Строительно-монтажные работы (Грузия - Тендер #46792067)

1.1.1. სსიპ - სასწავლო უნივერსიტეტი - ბათუმის სახელმწიფო საზღვაო აკადემია უმაღლესი საგანმანათლებლო დაწესებულებაა, რომელიც მეზღვაურთა სწავლებასა და წვრთნას ახორციელებს. საგანმანათლებლო დაწესებულებების ავტორიზაციის სტანდარტების, მეზღვაურთა სერტიფიცირების, წვრთნისა და ვახტაზე დგომის შესახებ საერთაშორისო კონვენციის (STCW) და „მეზღვაურთა განათლებისა და სერტიფიცირების შესახებ“ საქართველოს კანონის მოთხოვნების შესაბამისად. საზღვაო აკადემია ახორციელებს იმგვარ საგანმანათლებლო პროგრამებს, რომელთა სწავლების პროცესში აქტიურადაა გამოყენებული სიმულატორული მოწყობილობები. მათ შორის სახანძრო უსაფრთხოების სასწავლო-საწვრთნელ პრაქტიკულ კურსში გამოყენებული სახანძრო უსაფრთხოების სასწავლო-საწვრთნელი შენობა-ნაგებობა (ლაბორატორია).
1.1.2. შესყიდვის ობიექტია : NAT220015101 ელექტრონული ტენდერის ჩატარების შედეგად კულტურული მემკვიდრეობის უძრავი ძეგლის ქ. ბათუმში, რუსთველის ქ. N53-ში მდებარე სსიპ სასწავლო უნივერსიტეტი - ბათუმის სახელმწიფო საზღვაო აკადემიის ტერიტორიაზე, საზღვაო- სახანძრო უსაფრთხოების, სასწავლო-საწვრთნელი გემის ხიდურის ფორმის ნაგებობის დასრულებისა და აღჭურვის სახელმწიფო შესყიდვა.

1.2.1 შესასრულებელი სამუშაოების ჩამონათვალი და რაოდენობა განსაზღვრულია სატენდერო დოკუმენტაციის პროექტში: იხილეთ საპროექტო დოკუმენტაცია.
1.2.2. პრეტენდენტის მიერ ხარჯთაღრიცხვის წარმოუდგენლობა ან/და განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას, გარდა 2017 წლის 14 ივნისის სახელმწიფო შესყიდვების სააგენტოს თავმჯდომარის „ელექტრონული ტენდერის ჩატარების წესის დამტკიცების შესახებ“ № 12 ბრძანების 27-ე მუხლის მე-3 პუნქტით გათვალისწინებული შემთხვევისა.
1.2.3. ტექნიკური დავალება და ხარჯთაღრიცხვის Excel-ის ფორმატის ფაილი (დანართი №2) ატვირთულია სატენდერო დოკუმენტაციასთან ერთად.
1.2.4. მიმწოდებელი ვალდებულია სამუშაოების შესრულების დროს გამოიყენოს მხოლოდ ის მასალები, რომელთა ხარისხი შეესაბამება საქართველოში აღიარებულ სტანდარტებსა და ნორმებს, წინააღმდეგ შემთხვევაში შემსყიდველი უფლებამოსილია არ ჩაიბაროს ჩატარებული სამუშაოები;
1.2.5. მიმწოდებელს დეტალურად უნდა ჰქონდეს შესწავლილი ადგილობრივი ბაზარი, სამშენებლო ობიექტის მასალებით შეუფერხებელი მომარაგებისათვის. უნდა იცნობდეს ადგილობრივ სპეციფიკას, ითვალისწინებდეს როგორც გლობალურ, ასევე ლოკალურ საბაზრო კონიუნქტურას, ობიექტის გეოგრაფიულ მდებარეობას, ბუნებრივ პირობებს.
1.2.6. შესრულებული სამუშაოების ხასიათის გათვალისწინებით, აუცილებელია ობიექტის შესწავლა ტენდერში მონაწილეთა მიერ. თითოეული მონაწილე ინფორმირებული უნდა იყოს შესყიდვის ობიექტის ტიპებისა და მოცულობების შესახებ, რომ შემოთავაზებული ერთეული განფასებები და განაკვეთები მოიცავდეს მიწოდებასთან დაკავშირებულ ყველა ხარჯს.

1.4.1. სამუშაოების შესრულების საერთო ვადა შეადგენს ხელშეკრულების გაფორმების თარიღიდან 90 (ოთხმოცდაათი) კალენდარული დღეს.

1.5.1. მიმწოდებელი ვალდებულია შესყიდვის ობიექტის მიწოდება განახორციელოს ხელშეკრულებით დადგენილი პირობების და საქართველოს კანონმდებლობით გათვალისწინებული შესაბამისი სამშენებლო და გარემოსდაცვითი ნორმებისა და წესების დაცვით. ასევე მსგავსი ტიპის შენობის მოწყობის /მშენებლობის საერთაშორისო გამოცდილების გათვალისწინებით. ვინაიდან ბათუმის სახელმწიფო საზღვაო აკადემიის შენობა-ნაგებობები წარმოადგენს კულტურული მემკვიდრეობის უძრავ ძეგლს მიმწოდებლის მიერ გათვალისწინებული უნდა იყოს საქართველოს კანონის „კულტურული მემკვიდრეობის შესახებ“ მოთხოვნები.
1.5.2. სამუშაოების შესრულების ადგილი: ქ.ბათუმი, რუსთველის ქ. N53.

1.6.1.შესრულებული სამუშაოს ხარისხის საგარანტიო ვადა შეადგენს, საბოლოო მიღება-ჩაბარების აქტის გაფორმებიდან - 5 (ხუთი) წელს. თუ სამუშაოებში გამოყენებული კონკრეტული საქონლის/ინვენტარის მწარმოებლის მიერ დადგენილი საგარატიო ვადა აღემატება 5 (ხუთი) წელს, მაშინ კონკრეტულ საქონელზე/ინვენტარზე ვცელდება მწარმოებლის მიერ დადგენილი საგარანტიო ვადა.

2.2.2.„პრეტენდენტს საქართველოს ტერიტორიაზე ან/და სხვა ქვეყნის ტერიტორიაზე (გარდა იმ ქვეყნის ტერიტორიისა, სადაც რეგისტრირებულია პრეტენდენტი) 2019 წლის 01 იანვრიდან ელექტრონული ტენდერისათვის „წინადადებების მიღება დასრულებულია“ სტატუსის მინიჭების თარიღამდე პერიოდში შესრულებული უნდა ქონდეს არანაკლებ 1 000 000 (ერთი მილიონი) ლარის ღირებულების სამოქალაქო, ან საზოგადოებრივი დანიშნულების შენობ(ებ)ის სამშენებლო ან/და სარეაბილიტაციო სამუშაოების შესრულების გამოცდილება.
2.2.3. გამოცდილებაში ჩაითვლება, მხოლოდ ზემოაღნიშნულ პერიოდში დასრულებული სამუშაოები, რაზედაც გაფორმებულია მიღება-ჩაბარების აქტები.
დოკუმენტები, რომლითაც უნდა დასტურდებოდეს გამოცდილება
ა) პრეტენდენტის გამოცდილება უნდა დასტურდებოდეს შემდეგი დოკუმენტებიდან:
ა.ა.) მხარეთა მიერ ხელმოწერილი ხელშეკრულების ასლები;
ა.ბ.) შესაბამისი სამუშაოს შესრულების დამადასტურებელი დოკუმენტების ასლები, კერძოდ:
• სამუშაოს შესრულების აქტი (მაგალითად ფორმა N2 ან ანალოგიური შინაარსის სხვა დოკუმენტი) ან/და
• შესრულებული სამუშაოს მიღება-ჩაბარების აქტი ან/და
• დამკვეთის მიერ გაცემული შესრულებული სამუშაოს დამადასტურებელი ცნობა
• გამოცდილების დამადასტურებელ დოკუმენტებს ყველა შემთხვევაში უნდა ერთვოდეს დადასტურებული საგადასახადო ანგარიშ-ფაქტურები.
ბ) იმ შემთხვევაში, თუ პრეტენდენტს სამუშაოები შესრულებული აქვს როგორც ქვეკონტრაქტორს, პრეტენდენტმა უნდა მიუთითოს ძირითადი შემსყიდველის მაიდენტიფიცირებელი ინფორმაცია, ასევე, გარდა ზემოაღნიშნული დოკუმენტებისა, წარმოდგენილი უნდა იყოს მოცემული სამუშაოების ძირითადი შემსყიდველის მიერ გაცემული დოკუმენტი, რომლითაც დასტურდება იგივე სამუშაოების მიღება.
გ) იმ შემთხვევაში, თუ სამუშაოები შესრულებულია სახელმწიფო შესყიდვის ფარგლებში (ასევე, თუ ქვეკონტრაქტის შემთხვევაში ძირითად შემსყიდველს წარმოადგენს სახელმწიფო შემსყიდველი ორგანიზაცია) და ყველა შესაბამისი ინფორმაცია ატვირთულია სახელმწიფო შესყიდვების ერთიან ელექტრონულ სისტემაში, ზემოაღნიშნული დოკუმენტების ნაცვლად შესაძლებელია წარმოდგენილ იქნას სახელმწიფო შესყიდვის შესაბამისი ნომერი (SPA, NAT, CMR და სხვ.).
დ.ა.) იმ შემთხევევაში, თუ სამუშაოები შესრულებულია საქართველოს ტერიტორიაზე და დამკვეთს წარმოადგენს კერძო სამართლის იურიდიული პირი (გარდა იმ შემთხვევისა, როდესაც სამუშაოები შესრულებულია სახელმწიფო შესყიდვის ფარგლებში ან/და ამ მუხლის "ა" ქვეპუნქტით გათვალისწინებული შესაბამისი ინფორმაცია ატვირთულია სახელმწიფო შესყიდვების ერთიან ელექტრონულ სისტემაში), პრეტენდენტმა ზემოაღნიშნულ დოკუმენტებთან ერთად აუცილებლად უნდა წარმოადგინოს დადასტურებული საგადასახადო ანგარიშ-ფაქტურები.
დ.ბ.) იმ შემთხევევაში, თუ სამუშაოები შესრულებულია უცხო ქვეყნის ტერიტორიაზე, წარმოდგენილ უნდა იქნას სამუშაოს ღირებულების გადახდის დამადასტურებელი დოკუმენტები.
ე) გამოცდილების დასადასტურებლად კერძო სამართლის იურიდიულ პირებს შორის გაფორმებული დოკუმენტების (ხელშეკრულება, მიღება-ჩაბარების აქტი, სამუშაოების შესრულების აქტი/ფორმა #2) წარმოდგენის შემთხვევაში (გარდა იმ შემთხვევისა, როდესაც სამუშაოები შესრულებულია სახელმწიფო შესყიდვის ფარგლებში ან/და ამ მუხლის "ა" ქვეპუნქტით გათვალისწინებული შესაბამისი ინფორმაცია ატვირთულია სახელმწიფო შესყიდვების ერთიან ელექტრონულ სისტემაში) დოკუმენტები დამოწმებული/დადასტურებული უნდა იყოს ხელმომწერი პირ(ებ)ის კვალიფიციური ელექტრონული ხელმოწერით ან/და კვალიფიციური ელექტრონული შტამპით, ასევე, შესაძლებელია მატერიალური დოკუმენტის ნოტარიულად დამოწმებული ასლების წარმოდგენაც (ნოტარიულად დამოწმებულ უნდა იქნას სველი ხელმოწერით/ბეჭდით შესრულებული დედნის ასლები).
ვ) წარმოდგენილი დოკუმენტებიდან შესაძლებელი უნდა იყოს სამუშაოების შინაარსისა და ღირებულების იდენტიფიცირება.
ზ) უცხოურ ვალუტაში შესრულებული სამუშაოების შემთხვევაში, ღირებულების დაანგარიშება მოხდება ლარებში, სამუშაოების შესრულების დამადასტურებელი დოკუმენტების გაფორმების თარიღისთვის, შესაბამისი ვალუტის მიმართ საქართველოს ეროვნული ბანკის მიერ დადგენილი, ლარის ოფიციალური გაცვლითი კურსის მიხედვით.

თ) ამხანაგობის და ამხანაგობის წევრთა მიმართ დადგენილი დამატებითი მოთხოვნები:
თ.ა.) იმ შემთხვევაში თუ პრეტენდენტს წარმოადგენს ამხანაგობა, სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესი“-ს 24-ე მუხლის მე-6 პუნქტის „ა“ ქვეპუნქტის გათვალისწინებით, სატენდერო დოკუმენტაციით გამოცდილების მიმართ დადგენილ მოთხოვნებს უნდა აკმაყოფილებდეს ამხანაგობის თითოეული მონაწილე ინდივიდუალურად, ვინაიდან, შესასრულებელი ვალდებულებისადმი პრეტენდენტის მინიმალურ გამოცდილებასთან მიმართებით დადგენილია ერთიანი მოთხოვნა;
თ.ბ.) საანგარიშო პერიოდში მოთხოვნილ სამუშაოებზე, რომლებიც შესრულებულია ერთობლივად, ამხანაგობის (ან სხვა მსგავსი გაერთიანების - ერთობლივი საწარმო, კონსორციუმი და სხვა) მიერ, პრეტენდენტმა, ასევე, უნდა წარმოადგინოს ამხანაგობის (ან სხვა მსგავსი გაერთიანების - ერთობლივი საწარმო, კონსორციუმი და სხვა) მონაწილეების უფლებამოსილი პირების მიერ დამოწმებული დოკუმენტი, სადაც მითითებული იქნება, თუ რა ღირებულების სამუშაოები შეასრულეს ამხანაგობის (ან სხვა მსგავსი გაერთიანების - ერთობლივი საწარმო, კონსორციუმი და სხვა) მონაწილეებმა ცალ-ცალკე, აღნიშნული ხელშეკრულების ფარგლებში.
ი) უცხოური საწარმოს ან მისი წარმომადგენლობის/ფილიალის მიმართ დადგენილი დამატებითი მოთხოვნები:
ი.ა.) სათაო კომპანიის მიერ გაცემული ნებისმიერი სახის ცნობა ან/და ინფორმაცია დამოწმებული უნდა იყოს სათაო კომპანიის ხელმძღვანელობაზე უფლებამოსილი პირის მიერ (წარმოდგენილი უნდა იყოს ხელმომწერი პირის უფლებამოსილების დამადასტურებელი დოკუმენტი);
ი.ბ.) სათაო კომპანიიდან ან/და უცხო ქვეყნიდან მოთხოვნილი ინფორმაციის დამადასტურებელი დოკუმენტაციის ასლების წარმოდგენის შემთხვევაში, მათი ორიგინალთან (დედანთან) შესაბამისობა დამოწმებული უნდა იყოს ნოტარიულად.
კ) თუ პრეტენდენტის გამოცდილების დამადასტურებელი დოკუმენტები შედგენილია 2019 წლის 1 იანვრამდე, დამკვეთის მიერ კვალიფიციური ელექტრონული ხელმოწერით, ან კვალიფიციური ელექტრონული შტამპით დამოწმებული დოკუმენტების წარმოდგენა სავალდებულო არ არის, აღნიშნული დოკუმეტენტები წარმოდგენლი უნდა იყოს იმ ფორმით, რა ფორმითაც განხორციელდა მათი გაფორმება;
ლ) საზღვარგარეთ შესრულებული სამუშაოების გამოცდილების დამადასტურებელი დოკუმენტების წარმოდგენის შემთხვევაში, აღნიშნული დოკუმენტები დამოწმებული უნდა იყოს სათანადო წესით (ლეგალიზებული, ან აპოსტილით დამოწმებული).

2.4.2. პრეტენდენტმა ტენდერით გათვალისწინებული სამუშაოების შესრულების უზრუნველსაყოფად უნდა გამოყოს პროექტის ხელმძღვანელი, რომელსაც უნდა გააჩნდეს უმაღლესი ან პროფესიული უმაღლესი განათლება სამშენებლო-საინჟინრო სფეროში და წარმოდგენილი უნდა იქნას დიპლომის ან კვალიფიკაციის დამადასტურებელი სხვა დოკუმენტის ასლები.
2.4.3. იმ შემთხვევაში, როდესაც შემსყიდველთან შეთანხმებული სამუშაოთა წარმოების გეგმა-გრაფიკი დარღვეულია უწყვეტად, ორი კვირის მანძილზე, ან შემსყიდველის მოთხოვნის მიუხედავად, პროექტის ხელმძღვანელი არ ცხადდება სამშენებლო მოედანზე უწყვეტად 3 (სამი) კალენდარული დღის მანძილზე, შემსყიდველს უფლება აქვს მოსთხოვოს მიმწოდებელს პროექტის ხელმძღვანელის შეცვლა, რაც უნდა განხორციელდეს 3 (სამი) სამუშაო დღეში.
2.4.4.პროექტის ხელმძღვანელის გამოცდილების დასადასტურებლად პრეტენდენტმა უნდა წარმოადგინოს მონაცემები თანდართული ფაილის (პროექტის ხელმძღვანელი) შესაბამისად და პროექტის ხელმძღვანელის წერილობითი დადასტურება, რომ იგი უხელმძღვანელებს ტენდერით გათვალისწინებული სამუშაოების შესრულებას.

2.5.2. მიმწოდებელი ვალდებულია წარმოადგინოს სამუშაოების შესრულების გეგმა-გრაფიკი.
2.5.3. წარმოდგენილი გეგმა-გრაფიკი უნდა მოიცავდეს ხელშეკრულების დადების თარიღიდან 90 (ოთხმოცდაათი) კალენდარულ დღეს.
2.5.4. ინფორმაცია წარმოდგენილი უნდა იყოს სატენდერო დოკუმენტაციის დანართში ჩამოთვლილი სამუშაოების დასახელელების გათვალისწინებით და მათი შესრულების ეტაპებს 90 (ოთხმოცდაათი) კალენდარულ დღის ვადაში.

2.8.1.1. მიმწოდებელმა წერილობით უნდა აცნობოს შემსყიდველს წინამდებარე ხელშეკრულების ფარგლებში ქვეკონტრაქტორის აყვანის შესახებ. მიმწოდებელი ვალდებულია შემსყიდველს ასევე აცნობოს თუ რა მოცულობის სამუშაოები გადაეცემა ქვეკონტრაქტორს.
2.8.1.2. ქვეკონტრაქტორი არ უნდა იყოს რეგისტრირებული შესყიდვებში მონაწილე არაკეთილსინდისიერ პირთა რეესტრში – „შავი სია“.
2.8.1.3. სამუშაოების ქვეკონტრაქტორზე გადაცემით მიმწოდებელი არ თავისუფლდება ხელშეკრულებით ნაკისრი ვალდებულებებიდან.

2.9.1 ვინაიდან პრეტენდენტებისათვის სატენდერო წინადადების წარმოდგენა დასაშვებია მხოლოდ ეროვნულ ვალუტაში-ლარში, ხელშეკრულება გაფორმდება ლარში. შესაბამისად ხელშეკრულების უზრუნველყოფის გარანტია წარმოდგენილი უნდა იქნეს ეროვნულ ვალუტაში-ლარში. უცხოური ბანკებიდან საბანკო გარანტიების წარმოდგენის შემთხვევაში, მათთან ერთად მიმწოდებელმა უნდა წარმოადგინოს ზემოაღნიშნული საბანკო გარანტიების საფუძველზე საქართველოში აკრედიტირებული საბანკო დაწესებულებების მიერ გაცემული „კონტრ გარანტიები“. საბანკო გარანტიები და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი).
2.9.2 პრეტენდენტმა სატენდერო წინდადადება უნდა წამორადგინოს „ელექტრონული დოკუმენტისა და ელექტორნული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე.
2.9.3. ყველა მასალა- მოწყობილობა, სამარაგო საგნები მოწოდებული ხელშეკრულების ფარგლებში, უნდა იყოს, ახალი, უხმარი, მაღალი ხარისხის.
2.9.4. სამშენებლო სამუშაოების მიმდინარეობის ეტაპზე, შემსყიდველის ან შემსყიდველის უფლებამოსილი პირის მოთხოვნის შემთხვევაში, მიმწოდებელი ვალდებულია შემსყიდველს ან უფლებამოსილ პირს მიაწოდოს სრული ინფორმაცია მწარმოებლიდან ან მიმწოდებლიდან სამუშაოებში გამოსაყენებელი და სამშენებლო მოედანზე მისატანი მასალების ფასებზე და ტექნიკურ მახასიათებლებზე.
2.9.5. მასალებისთვის, რომლისთვისაც ასეთი პრაქტიკა მიღებულია, შემსყიდველს ან უფლებამოსილ პირს შეუძლია მიიღოს მწარმოებლის ქარხნის ან ლაბორატორიის სერთიფიკატი.
2.9.6. შემსყიდველს ან უფლებამოს პირს შეუძლია მიიღოს სერთიფიკატი მისთვის მისაღები კომერციული საცდელი ლაბორატორიიდან, რომელშიც დამოწმებული იქნება, რომ პროდუქცია გამოცდილ იქნა შემსყიდველის ან უფლებამოსილი პირისათვის დამაკმაყოფილებელი დროის პერიოდის განმავლობაში და ის შეესაბამება წინამდებარე პროექტით გათვალისწინებულ მოთხოვნებს.
2.9.7. ნებისმიერი დამატებითი ლაბორატორიული, საველე თუ საამქრო გამოცდის ხარჯები, რომლებიც შეიძლება საჭირო გახდეს ნიმუშების საპროექტო დოკუმენტაციებთან შეუსაბამობის გამო, უნდა აანაზღაუროს მიმწოდებელმა.
2.9.8. საჭიროების შემთხვევაში მიმწოდებელი უფლებამოსილია დროებითი საწყობების მშენებლობაზე.მათი მოვლა, შენახვა და დაცვა უნდა უზრუნველყოს მიმწოდებელმა.
2.9.9. საღებავები და სხვა მასალები უნდა ინახებოდეს გადახურვის ქვეშ, აალებადი მასალების შენახვის ინსტრუქციის შესაბამისად.

4.1.1.1სავარაუდო ღირებულებასთან შედარებით საბოლოო ფასის 20 %-ით ან მეტით კლების შემთხვევაში ფასწარმოქმნის ადეკვატურობის დასადასტურებლად პრეტენდენტმა უნდა წარმოადგინოს: სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტებული პირის დასკვნა (აკრედიტებული პირის მიერ გაცემულ დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - "სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდის" მოთხოვნებთან დასკვნის შესაბამისობა. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა და რესურსული მეთოდით შედგენილი ხარჯთაღრიცხვა. საექსპერტო შეფასება უნდა შეიცავდეს ექსპერტიზის ჩატარების მეთოდს, შენიშვნებისა და დადებითი შეფასების დასაბუთებას. საბოლოო შეფასება უნდა იყოს ერთმნიშვნელოვნად დადებითი ან უარყოფითი და შეიცავდეს ჩანაწერს, შეესაბამება თუ არა წარდგენილი ხარჯთაღრიცხვა „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებს.

2 Процентов

5 Процентов

6.3.1. ხელშეკრულების შესრულების უზრუნველყოფის საბანკო გარანტიის მოქმედების ვადა 60 (სამოცი) კალენდარული დღით უნდა აღემატებოდეს ხელშეკრულების მოქმედების ვადას.

6.4.1 ხელშეკრულების შესრულების უპირობო და გამოუთხოვადი გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან ს.ს.ი.პ. “საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.
6.4.2. უცხოური ბანკიდან ან/და სადაზღვევო კომპანიიდან საბანკო გარანტიის წარმოდგენის შემთხვევაში მასთან ერთად მიმწოდებელმა უნდა წარმოადგინოს ზემოაღნიშნული საბანკო გარანტიის საფუძველზე საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის მიერ ლიცენზირებული სადაზღვევო კომპანიიდან გაცემული „კონტრგარანტია“ (ლარში). საბანკო გარანტია და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე).

7.1.2. ხელშეკრულების მოქმედების ნებისმიერ ეტაპზე მიმწოდებლის მოთხოვნის საფუძველზე, შესაძლებელია განხორციელდეს. ავანსად გაცემული თანხის გამოქვითვა განხორციელდება შესრულებული სამუშაოების ღირებულებიდან ხელშეკრულებით დადგენილი წესით.
7.1.3. საავანსო ანგარიშსწორების მოთხოვნის შემთხვევაში „მიმწოდებელმა“ უნდა წარმოადგინოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის მიერ ლიცენზირებული სადაზღვევო კომპანიიდან გაცემული უპირობო და გამოუთხოვადი საბანკო გარანტია საავანსო თანხაზე, რომლის მოქმედების ვადა 60 (სამოცი) კალენდარული დღით უნდა აღემატებოდეს ხელშეკრულების მოქმედების ვადას. მომწოდებლის მიერ წარმოდგენილი საავანსო ანგარიშსწორების საბანკო გარანტია არ უნდა მცირდებოდეს შესრულებული სამუშაოების ღირებულების პროპორციულად. მისი შემცირება მოხდება ხელშეკრულების პროექტის 4.7.4 პუქტით დადგენილი წესით.
7.1.4. გარანტია წარმოდგენილი უნდა იქნას ეროვნულ ვალუტაში - ლარში. უცხოური ბანკიდან ან/და სადაზღვევო კომპანიიდან საბანკო გარანტიის წარმოდგენის შემთხვევაში მასთან ერთად მიმწოდებელმა უნდა წარმოადგინოს ზემოაღნიშნული საბანკო გარანტიის საფუძველზე საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის მიერ ლიცენზირებული სადაზღვევო კომპანიიდან გაცემული „კონტრგარანტია“ (ლარში). საბანკო გარანტია და მასთან დაკა