Техническое обслуживание и ремонт (Грузия - Тендер #46792131)

უწყვეტი კვების წყაროების შეკეთება და ტექნიკური მომსახურება.

შესყიდვის ობიექტია 12 ცალი უწყვეტი კვების წყაროს (APC Back-UPS 1200) შეკეთების მომსახურება, რომელიც გულისხმობს:

1. ზემოაღნიშნული საქონლის დროულ და სრულყოფილ შეკეთებას; პროფილაქტიკური და დიაგნოსტიკური სამუშაოების ჩატარებას; ტექნიკის ნაწილების შეკეთებას და/ან გამოცვლას ხელშეკრულების დადებიდან არაუმეტეს 20 სამუშაო დღის განმავლობაში.

2. ხელშეკრულების დადებისთანავე მიმწოდებელი ვალდებულია შემსყიდველს მიაწოდოს საკონტაქტო პირის ინფორმაცია (ტელეფონი; ელექტრონული ფოსტა).

3. თუ უწყვეტი კვების წყარო არ დაექვემდებარა შეკეთებას, მიმწოდებელს გაწეული მომსახურების საფასურად (მათ შორის, პროფილაქტიკური და დიაგნოსტიკური სამუშაოების ჩატარება) თითოეული შეუკეთებელი (გაუმართავი) უწყვეტი კვების წყაროსთვის განესაზღვრება პრეისკურანტის მე-5 პოზიციის მომსახურების ღირებულება.

ხელშკრულების დადებიდან 20 სამუშაო დღე.

მიმწოდებელმა საკუთარი ხარჯით უნდა უზრუნველყოს აპარატურის ტრანსპორტირება შემსყიდველის ოფისიდან (მის: ქ. თბილისი, აკ. წერეთლის გამზ. N67ა) მომსახურების გაწევის ადგილამდე (მიმწოდებლის სერვისცენტრში) და უკან დაბრუნება.

1.გამოცვლილ სათადარიგო ნაწილზე და გაწეულ მომსახურებაზე საგარანტიო ვადა შეადგეს 6 თვეს შემსყიდველსა და მიმწოდებელს შორის მიღება-ჩაბარების აქტის გაფორმებიდან. ამასთან, სავალდებულოა ყველა დაზიანებული ნაწილი შეიცვალოს ახალი, ქარხნული წესით დამზადებული და მაღალი ხარისხის შესაბამისი ნაწილით;
2. საგარანტიო პირობით მოწოდებული საქონელი ან მისი შემადგენელი მოწყობილობა არ უნდა აუარესებდეს მის ტექნიკურ მახასიათებლებს და არ უნდა იწვევდეს ხარვეზებს საქონლის დანიშნულებისამებრ ფუნქციონირებაში.
3. საგარანტიო ვადის განმავლობაში, შეკეთებული ტექნიკის, გამოცვლილი ნაწილის, ან გაწეული მომსახურების ხელმეორედ დაზიანების (სწორი ექსპლუატაციისას) შემთხვევაში, მიმწოდებელი ვალდებულია საკუთარი ხარჯებით აღმოფხვრას ხარვეზი (გარდა მექანიკურად გამოწვეული ხარვეზისა) შემსყიდველის მოთხოვნიდან არაუგვიანეს 5 (ხუთი) სამუშაო დღის ვადაში.

პრეტენდენტმა უნდა წარმოადგინოს 2021 წლიდან სატენდერო წინადადების მიღების დაწყებამდე პერიოდში შემსყიდველისთვის/დამკვეთისთვის მინიმუმ ერთი ანალოგიური მომსახურების (კომპიუტერების პერიფერიული მოწყობილობების შეკეთება / ტექნიკური მომსახურება) გაწევის გამოცდილების შესახებ ინფორმაცია (შესრულებული ხელშეკრულება). აღნიშნულთან დაკავშირებით ერთიანი ელექტრონული სისტემის საშუალებით წარმოდგენილი უნდა იყოს ხელშეკრულება/ები და ამავე ხელშეკრულების ფარგლებში მომსახურების გაწევის შესახებ დამადასტურებელი დოკუმენტაცია (მაგალითად, მიღება–ჩაბარების აქტი/ები) ან მიეთითოს ელექტრონულ სისტემაში დაფიქსირებული შესაბამისი ტენდერის ან/და ხელშეკრულების (CMR) საიდენტიფიკაციო ნომრები.

შესრულებული მომსახურების ღირებულება საერთო ჯამში არ უნდა იყოს 10000 ლარზე ნაკლები.

წარმოდგენილ უნდა იქნეს ინფორმაცია პრეტენდენტის მინიმუმ ერთი სერვის ცენტრის მისამართის შესახებ, სადაც განხორციელდება მომსახურების გაწევა.

1. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.

2. პრეტენდეტმა 1.3 პუნქტის შესაბამისად სისტემაში უნდა ატვირთოს პრეისკურანტი ერთეულისა და საერთო ფასის მითეთებით. ნულით განფასებული მომსახურება/ნაწილი შემსყიდველის მიერ არ ანაზღაურდება;

3. სატენდერო დოკუმენტაციის №1 დანართის (ფასების ცხრილი (პრეისკურანტი)) "ნაწილებზე შემოთავაზებული ერთეული ფასისა" და "მომსახურებაზე შემოთავაზებული ერთეული ფასის" გრაფებში პრეტენდენტმა უნდა მიუთითოს მომსახურების/ნაწილის ერთეულის ფასები ცალ-ცალკე, რომელთა ჯამი იწერება გრაფაში "მომსახურებაზე და ნაწილებზე შემოთავაზებული პრეისკურანტის ჯამური ღირებულება (დღგ-ს ჩათვლით)".

გრაფაში - "მომსახურებაზე და ნაწილებზე შემოთავაზებული პრეისკურანტის ჯამური ღირებულება (დღგ-ს ჩათვლით)" მითითებული ფასი არ უნდა აღემატებოდეს "მომსახურების და ნაწილების პრეისკურანტის ზღვრული ჯამური ღირებულება (დღგ-ს ჩათვლით)"-ს გრაფაში, შესაბამის პოზიციებზე, შემსყიდველის მიერ მითითებულ მომსახურების/ნაწილების ზღვრული პრეისკურანტის ღირებულებას.

4. იმ შემთხვევაში, თუ პრეტენდენტი მიიღებს მონაწილეობას ელექტრონულ ვაჭრობაში, №1 დანართის (ფასების ცხრილი (პრეისკურანტი)) კორექტირებული ფორმის წარმოდგენისას, დაუშვებელია რომელიმე პოზიციაზე პრეტენდენტების მიერ თავდაპირველად მითითებული ერთეულის ფასის მომატება.

5. პრეტენდენტის მიერ მოწოდებული ერთეულისა და პრეისკურანტის საერთო ღირებულება უნდა მოიცავდეს მომსახურების გაწევასთან დაკავშირებულ ნებისმიერ ხარჯს და საქართველოს კანონმდებლობით გათვალისწინებულ გადასახადებს (მათ შორის დღგ) და გადასახდელებს.

6.დაუშვებელია პრეტენდენტის მიერ ტენდერში ქვეკონტრაქტორით მონაწილეობა

1. ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). წარმოდგენილი ინფორმაცია და დოკუმენტ(ებ)ი უნდა ადასტურებდეს პრეტენდენტის მიერ ხელშეკრულებით ნაკისრი ვალდებულებების შესრულების შესაძლებლობას, როგორც დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

2. პრეტენდენტის მიერ ფასწარმოქმნის ადეკვატურობის დასაბუთების მიზნით, პირველი პუნქტით განსაზღვრული დასკვნის წარმოდგენის შემთხვევაში, ფასწარმოქმნის ადეკვატურობის შეფასება გაკეთებული უნდა იყოს შეფასების მომენტისთვის არსებული მდგომარეობის განხილვის შედეგად მიღებული მონაცემების გათვალისწინებით და არა სამომავლოდ განსახორციელებელ მანიპულაციაზე ან მომავალში ჩასატარებელ რაიმე ღონისძიებაზე ან მოვლენაზე დაყრდნობით.

ანგარიშსწორება განხორციელდება მომსახურების გაწევის შემდეგ.

ანგარიშსწორება განხორციელდება მომსახურების გაწევის შემდეგ და აღნიშნულის შესახებ მიღება-ჩაბარების აქტის გაფორმებიდან და საგადასახადო ანგარიშფაქტურის წარმოდგენიდან (დღგ-ს გადამხდელად რეგისტრაციის შემთხვევაში) 10 სამუშაო დღის განმავლობაში.

მარიამ ბერკაცაშვილი, 591110075, m.berkatsashvili@sda.gov.ge

10.1.1 სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები და გადასახდელები) გათვალისწინებით, დღგ-ს ჩათვლით;
10.1.2 როგორც თქვენთვის ცნობილია, 2019 წლის 1 იანვრიდან შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ყველა ელექტრონულ დოკუმენტზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით. აღნიშნული წესით შესრულებული დოკუმენტი იურიდიული ძალის მქონეა.
დოკუმენტების ელექტრონულად დამოწმება შესაძლებელია შემდეგი ფორმით:
1) სატენდერო წინადადებისა თუ დაზუსტებული ინფორმაციის ელექტრონულად წარსადგენად შესაძლებელია თავფურცლის (წერილის სახით) უფლებამოსილი პირის მიერ ელექტრონულად ხელმოწერილი ან ორგანიზაციის ელექტრონული შტამპით დამოწმებული სახით მომზადება, რომელშიც მითითებული იქნება, რა მიზნით წარადგენთ დოკუმენტებსა თუ ინფორმაციას და აქვე ჩამოთვლით იმ დოკუმენტებსა თუ ინფორმაციას, რომლის წარმოდგენასაც გეგმავთ სატენდერო წინადადებისა თუ დაზუსტებული ინფორმაციის სახით. ასეთ შემთხვევაში წერილის დანართ(ებ)ი არ საჭიროებენ ელექტრონულად დამოწმებას. ერთიან ელექტრონულ სისტემაში ასეთი სახით წარმოდგენილი დოკუმენტაცია ჩაითვლება ელექტრონულად დამოწმებულად ან 2) სავალდებულოა პრეტენდენტის მიერ შექმნილი ნებისმიერი დოკუმენტის (მათ შორის: ფასების ცხრილი, გეგმა-გრაფიკი და სხვა) დამოწმება ელექტრონული ხელმოწერით ან/და კვალიფიციური ელექტრონული შტამპით.
10.1.3 სატენდერო წინადადება და თანმხლები დოკუმენტები შედგენილი უნდა იქნას ქართულ ენაზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე;
10.1.4 ალტერნატიული სატენდერო წინადადება არ განიხილება;
10.1.5 ხელშეკრულების ფორმა და პირობები მოცემულია 8.1 პუნქტში, რომელიც დაზუსტდება "ელექტრონული ტენდერის ჩატარების წესის დამტკიცების შესახებ" სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის 33-ე მუხლის პირველი პუნქტის შესაბამისად.
10.1.6 ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის (მათ შორის ფასების ცხრილთან დაკავშირებით) საშუალება და პროცედურა განისაზღვრება "ელექტრონული ტენდერის ჩატარების წესის დამტკიცების შესახებ"სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის მე-8 მუხლის შესაბამისად;
10.1.8 სატენდერო წინადადებასთან ერთად, პრეტენდენტმა უნდა წარმოადგინოს საკუთარი ორგანიზაციის შესახებ ის ინფორმაცია (მათ შორის საბანკო), რომელიც არ არის შევსებული ელექტრონულ სისტემაში არსებულ მიმწოდებლის პროფილში.
10.1.9 სახელმწიფო შესყიდვებში ერთიან ელექტრონულ სისტემაში ატვირთულ ელექტრონულ დოკუმენტებზე შესრულებული უნდა იყოს კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით. აღნიშნული წესისგან გათავისუფლებული არიან არარეზიდენტი პირები 2024 წლის 01 იანვრამდე. შესაბამისად, მათ მიერ შექმნილი ნებისმიერი დოკუმენტი, ხელმოწერილი და ბეჭედდასმული (არსებობის შემთხვევაში) უნდა იყოს უფლებამოსილი პირის მიერ და ატვირთული იქნას სახელმწიფო შესყიდვების ერთიან ელექტრონულ სისტემაში.