Природное водное сырье (Грузия - Тендер #46792059)

სასმელი წყლის (19 ლიტრიანი ბალონებით) შესყიდვა

•200 ცალი არაგაზირებული ნატურალური სასმელი წყალი, დაფასოებული 19 ლიტრიან პოლიკარბონატის ბალონში, დისპენსერებზე განსათავსებლად;
•თითოეულ მოწოდებულ წყლის ჭურჭელზე მითითებული უნდა იყოს ინფორმაცია ძირითადი იონების და მინერალიზაციის შესახებ შესაბამისი მარკირებით, წყლის შემადგენლობა, ჩამოსხმის და ვარგისიანობის ვადა, ჩამომსხმელი ქვეყანა და მწარმოებელი;
• სასმელი წყლის შენახვის ვადა ჩამოსხმის თარიღიდან უნდა შეადგენდეს მინიმუმ 3 (სამი) სამ თვეს. ამასთან, საქონლის ყოველი პარტიის მიწოდებისას, საქონლის ვარგისიანობის ვადა უნდა იყოს არანაკლებ მისი ვარგისიანობის მთლიანი ვადის 70%-ისა;
•ხელშეკრულების მოქმედების პერიოდში 19 ლიტრიანი პოლიკარბონატის ბალონები შემსყიდველს უნდა გადაეცეს უსასყიდლოდ, დროებით სარგებლობაში, ყოველი მომდევნო ახალი პარტიის მიწოდებამდე.
•გამარჯვებულმა მიმწოდებელმა უსასყიდლოდ (ხელშეკრულების მოქმედების პერიოდში) დროებით სარგებლობაში უნდა გადასცეს შემსყიდველს 10 (ათი) ცალი ახალი ან ექსპლუატაციაში ნამყოფი (ტექნიკურად და ვიზუალურად გამართული, კარგ მდგომარეობაში) დისპენსერი წყლის გაციებისა და გაცხელების ფუნქციით და საკუთარი ხარჯებით განათავსოს შემსყიდველის მიერ მითითებულ მისამართზე ხელშეკრულების გაფორმებიდან არაუგვიანეს 2 (ორი) სამუშაო დღეში. მიმწოდებელმა ხელშეკრულების მოქმედების მანძილზე უნდა უზრუნველყოს წყლის დისპენსერის გამართული მუშაობა. დისპენსერის გაფუჭების შემთხვევაში მიმწოდებელი ვალდებულია საკუთარი ხარჯებით არაუმეტეს 3 (სამი) სამუშაო დღის განმავლობაში შეაკეთოს დისპენსერი ან ჩაანაცვლოს ახლით.

საქონლის მიწოდება უნდა მოხდეს ხელშეკრულების გაფორმებიდან 2023 წლის 22 დეკემბრის ჩათვლით, ეტაპობრივად, შემსყიდველის მოთხოვნის შესაბამისად, მოთხოვნიდან არაუმეტეს 2 (ორი) სამუშაო დღის განმავლობაში.

საქონლის მიწოდება უნდა მოხდეს შემდეგ მისამართზე: საქართველოს იუსტიციის სამინისტროს ადმინისტრაციული შენობა, ქ. თბილისი, გორგასლის ქ. №24ა.

პრეტენდენტმა უნდა მიუთითოს შესყიდვის ობიექტის წარმოების ქვეყანა და მწარმოებელი კომპანია ფასების ცხრილის შესაბამისად.

აღნიშნული ინფორმაციის წარმოუდგენლობა ან არასრულყოფილად წარმოდგენა დაზუსტებას არ ექვემდებარება და გამოიწვევს პრეტენდენტის დისკვალიფიკაციას.

პრეტენდენტს უნდა გააჩნდეს და წარმოადგინოს:

- საქართველოს მთავრობის 2014 წლის 15 იანვრის N58 დადგენილებით დამტკიცებული „სასმელი წყლის ტექნიკური რეგლამენტით“ დადგენილი ხარისხის მაჩვენებლების და ნორმატიული სიდიდეებთან, სანიტარული მოთხოვნებთან შესაბამისობის მოქმედი სერტიფიკატის ასლი.

პრეტენდენტის მიერ წარმოდგენილი წინადადება უნდა შეიცავდეს ინფორმაციას 19 ლიტრიანი ბალონისა და დისპენსერის დაზიანების ან/და დაკარგვის შემთხვევაში ასანაზღაურებელ ღირებულებასთან დაკავშირებით.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ჯამურ ღირებულებასთან, ასევე ერთეულთან მიმართებით.

7.2.1 სატენდერო წინადადებაში საერთო ფასი უნდა შეიცავდეს საქონლის მიწოდებასთან დაკავშირებულ ყველა ხარჯსა და საქართველოს კანონმდებლობით დადგენილ გადასახადებს.

7.2.2 ანგარიშსწორება მოხდება მიღება–ჩაბარების აქტისა და თუ მიმწოდებელი დღგ-ს გადამხდელია, საგადასახადო ანგარიშ-ფაქტურის, ხოლო თუ მიმწოდებელი არ არის დღგ-ს გადამხდელი, შემოსავლების სამსახურიდან შესაბამისი ცნობის საფუძველზე.

7.2.3 შემსყიდველი უფლებამოსილია დაკისრებული პირგასამტეხლოს თანხა (ასეთის არსებობის შემთხვევაში) დააკავოს მიმწოდებელზე გადასარიცხი თანხიდან.

საანგარიშსწორებო დოკუმენტაციის წარმოდგენიდან 15 (თხუთმეტი) დღის ვადაში, თუკი ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

მაია ხუცურაული, 591820022, mkhutsurauli@justice.gov.ge

იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია თანდართული ფაილის სახით.

წინამდებარე ტენდერში მონაწილეობით პრეტენდენტი ავტომატურად ეთანხმება ტექნიკურ პირობებს.

ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

სახელმწიფო შესყიდვების ერთიან ელექტრონულ სისტემაში პრეტენდენტის მიერ ატვირთული ყველა დოკუმენტი ან/და ინფორმაცია ხელმოწერილი უნდა იყოს ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნათა გათვალისწინებით.

სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.