Архитектурные и сопутствующие услуги (Грузия - Тендер #46293313)

შესყიდვის ობიექტია, სსიპ - დაცული ტერიტორიების სააგენტოს მიერ, NAT230007960 და NAT230008951 ელექტრონული ტენდერების შედეგების საფუძველზე გაფორმებული ხელშეკრულების შესაბამისად, მიმწოდებლის მიერ შესრულებულ სამუშაოებზე საზედამხედველო მომსახურების გაწევა (ინსპექტირება).

სამშენებლო სამუშაოებზე საზედამხედველო მომსახურების დეტალური ტექნიკური დავალება ატვირთულია დანართი N1-ის სახით.

1.4.1 მომსახურების დაწყების კონკრეტული დრო განისაზღვრება შემსყიდველის წერილობითი შეტყობინებით.
1.4.2 მომსახურების დასრულების სავარაუდო ვადებია: ა) მარტვილის კანიონის ტურისტულ ობიექტზე წრიული ბილიკის მოწყობის სამშენებლო სამუშაოებისათვის, მომსახურების მიწოდება დასრულდება სამშენებლო სამუშაოების შესაბამისად, 2023 წლის 1 დეკემბრამდე. ბ) პრომეთეს მღვიმის სპეციფიკური განათების, აკუსტიკური და სატელეკომუნიკაციო სისტემების რეაბილიტაციის და განათების ახალი, დამატებითი კომპონენტების მოწყობის სამუშაოებისათვის, მომსახურების მიწოდება დასრულდება სამშენებლო სამუშაოების შესაბამისად, 2024 წლის 12 მაისამდე.

1.5.1 სამუშაოები სრულდება:
1. სსიპ დაცული ტერიტორიების სააგენტოს მარტვილისა და ოკაცეს ბუნების ძეგლების ადმინისტრაციის ტერიტორიაზე - მარტვილის მუნიციპალიტეტი, სოფ: ინჩხური.
2. იმერეთის მრვიმეების დაცული ტერიტორიების ადმინისტრაციის პრომეთეს მღვიმის ტერიტორიაზე - წყალტუბოს მუნიხიპალიტეტი, სოფ. ყუმისთავი.

(1) შესყიდვაში მონაწილეობის მსურველი პირი აკრედიტირებული უნდა იყოს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ და უნდა აკმაყოფილებდნენ შესყიდვის ობიექტის ტექნიკური დავალების პირობების შესაბამისი მომსახურების აკრედიტაციის პირობებს.
(2) პრეტენდენტმა უნდა წარმოადგინოს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ გაცემული აკრედიტაციის მოწმობა შესაბამისი სფეროთი.
(3) არარეზიდენტმა იურიდიულმა პირმა უნდა წარმოადგინოს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ გენერალური დირექტორის განკარგულება აკრედიტირებული პირის რეგისტრაციის თაობაზე და შესაბამისი რეგისტრირებული აკრედიტაციის სფერო.

ტენდერით გათვალისწინებული მომსახურების მიწოდება უნდა უზრუნველყოს თავად პრეტენდენტმა და არ დაიშვბა მომსახურების გადაცემა ქვეკონტრაქტორისათვის.

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
6. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები დაამოწმოს/დაადასტუროს კვალიფიციური ხელმოწერით/კვალიფიციური შტამპით.

ფასწარმოქმნის ადეკვატურობა შესაძლებელია დასაბუთდეს, შესყიდვის ობიექტის მიწოდებასთან დაკავშირებით წარმოდგენილი სერთიფიცირებული აუდიტორული სამსახურის/აუდიტორის მიერ გაცემული შესაბამისი დასკვნით ან საშემფასებლო დოკუმენტით, (დასკვნასთან ან საშემფასებლო დოკუმენტთან ერთად, ასევე, წარმოდგენილი უნდა იქნას დასკვნის/საშემფასებლო დოკუმენტის გამცემი პირის შესაბამისი უფლებამოსილების დამადასტურებელი დოკუმენტი), რომელშიც უნდა დასტურდებოდეს ტენდერში პრეტენდენტის მიერ დაფიქსირებულ ფასად ამავე ტენდერით გათვალისწინებული მომსახურების გაწევის შესაძლებლობა.

(1) სამუშაოებზე საზედამხედველო მომსახურეობის ღირებულება განისაზღვრება ყოველ კონკრეტულ ობიექტზე, დადასტურებული (ზედამხედველის მიერ ხელმოწერილი შესრულებული სამუშაოების აქტი - ფორმა #2) შესრულებული სამშენებლო სამუშაოების ღირებულების იმ პროცენტის ოდენობით, რომელიც მიმწოდებელსა და შემსყიდველს შორის გაფორმებულ ხელშეკრულებაში იქნება განსაზღვრული.
(2) იმ შემთხვევაში, თუ მიმწოდებლის მიერ გაწეული მომსახურების ღირებულებამ არ შეადგინა ამ ხელშეკრულებით გათვალისწინებული თანხა, შემსყიდველი ორგანიზაცია აუნაზღაურებს მიმწოდებელს მის მიერ ფაქტობრივად გაწეული მომსახურების ღირებულებას ამ ხელშეკრულებით განსაზღვრული ფასების (პროცენტების) შესაბამისად. აღნიშნულიდან გამომდინარე მიმწოდებელს პრეტენზია არ უნდა გააჩნდეს აუთვისებელ მომსახურების მოცულობათა შესრულებაზე და მის გადახდაზე.

(1) ანგარიშსწორებისათვის მიმწოდებელი ყოველ კონკრეტულ ობიექტზე წარუდგენს შემსყიდველს გაწეული საზედამხედველო მომსახურების მიღება-ჩაბარების ორმხრივ აქტს (წარმოდგენილი უნდა იყოს შესაბამისი დამატებითი ღირებულების გადასახადის ანგარიშ-ფაქტურა), რის საფუძველზეც შემსყიდველი აუნაზღაურებს მიმწოდებელს გაწეული მომსახურების ღირებულებას მიღება-ჩაბარების აქტისა და დამატებითი ღირებულების გადასახადის ანგარიშ-ფაქტურის წარდგენიდან 10 სამუშაო დღის განმავლობაში.

მარიამ იაშაღაშვილი, 595003040, mariam.iashaghashvili@apa.gov.ge

სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია „კითხვა-პასუხის“ მოდულის საშუალებით სახელმწიფო შესყიდვების სააგენტოს თავმჯდომარის 2017 წლის 14 ივნისის ბრძანება №12-ის მე-8 მუხლის გათვალისწინებით.