Отделочные строительные работы (Грузия - Тендер #44051363)

შპს ,,ენგურჰესი“-ს ბალანსზე რიცხული 1 (ერთი) ერთეული 2 (ორი) ოთახიანი საცხოვრებელი ბინის სარემონტო სამუშაოები

შპს ,,ენგურჰესი“-ს ბალანსზე რიცხული 1 (ერთი) ერთეული 2 (ორი) ოთახიანი საცხოვრებელი ბინის სარემონტო სამუშაოები უნდა განხორციელდეს თანდართული სამუშაოთა მოცულობის შესაბამისად

სამუშაოების შესრულების ვადაა: სახელმწიფო შესყიდვების შესახებ ხელშეკრულების გაფორმებიდან 30 (ოცდაათი) კალენდარული დღე

1.სამუშაოების შესრულების ადგილია: აფხაზეთი, გალის რ-ნი, დას. საბერიო.
2. მიმწოდებლის მიერ შესრულებული სამუშაოების მიღება შემსყიდველის მიერ ხორციელდება ეტაპობრივად.
3. მიმწოდებლის მიერ როგორც ეტაპობრივად, ისე საბოლოოდ შესრულებული სამუშაოები მიღებულად ჩაითვლება მხოლოდ ფაქტობრივად შესრულებულ სამუშაოებზე სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან აკრედიტირებული საექსპერტო ორგანიზაციის (შესაბამისი აკრედიტიციის დოკუმენტის წარმოდგენით) მიერ გაცემული დადებითი საექსპერტო დასკვნის საფუძველზე გაფორმებული მიღება-ჩაბარების აქტისა (ფაქტობრივად შესრულებული სამუშაოების მოცულობების მიღების აქტი -ფორმა №2)) და საგადასახადო ანგარიშ-ფაქტურის დადასტურების შემდეგ.
4. შემსყიდველი უფლებამოსილია საკუთარი სახსრებით სამუშაოების წარმოების პროცესში მიმწოდებლის მიერ შემსყიდველისათვის წარდგენილ შესრულებულ სამუშაოებს (ფორმა №2) ჩაუტაროს ექსპერტიზა სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან შესაბამის სფეროში აკრედიტებული სხვა პირის მეშვეობით. იმ შემთხვევაში, თუ საექსპერტო დასკვნასა და შესაბამის მიღება-ჩაბარების აქტს (ფაქტობრივად შესრულებული სამუშაოების მოცულობების მიღების აქტი) შორის აღმოჩნდება ცდომილება, მიმწოდებელი ვალდებულია, აუნაზღაუროს შემსყიდველს დამატებით ჩასატარებელი საექსპერტო მომსახურებაზე გაწეული ხარჯები და აღმოფხვრას შესაბამისი ხარვეზები საკუთარი სახსრებით.
5. ხელშეკრულების ფარგლებში შესრულებული სამუშაოების შემოწმებას და მიღება-ჩაბარებას ახორციელებს ინსპექტირების ჯგუფი, რომელიც ადგილზე ამოწმებს ხელშეკრულებით განსაზღვრულ ეტაპობრივად და საბოლოოდ შესრულებული სამუშაოების მოცულობას და ხარისხს.

ა) საგარანტიო ვადაა 3 წელი, დაზიანების თაობაზე შეტყობინების მიღებიდან რეაგირება 24 საათის განმავლობაში, აღდგენა: დაზიანების სირთულიდან გამომდინარე გონივრულ ვადებში მიმწოდებლის მიერ დამატებითი ანაზღაურების გარეშე.
ბ) საგარანტიო პერიოდი არ ეხება ფორსმაჟორული და მექანიკური ზემოქმედებით მომხდარ დაზიანებებს.

შესყიდვაში მონაწილე მსურველ პირს უნდა გააჩნდეს ანალოგიური ხასიათის სამუშაოების შესრულების გამოცდილება. ინფორმაცია წარმოდგენილი უნდა იქნეს თანდართული ცხრილის შესაბამისად

პრეტენდენტს უნდა ჰყავდეს:

- არანაკლებ 1 სამუშაოთა მწარმოებელი- ინჟინერ-მშენებელი სპეციალობით ანალოგიურ სამუშაოებზე მუშაობის 5 წლიანი გამოცდილებით. წარმოდგენილი უნდა იქნეს შესაბამისი კვალიფიკაციის დამადასტურებელი საბუთები: დიპლომის ან/და სერთიფიკატების ან/და მოწმობის ასლები.

„იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სახელმწიფო შესყიდვების ერთიანი ელექტრონული სისტემის მეშვეობით დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველის მიერ განსაზღვრულ ვადაში პრეტენდენტი ვალდებული იქნება დაასაბუთოს ფასწარმოქმნის ადეკვატურობა „სსიპ - ლევან სამხარაულის სახელობის სასამართლო ექსპერტიზის ეროვნული ბიუროს“ დასკვნით ან/და კანონმდებლობის შესაბამისად აკრედიტებული სერტიფიკაციის ორგანოს მიერ სათანადოდ სერტიფიცირებული პირის შესაბამისი დასკვნით (ასეთ შემთხვევაში, დასკვნას თან უნდა დაერთოს შესაბამისი სერტიფიკატის ასლი) ან/და სსიპ ,,აკრედიტაციის ერთიანი ეროვნული ორგანო აკრედიტაციის ცენტრი’’-ს მიერ აკრედიტებული აუდიტორული ფირმის დასკვნის საფუძველზე (დასკვნასთან ერთად წარმოდგენილი უნდა იყოს აკრედიტაციის დამადასტურებელი დოკუმენტი). დასკვნა უნდა ადასტურებდეს პრეტენდენტის მიერ ელექტრონული ვაჭრობის შედეგად დაფიქსირებულ საბოლოო ფასად ტენდერით გათვალისწინებული მომსახურების სრულად შესრულების შესაძლებლობას“

ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით

დასკვნას თან უნდა ახლდეს ყველა ის დოკუმენტი, რომლის საფუძველზეც მოხდა დასკვნის შედგენა.

- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება. ფასწარმოქმნის ადეკვატურობის დამადასტურებელი დოკუმენტის წარმოუდგენლობა ან/და ისეთი დოკუმენტის წარმოდგენა, რომლითაც ვერ დადასტურდება ფასწარმოქმნის ადეკვატურობა, გამოიწვევს პრეტენდენტის დისკვალიფიკაციას.ვ

- მხარეები ანგარიშსწორებას ახორციელებენ ეროვნულ ვალუტაში - ლარებში, უნაღდო ანგარიშსწორებით;
- ანაგარიშსწორება განხორციელდება ფაქტიურად შესრულებული სამუშაოების მიხედვით ეტაპობრივად.
- ყოველი ეტაპის დასრულებისას, მიმწოდებელმა შემსყიდველს უნდა აცნობოს სამუშაოების შესრულების შესახებ;
- როგორც ეტაპობრივი, ასევე საბოლოო ანგარიშსწორება განხორციელდება ფაქტობრივად შესრულებულ სამუშაოებზე ინსპექტირების ჯგუფის მიერ მიღება-ჩაბარების აქტის შედგენისა და ფინანსური დოკუმენტაციის წარმოდგენის საფუძველზე.

როგორც ეტაპობრივი, ასევე საბოლოო ანგარიშსწორების ვადაა - შესრულებულ სამუშაოებზე ექსპერტიზის დადებითი დასკვნის, მიღება-ჩაბარების აქტისა და ფინანსური დოკუმენტაციის წარდგენიდან 5 სამუშაო დღე.

რომან ლაგვილავა, 591996699, r.lagvilava@engurhesi.ge

1) იმ პრეტენდენტებს, რომლებიც არ ეწევიან ეკონომიკურ საქმიანობას აფხაზეთის ტერიტორიაზე, ,,ოკუპირებული ტერიტორიების შესახებ’’ საქართველოს კანონის მე-6 მუხლის პირველი პუნქტის ,,ა’’ ქვეპუნქტის თანახმად, ოკუპირებულ ტერიტორიაზე ეკონომიკური საქმიანობის განხორციელებისათვის ნებართვის მისაღებად შპს „ენგურჰესი’’ თავისი კომპეტენციის ფარგლებში გაუწევს შუამდგომლობას შესაბამის სამინისტროში; ასევე პრეტენდენტებს ესაჭიროება აფხაზური მხარის შესაბამისი სტრუქტურის მხრიდან გაცემული ნებართვა აფხაზეთის ტერიტორიაზე შემოსვლის შესახებ, რაშიც ასევე შპს „ენგურჰესი’’ თავისი კომპეტენციის ფარგლებში გაუწევს შუამდგომლობას შესაბამის სამინისტროში. ამასთან, შპს ,,ენგურჰესი’’ არ იძლევა გარანტიას, რომ შეძლებს პრეტენდენტისათვის ზემოხსენებული ნებართვების მოპოვებას, რამდენადაც მიუხედავად მცდელობისა , ზოგჯერ ვერ მოხერხდა რამდენიმე ტენდერის შემთხვევაში, ასეთი ნებართვების მოპოვება;
2) აფხაზეთის ტერიტორიაზე შემომსვლელთათვის დაწესებულია სავიზო რეჟიმი. ვიზების გაცემა ხორციელდება ქ. სოხუმში ყველა კონკრეტულ პიროვნებაზე ინდივიდუალურად, შესაბამისი დოკუმენტაციის წარდგენისა და შემოწმების გავლის შემდეგ. ვიზის აღება ფასიანია, ის მიმწოდებელმა უნდა გადაიხადოს.
3) ყველა დოკუმეტაცია, რომელიც იქნება პრეტენდენტის მიერ ატვირთული, უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით დამოწმებული;
4) ალტერნატიული სატენდერო წინადადება არ მიიღება;
5) სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. დოკუმენტთან დაკავშირებული სადავო საკითხების გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
6) ხარჯთაღრიცხვის წარმოუდგენლობა ან განუფასებლად წარმოდგენა (თუ განუფასებელი პოზიციების რაოდენობა აღემატება განსაფასებელი პოზიციების 1%-ს) დაზუსტებას არ დაექვემდებარება და გამოიწვევს პრეტენდენტის დისკვალიფიკაციას;