წარმოადგინოს:

ა) მხარეთა შორის გაფორმებული ხელშეკრულებ(ები)ა, რომელთა მოქმედების ვადა უნდა იყოს არანაკლებ 2025 წლის 01 იანვრის ჩათვლით პერიოდი. ხელშეკრულებაში ნათლად უნდა იკითხებოდეს წინამდებარე ტენდერით განსაზღვრული რომელი საქონლის დამზადება/მიწოდებას უზრუნველყოფს ქვეკონტრაქტორი.

ბ) ქვეკონტრაქტორ(ებ)ის საწარმოო ფართის საკუთრების და/ან სარგებლობის უფლების დამადასტურებელი შესაბამისი დოკუმენტაცია (განახლებული საჯარო რეესტრის ამონაწერი). ამასთან, თუ საწარმოო ფართი მეიჯარეს აქვს იჯარით, იჯარის ვადა შესაბამისი ხელშეკრულებით განსაზღვრული უნდა იყოს არაუადრეს 2025 წლის 01 იანვრისა. ამასთან, საწარმოო ფართის იჯარის შემთხვევაში უნდა იქნას წარმოდგინილი როგორც იჯარის ხელშეკრულება და განახლებული საჯარო რეესტრის ამონაწერი. ასევე ყველა ის დოკუმენტი რომლითაც დადასტურდება, მეიჯარის უფლებამოსილება ქონების იჯარით გადაცემის თაობაზე.

შენიშვნა: მიმწოდებელმა უნდა წარმოადგენს წინამდებარე ტენდერის გამოცხადების შემდგომი თარიღით განახლებული საჯარო რეესტრის ამონაწერი.

2.9.1 პრეტენდენტის მიერ, წარმოდგენილ პრეისკურანტში (დანართი N1) მითითებული ერთეულის ფასები არ უნდა აღემატებოდეს შემსყიდველის მიერ პრეისკურანტის შესაბამის გრაფაში მითითებულ ერთეულის სავარაუდო მაქსიმალურ ზღვრულ ფასებს.
2.9.2 პრეტენდენტის მიერ შერჩევა-შეფასების ეტაპზე წარმოდგენილ დაზუსტებულ პრეისკურანტში რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას.
2.9.3 პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტის მოცემული ჩამონათვალის ერთეულის ფასებზე, თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და კლებადობით დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც (როგორც სატენდერო წინადადების წარდგენის ეტაპზე ასევე დაზუსტების არსებობის შემთხვევაში).

2.9.4 ხელშეკრულების გაფორმების შემდეგ 3 დღის განმავლობაში მიმწოდებელმა უნდა წარმოადგინოს საქართველოს სურსათის ეროვნული სააგენტოს მიერ გაცემული დასკვნა, კვების ობიექტში სანიტარულ-ჰიგიენური ნორმების შესახებ. ამასთან მიმწოდებელმა არანაკლებ თვეში ერთხელ უნდა უზრუნველყოს დეზინფექციის, დეზინსექციის და დერატიზაციის ჩატარება და შემსყიდველის მოთხოვნის შემთხვევაში უნდა უზრუნველყოს აღნიშნული დოკუმენტების წარმოდგენა.

2.9.5 პრეტენდენტმა სატენდერო წინადადებასთან ერთად უნდა წარმოადგინოს, ინფორმაცია საწარმოო ფართის მისმართების შესახებ.

2.9.6 იმ შემთხვევაში, თუ საწარმოო ფართი წარმოადგენს პრეტენდენტის საკუთრებას პრეტენდენტმა უნდა წარმოადგინოს:

ა) შემოთავაზებული საწარმოო ფართის საკუთრების დამადასტურებელი შესაბამისი დოკუმენტაცია (განახლებული საჯარო რეესტრის ამონაწერი).

2.9.7 იმ შემთხვევაში, თუ საწარმოო ფართი პრეტენდენტს აქქვს სარგებლობის უფლებით, პრეტენდენტმა უნდა წარმოადგინოს:

ა) იჯარის ხელშეკრულება, რომლის მიხედვითაც იჯარის ვადა უნდა იყოს არაუადრეს 2025 წლის 01 იანვრისა.

ბ) ყველა ის დოკუმენტი რომლითაც დადასტურდება, მეიჯარის უფლებამოსილება ქონების იჯარით გადაცემის თაობაზე (განახლებული საჯარო რეესტრის ამონაწერი და ა.შ.).

შენიშვნა: მიმწოდებელმა უნდა წარმოადგინოს წინამდებარე ტენდერის გამოცხადების შემდგომი თარიღით განახლებული საჯარო რეესტრის ამონაწერი.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილი უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული შესყიდვის ობიექტის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

იმის გათვალისწინებით, რომ წინამდებარე ტენდერით ხდება შსს სამინისტორს მოსამსახურეების კვებით უზრუნველყოფის მომსახურების შესყიდვა, - აღნიშნულიდან გამომდინარე, ტენდერის შედეგად გაფორმებული ხელშეკრულების ფარგლებში მიმწოდებლის პასუხისმგებლობის ფინანსური უზრუნველყოფის მიზნით გამოიყენება ხელშეკრულების შესრულების უზრუნველყოფის გარანტია.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა მინიმუმ 30 (ოცდაათი) კალენდარული დღით უნდა აღემატებოდეს წინამდებარე ტენდერის საფუძველზე გაფორმებული ხელშეკრულებით გათვალისწინებული მომსახურების გაწევის საბოლოო ვადას.

ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული სამუშაოების პროპორციულად.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ანგარიშსწორება მოხდება უნაღდო ანგარიშსწორებით ლარში.

ანგარიშსწორება შემსყიდველის მიერ მოხდება ფაქტობრივად მიწოდებული შესყიდვის ობიექტის მიხედვით. მიღება–ჩაბარების აქტისა და შესაბამისი საგადასახადო ანგარიშ-ფაქტურის (კანონმდებლობით დადგენილ შემთხვევაში) შსს შესაბამისი სამსახურის მიერ ეკონომიკურ დეპარტამენტში წარმოდგენის შემდეგ არაუგვიანეს 15 კალენდარული დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

დალი გულუაშვილი, 599421393, aniguluashvili@yahoo.com ტექნიკურ საკითხებთან დაკავშირებით დაუკავშირდით მაია ნასარაიას ტელ:591 39-23-23

10.1.1 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.6 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

10.2.1 მომსახურების პრეისკურანტი (დანართი N1), (პრეისკურანტის წარმოუდგენლობა ან/და განუფასებელი პრეისკურანტის წარმოდგენა, დაზუსტებას არ დაექვემდებარება და გამოიწვევს პრეტენდეტის დისკვალიფიკაციას).

10.2.2 სატენდერო დოკუმენტაციის 1.5 პუნქტით გათვალისწინებული ლოკაციის მისამართი.

10.2.3 სატენდერო დოკუმენტაციის 2.3.1, 2.8.1 და 2.9 პუნქტების მოთხოვნებით გათვალისწინებული ინფორმაცია/დოკუმენტაცია.