Инженерные услуги (Грузия - Тендер #44051135)

1.1.1. ქ. თბილისში, დიდუბის რაიონის ტერიტორიაზე ბინათმესაკუთრეთა ამხანაგობების საერთო სარგებლობაში არსებული საცხოვრებელი სახლების სამგზავრო და სატვირთო ლიფტების აღდგენა-შეკეთება-მონტაჟის სამუშაოებისთვის საჭირო დეფექტური აქტების (საჭიროების შემთხვევაში შესაბამისი სქემატური ნახაზების) შედგენის მომსახურება

მომსახურება ითვალისწინებს:
1.2.1 შემსყიდველის მიერ გაცემული წერილობითი დავალების საფუძველზე ობიექტზე გასვლა, აღმოჩენილი დეფექტების აღმოფხვრის მიზნით საჭირო ჩასატარებელი სამუშაოების მოცულობების დათვლა. დეფექტური აქტის (განსახორციელებელი სამუშაოების ჩამონათვალის, რაოდენობების მითითებით და გამოსაყენებელი მასალის ზუსტი აღწერით) და შესაბამისი ხარჯთაღრიცხვის შედგენა, შემსყიდველის მიერ გადაცემული, შესაბამისი სამუშაოების ტენდერში გამარჯვებული კომპანიის მიერ დაფიქსირებული ერთეულის ფასების მიხედვით. საჭიროების შემთხვევაში, მიმწოდებელმა უნდა წარმოადგინოს შესაბამისი ობიექტის მდგომარეობის ამსახველი ფოტომასალა.
1.2.2 დეფექტური აქტების შედგენის დროს, მიმწოდებელმა უნდა იხელმძღვანელოს შემსყიდველის მიერ გადაცემული, შესაბამისი სამუშაოების შესასრულებლად გაფორმებული ხელშეკრულებით გათვალისწინებული, სამუშაოების ჩამონათვალით.
1.2.3 მიმწოდებელს შესყიდვის ობიექტის კონკრეტული მისამართ(ებ)ი, გასაწევი მომსახურება და ვადა გადაეცემა ეტაპობრივად, შემსყიდველის მიერ გაცემული წერილობითი დავალების საფუძველზე.
1.2.4 მომსახურების სპეციფიკიდან გამომდინარე, შემსყიდველი არ იღებს ვალდებულებას მომსახურების გაწევის ვადაში ტექნიკური დავალებით გათვალისწინებული მომსახურების მოცულობების სრულად დაკვეთის შესახებ.
1.2.5 მომსახურების პროცესში მიმწოდებელმა უნდა იხელმძღვანელოს ქვეყანაში მოქმედი ნორმებითა და აღიარებული სტანდარტებით, გაითვალისწინოს საქართველოს მთავრობის 2013 წლის 31 დეკემბრის N446 დადგენილებით დამტკიცებული, „ლიფტების უსაფრთხო ექსპლუატაციის შესახებ ტექნიკური რეგლამენტისა“ და საქართველოს მთავრობის 2011 წლის 20 ივლისის N289 დადგენილებით დამტკიცებული, „ლიფტების უსაფრთხოების შესახებ ტექნიკური რეგლამენტის“ მოთხოვნები.
1.2.6 მიმწოდებელი ვალდებულია, შემსყიდველის დავალების საფუძველზე, საჭიროების შემთხვევაში, უზრუნველყოს ერთდროულად 3(სამი) ობიექტზე დეფექტური აქტებისა და შესაბამისი ხარჯთაღრიცხვების შედგენა.
1.2.7 მიმწოდებელი ვალდებულია, განახორციელოს საავტორო ზედამხედველობა კონკრეტულ ობიექტზე სამუშაოების მიმდინარეობის მთელი პერიოდის განმავლობაში.
1.2.8 სამუშაოების მიმდინარეობისას გაუთვალისწინებელი გარემოების აღმოჩენის შემთხვევაში, მიმწოდებელი ვალდებულია, შემსყიდველის მიერ გაცემული წერილობითი დავალების საფუძველზე, შეიტანოს სათანადო ცვლილებები (კორექტირება) შესაბამის დეფექტურ აქტებში, დამატებითი დანახარჯების გარეშე.
1.2.9 მიმწოდებელმა შემსყიდველს დეფექტური აქტები (მოცულობათა უწყისი, ხარჯთაღრიცხვა) უნდა წარუდგინოს ელექტრონული (PDF და Excel ფორმატში, ფონტით „Sylfaen”) და ნაბეჭდი ვერსიით (4 ეგზემპლარად).

შენიშვნა:
- აღნიშნულ ტენდერში მონაწილე კომპანია არ უნდა იყოს ქალაქ თბილისის მუნიციპალიტეტის დიდუბის რაიონის გამგეობის მიერ გამოცხადებულ ქ. თბილისში დიდუბის რაიონის ტერიტორიაზე ბინათმესაკუთრეთა ამხანაგობების საერთო საკუთრებაში არსებული საცხოვრებელი სახლების სამგზავრო და სატვირთო ლიფტების აღდგენა-შეკეთების-მონტაჟის და სენსორული სანათების მოწყობის სამუშაოების ელექტრონულ ტენდერში გამარჯვებული.

- გასაწევი მომსახურება და რაოდენობა განსაზღვრულია სატენდერო დოკუმენტაციის დანართი N1-ში, რომელიც თან ერთვის სატენდერო დოკუმენტაციას.

1.4.1 მიწოდების ვადა - ეტაპობრივად, შემსყიდველის წერილობითი დავალების შესაბამისად, ხელშეკრულების გაფორმებიდან 2023 წლის 20 დეკემბრამდე.
1.4.2 შესყიდვის ობიექტის კონკრეტული მისამართ(ებ)ი, გასაწევი მომსახურება და ვადა განისაზღვრება ეტაპობრივად, შემსყიდველის მიერ გაცემული წერილობითი დავალების საფუძველზე.

1.5.1. მიწოდების ადგილია: ქ. თბილისი, აკაკი ბელიაშვილის ქუჩა N1, ქალაქ თბილისის მუნიციპალიტეტის დიდუბის რაიონის გამგეობის ადმინისტრაციული შენობა.
1.5.2. შესყიდვის ობიექტის მიწოდება განხორციელდება ეტაპობრივად.

2.2.1.1.პრეტენდენტს 2020 წლის 01 იანვრიდან უნდა გააჩნდეს ჯამურად არანაკლებ შესყიდვის ობიექტის სავარაუდო ღირებულების 100%-ის ღირებულების ლიფტების შეკეთების ან/და რეაბილიტაციის ან/და მოდერნიზაციის სამუშაოებისთვის საპროექტო დოკუმენტაციის ან/და დეფექტური აქტების (შესაბამისი ტექნიკური დავალებითა და სქემატური/ესკიზური ნახაზებით) შედგენის მომსახურების შესრულების გამოცდილება. აღნიშნული ინფორმაცია უნდა წარმოადგინოს სატენდერო დოკუმენტაციის დანართი N2-ის შესაბამისად.
2.2.1.2 თუ ინფორმაციაში მითითებული შესყიდვ(ებ)ა არ განხორციელებულა სახელმწიფო შესყიდვების ერთიანი ელექტრონული სისტემის გამოყენებით, ან შესყიდვების ერთიან ელექტრონულ სისტემაში არ არის ან არასრულად არის ატვირთული შესაბამისი დოკუმენტები, ამ შემთხვევაში გამოცდილების დასადასტურებლად პრეტენდენტის მიერ ერთიან ელექტრონულ სისტემაში ატვირთულ უნდა იქნას: მხარეთა მიერ ხელმოწერილი ხელშეკრულებ(ები)ა, ამ ხელშეკრულებ(ებ)ის შესრულების დამადასტურებელი დოკუმენტები: (1. მიღება-ჩაბარების აქტი; 2. ფორმა N2 3. დადასტურებული საგადასახადო ანგარიშ-ფაქტურა ან/და გადახდის დამადასტურებელი დოკუმენტი).

შენიშვნა: სატენდერო დოკუმენტაციით გათვალისწინებული გამოცდილების მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
დანართი N2-ზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.

4.1.3.1. შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშობა ფასწარმოქმნის ადეკვატურობის დასაბუთების ვალდებულება.

7.2.1. ანგარიშსწორება მოხდება ეტაპობრივად, უნაღდო ანგარიშსწორებით ლარში.
7.2.2. დაფინანსების წყაროა ქალაქ თბილისის მუნიციპალიტეტის 2023 წლის ბიუჯეტით დიდუბის რაიონის გამგეობისთვის დამტკიცებული ასიგნებები.
7.2.3. ანგარიშსწორება განხორციელდება დეფექტური აქტის შესაბამისად ფაქტიურად შესრულებული სამუშაოების შემდეგ.

7.3.1. ანგარიშსწორება განხორციელდება ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 (ათი) სამუშაო დღეში.

ნანა ნასყიდაშვილი, 598441185, nana.naskidashvili.90@gmail.com - გიორგი ჯიღაურიშვილი 2378776/599033730. სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემის მოდულის – ,,კითხვა/პასუხის“ მეშვეობით, ან/და სატენდერო კომისიის აპარატში, წერილობითი მიმართვის შემთხვევაში. მის: ქ. თბილისი, აკაკი ბელიაშვილის ქ. N1 დიდუბის რაიონის გამგეობის ადმინისტრაციული შენობა

10.1.1. 2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.
(იხ. სახელმწიფო შესყიდვების სააგენტოს მიერ ერთიან ელექტრონულ სისტემაში 25.12.2018წ. ატვირთული „სახელმძღვანელო ინსტრუქცია, სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე“).
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება
10.1.7. სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
10.1.8 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.


10.2. პრეტენდენტის მიერ სისტემაში ასატვირთი მონაცემები:

1.შესასრულებებლი მომსახურეობის ხარჯთაღრიცხვა დანართი N1-ის მიხედვით. (ხარჯთაღრიცხვის წარმოუდგენლობა, ან განუფასებელი ხარჯთაღრიცხვის წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. ინფორმაცია ანალოგიური მომსახურების მიწოდების გამოცდილების შესახებ დანართი N2-ის შესაბამისად.