Полные или частичные строительные работы и публичные работы (Грузия - Тендер #44051462)

სიღნაღისა და დედოფლისწყაროს მუნიციპალიტეტებში „ქვემო ალაზნის სარწყავი სისტემის მაგისტრალური არხის ჰიდროტექნიკური ნაგებობების აღდგენა-რეაბილიტაცია პკ 396+21-დან პკ 633+27-მდე (III ეტაპი) I რიგის“ სამუშაოები.

1.2.1 საპროექტო გადაწყვეტილება:

ქვემო ალაზნის სარწყავი სისტემის მაგისტრალური არხის პკ396+21÷პკ633+27 მონაკვეთში არხზე განთავსებული ჰიდროტექნიკური ნაგებობების რეაბილიტაციაზე ტექნიკური დოკუმენტაციის შედგენა განხორციელდა არსებულ პარამეტრებში.

იმისათვის, რომ მაგისტრალურმა არხმა ნორმალურად იფუნქციონიროს და მასზე განლაგებულმა წყალგამტარმა ნაგებობებმა უზრუნველყონ საპროექტო ხარჯების გატარება, ხოლო წყალგამშვებმა ნაგებობებმა დაუბრკოლებლად მიაწოდონ საჭირო წყლის ხარჯი ფართობებს, საპროექტო დოკუმენტაცია ითვალისწინებს მაგიტრალური არხის პკ 396+21-დან პკ 633+27-მდე მონაკვეთში არსებული ჰიდროტექნიკური ნაგებობების: წყალგამშვებების, წყალსაგდებების, ღვარსაშვების და ხიდების რეაბილიტაციას.

პროექტი ასევე ითვალისწინებს ტიპიური (ტ-1, ტ-2, ტ-3, ტ-4, ტ-5,) ნაგებობების მოწყობას მაგისტრალურ არხზე;

შენიშვნა: პროექტით გათვალისწინებულია პირდაპირი ან სპილარულ ნაკერიანი ფოლადის მილები ქარხნული იზოლაციით ГОСТ 10704-91, ГОСТ 8696-74 სტანდარტები, ან EN 10224 ევროპული სტანდარტი ან მათი ანალოგი.
1.2 2 მიმწოდებელი ვალდებულია, შემსყიდველის მოთხოვნის შემთხვევაში, უზრუნველყოს სამშენებლო სამუშაოების პროცესში გამოსაყენებელი სხვადასხვა მასალებისა და კონსტრუქციების (ღარები, ფილები და ა.შ.) დადგენილ ნორმებთან და სტანდარტებთან შესაბამისობის დოკუმენტალური დადასტურება, კანონმდებლობით განსაზღვრული ქვემოთ ჩამოთვლილი რომელიმე მეთოდით:
• შესაბამისობის დეკლარაციით - რომლითაც, მწარმოებელი ადასტურებს შესაბამისობის შეფასების ობიექტის დადგენილ მოთხოვნებთან შესაბამისობას;
• შესაბამისობის სერტიფიკატით - რომლითაც სერტიფიკაციის ორგანო ადასტურებს შესაბამისობის შეფასების ობიექტის დადგენილ მოთხოვნებთან შესაბამისობას;
• ინსპექტირების სერტიფიკატით ან/და ოქმით - რომლითაც ინსპექტირების ორგანო ადასტურებს შესაბამისობის შეფასების ობიექტის დადგენილ მოთხოვნებთან შესაბამისობას.

შესრულებული სამუშაოს დადასტურების პროცესის შეფერხების თავიდან აცილებისათვის რეკომენდირებულია ზემოთაღნიშნული დოკუმენტაცია წარდგენილ იქნას შესაბამისი მასალებისა და კონსტრუქციების გამოყენებამდე.

1.2.3 ხარჯთაღრიცხვაში ასახული გაუთვალისწინებელი სამუშაოების თანხების ხარჯვა მიმწოდებლის მიერ მოხდება მხოლოდ აუცილებლობიდან გამომდინარე, შემსყიდველთან წინასწარი შეთანხმებით.

1.2.4 მოთხოვნის შემთხვევაში, მიმწოდებელი ვალდებულია უზრუნველყოს საშემსრულებლო ნახაზ(ებ)ის წარდგენა.


შენიშვნა: პრეტენდენტის მიერ სამუშაოები შესრულებული უნდა იქნას სისტემაში 1.2 პუნქტში ატვირთული ფაილების შესაბამისად.

სამუშაოს ხარჯთაღრიცხვა (დანართი N1) პრეტენდენტმა უნდა წარმოადგინოს (ატვირთოს სისტემაში) Excel ფორმატში.

შემსყიდველის წერილობითი დავალებიდან 360 კალენდარული დღე, რომელშიც გათვალისწინებულია მხოლოდ მშენებლობის ვადა, კლიმატური პირობების და სავეგეტაციო პერიოდის გაუთვალისწინებლად.

სარწყავი პერიოდის განმავლობაში (თითოეულ წელს სავარაუდოდ 4 თვე,შესაბამისი წლის ივნისი - სექტემბერის თვის ჩათვლით), იმ სამუშაოებზე, რომელთა შესრულება რწყვის პარალელურად შეუძლებელი იქნება, შესრულების ვადა გაიზრდება იმ დროით, რა დროითაც შეჩერებული იყო შესაბამისი სამუშაოები. სარწყავი პერიოდის დაწყებისა ან დასრულების, შესაბამისად, სამუშაოების შეჩერების ან განახლების თაობაზე (ასეთის საჭიროების შემთხვევაში) შემსყიდველი მიმწოდებელს შეატყობინებს სარწყავი პერიოდის დაწყებამდე ან დასრულებამდე სულ მცირე 2 კვირით.

სავალდებულოა სამუშაოები წარმოებული იყოს ხელშეკრულებით გათვალისწინებული სამუშაოთა შესრულების გეგმა-გრაფიკის განუხრელი დაცვით, მაქსიმალურად უწყვეტ რეჟიმში.

სიღნაღისა და დედოფლისწყაროს მუნიციპალიტეტების ტერიტორია

1. მიმწოდებელი იძლევა გარანტიას, რომ შესრულებული სამუშაო იქნება ხარისხიანი, სწორი ექსპლუატაციის პირობებში არ გამოავლენს დეფექტს და შეესაბამება სამუშაოს შესრულების ტექნიკურ პირობებს.
2. გარანტია ვრცელდება შენობა-ნაგებობებზე და მათ სამშენებლო სამუშაოებზე გამოყენებულ ნებისმიერ მასალაზე, ასევე, ელექტრო, მექანიკურ და ელექტრო-მექანიკურ დანადგარებზე/მოწყობილობებზე (მათ შორის ძრავები, ტუმბოები, ფარები, ამწე მექანიზმები, სარქველები, ურდულები და ა.შ).
3. შესრულებელი სამუშაოს საგარანტიო ვადა შეადგენს 3 (სამი) წელს, შემსყიდველისა და მიმწოდებლის უფლებამოსილი პირების მიერ სამუშაოების საბოლოო მიღება-ჩაბარების აქტის გაფორმების თარიღიდან. აღნიშნული ვადის პირველი წლის განმავლობაში, შესრულებული სამუშაოს ხარისხის დაცვის მიზნით, მიმწოდებლის პასუხისმგებლობა დეფექტ(ებ)ის/გაუმართაობ(ებ)ის აღმოფხვრაზე უზრუნველყოფილი იქნება სამუშაოების ღირებულების 5%-ით.
4. შემსყიდველის მხრიდან, საგარანტიო ვალდებულების შესრულების საჭიროების თაობაზე, შეტყობინების მიღებიდან 10 კალენდარული დღის განმავლობაში, მიმწოდებელი ვალდებულია საკუთარი ხარჯებით აღმოფხვრას ყველა გამოვლენილი დეფექტი/გაუმართაობა. იმ შემთხვევაში თუ დეფექტ(ებ)ის/გაუმართაობ(ებ)ის სირთულიდან გამომდინარე, მის აღმოსაფხვრელად საჭიროა მეტი ვადა, მიმწოდებელმა 10 დღიანი ვადის გასვლამდე შემსყიდველთან უნდა შეათანხმოს მოცემული ვადის გაგრძელების საკითხი. ნებისმიერ შემთხვევაში დეფექტ(ებ)ის/გაუმართაობ(ებ)ის აღმოფხვრის ვადა არ შეიძლება აღემატებოდეს 30 კალენდარულ დღეს, შემსყიდველის მხრიდან, საგარანტიო ვალდებულების შესრულების საჭიროების თაობაზე, შეტყობინების მიღების დღიდან. ზემოაღნიშნული ვადების დარღვევის შემთხვევაში, მიმწოდებელს პირგასამტეხლოს სახით დაერიცხება ხელშეკრულების ღირებულების 0.05% ყოველი ვადაგადაცილებული დღისათვის. საგარანტიო ვადის პირველი წლის განმავლობაში, პირგასამტეხლოს მოთხოვნიდან 5 (ხუთი) სამუშაო დღეში გადაუხდელობის შემთხვევაში, შესაბამისი თანხა დაიქვითება მე-6 პუნქტის თანახმად დაკავებული თანხიდან.
5. თუ საგარანტიო ვადის ამოწურვის მომენტისათვის შემსყიდველს მიმწოდებლისთვის გაგზვნილი აქვს საგარანტიო ვალდებულების შესრულების საჭიროების შეტყობინება ან თუ მოცემულ დროს წარმოებს გამოვლენილი დეფექტ(ებ)ის/გაუმართაობ(ებ)ის აღმოფხვრის სამუშაოები, შესრულებელი სამუშაოს საგარანტიო ვადა გაგრძელდება შესაბამისი დეფექტე(ებ)ის/გაუმართაობ(ებ)ის აღმოფხვრამდე.
6. შესრულებული სამუშაოების ხარისხის დაცვის მიზნით, შემსყიდველის მიერ ყოველი შესრულებული სამუშაოს ღირებულებ