Прочие услуги (Грузия - Тендер #47145201)

უნიფორმის, საწვიმარი ლაბადის, პლედისა და თეთრეულის კომპლექტის რეცხვის, გაუთოებისა და შეფუთვის მომსახურების შესყიდვა.

1.2.1. შესყიდვის ობიექტის რაოდენობა:

1. ხალათი, შარვალი, მაისური - 1100 კომპლექტი
2. ქურთუკი - 400 ცალი
3. დათბუნული შარვალი - 100 ცალი
4. საწვიმარი ლაბადა - 600 ცალი
5. თეთრეულის კომპლექტი (საბნის პირი, ბალიშის პირი, ზეწარი) - 300 ცალი
6. პლედი - 100 ცალი

გარეცხილი და გაუთოვებული შესყიდვის ობიექტი უნდა იყოს ცალ-ცალკე ცელოფანში შეფუთული.

1.2.2. ერთჯერადი მოთხოვნის რაოდენობაა: მაქსიმუმ 200 უნიფორმის კომპლექტი (ხალათი, შარვალი, მაისური), საწვიმარი ლაბადა მაქსიმუმ -300 ცალი, თეთრეულის კომპლექტი - 50, დათბუნული შარვალი -30, პლედი - 50 და ქურთუკი - 50-150 ცალი.

1.2.3 გარეცხილ საქონელს (უნიფორმა, საწვიმარ ლაბადა, თეთრეულის კომპლექტი და პლედი) არ უნდა აღენიშნებოდეს ლაქები და უნდა იყოს კარგად დაუთოებული, რეცხვის დროს არ უნდა იქნას დაზიანებული ქსოვილი,არ უნდა გახუნდეს და არ უნდა გადავიდეს ფერები.

1.2.4 მომსახურების ღირებულებაში გათვალისწინებული უნდა იქნას მიმწოდებლის მიერ გაწეული ყველა ხარჯი, მათ შორის შესყიდვის ობიექტის წაღების და დაბრუნების ტრანსპორტირების ხარჯი და კანონმდებლობით დადგენილი ყველა გადასახადი.

1.2.5 მიმწოდებელმა მიღებული საქონელი უნდა გარეცხოს შესაბამისი სარეცხი საშუალებების გამოყენებით.

1.2.6 მიმწოდებლის მიერ შემსყიდველის ქონების დაზიანების შემთხვევაში, მიმწოდებელი ვალდებულია საკუთარი ხარჯებით აღმოფხვრას აღნიშნული დაზიანება/მიყენებული ზიანი.

ხელშეკრულების გაფორმებიდან არაუადრეს 2024 წლის 01 იანვრიდან 2024 წლის 31 დეკემბრის ჩათვლით, შემსყიდველის მოთხოვნიდან 5 კალენდარულ დღეში, (მოთხოვნა განხორციელდება ელექტრონული ფოსტის ან/და ტელეფონის მეშვეობით).

მიმწოდებელმა აღნიშნულ ვადაში (5კალენდარული) უზრუნველყოს საქონლის წაღება და მოტანა

1.5.1. მიმწოდებელმა მოთხოვნის შესაბამისად უნდა უზრუნველყოს გასარეცხი საქონლის დაცვის პოლიციის დეპარტამენტიდან წაღება და გარეცხილი უნიფორმის ცელოფანში შეფუთვა და უკან დაბრუნება (საკუთარი მუშა ხელით).
1.5.2. მომსახურების გაწევის ადგილი: მიმწოდებლის მიერ მითითებული მისამართი.

გაწეული მომსახურება უნდა იყოს მაღალი ხარისხის. შესყიდვის ობიექტი არ უნდა გახუნდეს და არ უნდა გადავიდეს ფერები. ხარვეზის მქონე მომსახურების დაფიქსირების შემთხვევაში, შემსყიდველი უფლებამოსილია მიმწოდებელს მოსთხოვოს გამოვლენილი ხარვეზის გამოსწორება არაუმეტეს 3 (სამი) კალენდარული დღის ვადაში აღნიშნულის შესახებ შემსყიდველი ატყობინებს მიმწოდებელს წერილობით ან/და ელექტრონული ფოსტის მეშვეობით (მიმწოდებლის მიერ მითითებულ ელ. მისამართზე), შეტყობინების გაგზავნის მომდევნო დღიდან აითვლება ხარვეზის გამოსწორების 3 (სამი) (კალენდარული) დღიანი ვადა.
შენიშვნა: რეკვიზიტების მათ შორის ელექტრონული ფოსტის მისამართი შეცვლის შემთხვევაში, „მომწოდებელი“ ვალდებულია დაუყოვნებლივ აცნობოს „შემსყიდველს“ განხორციელებული ცვლილების შესახებ. რეკვიზიტებში (ელ.ფოსტის მისამართი შეცვლის) განხორციელებიული ცვლილების „შემსყიდველისათვის“ შეუტყობინებლობის შემთხვევაში, ელექტრონული ფოსტით ან მისამართზე გაგზავნილი წერილი ჩაითვლება ჩაბარებულად.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი ძირითადად წარმოადგენს ადამიანური რესურსის შრომით გასამრჯელოს, მიმწოდებელს აქვს შესაძლებლობა აღნიშნული მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. ანგარიშსწორება მოხდება უნაღდო ანგარიშსწორებით ლარში.

ანგარიშსწორება შემსყიდველის მიერ მოხდება ფაქტიურად გაწეული მომსახურების მიხედვით. მიღება–ჩაბარების აქტისა და შესაბამისი საგადასახადო ზედდებულის/ ანგარიშ-ფაქტურის (კანონმდებლობით დადგენილ შემთხვევაში) გამოწერისა და წარმოდგენის შემდეგ არაუგვიანეს 10 (ათი) სამუშაო დღის ვადაში.

ანი ჭრელაშვილი, 555151672, a.chrelashvili@spd.ge

10.1.1 ტენდერთან დაკავშირებული ყველა დოკუმენტი ან/და ინფორმაცია ერთიანი ელექტრონული სისტემის მეშვეობით წარმოდგენილი უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი). დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სატენდერო წინადადების ფასი წარმოდგენილი უნდა იყოს მხოლოდ ლარებში, საერთო და ერთეულის ფასი უნდა შეიცავდეს როგორც შესყიდვის ობიექტის მიწოდებასთან დაკავშირებულ ყველა ხარჯს, ასევე დ.ღ.გ-ს (კანონმდებლობით გათვალისწინებულ შემთხვევაში) და საქართველოს კანონმდებლობით გათვალისწინებულ ყველა გადასახადს. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.4 პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.5 პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები დაამოწმოს/დაადასტუროს კვალიფიციური ხელმოწერით/კვალიფიციური შტამბით.
10.1.6 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.
10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

10.2.1 ფასების ცხრილი დანართი N1-ის მიხედვით. ფასების ცხრილის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას. პრეტენდენტი ვალდებულია შესყიდვის ობიექტის ერთეულის ფასები დააფიქსიროს (დაამრგვალოს) მეასედის სიზუსტით.