Услуги по исследованию рынка и экономики, опросы и статистика (Грузия - Тендер #46792128)

სსიპ - შოთა რუსთაველის საქართველოს ეროვნული სამეცნიერო ფონდის, ფუნდამენტური კვლევებისათვის, სახელმწიფო სამეცნიერო გრანტის, 2022 წლის კონკურსში გამარჯვებული პროექტის FR-22-25281 საგრანტო ხელშეკრულების დაფინანსებით - საქართველოს შინამეურნეობებში მცხოვრები ბავშვების ფუნქციონირებისა და საფუძვლიანი სწავლების უნარების სტატისტიკური გამოკვლევის საველე სამუშაოების განხორციელების მომსახურების სახელმწიფო შესყიდვა.

პროექტი ითვალისწინებს საქართველოს შინამეურნეობებში მცხოვრები ბავშვების ფუნქციონირებისა და საფუძვლიანი სწავლების უნარების სტატისტიკური გამოკვლევის განხორციელებას. სტატისტიკურ გამოკვლევაში გამოყენებულ უნდა იქნას სამსაფეხურიანი კლასტერული შემთხვევითი შერჩევა, სადაც შერჩევის პირველადი ერთეული (PSU) იქნება სააღწერო უბანი, შერჩევის მეორადი ერთეული (SSU) – შინამეურნეობის მისამართი, ხოლო შერჩევის მესამედი ერთეული (TSU) შინამეურნეობებში მცხოვრები 7-14 წლის ბავშვ(ებ)ი.
შესყიდვის ფარგლებში უნდა განხორციელდეს:

1. შერჩევის დიზაინი - მომსახურების გამწევმა ორგანიზაციამ უნდა შეიმუშაოს და წარმოადგინოს სტატისტიკური გამოკვლევის შერჩევის დიზაინის დოკუმენტი, სადაც 1) შერჩევის დიზაინის დასაბუთება;, 2) დეტალურად იქნება აღწერილი პირველადი, მეორადი და მესამედი შერჩევითი ობიექტის განსაზღვრის პროცედურა, 3) მოსალოდნელი ცდომილებები და 4) სტრატიფიკაციის საკითხი.
1.2. სააღწერო უბნების მისამართების დაზუსტება წინასწარი შემოვლის მეთოდით - გამოკვლევის განსახორციელებლად საქართველოს მოსახლეობის 2014 წლის საყოველთაო აღწერის ბაზის 9600-მდე სააღწერო უბნიდან PPS მეთოდით საქართველოს მასშტაბით წინასწარ შერჩეულ 240 - მდე სააღწერო უბნის წინასწარი შემოვლა ყველა აქტიური მისამართების მოძიების მიზნით (Listing). აღნიშნული აქტივობის განსახორციელებლად მომსახურების გამწევმა ორგანიზაციამ წინასწარ შემუშავებული მოკლე კითხვარის გამოყენებით უნდა განახორციელოს მისამართების დაზუსტება და დამკვეთისთვის მონაცემთა ბაზის გადაცემა.
1.3. საველე ინსტრუმენტარის მომზადება საველე სამუშაოებისთვის - გამოკვლევის ინსტრუმენტარი შედგება 4 კითხვარისგან: დემოგრაფიული კითხვარი, შინამეურნეობების კითხვარი, ძირითადი კითხვარი და უარების ფურცელი. კითხვარები სრულად ეფუძნება ვაშინგტონ ჯგუფის, ევროსტატის და გაეროს ბავშვთა ფონდის მეთოდოლოგიებს. საველე საქმიანობის განსახორციელებლად მომსახურების გამწევმა ორგანიზაციამ შესაძლებელია გამოიყენოს შემდეგი ორი მეთოდიდან ერთი:
ა) The Pen-and-Paper Personal Interview (PAPI)- ინტერვიუერის მიერ რესპონდენტის პირისპირ გამოკითხვა ბეჭდური კითხვარის გამოყენებით;
ბ) Computer-assisted personal interviewing (CAPI) - ინტერვიუერის მიერ რესპონდენტის პირისპირ გამოკითხვა ელექტრონული კითხვარის მეშვეობით, რომელიც ტარდება კომპიუტერული მოწყობილობების (პლანშეტების/ლეპტოპების) გამოყენებით.
იმ შემთხვევაში თუ მომსახურების გამწევი ორგანიზაცია აირჩევს ბეჭდური კითხვარის გამოყენებას, მაშინ მის ვალდებულებას წარმოადგენს საველე საქმიანობის განსახორციელებლად საჭირო რაოდენობის კითხვარების დაბეჭდვა. იმ შემთხვევაში თუ მომსახურების გამწევი ორგანიზაცია აირჩევს ელექტრონული კითხვარის გამოყენებას, მაშინ იგი ვალდებულია თავად უზრუნველყოს საველე პერსონალი შესაბამისი აღჭურვილობით და თვითონვე შეიმუშაოს კითხვარების ელექტრონული ვარიანტები. ვინაიდან, საქართველოს მოსახლეობაში მხოლოდ 3 ეთნიკური ჯგუფის წილი აღემატება 5 პროცენტს, საველე საქმიანობა უნდა განხორციელდეს 3 ენაზე: ქართული, აზერბაიჯანული და სომხური. დამკვეთი მომსახურების გამწევ ორგანიზაციას უზრუნველყოფს მხოლოდ 3 ენის (ქართული, აზერბაიჯანული და სომხური) კითხვარებით და კითხვარების შევსების ინსტრუქციის მხოლოდ ქართული ვარიანტით.
1.4. ძირითადი საველე საქმიანობის განხორციელება - შერჩეული 240-მდე სააღწერო უბანში შემოვლის ბაზიდან განხორციელებული სისტემური შემთხვევითი შერჩევის მეთოდით შერჩეულ (ქალაქში 15, ხოლო სოფელში 24) შინამეურნეობებში გამოკითხვის განხორციელება. წინასწარ შერჩეული ყველა შინამეურნეობა გამოიკითხება დემოგრაფიული კითხვარით, ხოლო კითხვარების სრული კომპლექტით (ძირითადი, დემოგრაფიული და შინამეურნეობის კითხვარი) ინფორმაცია გროვდება ქალაქის უბნის 5 და სოფლის უბნის 8 შინამეურნეობაში მცხოვრებ შესაფერისი ასაკის ყველა ბავშვზე. აღსანიშნავია, რომ უარების ფურცელი უნდა მოიცავდეს ინფორმაციას უბანზე ყველა შერჩეული შინამეურნეობის შესახებ. პროექტის განმახორციელებელი ორგანიზაცია ვალდებულია დაიქირაოს საველე პერსონალი (ინტერვიუერები და საველე საქმიანობის ზედამხედველები), ჩაუტაროს შესაბამისი სწავლება (ტრენინგი) და განახორციელოს ინფორმაციის შეგროვება შესაბამისი წესით.
1.5. მონიტორინგი - მომსახურების გამწევი ორგანიზაცია ვალდებულია:
1.5.1. აიღოს პასუხისმგებლობა შეგროვებული ინფორმაციის ხარისხთან დაკავშირებით და განახორციელოს კონტროლის მექანიზმები გამოკვლევის თითოეულ ეტაპზე;
1.5.2. შეიმუშაოს საველე საქმიანობის მონიტორინგის ცხრილები დამკვეთთან შეთანხმებით, საველე საქმიანობის პერიოდში მუდმივი პერიოდულობით (1 კვირა) აწარმოოს და დროულად გადასცეს (წარმოებიდან 1 დღის განმავლობაში) პროექტის დამკვეთს. პროექტის დამკვეთი უფლებას იტოვებს გადაამოწმოს კვლევის თითოეული ეტაპი თავად, ხოლო აღმოჩენილ დარღვევებზე შესაბამისი რეაგირება და გამოსწორება წარმოადგენს მომსახურების გამწევის პირდაპირ ვალდებულებას. დამკვეთი უფლებას იტოვებს მონიტორინგის თუ საქმიანობის სხვა რომელიმე ეტაპზე აღმოჩენილი არაკანონიერი ქმედების შესახებ ინფორმაცია გადასცეს შესაბამისი ქმედების პრევენციაზე პასუხისმგებელ საკანონმდებლო და სამართალდამცავ უწყებებს.
1.6. კვლევის მონაცემთა ბაზის გადაცემა - მომსახურების გამწევი ორგანიზაცია კვლევის დასრულებიდან 1 თვის ვადაში ვალდებულია გადასცეს ელექტრონული მონაცემთა ბაზა დამკვეთს შესაბამის (SPSS ან MS Access) ფორმატში.

2. პროექტის/ხელშეკრულების მიმდინარეობის ეტაპზე წარმოსადგენი მონაცემები:
2.1. საველე პერსონალის სია;
2.2. მისამართების აქტუალიზების მოკლე კითხვარი;
2.3. ბეჭდური სახის საველე ინსტრუმენტარი/საველე საქმიანობის განსახორციელებლად შემუშავებული პლანშეტის სპეციალიზებული პროგრამა;
2.4. სააღწერო უბნების მისამართების აქტუალიზებული მისამართების ბაზა და შერჩევის დიზაინის დოკუმენტაციის პროცედურით შერჩეული მისამართების სია;
2.5. სტატისტიკური კვლევების სტანდარდების და საველე ინსტრუმენტარის გათვალისწინებით შემუშავებული საველე მონიტორინგის ცხრილები (FCT).

3. პროექტით/ხელშეკრულებით შესრულებული სამუშაოების ხარისხის კონტროლი
3.1. შემსყიდველი მომსახურების გაწევის პარალელურად, განახორციელებს შესყიდვის ობიექტის (გაწეული მომსახურების) შემოწმებას.
3.2. შემსყიდველის მიერ კვლევის ჩატარების მონიტორინგის და ხარისხის კონტორლის განხორციელების მიზნით, მომსახურების ხარვეზით შესრულების შემთხვევაში (თუ დადგინდა რომ მითითებული რესპონდენტისგან არ იქნა აღებული ინტერვიუ, ანკეტაში გამოტოვებულია კითხვებზე პასუხები, სისტემატურად დარღვეულია ლოგიკა პასუხებზე) მიმწოდებელი ვალდებულია თავიდან შეასრულოს უხარისხოდ გაწეული მომსახურება.
3.3. იმ შემთხვევაში თუ მომსახურების შემოწმების პროცესში აღმოჩნდება გარკვეული ხარვეზები და მიმწოდებელი ვერ/ან არ უზრუნველყოფს აღნიშნული ხარვეზის გამოსწორებას შემსყიდველი უფლებამოსილია უარი განაცხადოს შესყიდვის ობიექტის მიღებაზე და მიღება‐ჩაბარების აქტის გაფორმებაზე.
3.4. შესყიდვის ობიექტის შემოწმების პროცესში მიმწოდებელი ვალდებულია საკუთარი ხარჯებით უზრუნველყოს კონტროლის (ინსპექტირების) შედეგად გამოვლენილი ხარვეზის აღმოფხვრა.

4. კვლევის დასრულების შემდეგ ჩასაბარებელი დოკუმენტაცია:
4.1. კვლევისმონაცემთა ბაზა (SPSS ან MS Access ფორმატში);
4.2. კვლევის საბოლოო ანგარიში;
4.3. კვლევის ნედლი მასალა (ქაღალდის კითხვარების შემთხვევაში).


**** ტექნიკური დავალება პრეტენდენტმა უნდა წარმოადგინოს, შემდეგი დანართების სახით:

დანართი N1 - ფასების ცხრილი - სატენდერო დოკუმენტაციის კითხვარის 1.3 პუნქტის მოთხოვნების შესაბამისად,

დანართი N2 - შერჩევის დიზაინი - სატენდერო დოკუმენტაციის კითხვარის 1.2 პუნქტის მოთხოვნების შესაბამისად, სტატისტიკური გამოკვლევის შერჩევის დიზაინის დოკუმენტი, უნდა მოიცავდეს:
1) შერჩევის დიზაინის დასაბუთებას;
2) დეტალურად იქნება აღწერილი პირველადი, მეორადი და მესამედი შერჩევითი ობიექტის განსაზღვრის პროცედურა;
3) მოსალოდნელი ცდომილებები და
4) სტრატიფიკაციის საკითხი და სხვა;

დანართი N3 – სამუშაოს შესრულების სამოქმედო გეგმა - სატენდერო დოკუმენტაციის კითხვარის 1.2 პუნქტის მოთხოვნების შესაბამისად, ტექნიკური დავალებით გათვალისწინებული სამუშაოს შესრულების სამოქმედო გეგმა;

დანართი N4 - საველე საქმიანობის გეგმა-გრაფიკი - სატენდერო დოკუმენტაციის კითხვარის 1.2 პუნქტის მოთხოვნების შესაბამისად.

მომსახურების გაწევის ვადაა ხელშეკრულების გაფორმებიდან 5 თვე

მომსახურების გაწევის გეოგრაფიული არეალი: ქ. თბილისი, და საქართველოს რეგიონები, 240-მდე სააღწერო უბანი.

2.2.1.1. პრეტენდენტს, საანგარიშო პერიოდში, დასრულებული უნდა ჰქონდეს ანალოგიური ტიპის, ხასიათის, სირთულის და შინაარსის კვლევის განხორციელების გამოცდილება, ღირებულებით არანაკლებ 160 000.00 ლარის ოდენობის, ან არანაკლებ 2 (ორი) შესრულებული ხელშეკრულების ფარგლებში, დასრულებული უნდა ჰქონდეს ანალოგიური ტიპის, ხასიათის, სირთულის და შინაარსის კვლევითი მომსახურება, ღირებულებით წინამდებარე ტენდერის შესყიდვის ობიექტის სახელშეკრულებო ღირებულების არანაკლებ 60%-ისა.
2.2.1.2. საანგარიშო პერიოდი მოიცავს: 01.01.2018-დან წინამდებარე ტენდერში წინადადების მიღების დამთავრების თარიღის ჩათვლით პერიოდს;
2.2.1.3. ანალოგიური ტიპის, ხასიათის, სირთულის და შინაარსის მომახურებას მიეკუთვნება: სტატისტიკური კვლევა ან/და -საველე ინსტრუმენტარის მომზადების სერვისის განხორციელების სამუშაოები.
2.2.1.4. საანგარიშო პერიოდში შესრულებული ანალოგიური ტიპის, ხასიათის, სირთულის და შინაარსის მომსახურების თაობაზე პრეტენდენტმა უნდა წარმოადგინოს:
ა) სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR) წარმოდგენა (დანართი N2-ის შესაბამისად)
ბ) სახელმწიფო შესყიდვების ერთიანი ელექტრონული სისტემის გარეშე, განხორციელებული გამოცდილების დასადასტურებლად პრეტენდენტმა სისტემაში უნდა ატვირთოს/ წარმოადგინიოს, ხელშეკრულებები და მათი შესრულების დამადასტურებელი დოკუმენტები- მიღება ჩაბარების აქტები ან/და დადატურებული საგადასახადო ანგარიშ-ფაქტურები.

პრეტენდენტის მიერ შემოთავაზებული სამუშაო ჯგუფი (ინტერვიუერების გარდა) უნდა შედგებოდეს, შემდეგი კვალიფიკაციის მქონე, მინიმუმ ერთი წევრისაგან:

• გუნდის ლიდერი/კვლევის პროცესის კოორდინატორი - მაგისტრის ხარისხი სოციოლოგიის, ეკონომიკის, სოციალური მეცნიერებების ან სხვა შესაბამისი მიმართულებით; არანაკლებ 5-წლიანი სამუშაო გამოცდილება რელევანტურ სფეროში;
• ექსპერტი შერჩევისა და სტატისტიკური მონაცემების დამუშავების, სტატისტიკური გამოკვლევის შერჩევა-შეწონვის მიმართულებით - მაგისტრის ხარისხი სოციოლოგიის ეკონომიკის, სოციალური მეცნიერებების ან სხვა შესაბამისი მიმართულებით; არანაკლებ 5-წლიანი სამუშაო გამოცდილება რელევანტურ სფეროში;
• ექსპერტი კითხვარის შემუშავებისა და კვლევის ანალიზის მიმართულებით - მაგისტრის ხარისხი სოციოლოგიის ეკონომიკის, სოციალური მეცნიერებების ან სხვა შესაბამისი მიმართულებით; არანაკლებ 5-წლიანი სამუშაო გამოცდილება რელევანტურ სფეროში.

კვალიფიკაციის დამადასტურებლად, პრეტენდენტმა ერთიანი ელექტრონული სისტემის საშუალებით უნდა წამროადგინოს, თითოეული წევრის რეზიუმე (CV), და მათთან ერთად შრომითი ხელშეკრულებები (მოქმედი არანაკლებ 2024 წლის 01 აგვისტომდე) და/ან ცნობები სამუშაო ადგილიდან.

პრეტენდენტმა ელექტრონული სისტემის მეშვეობით უნდა წარმოადგინოს :

დანართი N1 - ფასების ცხრილი - სატენდერო დოკუმენტაციის კითხვარის 1.3 პუნქტის მოთხოვნების შესაბამისად,

დანართი N2 - შერჩევის დიზაინი - სატენდერო დოკუმენტაციის კითხვარის 1.2 პუნქტის მოთხოვნების შესაბამისად, სტატისტიკური გამოკვლევის შერჩევის დიზაინის დოკუმენტი, უნდა მოიცავდეს:
ა) შერჩევის დიზაინის დასაბუთებას;
ბ) დეტალურად იქნება აღწერილი პირველადი, მეორადი და მესამედი შერჩევითი ობიექტის განსაზღვრის პროცედურა;
გ) მოსალოდნელი ცდომილებები და
დ) სტრატიფიკაციის საკითხი და სხვა;

დანართი N3 – სამუშაოს შესრულების სამოქმედო გეგმა - სატენდერო დოკუმენტაციის კითხვარის 1.2 პუნქტის მოთხოვნების შესაბამისად, ტექნიკური დავალებით გათვალისწინებული სამუშაოს შესრულების სამოქმედო გეგმა;

დანართი N4 - საველე საქმიანობის გეგმა-გრაფიკი - სატენდერო დოკუმენტაციის კითხვარის 1.2 პუნქტის მოთხოვნების შესაბამისად.

დანართი N5 - პრეტენდენტის გამოცდილება - სატენდერო დოკუმენტაციის კითხვარის 2.2.1 პუნქტის მოთხოვნების შესაბამისად.

დანართი N6 - პერსონალის გამოცდილება - სატენდერო დოკუმენტაციის კითხვარის 2.4.1 პუნქტის მოთხოვნების შესაბამისად.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ, სისტემაში დაფიქსირებული საბოლოო ფასი, 20%-ით ან მეტით, დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს, ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით, ამავე ფასების ცხრილით განსაზღვრული, საქონლის მიწოდების შესაძლებლობა.

დასკვნასთან ერთად წარმოდგენილ უნდა იქნას „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის, მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

7.1.1.1. შესაძლებელია ანგარიშსწორება განხორციელდეს წინასწარ, მიმწოდებლის მიერ შემსყიდველისათვის წერილობითი მიმართვის საფუძველზე, წინასწარი ანგარიშსწორების თანხის (შემდგომში - ავანსი) გადახდის თაობაზე, ხელშეკრულების გაფორმების შემდგომ.
7.1.1.2. წინასწარი ანგარიშსწორების მოთხოვნის შემთხვევაში, პირველი ეტაპი - საავანსო ანგარიშწორება არაუმეტეს ხელშეკრულების ღირებულების 15%, ხოლო მეორე ეტაპი - შესყიდვის ობიექტის სრულად მიწოდების შემდგომ;
7.1.1.3. თუ მიმწოდებლის მიერ არ იქნება მოთხოვნილი წინასწარი ანგარიშსწორება, ანაზღაურება განხორციელდება შესყიდვის ობიექტის სრულად მიწოდების შემდგომ, შესაბამისი ფინანსური დოკუმენტაციის წარმოდგენიდან 10 (ათი) სამუშაო დღის განმავლობაში.
7.1.1.4. წინასწარი ანგარიშსწორება განხორციელდება მიმწოდებლის მიერ წარმოდგენილი წინასწარ გადასახდელი თანხის იდენტური ოდენობის საბანკო/სადაზღვევო კომპანიის მიერ გაცემული უპირობო, გამოუთხოვადი გარანტიის საფუძველზე;
7.1.1.5. უპირობო, გამოუთხოვადი წინასწარი ანგარიშსწორების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.
7.1.1.6. წინასწარი ანგარიშსწორების გარანტიის მოქმედების ვადა არანაკლებ 30 კალენდარული დღით უნდა აღემატებოდეს ხელშეკრულებით გათვალისწინებულ მომსახურების გაწევის ვადას.

7.2.1 ხელშეკრულების ფარგლებში ანგარიშსწორება იწარმოება უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე.
7.2.2. ხელშეკრულების ფარგლებში ანგარიშსწორება ხორციელდება, ფაქტობრივად გაწეული მომსახურების მიხედვით, მიღება-ჩაბარების აქტის გაფორმების საფუძველზე.
7.2.3. მომსახურება ჩაითვლება შესრულებულად, შესყიდვის ობიექტი ჩაითვლება მიღებულად , მიმწოდებლის მიერ წარმოდგენილი, კვლევასთან დაკავშირებული მასალების, წარმოდგენის საფუძველზე.
7.2.4. წინასწარი ანგარიშსწორების მოთხოვნის შემთხვევაში, პირველი ეტაპი - საავანსო ანგარიშწორება განხორციელდება, ხელშეკრულების ღირებულების არაუმეტეს 15% - 2023 წლის საგრანტო ბიუჯეტის დაფინანსებით, ხოლო მეორე ეტაპი - შესყიდვის ობიექტის სრულად მიწოდების შემდგომ, - 2024 წლის საგრანტო ბიუჯეტის დაფინანსებით;
7.2.5. თუ მიმწოდებლის მიერ არ იქნება მოთხოვნილი წინასწარი ანგარიშსწორება, ანაზღაურება განხორციელდება შესყიდვის ობიექტის სრულად მიწოდების შემდგომ, შესაბამისი ფინანსური დოკუმენტაციის წარმოდგენიდან 10 (ათი) სამუშაო დღის განმავლობაში.
7.2.6. მიღება-ჩაბარების აქტის გაფორმებას შემსყიდველი განახორციელებს: მიმწოდებლის მიერ წაროდგენილი კვლევასთან დაკავშირებული მასალების წარმოდგენის, შესაბამისი ანგარიშ–ფაქტურის გამოწერის და უნივერსიტეტის ინსპექტირების ჯგუფის ან/და საგრანტო პროექტის FR-22-25281 წარმომადგენლის მიერ შედგენილი დადებითი დასკვნის საფუძველზე.

ანგარიშსწორება მოხდება უნაღდო ანგარიშსწორებით, სახაზინო სამსახურის ანგარიშიდან, საგრანტო პროექტის FR-22-25281 დაფინანსებით, ფაქტიურად გაწეული მომსახურების შესაბამისად, მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის განმავლობაში;

ლელა კოპალეიშვილი-გვაზავა, 577943294, lela.kopaleishvili@tsu.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტი და/ან ინფორმაცია, გარდა 1.3.პუნქტით გათვალისწინებული Excel-ის ფორმატით წარმოსადგენი ფასების ცხრილი, დანართი N1-სა, უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;

10.1.2. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;

10.1.3. პრეტენდენტს არ აქვს უფლება წარმოადგინოს ალტერნატიული წინადადება;

10.1.4. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;

10.1.5. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;