Отделочные строительные работы (Грузия - Тендер #44051203)

საქართველოს პარლამენტის აპარატის მიერ პარლამენტის სასახლის C კორპუსის მარჯვენა ფლიგელის გაძლიერების სარეკონსტრუქციო-სამშენებლო (თანმდევი მოპირკეთების ღონისძიებებით) სამუშაოების (II ეტაპი - C კორპუსის მარჯვენა ფლიგელი, ნაკერი E1(Z) ღერძზე) სახელმწიფო შესყიდვა (CPV კოდი 45400000)

1.2.1 სამუშაოები შესრულებული უნდა იქნას წინამდებარე ტექნიკური დავალების, ხარჯთაღრიცხვის (სატენდერო დოკუმენტაციის დანართი №1) და საპროექტო დოკუმენტაციის (დანართი №2-დან დანართი №10-ის ჩათვლით) შესაბამისად, დანართი №1 - "ხარჯთაღრიცხვა" წარმოდგენილი უნდა იყოს მხოლოდ Excel-ის ცხრილის სახით და შევსებული უნდა იყოს სატენდერო დოკუმენტაციაზე თანდართული ინსტრუქციის შესაბამისად (დანართი №11) (გთხოვთ გაითვალისწინოთ, რომ პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს));
1.2.2 გამოსაყენებელი მასალები უნდა იყოს უმაღლესი ხარისხის, მათი ფორმა, ხარისხი, ასევე გამოსაყენებელი მოწყობილობები და დანადგარები მიმწოდებელმა უნდა უზრუნველყოს პროექტის შესაბამისად, ხოლო იმ მასალებზე, რაც პროექტით არ არის დაკონკრეტებული მათი სახეობა, ხარისხი, ფორმა, ფერი მათ შორის სამღებრო სამუშაოები უნდა შეთანხმდეს შემსყიდველ ორგანიზაციასთან.
ყველა გამოსაყენებელი მასალა და მოწყობილობა უნდა შეესაბამებოდეს ამ სფეროში ევროპაში აღიარებულ სტანდარტებს და შემსყიდველს უფლება აქვს მოითხოვოს შესაბამისი სერთიფიკატი მშენებლობის პროცესში გამოყენებულ მასალებზე და მოწყობილობებზე.
გამოსაყენებელი მასალები უნდა იყოს ახალი, ქარხნული, ექსპლუატაციაში არმყოფი;
1.2.3 მიმწოდებელმა უნდა უზრუნველყოს სარემონტო ადგილზე საჭიროების შემთხვევაში დამცავი გამაფრთხილებელი ნიშნების დაყენება, ასევე მიმწოდებლის მიერ სარემონტო ადგილზე დაცული უნდა იყოს სანიტარული პირობები და უსაფრთხოების წესები; სამუშაოების პროცესში შემსრულებელი ვალდებულია მინიმუმამდე დაიყვანოს მუშაობით გამოწვეული ხმაურის, ვიბრაციის და მტვრის გავლენა;
1.2.4 პრეტენდენტი ვალდებულია სამუშაოები შეასრულოს იმგვარად, რომ არ შეფერხდეს შემსყიდველი ორგანიზაციის ნორმალური ფუნქციონირება;
1.2.5 მიმწოდებელმა უნდა განახორციელოს სამუშაოს შესრულება ტექნიკური დავალებით დადგენილი პირობებისა და წესების, ასევე მოქმედი სამშენებლო სტანდარტების დაცვით;
1.2.6 მიმწოდებელმა სამუშაოების დაწყებამდე ტერიტორიაზე უნდა გადაამოწმოს ადგილზე არსებული მდგომარეობა და ნებისმიერი უზუსტობა აცნობოს შემსყიდველს;
1.2.7 სამუშაოს მასშტაბის შესაბამისად, მიმწოდებელმა სამუშაოს შესრულება უნდა უზრუნველყოს შესაბამისი რაოდენობის, სანდო, სათანადო უნარ/ჩვევების მქონე პერსონალით;
1.2.8 მიმწოდებელმა საკუთარი ხარჯებით უნდა უზრუნველყოს სამშენებლო და სამუშაო ფართის დასუფთავება, ნარჩენების, სამშენებლო ნაგვის მოგროვება და ტერიტორიიდან გატანა;
1.2.9 სამუშაოს შესრულების პროცესში გამოყენებული ყველა ტექნიკური აღჭურვილობა და ინსტრუმენტი უნდა იყოს მუშა მდგომარეობაში, მათი ექსპლუატაცია უნდა ხდებოდეს მწარმოებლის მიერ განსაზღვრული წესით. ტექნიკური აღჭურვილობის და ინსტრუმენტის ექსპლუატაციისას დაუშვებელია არა ქარხნული (კუსტარული) წესით დამზადებული დეტალის ან/და სათადარიგო ნაწილის გამოყენება;
1.2.10 სამუშაოს შესრულების პროცესში, მიმწოდებელმა უნდა უზრუნველყოს ხარისხისა და სამუშაოების მიმდინარეობის ზედამხედველობისა და კონტროლის განმახორციელებელ პირის და საავტორო-საპროექტო ზედამხედველი ორგანიზაციის უფლებამოსილი პირის მიერ გაცემული, როგორც ზეპირი ასევე წერილობითი რეკომენდაციების და მითითებების შესრულება;
1.2.11 ტექნიკური დავალებით გათვალისწინებული რომელიმე ვალდებულების დარღვევის შემთხვევაში, აღნიშნულის შედეგად წარმოშობილ ზიანზე სრული პასუხისმგებლობა დაეკისრება მიმწოდებელს. მიმწოდებელმა უნდა უზრუნველყოს, მომსახურების გაწევის პროცესში, მიმწოდებლის მიზეზით (მ/შ გაუფრთხილებლობით), შემსყიდველისთვის ან/და მესამე პირისთვის მიყენებული ზიანის სრული ანაზღაურება საკუთარი ხარჯით;
1.2.12 აუცილებლობის/საჭიროების შემთხვევაში, დაზიანებების თავიდან აცილების მიზნით, უზრუნველყოს სარემონტო ტერიტორიაზე არსებული ინვენტარის გადაადგილება ან/და შეფუთვა, ხოლო რემონტის დასრულების შემდგომ საწყის მდებარეობის ადგილზე დაბრუნება. მიმწოდებელი სრულად აგებს პასუხს მათი დაზიანების შემთხვევაში;
1.2.13 პრეტენდენტმა სატენდერო დოკუმენტაციით გათვალისწინებული ხარჯთაღრიცხვის წარმოდგენისას უნდა იხელმძღვანელოს საქართველოს მთავრობის 2014 წლის 14 იანვრის #55 დადგენილების შესაბამისად.

შესყიდვის ობიექტის - ხელშეკრულებით გათვალისწინებული სამუშაოების მთლიანი მოცულობის მიწოდება უნდა განხორციელდეს ხელშეკრულების ძალაში შესვლიდან ჯამში არაუგვიანეს 180 (ას ოთხმოცი) კალენდარული დღის განმავლობაში, აქედან ხელშეკრულებით გათვალისწინებული სამუშაოების მთლიანი მოცულობის არანაკლებ 45% და არაუმეტეს 55% შესრულება უნდა განხორციელდეს ხელშეკრულების გაფორმებიდან და მისი ძალაში შესვლიდან არაუგვიანეს 2023 წლის 20 დეკემბრის ჩათვლით.

(იმ შემთხვევაში თუ მიწოდების ბოლო დღე ემთხვევა არასამუშაო დღეს, მაშინ მიწოდება უნდა განხორციელდეს მომდევნო სამუშაო დღეს.)

შესყიდვის ობიექტის მიწოდება უნდა განხორციელდეს შემდეგ მისამართზე: ქ. თბილისი, რუსთაველის გამზირი 8, პარლამენტის სასახლე, C კორპუსის მარჯვენა ფლიგელი (II ეტაპი - ნაკერი E1(Z) ღერძზე)

1.6.1 მიმწოდებლის მიერ შესრულებულ სარეკონსტრუქციო სამუშაოებზე და ელ. გაყვანილობის მოწყობაში გამოყენებულ სადენებზე საგარანტიო ვადაა საბოლოო მიღება-ჩაბარების აქტის გაფორმების დღიდან არანაკლებ - 10 წელი, სამღებრო სამუშაოებზე არანაკლებ - 5 წელი, ხოლო ყველა სხვა სახის სარემონტო სამუშაოსა და გამოყენებულ მასალებზე არანაკლებ - 3 წელი. იმ შემთხვევაში თუ საბოლოო მიღება-ჩაბარება მხარეთა შორის არ იქნა გაფორმებული (მაგ. ხელშეკრულების ვადამდე შეწყვეტის გამო) მაშინ წინამდებარე პუნქტში მოცემული საგარანტიო ვადების ათვლა დაიწყება ყოველ კონკრეტულ ეტაპზე/სამუშაოზე გაფორმებული მიღება-ჩაბარებ(ებ)ის აქტების თარიღებიდან.
1.6.2 საგარანტიო პერიოდის განმავლობაში, ექსპლუატაციის პირობების დაცვის პირობებში, დეფექტის ან ხარვეზის აღმოჩენის შემთხვევაში მიმწოდებელი ვალდებულია გამოვლენილი დეფექტი გამოასწოროს შემსყიდველთან შეთანხმებულ გონივრულ ვადაში, მაგრამ არაუგვიანეს 20 სამუშაო დღისა, თავისი ხარჯებით, შემსყიდველის მხრიდან რაიმე დანახარჯის გაწევის გარეშე.
1.6.3 პრეტენდენტმა უნდა წარმოადგინოს ინფორმაცია კონკრეტული საგარანტიო პერიოდის (ვადის) შესახებ (ზუსტი პერიოდი, ყოველგვარი არანაკლებ, არაუმეტეს, მინიმუმ ან მსგავსი მაჩვენებლის მითითების გარეშე) რომელიც არ უნდა ეწინააღმდეგებოდეს სატენდერო დოკუმენტაციის 1.6.1 პუნქტით დადგენილ საგარანტიო ვადებს.

პრეტენდენტს 2017-2023 წლების (აღნიშნული ტენდერის გამოცხადებამდე) პერიოდში უნდა გააჩნდეს „მშენებლობის ნებართვის გაცემისა და შენობა-ნაგებობის ექსპლუატაციაში მიღების წესისა და პირობების შესახებ“ საქართველოს მთავრობის 2019 წლის 31 მაისის №255 დადგენილებით დამტკიცებული „მშენებლობის ნებართვის გაცემისა და შენობა-ნაგებობის ექსპლუატაციაში მიღების წესის და პირობების“ დანართი #1-ის „შენობა-ნაგებობის კლასის განმსაზღვრელი მახასიათებლების“ შესაბამისად მოცემული IV კლასის შენობა-ნაგებობის განმსაზღვრელი მახასიათებლების, კერძოდ: ა) სართულების იატაკის დონეებზე განაშენიანების ჯამური 6000 მ2‑ზე მეტი ფართობისა და 22 მ-ზე მეტი სიმაღლის მქონე შენობის რეკონსტრუქციის (რკინაბეტონის მზიდი კარკასის მქონე შენობებში არანაკლებ 4 (ოთხი) სართულიანი რკინაბეტონის ბრტყელი კონსტრუქციების მოწყობის დასრულებული სამუშაო) გამოცდილება, მინიმუმ 1 (ერთი) დასრულებული პროექტის/სამუშაოს სახით.
აღნიშნულის თაობაზე პრეტენდენტმა სახელმწიფო შესყიდვების ერთიან ელექტრონულ სისტემაში, სატენდერო წინადადებასთან ერთად, უნდა წარმოადგინოს გამოცდილების დამადასტურებელი დოკუმენტები, კერძოდ,
ა) პრეტენდენტმა სახელმწიფო შესყიდვების ერთიან ელექტრონულ სისტემაში უნდა ატვირთოს ხელშეკრულება (შესაბამისი პროექტით) და სსიპ ""ლევან სამხარაულის სასამართლო ექსპერტიზის ეროვნული ბიუროს"" ან/და შესაბამის სფეროში საქართველოს კანონმდებლობით განსაზღვრული აკრედიტაციის მქონე პირის მიერ მომზადებული შესაბამისი ხარისხისა და მოცულობის საექსპერტო დადებითი დასკვნის საფუძველზე გაფორმებული შესაბამისი მიღება-ჩაბარების აქტების ასლები, ან
ბ) შესაბამისი ინფორმაცია სახელმწიფო შესყიდვის ერთიანი ელექტრონული სისტემის მონაცემებით, კერძოდ: SPA, NAT, CMR ან სხვა სახელმწიფო შესყიდვის ერთიანი ელექტრონული სისტემის უნიკალური ნომერი (აღნიშნული უნიკალური ნომრის მეშვეობით, სახელმწიფო შესყიდვის ერთიან ელექტრონულ სისტემაში უნდა იკითხებოდეს/იძებნებოდეს ""ა"" პუნქტის საფუძველზე მოთხოვნილი დოკუმენტები/ინფორმაცია).
(შენიშვნა: იმ შემთხვევაში თუ "ა" პუნქტის საფუძველზე წარმოდგენილ ხელშეკრულებაში ასახულია სახელმწიფო შესყიდვის ერთიანი ელექტრონული სისტემის მონაცემები, კერძოდ: SPA, NAT, CMR ან სხვა სახელმწიფო შესყიდვის ერთიანი ელექტრონული სისტემის უნიკალური ნომერი და აღნიშნული უნიკალური ნომრის მეშვეობით, სახელმწიფო შესყიდვის ერთიან ელექტრონულ სისტემაში იკითხება/იძებნება "ა" პუნქტის საფუძველზე მოთხოვნილი დოკუმენტები/ინფორმაცია, მაშინ მიღება-ჩაბარების აქტების ან მათ სანაცვლოდ ხელშეკრულების შესრულების დამადასტურებელი დოკუმენტის სატენდერო წინადადების სახით წარმოდგენა სავალდებულო არაა).

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა.
4.1.1.2 სამშენებლო სამუშაოების ხარჯთაღრიცხვის ფასწარმოქმნის ადეკვატურობის ექსპერტიზა/ინსპექტირება ხორციელდება და შესაბამისი დასკვნა/ანგარიში გაიცემა კანონმდებლობით გათვალისწინებული წესით შესაბამის სფეროში სახელმწიფოს მიერ აღიარებული დაწესებულების/პირის მიერ (სამშენებლო სამუშაოების ხარჯთაღრიცხვის ფასწარმოქმნის ადეკვატურობის ექსპერტიზის დასკვნის/ინსპექტირების ანგარიშის განმახორციელებელი ორგანო).
4.1.1.3 სამშენებლო სამუშაოების ხარჯთაღრიცხვის ფასწარმოქმნის ადეკვატურობის ექსპერტიზის დასკვნა/ინსპექტირების ანგარიში უნდა ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ერთეულის, ასევე საერთო ღირებულებასთან მიმართებით, საბოლოო შეფასება უნდა იყოს ერთმნიშვნელოვნად დადებითი და დოკუმენტი უნდა შეიცავდეს ჩანაწერს, რომ წარდგენილი ხარჯთაღრიცხვა შეესაბამება „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებს.
4.1.1.4 პრეტენდენტის მიერ სამშენებლო სამუშაოების ხარჯთაღრიცხვის ფასწარმოქმნის ადეკვატურობის ექსპერტიზის დასკვნასთან/ინსპექტირების ანგარიშთან ერთად, ასევე წარმოდგენილი უნდა იქნას დასკვნის/ინსპექტირების ანგარიშის გამცემი დაწესებულების/პირის შესაბამისი უფლებამოსილების (კანონმდებლობით გათვალისწინებული წესით შესაბამის სფეროში სახელმწიფოს მიერ აღიარების) დამადასტურებელი დოკუმენტი (იმ შემთხვევაში თუ მაგალითად დასკვნის გამცემი პირია კერძო სამართლის სუბიექტი - შპს, სს და ა.შ. და ორგანიზაციის სახელით გაცემულ დოკუმენტზე არ ფიქსირდება სამეწარმეო და არასამეწარმეო სუბიექტების რეესტრის ამონაწერის მიხედვით განსაზღვრული ხელმძღვანელობაზე/წარმომადგენლობაზე უფლებამოსილი პირის ხელმოწერა, მაშინ პრეტენდენტი ვალდებულია ასევე წარმოადგინოს დასკვნაზე/ინსპექტირების ანგარიშზე ორგანიზაციის სახელით ხელმომწერი პირის ხელმოწერის უფლებამოსილების დამადასტურებელი დოკუმენტი).

5 Процентов

5 Процентов

ხელშეკრულების შესრულების უზრუნველყოფის გარანტიის ვადა მინიმუმ 60 (სამოცი) დღით უნდა აღემატებოდეს ხელშეკრულების მოქმედების ვადას (შენიშვნა: ხელშეკრულების მოქმედების ვადა მინიმუმ 30 (ოცდაათი) დღით აღემატება შესყიდვის ობიექტის მიწოდების ბოლო ვადას).

6.4.1 პრეტენდენტი ვალდებულია სახელმწიფო შესყიდვების მარეგულირებელი კანონმდებლობის მოთხოვნათა გათვალისწინებით, ხელშეკრულების გაფორმებამდე წარმოადგინოს ხელშეკრულების შესრულების უზრუნველყოფის უპირობო (გარანტიით გათვალისწინებული თანხა შემსყიდველმა უნდა მიიღოს ყოველგვარი დამატებითი განმარტებებისა და მტკიცებულებების წარდგენის გარეშე, პირველი მოთხოვნისთანავე) გამოუთხოვადი გარანტია. ხელშეკრულების შესრულების უზრუნველყოფის გარანტია წარმოდგენილი უნდა იქნას საქართველოში მოქმედი საბანკო დაწესებულების ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან.
6.4.2 თეთრ სიაში რეგისტრირებული პრეტენდენტი შემსყიდველ ორგანიზაციას წარუდგენს მოთხოვნილი ოდენობის ხელშეკრულების შესრულების უზრუნველყოფის გარანტიის ნახევარს.
6.4.3 მიმწოდებლის მიერ წარმოდგენილი ხელშეკრულების შესრულების უზრუნველყოფის გარანტია შემსყიდველს შეუძლია გამოიყენოს ნებისმიერი ზარალის/ზიანის ასანაზღაურებლად, რომელიც მიადგება ხელშეკრულებით განსაზღვრული პირობების შეუსრულებლობით ან/და არაჯეროვანი შესრულებით, აგრეთვე ხელშეკრულების შესრულების უზრუნველყოფის გარანტია შემსყიდველს შეუძლია გამოიყენოს ნაკისრი ვალდებულებების შეუსრულებლობის, არაჯეროვნად შესრულების, ვალდებულებების დარღვევის შემთხვევაში, რომელიც ვადებთანაა დაკავშირებული და ხელშეკრულების თვითნებურად შეწყვეტით გათვალისწინებული პირგასამტეხლო, თუ მიმწოდებელი უარს განაცხადებს შემსყიდველის მიერ მოთხოვნილი პირგასამტეხლოს გადახდაზე.
6.4.4 მიმწოდებლის მიერ ხელშეკრულებით ნაკისრი ვალდებულებების სრულად შესრულების შემდეგ შემსყიდველი მიღება-ჩაბარების აქტის გაფორმებიდან 2 კვირის ვადაში მიმწოდებლის წერილობითი მოთხოვნის საფუძველზე უზრუნველყოფს ხელშეკრულების შესრულების უზრუნველყოფის გარანტიის დაბრუნებას.

7.2.1 მიმწოდებლის მიერ ხელშეკრულებით ნაკისრი ვალდებულებების როგორც ეტაპობრივი (მათ შორის შუალედური), ისე საბოლოო შესრულება დასტურდება მხარეთა შორის შედგენილი მიღება-ჩაბარების აქტის გაფორმების გზით, ფაქტობრივად შესრულებული სამუშაოს მოცულობების მიხედვით. ამასთან, ყოველი ეტაპისთვის (მათ შორის შუალედურისთვის) მიმწოდებელს შესრულებული უნდა ჰქონდეს არანაკლებ 200,000.00 ლარის სამუშაოები (გარდა საბოლოო ეტაპისა).
7.2.2. სატენდერო დოკუმენტაციის 7.2.1 პუნქტით გათვალისწინებული ეტაპობრივი (მათ შორის შუალედური) და საბოლოო/შემაჯამებელი მიღება-ჩაბარების აქტის გაფორმებისათვის მიმწოდებელი ვალდებულია წარუდგინოს შემსყიდველს სამუშაოების შესრულების დასადასტურებლად საჭირო ინფორმაცია და სსიპ "ლევან სამხარაულის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული აკრედიტაციის მქონე პირის მიერ მომზადებული შესაბამისი ხარისხისა და მოცულობის საექსპერტო დადებითი დასკვნა (დასკვნა წარმოდგენილ უნდა იქნეს სამუშაოების შესრულების ვადაში, მიმწოდებლის სახსრებით).
7.2.3 დაფინანსების წყარო: საქართველოს 2023-2024წ სახელმწიფო ბიუჯეტებიდან საქართველოს პარლამენტისათვის გათვალისწინებული ასიგნება, საიდანაც:

ა) ხელშეკრულებით გათვალისწინებული მთლიანი ღირებულების არანაკლებ 45% და არაუმეტეს 55% ანაზღაურდება - საქართველოს 2023წ სახელმწიფო ბიუჯეტიდან საქართველოს პარლამენტისათვის გათვალისწინებული ასიგნების ფარგლებში, ხოლო

ბ) ხოლო დარჩენილი პროცენტის ღირებულება ანაზღაურდება - საქართველოს 2024წ სახელმწიფო ბიუჯეტედან საქართველოს პარლამენტისათვის გათვალისწინებული ასიგნების ფარგლებში.

ანგარიშსწორება განხორციელდება ეტაპობრივად, ფაქტობრივად შესრულებული სამუშაოს მოცულობების მიხედვით, მიმწოდებლის მიერ წარმოდგენილი საგადასახადო ანგარიშ-ფაქტურის და მხარეთა შორის გაფორმებული მიღება-ჩაბარების აქტის საფუძველზე, აღნიშნული საანგარიშსწორებო დოკუმენტაციის წარმოდგენიდან 10 (ათი) სამუშაო დღის განმავლობაში, უნაღდო ანგარიშსწორებით, ეროვნულ ვალუტაში - ლარში, მიმწოდებლის მიერ ხელშეკრულებაში მითითებული რეკვიზიტების მიხედვით. მიმწოდებლის მიერ საანგარიშსწორებო დოკუმენტაციის წარმოუდგენლობის შემთხვევაში, შემსყიდველს უფლება აქვს უარი თქვას ანგარიშსწორებაზე.

თათია უშვერიძე, 598201000, tushveridze@parliament.ge შესყიდვის ობიექტის ტექნიკურ დავალებასთან დაკავშირებით: ვლადიმერ ხუციშვილი, 577133375, vkhutsishvili@parliament.ge 2281333

10.1.1 პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება "განსაფასებელი პოზიციების" 1%-ს. (ხარჯთაღრიცხვაში, რომელიც თან ახლავს სატენდერო დოკუმენტაციას, ყველა პოზიცია, რომელიც ექვემდებარე განფასებას ("განსაფასებელი პოზიციები") შემსყიდველი ორგანიზაციის მიერ აღნიშნულია (განფასებულია) ნულებით)
10.1.2 სახელმწიფო შესყიდვების ერთიან ელექტრონულ სისტემაში ატვირთული მხოლოდ პრეტენდენტის მიერ შექმნილი ყველა დოკუმენტი ან/და ინფორმაცია (მხოლოდ პრეტენდენტის მიერ შექმნილი სატენდერო წინადადების სახით წარსადგენი დოკუმენტები, გარდა დანართი №1 - "ხარჯთაღრიცხვა", რომელიც წარმოდგენილი უნდა იყოს მხოლოდ Excel-ის ცხრილის სახით, ხოლო Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს)) უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე (მხოლოდ პრეტენდენტის მიერ შექმნილი სატენდერო წინადადების სახით წარსადგენი დოკუმენტებზე) შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელის მოწერისთვის გაცემული მინდობილობა
10.1.3 ტენდერის ნებისმიერ ეტაპზე ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.4 ალტერნატიული სატენდერო წინადადება არ განიხილება.
10.1.5 ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.6 ტენდერში მონაწილეობით დაინტერესებული პირებს უფლება აქვთ ადგილზე (ქ. თბილისი, რუსთაველის გამზირი 8) შეისწავლონ ობიექტის ამჟამინდელი მდგომარეობა.
10.1.7 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის შესაბამისი მოდულის მეშვეობით.