Ремонт и техническое обслуживание транспортных средств и оборудования и сопутствующие услуги (Грузия - Тендер #47145210)

დეპარტამენტის ტექნიკის საბურავების შეკეთება, დაყენება-ბალანსირება.

გაწეული უნდა იქნას შემდეგი მომსახურება:


1)საბურავების მოხსნა-დაყენება (მძიმე ტექნიკა);

2)საბურავების მოხსნა-დაყენება (მსუბუქი ა/მანაქანები);

3)საბურავების დაშლა-აწყობა (მძიმე ტექნიკა);

4)საბურავების დაშლა-აწყობა (მსუბუქი ა/მანაქანები);

5)ბალანსირება (მსუბუქი ა/მანქანები);

6)საკერებელი (ლატკა) #10;

7)საკერებელი (ლატკა) #12-14;

8)საკერებელი (ლატკა) #20;

9)საკერებელი (ლატკა) #25;

10)საკერებელი (ლატკა) #35;

11)საკერებელი (ლატკა) #40;

12)სოკო (ბ 10-12);

13)სოკო (ბ 6-8);

14) ფითილი;

15) მობილური ვულკანიზაცია (გასვლითი მომსახურება -საბურავების შკეთება მონტაჟი მძიმე ტექნიკის განთავსების ადგილზე.


- პრეისკურანტის თანხა შეადგენს - 418 ლარს დღგ-ს გარეშე;
- სახელშეკრულებო თანხა - 5 000 ლარს.

მომსახურების ვადა განისაზღვროს ხელშეკრულების გაფორმებიდან 2023 წლის 31 დეკემბრის ჩათვლით.

დეპარტამენტის ტექნიკისათვის საბურავების შეკეთება, დაყენება-ბალანსირება. მოსახურების ადგილია ქ. ბათუმი ან ხელვაჩაური, ქობულეთი, ხოლო ქედის, შუახევის და ხულოს მუნიციპალიტეტებიდან ერთ-ერთი მათგანი (იმისდა მიხედვით, თუ პრეტენდენტის მიერ წარმოდგენილი დოკუმენტაციის მიხედვით სად იქნება განთვსებული ვულკანიზაცია), ასევე გათვალისწინებულია გასვლითი მომსახურება (მობილური მომსახურება) მძიმე ტექნიკის განთავსების ადგილზე, აჭარის ა.რ. ხუთივე მუნიციპალიტეტში.

2.2.1.1 პრეტენდენტს უნდა გააჩნდეს 2019 წლის 1 იანვრიდან სატენდერო წინადადების მიღების დაწყების თარიღამდე პერიოდში ანალოგიური სახის, კეძოდ ტექნიკის (როგორც სატრანსპორტო საშუალებების, ასევე მძიმე ტექნიკის) საბურავების შეკეთების, დაყენება ბალანსირების მომსახურების გამოცდილება. წარმოდგენილი იქნას ანალოგიური გამოცდილების დამადასტურებელი არანაკლებ ერთი ხელშეკრულება მაინც და ამ ხელშეკრულებ(ებ)ით გათვალისწინებული სამუშაოების შესრულების დოკუმენტები (მიღება-ჩაბარების აქტები).


ინფორმაცია წარმოდგენილი იქნას დანართი N2-ის შესაბამისად, რომელიც დამოწმებული იქნას კვალიფიციური ელექტრონული ხელწერით ან/და კვალიფიციური ელექტრონული შტამპით.

- პრეტენდენტს უნდა გააჩნდეს საკუთრებაში ან/და იჯარით სარგებლობაში მინიმუმ თითო ვულკანიზაცია ქ. ბათუმში ან ხელვაჩაურის მუნიციპალიტეტში და ქობულეთის მუნიციპალიტეტში, ხოლო ქედის, შუახევისა და ხულოს მუნიციპალიტეტებში ერთ-ერთ მათგანში, რისთვისაც უნდა წარმოადგინოს საკუთრებაში ან/და იჯარით სარგებლობაში არსებობის დამადასტრურებელი დოკუმენტაცია (საკუთრებაში არებობის შემთხვევაში საჯარო რეესტრის ამონაწერი ან/და აუდიტის დასკვნა, აუდიტის დასკვნის წარმოდგენის შემთხვევაში, დასკვნა გაცემული უნდა იყოს ტენდერის გამოცხადების შემდეგი თარიღით. იჯარის შემთხვევაში წარმოდგენილი იქნას საიჯარო ხელშეკრულების ასლი, რომლის მოქმედების ვადა განისაზღვროს არანაკლებ 2023 წლის 31 დეკემბრისა.
„საჯარო რეესტრის შესახებ“ საქართველოს კანონის მე-11 მუხლის (უძრავ ნივთებზე უფლებათა რეეტრში რეგისტრაციისადმი დაქვემდებარებული უფლებები და ვალდებულებები) მე-5 პუნქტის თანახმად, მე-11 მუხლის პირველი პუნქტის „ა“-„ე“ ქვეპუნქტებით გათვალისწინებული უფლებების, ხოლო კერძო სამართლის იურიდიული პირის მონაწილეობით 1 (ერთი) წელზე მეტი ვადით დადებული გარიგებების (მათ შორის გარიგებებისა, რომელთა საერთო ვადა აღემატება 1 (ერთი) წელს) -აგრეთვე ამ მუხლის პირველი პუნქტის „ვ“-„ი“ და „ლ“ ქვეპუნქტებით გათვალისწინებული უფლებების წარმოშობისათვის აუცილებელია მათი საჯარო რეესტრში რეგისტრაცია, რაზედაც წარმოდგენილი იქნას საჯარო რეესტრის ამონაწერი.

პრეტენდენტი სატენდერო წინადადებას წარადგენს დღგ-ს გარეშე, მიუხედავად იმისა, არის თუ არა იგი დღგ-ს გადამხდელი. ასეთ შემთხვევაში, თუ გამარჯვებული პრეტენდენტი ხელშეკრულების დადების მომენტისთვის, საქართველოს კანონმდებლობის შესაბამისად, არის დღგ-ს გადამხდელი, შემსყიდველი ორგანიზაციის მიერ ხელშეკრულების ღირებულებაში გათვალისწინებული იქნება წინადადების ფასის შესაბამისი დღგ-ის ოდენობა.

მიმწოდებელმა უნდა დაასაბუთოს ფასწარმოქმნის ადეკვატურობა ან/და ამ ფასად ტენდერით გათვალისწინებული ვალდებულების შესრულების შესაძლებლობა, რაზედაც პრეტენდენტის მიერ წარმოდგენილი უნდა იქნას აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი). აუდიტის დასკვნით უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში დაფიქსირებული ერთეულის ფასით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.

შემსყიდველი ანგარიშსწორებას ახორციელებს მიმწოდებლის მიერ ფაქტიურად გაწეული მომსახურების ღირებულების მიღება-ჩაბარების აქტის გაფორმებისა და ანგარიშფაქტურის (ინვოისის) წარდგენის შემდეგ.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღეში.

ზებურ ჩავლეიშვილი, 599158798, tenders@ajararoads.ge სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია დეპარტამენტის სახელმწიფო შესყიდვების სამსახურში. ქ. ბათუმი, ჯავახიშვილის ქ. #72ა.
შიდა ტელეფონი (0422) 24-73-88.

1) სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2) ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;
3) სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
4) სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
5). პრედენდენტს არა აქვს უფლება წარმოადგინოს ალტერნატიული სატენდერო წინადადება;
6). სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. პრეტენდენტი ვალდებულია ფასების ცხრილში (ხარჯთაღრიცხვა) მითითებული ერთეულისა და საერთო ფასები გამოსახოს და შესაბამისად გაინაგარიშოს ლარის მეასედის - თეთრების სიზუსტით (მძიმის შემდეგ ორი ციფრი);
7). სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს);

8) პრეისკურანტის ღირებულება წარმოდგენილი უნდა იყოს დანართი N1–ში მოცემული განფასების ცხრილის (პრეისკურანტის) ჯამური ღირებულების მიხედვით, მაგრამ არაუმეტეს განცხადებაში მითითებული პრეისკურანტის სავარაუდო ღირებულებისა და განფასების ცხრილის თითოეულ პოზიციაზე მითითებული სავარაუდო ერთეულის ფასისა. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით, გარდა დღგ-ს.

9)) პრეტენდენტის მიერ პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტში მოცემული ჩამონათვალის ერთეულის ფასებზე (პროპორციულად დაკლებული ფასები უნდა იყოს დამრგვალებული მეასედებამდე სიზუსტით).

10) ფასების ცხრილი (პრეისკურანტი) წარმოდგენილი იქნას მხოლოდ Excel-ის სახით (პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს, მთ შორის ელექტრონულ ხელმოწერას ან/და ელექტრონულ შტამპს).