Структурные продукты (Грузия - Тендер #44051553)

საყოფაცხოვრებო კონტეინერის შესყიდვა თანმდევი მომსახურებით (მონტაჟით), სატენდერო დოკუმენტაციის 1.2 პუნქტის შესაბამისად.

1 ცალი საყოფაცხოვრებო კონტეინერი, ნახაზი N1-ის შესაბამისად

1. კონტეინერის ზომა:
კონტეინერის მთლიანი ზომა 6 x 2,4 (მ); სიმაღლე წინა ხედი 2.28 (მ), უკანა ხედი 2.20 (მ)

2. კონტეინერის ოთახების შემადგენლობა და ფართობი:
სასადილო ოთახი - 8,4 მ2;
საპირფარეშო ოთახი - 6 მ2;

3. კონტეინერის კარკასი:
მზიდი კონსტრუქცია, ძირი-შველერი 140 მმ, კედელი და ჭერი - მილკვადრატი 100 x 100 მმ, მილკვადრატის კედლის სისქე არანაკლებ -3 მმ;

4. კედლები და ჭერი:
ქარხნული წარმოების, PUR ტიპის იზოლაციის (შემავსებელი მასალა) მქონე, 50 მმ-სისქის სენდვიჩპანელი (ფერი შეთანხმდეს დამკვეთთან). სახურავის დახრა -7⁰;

5. კონტეინერის შუალედურ ტიხარში გამოყენებულოი უნდა იქნეს, არანაკლებ 60 x 40 მმ მილკვადრატი კედელის სისქით არანაკლებ 2 მმ.

6. საპირფარეშოს კედლებზე უნდა გაეკრას ბეტოპანის ფილა, აგრეთვე სველი წერტილების ადგილას (ნიჟარისა და უნიტაზის მხარეს) ბეტოპანის ფილაზე მიეკრას კაფელი - კერამიკურლი ფილა 8 მ2;
სასადილო ოთახის ნიჟარა უნდა იყოს უჟანგავი ფოლადის, სისქით არანაკლებ 1.5 (მმ), ჩამონტაჟებული ორკარებიან კარადაში.
ნიჟარის ზომა: 60 x 40 (სმ)
ორკარებიანი კარადის ზომა: სიგანე 1 (მ), სიმაღლე 80 (სმ)

7. სასადილო ოთახში-ნიჟარის მხარეს უნდა გაეკრას ბეტოპანის ფილა და ზედ გაეკრას კერამიკული ფილა - არანაკლებ 3 მ2;

8. სასადილო ოთახის კედლებზე, ჭერზე და საპირფარეშოს ჭერზე უნდა მოეწყოს ნესტგამძლე თაბაშირ მუყაოს ფილები, რომელიც უნდა შეიფითხნოს და შეიღებოს სილიკონის შემცველი წყალემულსიური საღებავით.

9. საპირფარეშოს ოთახში დამონტაჟდეს არანაკლებ 80 ლიტრიანი წყლის ელექტრო გამაცხელებელი, რომელიც მიერთებული უნდა იყოს კონტეინერის შიდა წყალმომარაგების ერთიან ქსელზე.

10. სასადილო და საპირფარეშო ოთახის იატაკებზე უნდა მოეწყოს არანაკლებ 2 სმ. სისქის ფანერა, რომელზეც ჩაფენილი უნდა იყოს 0,25 მმ სისქის მოთუთიებული თუნუქი, სასადილოში იატაკის ბოლო ფენა - ქეჩის ქვეშსაგებიანი ლინოლიუმი. საპირფარეშოს ოთახში იატაკზე უნდა მოეწყოს ბეტოპანის ფილა და დაეგოს კერამოგრანიტის ფილა (ფერი შეთანხმდეს დამკვეთთან) - ზომა 40 x 40 სმ.

11. ფანჯრები-თეთრი მეტალო პლასტმასის, გაღება-გადმოკიდების მექანიზმით, კოღოების დამჭერი ბადით და შიდა მხარეს მზისგან დამცავი ჟალუზებით (ზომები იხილეთ ნახაზი N1-ში - თან ერთვის).

12. გარე კარები უნდა იყოს თეთრი მეტალო პლასტმასის (ზომები იხილეთ ნახაზი N1-ში - თან ერთვის).

13. კონტეინერში დამონტაჟებული უნდა იყოს ყველა საჭირო ელ.ავტომატი შესაბამისი გარე მიყენების გამანაწილებელი კარადით, რომელიც უნდა იყოს არანაკლებ IP 45 დაცვის კლასის შესაბამისი.

14. ძირითადი ელ.გაყვგანილობა -კაბელ-არხში გაყვანილი 3 x 2,5 მმ2 კვეთის კაბელი სპილენძის, ხოლო სანათებისთვის - 1,5 მმ2. კვეთის კაბელი.

15. ჭერზე უნდა მოეწყოს გარე მიყენების, 18 ვატის სიმძლავრის ნეიტრალური ნათების, მრგვალი ფორმის LED სანათები- 4 ცალი.

16. იატაკიდან ელ.როზეტები, ჩამრთველები უნდა იყოს 80 სმ. სიმაღლეზე.

17. გარე განათებისთვის, თითოეული კარის ზემოთ უნდა დამონტაჟდეს 1 ცალი არანაკლებ IP 65 დაცვის კლასის 20 ვატის სიმძლავრის LED სანათი - 2 ცალი.

18. კონტეინერის ჭერის მთლიან პერიმეტრზე უნდა მოეწყოს წყალამრიდი საცრემლეები არანაკლებ 0,25 მმ. სისქის ფერადი თუნუქით.

19. კონტეინერის გაყვანილობების გარე ქსელზე (დენი,წყალი,კანალიზაცია) დასაერთებლად მოწყობილი უნდა იყოს თითოეული გამომსვლელი.

20. კონტეინერში უნდა დამონტაჟდეს:
უჟანგავი ლითონის სამზარეულო ნიჟარა, ჩამონტაჟებული ლამინატის მასალისგან დამზადებულ ორკარიან კარადაში ზომით: 90x90x60სმ (1 ცალი), ლამინატის მასალისგან დამზადებული ჭურჭლის დახურული ორკარიანი კარადა, ჩამონტაჟებული ჭურჭლის საშრობით ზომით: 80x90x30სმ (1 ცალი), საპირფარეშოს ნიჟარა-ხელსაბანი (1 ცალი), სამზარეულოს წყლის შემრევი ონკანი (1 ცალი), ხელსაბანის წყლის შემრები ონკანი (1 ცალი), აბაზანის წყლის შემრევი ონკანი საშხაპით (1 ცალი), სარკე (1 ცალი), საპნის დისპენსერი (1 ცალი), ხელსახოცის დისპენსერი (1 ცალი), ურნა (2 ცალი), პირსახოცოს საკიდი (1 ცალი), უნიტაზის კომპლექტი თავსახურით (1 ცალი), საპირფარეშო ოთახში ტრაპი (1 ცალი).

21. კონტეინერი მიწის ზედაპირიდან აწეული უნდა იყოს არანაკლებ 50 სმ,შესაბამისად გათვალისწინებულ უნდა იქნას ორ საფეხურიანი ლითონის კიბეები მოაჯირებით, რომლებიც უნდა შეიღებოს ანტიკოროზიული საღებავით.

22. კონტეინერში დამონტაჟებული უნდა იყოს გათბობა-გაგრილების რეჟიმით მომუშავე კედლის კონდიციონერი არანაკლებ 20 მ2 ფართობის გათბობა-გაგრილების შესაძლებლობით.

23. კონტეინერს უნდა გააჩნდეს გადასაადგილებლად და დასამონტაჟებლად საჭირო კაუჭები (4 ცალი).

ხელშეკრულების გაფორმებიდან არაუგვიანეს 30 (ოცდაათი) კალენდარული დღის ვადაში

შესყიდვის ობიექტის მოწოდების და მონტაჟის ადგილია: ქ. გარდაბანი დ. აღმაშენებლის 2 ბ.

1.7.1 გამოყენებულ მასალებზე, დანადგარებზე და აგრეგატებზე საგარანტიო ვადა განისაზღვრება მიღება-ჩაბარების აქტის გაფორმებიდან არანაკლებ 2 (ორი) წლის განმავლობაში, ხოლო კონტეინერის კონსტრუქციებზე არანაკლებ 3 (სამი) წელი. პრეტენდენტი ვალდებულია წარმოადგინოს ინფორმაცია საგარანტიო ვადების შესახებ.
1.7.2 ხელშეკრულების მოქმედების ნებისმიერ ეტაპზე და ასევე მისი მოქმედების დასრულების შემდგომ, საგარანტიო ვადას პერიოდში აღმოჩენილი ხარვეზის ან/და ნაკლის არსებობის შემთხვევაში, მიმწოდებელი ვალდებულია 45 (ორმოცდახუთი) კალენდარული დღის ვადაში გამოასწოროს იგი ან შეცვალოს ახალი შესყიდვის ობიექტით, შემსყიდველის მხრიდან დამატებითი დანახარჯების გაწევის გარეშე.

პრეტენდენტმა, მის მიერ წარმოდგენილ ფასების ცხრილში უნდა მიუთითოს ინფორმაცია შემოთავაზებული საქონლის წარმოშობის ქვეყნისა და მწარმოებლის შესახებ.
შენიშვნა: პრეტენდენტის მიერ, „წინადადების მიღება დასრულებულია“ ეტაპზე, საქონლის მწარმოებლის ან წარმოშობის ქვეყნის შესახებ ინფორმაციის წარმოუდგენლობა ან ფასების ცხრილის წარმოუდგენლობა ან ფასების ცხრილის განუფასებლად წარდგენა გამოიწვევს სატენდერო პროცედურებიდან პრეტენდენტის დისკვალიფიკაციას დაზუსტების მექანიზმის გამოყენების გარეშე. ასევე, პრეტენდენტის მიერ დაზუსტებული სატენდერო წინადადების წარმოდგენის შემდგომ (ასეთის არსებობის შემთხვევაში) შემოთავაზებული საქონლის მწარმოებელი ან/და წარმოშობის ქვეყნის ცვლილება გამოიწვევს პრეტენდენტის დისკვალიფიკაციას.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში. დასაბუთება შესაძლებელია განხორციელდეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული საექსპერტო დასკვნით ან/და შესაბამისი უფლებამოსილების მქონე აუდიტის მიერ გაცემული აუდიტორული დასკვნით ან/და აკრედიტაციის მქონე პირის მიერ გაცემული საექსპერტო დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი) ან/და შესყიდვის ობიექტის მიწოდებასთან დაკავშირებით პრეტენდენტის მიერ გაფორმებული ხელშეკრულებით ან/და ანგარიშ-ფაქტურით ან/და ინვოისით ან/და სასაქონლო ზედნადებით ან/და საბაჟო დეკლარაციით, რომელიც ადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას. (წარმოდგენილი დოკუმენტით შესაძლებელი უნდა იყოს პრეტენდენტის მიერ შემოთავაზებული საქონლის იდენტიფიცირება მწარმოებლითა და წარმოშობის ქვეყნით).
- იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია;
- ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით;
- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება

ანგარიშსწორება მიმწოდებელთან განხორციელდება ლარში, უნაღდო ანგარიშსწორების ფორმით, საქონლის მიწოდებიდან და ხელშეკრულებით განსაზღვრული დოკუმენტების საფუძველზე.

ანგარიშსწორება განხორციელდება მიმწოდებლის მიერ საქონლის მიწოდების შემდგომ, ხელშეკრულებით გათვალისწინებული დოკუმენტების საფუძველზე, არაუგვიანეს 10 სამუშაო დღის ვადაში.

ელგუჯა გოდერძიშვილი, 555559599, e.goderdzishvili@tpp.ge

10.1 დამატებითი ინფორმაცია/დოკუმენტები
10.1.1 შესყიდვის ობიექტის სავარაუდო ღირებულებაა 19 830 ლარი, დღგ-ს გარეშე;
10.1.2 შესყიდვების ერთიან ელექტრონულ სისტემაში (შემდგომში - სისტემა) წინადადების ფასი დაფიქსირებულ უნდა იყოს ეროვნულ ვალუტაში და უნდა მოიცავდეს პრეტენდენტის/მიმწოდებლის ყველა ხარჯს დაკავშირებულს საქონლის შემსყიდველისათვის მიწოდებასთან, მათ შორის, საქართველოს კანონმდებლობით გათვალისწინებულ ყველა გადასახადს, მოსაკრებელსა და სახდელს, დღგ-ს გარდა;
10.1.3 წინადადების ფასად განიხილება სისტემის მეშვეობით შესყიდვის ელექტრონული ტენდერის შესაბამის ველში დაფიქსირებული ფასი;
10.1.4 ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
10.1.5 შემსყიდველი ორგანიზაციის მიერ ხელშეკრულების ღირებულებაში გათვალისწინებული იქნება წინადადების ფასის დღგ-ს შესაბამისი ოდენობა, თუ ხელშეკრულების დადების მომენტისათვის პრეტენდენტი არის დღგ-ს გადამხდელი საქართველოს კანონმდებლობის შესაბამისად (იმ შემთხვევაში, თუ მიმწოდებელი ხელშეკრულების გაფორმების შემდგომ გახდა დღგ-ს გადამხდელი სუბიექტი, დღგ-ს თანხის დამატებით გათვალისწინება ხელშეკრულების ღირებულებაში არ განხორციელდება).

10.1.6 იმ შემთხვევაში, თუ სატენდერო დოკუმენტაციით მოთხოვნილ, ერთიან ელექტრონულ სისტემაში პრეტენდენტის მიერ წარმოდგენილ დოკუმენტში (გარდა სატენდერო დოკუმენტაციის 10.3.1 პუნქტით განსაზღვრული დოკუმენტისა, რომელიც წარმოდგენილი უნდა იქნას ლარში), განსაზღვრული იქნება უცხოური ვალუტა, სატენდერო კომისია მის შეფასებას/დადარებას სატენდერო დოკუმენტაციის მოთხოვნებთან განახორციელებს წარმოდგენილი დოკუმენტში მითითებული თარიღისათვის/დღისათვის არსებული საქართველოს ეროვნული ბანკის მიერ დადგენილი ლარის ოფიციალური გაცვლითი კურსის შესაბამისად.
10.2 ზოგადი პირობები:
10.2.1 პრეტენდენტს უფლება აქვს წარმოადგინოს მხოლოდ ერთი სატენდერო წინადადება;
10.2.2 სატენდერო დოკუმენტაციით მოთხოვნილი, ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით. ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა). გარდა იმ შემთხვევისა, როდესაც სატენდერო დოკუმენტაციით მოთხოვნილი ფასების ცხრილი პრეტენდენტის მიერ სისტემაში წარმოდგენილი იქნება „MS Excel“-ის ფორმატში.

შენიშვნა:
,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნტქით გათვალისწინებული ვალდებულება არ ვრცელდება სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ არარეზიდენტ მომხმარებლებზე (საქართველოს მთავრობის განკარგულება №2380 20.12.2022 წ).
10.2.3 სატენდერო დოკუმენტაციით მოთხოვნილი, ერთიან ელექტრონულ სისტემაში ასატვირთი ყველა დოკუმენტი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი; დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.2.4 ტენდერში ამხანაგობის მონაწილეობის შემთხვევაში, პრეტენდენტი ვალდებულია იმოქმედოს სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 24-ე მუხლის მოთხოვნათა სრული დაცვით.
10.2.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში (დანართი №2), რომელიც ხელშეკრულების დადების მომენტისათვის შესაძლებელია დაზუსტდეს სატენდერო წინადადების შესაბამისად;
10.2.6 შემსყიდველი ორგანიზაცია ვალდებულია, კანონმდებლობით დადგენილი წესით, ერთიანი ელექტრონული სისტემის კითხვა/პასუხის მოდულის მეშვეობით, პრეტენდენტის მოთხოვნის შემთხვევაში, განახორციელოს სატენდერო განცხადებასთან და დოკუმენტაციასთან დაკავშირებით შესაბამისი დაზუსტება/განმარტება;
10.2.7 შემსყიდველ ორგანიზაციასა და პრეტენდენტს შორის ნებისმიერი მიმოწერა/შეტყობინების გაგზავნა ხდება სისტემის შესაბამისი მოდულის მეშვეობით და სისტემის გამოყენების გარეშე მიმოწერა/შეტყობინება სავალდებულო არ არის. მიმოწერა/შეტყობინება მიღებულად ჩაითვლება მისი სისტემაში ატვირთვის მომენტიდან.
10.2.8 ტენდერში მონაწილეობის მიღებით, პრეტენდენტი ადასტურებს მის თანხმობას ამ სატენდერო დოკუმენტაციაში მოცემული პირობების შესრულებაზე, იმის მიუხედავად, შეიცავს თუ არა მისი სატენდერო წინადადება ასეთ თანხმობას/დადასტურებას. ამის საწინააღმდეგო ნებისმიერი დათქმა თუ ჩანაწერი პრეტენდენტის სატენდერო წინადადებაში ბათილია.
10.2.9 სატენდერო დოკუმენტაციით გათვალისწინებული საქონლის ტექნიკური პარამეტრები წარმოადგენს შემსყიდველის მიერ დადგენილ მინიმალურ მოთხოვნებს და პრეტენდენტს უფლება აქვს შემსყიდველს შეთავაზოს უკეთესი/გაუმჯობესებული პარამეტრების მქონე საქონელი, მაგრამ აღნიშნული ქმედება არ წარმოადგენს პრეტენდენტის უპირატესობას.

10.3 პრეტენდენტის მიერ სისტემაში ასატვირთი ტექნიკური დოკუმენტაცია/ინფორმაცია
10.3.1 ფასების ცხრილი, დანართი №1-ის შესაბამისად (პუნქტი 1.3).