Строительно-монтажные работы (Грузия - Тендер #47071888)

სამშენებლო-სამონტაჟო სამუშაოების (ქ. თბილისში, ლადო გუდიაშვილის ქ.N5-ში მდებარე საქართველოს პარლამენტის ეროვნული ბიბლიოთეკის I კორპუსის წიგნსაცავის გათბობა-გაგრილების, ვენტილაციის და სახანძრო სიგნალიზაციის მოწყობის სამუშაოები) შესყიდვა.

1. სამუშაოები უნდა განხორციელდეს შემსყიდველის მიერ წარმოდგენილი საპროექტო დოკუმენტაციის შესაბამისად (იხ. მიბმული ფაილები)
ა) გათბობა-გაგრილების, ვენტილაციის საპროექტო დოკუმენტაცია.
ბ) სავენტილაციო დანადგარების ელ. მომარაგების საპროექტო დოკუმენტაცია
გ) სახანძრო სიგნალიზაციის საპროექტო დოკუმენტაცია.

შესასრულებელი სამუშაოები უნდა განხორციელდეს ხელშეკრულების ძალაში შესვლიდან 9 (ცხრა) თვის განმავლობაში

შესასრულებელი სამუშაოები უნდა განხორციელდეს შემდეგ მისამართზე: ქ.თბილისი, ლადო გუდიაშვილის ქ.N5, საქართველოს პარლამენტის ეროვნული ბიბლიოთეკა.

შესრულებულ სამუშაოებზე საგარანტიო ვადა განისაზღვრება 5 (ხუთი) წლის განმავლობაში სამუშაოების დასრულების დღიდან. სამუშაოების დასრულების შემდეგ 5 (ხუთი) წლის განმავლობაში რაიმე წუნის (ნაკლოვანებები, დეფექტი) აღმოჩენის შემთხვევაში, თუ დადგინდა, რომ აღნიშნული წუნი (ნაკლოვანებები, დეფექტი) გამოწვეულია უხარისხო და არაჯეროვანი შესრულებით, მიმწოდებელი ვალდებულია აღმოფხვრას უხარისხოდ შესრულებული სამუშაოები საკუთარი ხარჯებით.

პრეტენდენტს 2020 წლის 1 ოქტომბრიდან 2023 წლის 1 ოქტომბრამდე უნდა გააჩნდეს ანალოგიური სამუშაოების (გათბობა-გაგრილების, ვენტილაციის და სახანძრო სიგნალიზაციის მოწყობის სამუშაოები) შესრულების გამოცდილება ბრუნვით არანაკლებ 1 078 334 (მილიონ სამოცდათვრამეტი ათას სამას ოცდათოთხმეტი) ლარის ოდენობით (ელექტრონული ტენდერის შემთხვევაში სატენდერო განცხადების ნომერი, გამარტივებული შესყიდვის შემთხვევაში CMR ნომერი) - ხელშეკრულებები, მიღება-ჩაბარების აქტები.

პრეტენდენტის მიერ სისტემაში ატვირთული უნდა იქნას მასთან მომუშავე
1. ელექტრო-ინჟინრის გამოცდილების და კვალიფიკაციის შესახებ შემდეგი დოკუმენტაცია - ინფორმაცია:
ა) პირადობის მოწმობის ასლი;
ბ) სპეციალობით მუშაობის არანაკლებ 3 (სამი) წლიანი გამოცდილება - დასადასტურებლად წარმოდგენილი უნდა იქნას ან ცნობა (გაცემული შესაბამისი ორგანიზაციიდან), ან ხელშეკრულება, ან შრომის წიგნაკი.
გ) დიპლომის ასლი, რომლითაც დადასტურდება მისი განათლება ელექტრო-საინჟინრო სფეროში;
დ) წარმოდგენილ პირთან გაფორმებული შრომითი ხელშეკრულების ან/და ბრძანების ასლი, ან/და ცნობა, რომელიც დაადასტურებს პრეტენდენტთან მისი მუშაობის ფაქტს. ხელშეკრულების ვადა არ უნდა იყოს სამუშაოს შესრულების ვადაზე ნაკლები.
2.შრომის უსაფრთხოების სპეციალისტის გამოცდილების და კვალიფიკაციის შესახებ შემდეგი
დოკუმენტაცია - ინფორმაცია:
ა) პირადობის მოწმობის ასლი;
ბ) დიპლომის/სერთიფიკატის ასლი, რომლითაც დასტურდება მისი განათლება და
კვალიფიკაცია შრომის უსაფრთხოების სფეროში;
გ) წარმოდგენილ პირთან გაფორმებული შრომითი ხელშეკრულების ან.და ბრძანების ასლი,
ან/და ცნობა, რომელიც დაადასტურებს პრეტენდენტთან მისი მუშაობის ფაქტს.
ხელშეკრულების ვადა არ უნდა იყოს სამუშაოს შესრულების ვადაზე ნაკლები.

ა) მოცემულ ელექტრონულ ტენდერში მონაწილეობით პრეტენდენტი ადასტურებს, რომ სრულად ეთანხმება ამ კონკრეტული ელექტრონული ტენდერის სატენდერო განცხადებითა და სატენდერო დოკუმენტაციით მოთხოვნილ პირობებს.
ბ) პრეტენდენტს არა აქვს უფლება წარმოადგინოს ალტერნატიული წინადადება.
გ) ტენდერში მონაწილეობის მიღებამდე სასურველია ობიექტის წინასწარი დათვალიერება.
დ) პრეტენდენტი კომპანია ვალდებულია სამუშაოების შესრულების დროს გაითვალისწინოს საპროექტო დოკუმენტაცია.
ე) სამუშაოების შესრულების დროს გამოყენებული უნდა იყოს ახალი, პირველადი გამოყენების მასალა.
ვ) სამუშაოების დასრულების შემდეგ აუცილებელია დაზიანებული კედლების, ჭერის და ა.შ. აღდგენა და თავდაპირველ მდგომარეობაში მოყვანა.
ზ) სამუშაოების დასრულების შემდგომ მიღება-ჩაბარების აქტის გაფორმებამდე წარმოდგენილი უნდა იქნას ფაქტიურად შესრულებული სამუშაოების მოცულობის დამადასტურებელი დოკუმენტი-საექსპერტო დასკვნა, რომელიც გაცემული უნდა იყოს სსიპ “ლევან სამხარაულის სახელობის სასამართლო ექსპერტიზის ბიუროს” ან/და შესაბამის სფეროში არსებული აკრედიტირებული დაწესებულების მიერ. ექსპერტიზის ხარჯების ანაზღაურება ეკისრება მიმწოდებელს.
თ) პრეტენდენტი ვალდებულია შეასრულოს სამუშაოები შრომის უსაფრთხოების პირობების დაცვით.
ი) ყველა სახის მოსამზადებელი სამუშაოების დაწყება შეთანხმებული უნდა იყოს პარლამენტის ეროვნულ ბიბლიოთეკასთან.
კ) ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ მე-18 მუხლის მე-6 და მე-7 პუნქტები. თუ ტენდერში ელექტრონული ვაჭრობის შედეგად გამარჯვებული მიმწოდებლის მიერ სისტემაში დაფიქსირებული საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, შემსყიდველი ორგანიზაცია ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ შემსყიდველი ორგანიზაციის მოთხოვნის შესაბამისად წარმოდგენილი უნდა იქნეს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან აკრედიტაციის ერთიანი ეროვნული ორგანოს მიერ აკრედიტირებული პირის დასკვნა (აკრედიტირებული პირის მიერ გაცემულ დასკვნასთან ერთად წარმოდგენილ უნდა იქნეს დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა. წარმოდგენილ ექსპერტიზის დასკვნას თან უნდა ერთვოდეს სატენდერო ხარჯთაღრიცხვა და რესურსული მეთოდით შედგენილი ხარჯთაღრიცხვა. ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

5 Процентов

10 Процентов

ხელშეკრულების შესრულების უზრუნველყოფის საბანკო გარანტიის მოქმედების ვადა 30 (ოცდაათი) კალენდარული დღით უნდა აღემატებოდეს ხელშეკრულებით გათვალისწინებული მოქმედების საბოლოო ვადას.
შემსყიდველი ვალდებულია დაუბრუნოს მიმწოდებელს აღნიშნული ვადის გასვლის შემდეგ, ხელშეკრულების შესრულების უზრუნველსაყოფად გაცემული საბანკო გარანტია.

ხელშეკრულების შესრულების უზრუნველყოფის მიზნით გამოიყენება საბანკო გარანტია, რომელიც წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის“ მიერ ლიცენზირებული სადაზღვევო კომპანიიდან, ეროვნულ ვალუტაში - ლარში, სახელშეკრულებო ღირებულების 5%-ის ოდენობით, ხოლო თუ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე გარანტიის ოდენობა 10% -ის ოდენობით შემდეგი ფორმის დაცვით: დაბეჭდილი, გარანტიის გამცემი დაწესებულების ტიტულიან ფურცელზე (ბლანკი), ხელმოწერილი უფლებამოსილი პირის მიერ.

თეთრ სიაში რეგისტრირებული მიმწოდებელი შემსყიდველ ორგანიზაციას წარუდგენს მოთხოვნილი ოდენობის ხელშეკრულების შესრულების უზრუნველყოფის გარანტიის ნახევარს.

ხელშეკრულების შესრულების უზრუნველყოფის საბანკო გარანტია წარმოდგენილი უნდა იყოს სატენდერო კომისიის გადაწყვეტილების საფუძველზე გამარჯვებული პირის ხელშეკრულების გასაფორმებლად მოწვევის თარიღიდან არაუგვიანეს 10 (ათი) სამუშაო დღის განმავლობაში.

ა) გამოყენებული უნდა იქნას წინასწარი ანგარიშსწორება (ავანსი) 500 000 (ხუთასი ათასი) ლარის ოდენობით. მიმწოდებელი ვალდებულია შემსყიდველს წარუდგინოს წინასწარ გადასახდელი თანხის იდენტური ოდენობის გარანტია საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის“ მიერ ლიცენზირებული სადაზღვევო კომპანიიდან, ეროვნულ ვალუტაში- ლარში.
ბ) წინასწარი ანგარიშსწორების საავანსო გარანტია წარმოდგენილი უნდა იყოს ხელშეკრულების გაფორმებიდან 10 (ათი) კალენდარული დღის განმავლობაში.
გ) გარანტია უნდა იყოს უპირობო, გამოუხმობადი და შემსყიდველ ორგანიზაციას უნდა აძლევდეს უფლებას გარანტიის გამცემისაგან, პირველივე მოთხოვნისთანავე, მიიღოს შესაბამისი თანხა.
დ) მიმწოდებელი ვალდებულია წინასწარი ანგარიშსწორების შედეგად მიღებული თანხა გამოიყენოს მხოლოდ ხელშეკრულებასთან დაკავშირებული ვალდებულებების შესასრულებლად.
ე) წინასწარი ანგარიშსწორების საავანსო გარანტიის მოქმედების ვადა 60 კალენდარული დღით უნდა აღემატებოდეს ხელშეკრულებით გათვალისწინებული სამუშაოების შესრულების ვადას.
ვ) შემსყიდველი ვალდებულია დაუბრუნოს წინასწარი ანგარიშსწორების საავანსო გარანტია მიმწოდებელს წარმოდგენილი შესაბამისი დოკუმენტაციის საფუძველზე.

ა) მიმწოდებელთან ანგარიშსწორება განხორციელდება ეტაპობრივად, უნაღდო ანგარიშსწორების ფორმით ეროვნულ ვალუტაში - ლარში;
ბ) დაფინანსების წყარო: 2023-2024 წლების სახელმწიფო ბიუჯეტი.
გ) შესყიდვის ობიექტის ღირებულება მოიცავს სამუშაოების შესრულებასთან დაკავშირებულ ყველა ხარჯს დღგ-ს გათვალისწინებით;
დ) შესრულებულ სამუშაოებზე ანგარიშსწორება განხორციელდება ეტაპობრივად, მიღება-ჩაბარების აქტის, ფორმა N2-ის, საქართველოს კანონმდებლობით გათვალისწინებული შესაბამისი საგადასახადო დოკუმენტაციისა და ფაქტიურად შესრულებული სამუშაოების მოცულობის დამადასტურებელი დოკუმენტის საფუძველზე, რომელიც გაცემული უნდა იყოს სსიპ “ლევან სამხარაულის სახელობის სასამართლო ექსპერტიზის ბიუროს” ან/და შესაბამის სფეროში არსებული აკრედიტირებული დაწესებულების მიერ მომზადებული საექსპერტო დასკვნის საფუძველზე (ექსპერტიზის ხარჯებს ანაზღაურებს მიმწოდებელი).

შესრულებულ სამუშაოებზე ანგარიშწორება მოხდება ეტაპობრივად, შესაბამისი საანგარიშსწორებო დოკუმენტაციის წარმოდგენიდან არაუგვიანეს 10 (ათი) სამუშაო დღის განმავლობაში.

შოთა მურჯიკნელი, 568999314, shota.murjikneli.1@gmail.com გიგა კვინიკაძე, 599976146, giga_kvinikadze@yahoo.com ნონა შუბითიძე, 595434125, nshubitidze80@ gmail.com სატენდერო პირობებთან დაკავშირებული განმარტების მიღება პრეტენდენტს შეუძლია სატენდერო კომისიის აპარატში -ტელ: 297 16 02-08 (135), ქ. თბილისი,საქართველოს პარლამენტის ეროვნული ბიბლიოთეკის III კორპუსი, ლადო გუდიაშვილის ქ. N7.
სატენდერო განცხადებისა და სატენდერო პირობების დაზუსტების მოთხოვნა პრეტენდენტებს შეუძლიათ სისტემის მოდულის - „კითხვა/პასუხი“ მეშვეობით

პრეტენდენტის მიერ ერთიან ელექტრონულ სისტემაში ასატვირთი მონაცემები:
ა) ფასების ცხრილი დანართი N1-ის მიხედვით(ფასების ცხრილის წარმოუდგენლობა ან თუ წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს, დაზუსტებას არ დაექვემდებარება და გამოიწვევს პრეტენდენდენტის დისკვალიფიკაციას).
ბ) პრეტენდენტს 2020 წლის 1 ოქტომობრიდან 2023 წლის 1 ოქტომბრამდე უნდა გააჩნდეს ანალოგიური სამუშაოების (გათბობა-გაგრილების, ვენტილაციის და სახანძრო სიგნალიზაციის მოწყობის სამუშაოები) შესრულების გამოცდილება ბრუნვით არანაკლებ 1 078 334 (მილიონ სამოცდათვრამეტი ათას სამას ოცდათოთხმეტი) ლარის ოდენობით (ელექტრონული ტენდერის შემთხვევაში სატენდერო განცხადების ნომერი, გამარტივებული შესყიდვის შემთხვევაში CMR ნომერი) - ხელშეკრულებები, მიღება-ჩაბარების აქტები.
გ) ინფორმაცია პერსონალის გამოცდილების შესახებ - (2.4.1. პუნქტის შესაბამისად).
დ) პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი ან/და ინფორმაცია დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით.