Инженерные услуги (Грузия - Тендер #45265057)

ქალაქ გურჯაანში სარაჯიშვილის ქ. N62-ში მდებარე მუნიციპალიტეტის მერიის საქმიანი ეზოს (ს.კ 51.01.58.242) კეთილმოწყობის სამუშაოების საპროექტო-სახარჯთაღრიცხვო დოკუმენტაციის მომზადების მომსახურება

შესასრულებელია შემდეგი სამუშაოები:
არსებული 2 შენობის დემონტაჟი, ნარჩენების გატანა, ტერიტორიის მოსწორება-მოშანდაკება, 12 ცალი ავტოფარეხის, ავტომობილების სამრეცხაოს, სეპტიკის, საწყობის, ვიდეოკამერების და შემოღობვის მოწყობა.
სამუშაოების სავარაუდო ღირებულება 570 000 ლარია.
საპროექტო დოკუმენტაცია უნდა შედგეს ზოგადი ტექნიკური დავალების გათვალისწინებით და უნდა შეიცავდეს შემდეგ საპროექტო დოკუმენტაციას და ნახაზებს:
1. ტერიტორიის საინჟინრო გეოლოგიური (საჭიროების შემთხვევაში ჰიდროლოგიური) კვლევა და შესაბამისი დეტალური დასკვნის წარმოდგენა გრაფიკული ჭრილებით, როგორც ეს საჭიროა ობიექტების პროექტირებისათვის (წარმოდგენილ იქნას ფოტომასალა);
2. ნახაზების უწყისი;
3. განმარტებითი ბარათი (არსებული მდგომარეობისა და პროექტით გათვალისწინებული ღონისძიებების აღწერით);
4. საპროექტო ტერიტორიის ტოპოგრაფიული გადაღება (ტოპო-გეგმა UTM კოორდინატთა სისტემით მ. 1:200);
5. საკადასტრო დოკუმენტაცია (საპროექტო და არსებული მდგომარეობის ტოპოგეგმაზე დატანით, რეგისტრირებული მიწის ნაკვეთ(ებ)ის გეგმა საკადასტრო საზღვრების და კოდის მითითებით);
6. საპროექტო ობიექტების ადგილმდებარეობის სიტუაციური გეგმა - მ:1:500; 1:1000;
7. გენგეგმა, საპროექტო ობიექტების ტოპოზე დატანით (ორთოფოტო), წითელი ხაზების ჩვენებით მ:1:500; 1:1000;
8. საინჟინრო კომუნიკაციების გარე ქსელები, სამუშაო ნახაზები (გეგმები, ჭრილები, დეტალები, კვანძები);
9. არქიტექტურული სამუშაო ნახაზები (გეგმები, ჭრილები, ფასადები, რენდერები, დეტალები, (მ. 1:100, 1:50, 1:25);
10. მოსაპირკეთებელი, კეთილმოწყობის სამუშაოების უწყისები, იატაკების მოწყობის კვანძები (იატაკის ტიპების მიხედვით), ჭერების და კარ-ფანჯრების სპეციფიკები, ესკიზური ნახაზები, (დამკვეთთან წინასწარი შეთანხმებით);
11. ფუნქციონალური გეგმები (ინვენტარის გათვალისწინებით).
12. სახურავის მოწყობის ნახაზები
13. კონსტრუქციული პროექტი
14. ელექტრო სამონტაჟო სამუშაოების პროექტი (განმარტებითი ბარათი, გეგმები, სადაც დატანილი იქნება სანათები, ჩამრთველები, როზეტები, ელ.გამანაწილებელი ფარები).
15. სუსტი დენები: სახანძრო სიგნალიზაცია, ხანძრის შეტყობინების სისტემა, კომპიუტერული ქსელი, რადიოქსელი, სატელეფონო და სატელევიზიო ქსელი
16. წყალ-კანალიზაციის ქსელის მოწყობის პროექტი (განმარტებითი ბარათი, გეგმები, სადაც დატანილი იქნება უნიტაზები, ხელსაბანები, წყლის გამაცხელებელი ავზები, კანალიზაციის, ცხელი და ცივი წყლის ქსელები შესაბამისი მილების დიამეტრების ჩვენებით).
17. გათბობის სისტემების მოწყობის პროექტი.
18. დენდროლოგიური პროექტი;
19. ტერიტორიის შემოღობვა, კეთილმოწყობა, პარკირება - გეგმა, ჭრილები, დეტალები, კვანძები (მ. 1:100, 1:50, 1:25);
20. არქიტექტურული მცირე ფორმები - მოსასვენებელი სკამი, სანათი, (საჭიროების შესაბამისად);
21. ნარჩენების შემკრები კონტეინერებისათვის ჯიბეების (შეჭრა) ადგილების განსაზღვრა (შესაძლებლობის მიხედვით) და შეთანხმება შესაბამის სამსახურთან -
22. მშენებლობის ორგანიზაციის პროექტი.
23. სამუშაოთა წარმოების კალენდარული გეგმა-გრაფიკი.
24. შესასრულებელი სამუშაოების მოცულობები და ხარჯთაღრიცხვა.
25. გათვალისწინებული იქნას ,,სპორტული ნაგებობები პროექტირების СНиП II-Л.11-70 ნორმები“;
26. გათვალისწინებული იქნას, ,,სპორტული და გამაჯანსაღებელი ნაგებობები ВСН 46-86 ნორმები“;
27. საზოგადოებრივი შენობებისა და ნაგებობების მშენებლობის СНиП 2.08.02-89* ნორმები;
28. პროექტში გათვალისწინებული იქნას „შშმ პირებისთვის სივრცის მოწყობისა და არქიტექტურული და გეგმარებითი ელემენტების ტექნიკური რეგლემანტის დამტკიცების თაობაზე“ საქართველოს მთავრობის 2014 წლის 6 იანვრის #41 დადგენილება
29. გათვალისწინებული იქნას საქართველოს მთავრობის დადგენილება №41 2016 წლის 28 იანვარი ქ. თბილისი ტექნიკური რეგლამენტის „შენობა-ნაგებობის უსაფრთხოების წესების“ დამტკიცების თაობაზე
მიმწოდებელმა პროექტის შედგენამდე უნდა შეისწავლოს თითოეულ ობიექტზე არსებული ყველა მიწისქვეშა კომუნიკაცია.
იმ შემთხვევაში თუ კომუნიკაციები არასათანადო სიღრმეზე აღმოჩნდება, რამაც შემდგომში შესაძლოა ხელი შეუშალოს განსახორციელებელი სამუშაოების წარმოებას, საპროექტომ დაუყოვნებლივ წერილობით უნდა აცნობოს ამის შესახებ დამკვეთს, რათა ერთობლივად მოხდეს შესაბამისი გადაწყვეტილების მიღება.
სახარჯთაღრიცხვო დოკუმენტაცია მომზადდეს ლოკალურ-რესურსული მეთოდით და მშენებლობის შემფასებელთა კავშირის სამშენებლო რესურსების ფასთა კრებულით მიმდინარე დონეზე.
მიმწოდებელმა უნდა მოახდინოს არსებული მდგომარეობის შესწავლა, წინა საპროექტო კვლევა და საპროექტო-სახარჯთაღრიცხვო დოკუმენტაციის ექსპერტიზა (საკუთარი ხარჯებით) განახორციელოს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული A-ტიპის ინსპექტირების ორგანოსთან ერთად;

სრული საპროექტო-სახარჯთაღრიცხვო დოკუმენტაციის მუნიციპალიტეტისთვის წარდგენის ვადები (საპროექტო-სახარჯთაღრიცხვო დოკუმენტაციაზე სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის მიერ გაცემული დადებითი ექსპერტიზის დასკვნის ჩათვლით) განისაზღვრება 60 კალენდარული დღით.

1.5.1. მიმწოდებელი ვალდებულია გადასცეს შემსყიდველ ორგანიზაციას სრული საპროექტო-სახარჯთაღრიცხვო დოკუმენტაცია.
1.5.2. საპროექტო-სახარჯთაღრიცხვო დოკუმენტაცია წარმოდგენილი უნდა იქნეს მხოლოდ ქართულ ენაზე.
1.5.3. საპროექტო-სახარჯთაღრიცხვო დოკუმენტაციის ეგზემპლიარების რაოდენობა:
ა) საპროექტო დოკუმენტაცია _ 4 ეგზემპლიარი ბეჭდური (A-3 და A-4 ფორმატები);
ბ) სახარჯთაღრიცხვო დოკუმენტაცია _ 4 ეგზემპლიარი ბეჭდური (A-4 ფორმატი);
გ) საპროექტო-სახარჯთაღრიცხვო დოკუმენტაციის სრული ელექტრო (PDF და Excel ფაილები) ვერსია 1CD/DWD დისკი;
დ) საჭიროების შემთხვევაში მიმწოდებელი ვალდებულია გადასცეს შემსყიდველ ორგანიზაციას საპროექტო-სახარჯთაღრიცხვო დოკუმენტაციის სამუშაო ელექტრონული ფაილები (MS Word, Excel, AutoCAD, ArchiCAD და სხვა).
1.5.4. საბოლოო (სრული) საპროექტო-სახარჯთაღრიცხვო დოკუმენტაცია წარმოდგენილი უნდა იყოს შემდეგ მისამართზე: ქ. გურჯაანი, ნონეშვილის გამზ. #13

1. პრეტენდენტს 2020 წლის 1_ლი იანვრიდან წინამდებარე ტენდერის გამოცხადების დღემდე უნდა გააჩნდეს არანაკლებ 25000 (ოცდახუთი ათასი) ლარის ღირებულების შენობების მშენებლობა ან/და რეაბილიტაცია ან/და რეკონსტრუქციის სამუშაოების საპროექტო-სახარჯთაღრიცხვო დოკუმენტაციის შედგენის მომსახურების გამოცდილება;
2. პრეტენდენტი ვალდებულია წარმოადგინოს, საანგარიშო პერიოდში ანალოგიური მომსახურების გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მიღება-ჩაბარების აქტები. სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR) წარმოდგენა.
3. ინფორმაცია გამოცდილების შესახებ წარმოდგენილი უნდა იყოს დანართი #2-ის შესაბამისად.

წინამდებარე ტენდერში არ იქნება მოთხოვნილი ფასწარმოქმნის ადეკვატურობის დასაბუთება, რადგან მომსახურების ღირებულების ძირითად კომპონენტს წარმოადგენს ინტელექტუალური ტიპის შრომის ანაზღაურება, რაც პოტენციურად შესაძლებელს ხდის აღნიშნული მომსახურების მიწოდება განხორციელდეს სავარაუდო ღირებულებაზე 20%-ით ნაკლებ ფასად.

მომსახურება დასრულებულად ჩაითვლება და მიღება-ჩაბარების აქტი გაფორმდება სრული საპროექტო-სახარჯთაღრიცხვო დოკუმენტაციის და საპროექტო-სახარჯთაღრიცხვო დოკუმენტაციაზე სსიპ - ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის მიერ გაცემული ექსპერტიზის დადებითი დასკვნის წარმოდგენის შემდეგ (ექსპერტიზის ხარჯებს დაფარავს მიმწოდებელი)

ანგარიშსწორება განხორციელდება უნაღდო ანგარიშსწორებით ლარში, მომსახურების შესახებ მიღება-ჩაბარების აქტის გაფორმებიდან 10 სამუშაო დღის ვადაში.

ნინო სტეფნაძე, 599282995, gurjaanismunicipaliteti@gmail.com ბიჭიკო მაისურაძე 599852280;

- მომსახურების გაწევის პროცესში, მიმწოდებელმა უნდა უზრუნველყოს ზედამხედველობისა და კონტროლის განმახორციელებელ პირთა მიერ გაცემული, როგორც ზეპირი ასევე წერილობითი რეკომენდაციების და მითითებების შესრულება;
- სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ შესაბამისად.
- ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
- სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა. დამატებით პრეტენდენტმა უნდა ატვირთოს შესასრულებელი მომსახურების ფასების ცხრილი PDF ფაილის სახით. PDF ფაილი უნდა დაამოწმოს/დაადასტუროს კვალიფიციური ხელმოწერით/კვალიფიციური შტამპით.
- სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
- პრეტენდენტს არა აქვს უფლება წარმოადგინოს ალტერნატიული სატენდერო წინადადება.
- სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით, გარდა დღგ-სა.
- სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი, ან განუფასებლადაა წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა).
- ამხანაგობის შემთხვევაში პრეტენდენტმა უნდა წარმოადგინოს ინფორმაცია სახელმწიფო შესყიდვის შესახებ ხელშეკრულების ფარგლებში შესასრულებელი ვალდებულებების განაწილების შესახებ დანართი #4_ის შესაბამისად.
- პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, ინფორმაცია პერსონალის გამოცდილების შესახებ და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.