Ремонт и техническое обслуживание транспортных средств и оборудования и сопутствующие услуги (Грузия - Тендер #44051071)

შემსყიდველის კუთვნილი სამი ერთეული ავტომანქანის შეკეთების და ტექნიკური მომსახურების შესყიდვა.
SKODA OCTAVIA ვინ კოდი: TMBDA41Z7B2075143 გამ.წელი 2010 წელი
SKODA OCTAVIA ვინ კოდი: TMBCK21Z5D2037376 გამ.წელი 2012 წელი
TOYOTA HILUX ვინ კოდი: MROFR22GX00643138 გამ.წელი 2007 წელი

1. მიმწოდებელი ვალდებულია, უზრუნველყოს შემსყიდველისთვის მაღალხარისხიანი მომსახურების გაწევა. ყოველ კონკრეტულ შემთხვევაში, შემსყიდველის მიმართვის შემდეგ, ოპერატიულად, რიგგარეშედ, მიმწოდებელმა უნდა ჩაატაროს ავტომანქანის დათვალიერება.

2. ავტომანქანის დათვალიერების შემდეგ უნდა შედგეს დეფექტური აქტი, სადაც უნდა მიეთითოს შემოწმების თარიღი, ავტომობილის საიდენტიფიკაციო ინფორმაცია, შემოწმების შედეგად გამოვლენილი დაზიანება /ხარვეზის ზუსტი აღწერილობა, დაზიანების /ხარვეზის აღმოფხვრის გონივრული ვადა (გონივრულ ვადაზე თანხმდებიან მიმწოდებელი და შემსყიდველი ერთად) და ა.შ. ასევე ყოველ ავტომანქანაზე გაწეულ მომსახურებაზე მხარეები შეადგენენ გაწეული მომსახურების შესრულების აქტს, რომელშიც მითითებული უნდა იყოს გაწეული მომსახურების დეტალური აღწერა, გამოყენებული სათადარიგო ნაწილების, საცხებ–საპოხი მასალების რაოდენობა, ერთეულის და საერთო ღირებულება, მომსახურების გაწევის/საქონლის მოწოდების ვადები და სხვა მონაცემები.

3. ხელშეკრულების დადების შემდეგ, პრეისკურანტში მომსახურების/საქონლის რომელიმე ერთეულის არარსებობისას, აღნიშნული ობიექტის ერთეულის ფასი, მისი შესყიდვის აუცილებლობისას, დადგინდება საბაზრო ფასის გათვალისწინებით შემსყიდველი ორგანიზაციისა და მიმწოდებლის შეთანხმებით, რაზეც გაფორმდება შეთანხმების ოქმი, რომელშიც მიეთითება: სათადარიგო ნაწილების, საცხებ-საპოხი მასალების და მომსახურების ჩამონათვალი, რაოდენობა/მოცულობა, ერთეულის ფასი (გადასახადების გათვალისწინებით), საერთო ფასი (გადასახადების გათვალისწინებით) და საგარანტიო ვადა- არანაკლებ 1(ერთი) წელი. ასეთ შემთხვევაში პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს ხელშეკრულებით გათვალისწინებული პრეისკურანტის თავდაპირველი ჯამური ღირებულების 10%-ს.

4. აუცილებელია ავტომანქანის ნახმარი, დაზიანებული და გაცვეთილი ნაწილების ახალი სათადარიგო ნაწილებით შეცვლა, მეორადი ნაწილის გამოყენება დასაშვებია მხოლოდ შემსყიდველ ორგანიზაციასთან შეთახანხმის შემდეგ.

5. პრეტენდენტის სერვისცენტრი აღჭურვილი უნდა იყოს თანამედროვე აპარატურითა და დანადგარებით. პრეტენდენტმა უნდა უზრუნველყოს ავტომანქანის ძირითადი აგრეგატების ადგილზე, სერვის ცენტრში შეკეთება.

6. პრეტენდენტის სერვისცენტრი დაკომპლექტებული უნდა იყოს გამოცდილი სპეციალისტებით და ადგილზე უზრუნველყოფდეს ავტომანქანის ძირითადი აგრეგატების ელექტროსისტემების, ძრავის, გადაცემათა კოლოფის, კონდინციონერის დატუმბვა /ამოტუმბვას, საწვავის მიწოდების და სავალი ნაწილების დიაგნოსტიკა/შეკეთებას, ასევე აღჭურვილი უნდა იყოს კომპიუტერული დიაგნოსტიკის აპარატით, ძრავის ამოსაღები ამწეებით, ავტო-ამწეებით და მომსახურების გაწევისთვის საჭირო სხვა თანამედროვე აპარატურით და დანადგარებით.

7. შემსყიდველი უფლებამოსილია, ხოლო პრეტენდენტი ვალდებულია უზრუნველყოს სსიპ "იუსტიციის სახლის" წარმომადგენლების იმ სერვის ცენტრ(ებ)ში დაშვება და დათვალიერების უზრუნველყოფა, რომელიც პრეტენდენტის მიერ წარმოდგენილი იქნება სატენდერო წინადადებით, ტექნიკური დავალებით გათვალისწინებულ მოთხოვნებთან შესაბამისობის დადგენის მიზნით.

მომსახურების გაწევა, განხორციელდება ხელშეკრულების გაფორმებიდან 2023 წლის 31 დეკემბრის ჩათვლით.

მომსახურების გაწევა განხორციელდება მიმწოდებლის სერვის ცენტრებში

(1) მიმწოდებლის მიერ განხორციელებულ მომსახურებაზე და შესაბამის სათადარიგო ნაწილებზე საგარანტიო ვადა უნდა მოიცავდეს პერიოდს არანაკლებ 1 (ერთი) წელი (გარდა საბურავების მომსახურების, ფრეონის, საცხებ-საპოხი მასალების, სითხეების, ფილტრებისა და სამუხრუჭე ხუნდებისა);
(2) საგარანტიო ვადის განმავლობაში მიმწოდებელი ვალდებულია, შემსყიდველის მიმართვის შემდეგ, საგარანტიო პერიოდის განმავლობაში, აღმოფხვრას გამოვლენილი ნაკლოვანებები დამატებითი ანაზღაურების გარეშე, შემსყიდველთან შეთანხმებულ გონივრულ ვადებში, გარდა იმ შემთხვევისა, როდესაც დაზიანება გამოწვეულია ბუნებრივი ცვეთით, ექსპლუატაციის წესების დარღვევით ან/და მექანიკური ზემოქმედებით;
(3) იმ შემთხვევაში, თუ საგარანტიო პერიოდის განმავლობაში აღმოჩნდება წუნდებული მომსახურება ან/და საქონელი, რომლის გამოსწორება/შეცვლა შეუძლებელია, შემსყიდველის მიერ ასეთი მომსახურების/საქონლის საფასური არ ანაზღაურდება. თუ შემსყიდველს უკვე გადახდილი აქვს წუნდებული მომსახურების/ საქონლის ღირებულება, მიმწოდებელი ვალდებულია დაუბრუნოს შემსყიდველს აღნიშნული თანხა, შესაბამისი შეტყობინების მიღებიდან 15 (თხუთმეტი) სამუშაო დღის ვადაში.

(1) ტენდერში მონაწილე პრეტენდენტს უნდა ჰქონდეს ანალოგიური ან/და მსგავსი მომსახურების გაწევის გამოცდილება. 2021 - 2022 წლების განმავლობაში შესრულებული უნდა ჰქონდეს სახელმწიფო შესყიდვების ხელშეკრულების ფარგლებში, არა ნაკლებ 2 ხელშეკრულება, თითოეული ხელშეკრლების მიხედვით ფაქტობრივად გაწეული მომსახურების ჯამური ღირებულება არ უნდა იყოს 30 000.00 ლარზე ნაკლები. აღნიშნულის დასტურად, წარმოდგენილ უნდა იქნას შესაბამისი ხელშეკრულებები და შესრულებულ სამუშაოებზე გაფორმებული მიღება-ჩაბარების აქტები ან ნებისმიერი სახის დოკუმენტი, რომელიც დაადასტურებს აღნიშნული მომსახურების გაწევის ფაქტს და ამგვარი ობიექტის დამკვეთი ორგანიზაციის მიერ გაცემული მინიმუმ 2 (ორი) დადებითი რეკომენდაცია, რომელიც გაცემული უნდა იყოს ტენდერის სტატუსის გამოცხადებულია მინიჭების შემდეგ.

(2) იმ შემთხვევაში, თუ გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია, გამოცდილების შესახებ ინფორმაცია წარმოადგინოს CMR, SPA, NAT და ა.შ. ნომრების სახით და არ ატვირთოს ზემოაღნიშნული დოკუმენტაცია. თუ პრეტენდენტის მიერ წარმოდგენილ დოკუმენტაციასა და სისტემაში (CMR, SPA, NAT და ა.შ ნომრების შესაბამისად) ატვირთულ დოკუმენტებს შორის აღმოჩნდება უზუსტობა, უპირატესობის მინიჭების საკითხს გადაწყვტეს სატენდერო კომისია.

პრეტენდენტს ექსპლუატაციაში უნდა გააჩნდეს სერვისცენტრების ქსელი:
• ქ. თბილისში - არანაკლებ 1 (ერთი) სერვისცენტრი;
• დასავლეთ საქართველოში ქ. ქუთაისში ან/და მის მიმდებარედ არაუმეტეს 5კმ დაშორებით - არანაკლებ 1 (ერთი) სერვისცენტრი;

პრეტენდენტმა უნდა წარმოადგინოს ინფორმაცია ქსელში არსებული სერვისცენტრების შესახებ, შესაბამისი მისამართების მითითებით. ასევე, საკუთრების ან/და სარგებლობის დამადასტურებელი დოკუმენტების ასლები. იმ შემთხვევაში, თუ პრეტენდენტს სერვისცენტრი აღებული აქვს დროებით სარგებლობაში (ქირავნობა, იჯარა, ლიზინგი, უზუფრუქტი და/ან სხვა) სისტემაში უნდა ატვირთოს შესაბამისი ხელშეკრულების ასლი, რომელიც ძალაში უნდა იყოს მინიმუმ 2023 წლის 31 დეკემბრის ჩათვლით.

დასაშვებია არაუმეტეს 1 (ერთი) სერვის ცენტრის არსებობა ქვეკონტრაქტის საშუალებით.

ქვეკონტრაქტორის არსებობის შემთხვევაში მიმწოდებელმა უნდა წარმოადგინოს:
1. მფლობელი კომპანიის ამონაწერი საჯარო რეესტრიდან რომ იგი ნამდვილად ფლობს შესაბამის სერვის ცენტრს.
2. ქვეკონტრაქტორ(ებ)თან არსებული სამართლებრივი ურთიერთობის დოკუმენტ(ებ)ის ასლები (ხელშეკრულება, შეთანხმება ან სხვა ექვივალენტური დოკუმენტი, რომელიც ძალაში უნდა იყოს მინიმუმ 2023 წლის 31 დეკემბრის ჩათვლით, სადაც მითითებული უნდა იყოს ინფორმაცია შესაბამისი სერვისცენტრის შესახებ).
3. წერილობით თანხმობა რომ მფლობელი კომპანია ნამდვილად გაუწევს მომსახურებას პრეტენდენტის მიერ სსიპ იუსტიციის სახლთან აღებული ვალდებულების შესაბამისად.
4. ქვეკონტრაქტორი უნდა აკმაყოფილებდეს სატენდერო დოკუმენტაციის 1.2 პუნქტის მე-6 ქვეპუნქტით განსაზღვრულ მინიმალურ მოთხოვნებს.

(1) ფასწარმოქმნის ადექვატურობა შესაძლებელია დასაბუთდეს სსიპ "ლევან სამხარაულის სასამართლო ექსპერტიზის ეროვნული ბიურო"-ს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

(2) პრეტენდენტის მიერ ფასწარმოქმნის ადეკვატურობის დასაბუთების მიზნით, პირველი პუნქტით განსაზღვრული დასკვნის წარმოდგენის შემთხვევაში, ფასწარმოქმნის ადეკვატურობის შეფასება გაკეთებული უნდა იყოს შეფასების მომენტისთვის არსებული მდგომარეობის განხილვის შედეგად მიღებული მონაცემების გათვალისწინებით და არა სამომავლოდ განსახორციელებელ მანიპულაციაზე ან მომავალში ჩასატარებელ რაიმე ღონისძიებაზე ან მოვლენაზე დაყრდნობით.

(3) სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანების "ელექტრონული ტენდერის ჩატარების წესის" 28-ე მუხლის მე-5 პუნქტის შესაბამისად ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის (პრეისკურანტის)ერთეულებთან მიმართებით.

(1) ანგარიშსწორება განხორციელდება ფაქტიურად გაწეული მომსახურების მიხედვით, ეტაპობრივად, მხარეებს შორის გაფორმებული მიღება-ჩაბარების აქტის, მიმწოდებლის მიერ წარმოდგენილი ანგარიშ–ფაქტურის, სასაქონლო ზედნადების (კანონით გათვალისწინებულ შემთხვევაში) და წინამდებარე ხელშეკრულებით განსაზღვრული ხელშეკრულების შესრულების ინსპექტირების განმახორციელებელი პირ(ებ)ის მიერ მომზადებული დასკვნის საფუძველზე;

ანგარიშსწორებისთვის საჭირო დოკუმენტაციის სრულად გაფორმებიდან არაუგვიანეს 10 სამუშაო დღის ვადაში.

გიორგი ორჯონიკიძე, 599856222, gorjonikidze@psh.gov.ge

1) სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (კანონმდებლობით გათვალისწინებული გადასახადები მათ შორის დღგ) გათვალისწინებით;
(2) სატენდერო დოკუმენტაციის დანართში №1 პრეტენდენტის მიერ მითითებული საქონლისა და მომსახურების ერთეულის ფასები არ უნდა აღემატებოდეს შესაბამის პოზიციებზე შემსყიდველის მიერ მითითებულ სავარაუდო ერთეულის ფასებს, რომელიც დადგენილია ბაზრის კვლევის შედეგად;
(3) იმ შემთხვევაში, თუ პრეტენდენტი მიიღებს მონაწილეობას ელექტრონულ ვაჭრობაში, სატენდერო დოკუმენტაციის დანართი №1-ის წარმოდგენისას, დაუშვებელია რომელიმე პოზიციაზე პრეტენდენტის მიერ თავდაპირველად მითითებული ერთეულის ფასის ცვლილება მატების კუთხით;
(4) პრეტენდენტის მიერ დაფიქსირებულ პირვანდელ და საბოლოო ფასებს შორის სხვაობა სატენდერო კომისიის მიერ გამოანგარიშდება პროცენტულად, რომლის მიხედვითაც პრეტენდენტს დაევალება წარმოადგინოს კორექტირებული პრეისკურანტები ზემოაღნიშნული პროცენტული მაჩვენებლის პროპორციულად საქონლისა და მომსახურების თითოეული პოზიციისათვის.
(5) სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
(6) ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
(7) პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი (პრეისკურანტი) ან ფასების ცხრილი (პრეისკურანტი) წარმოდგენილი იქნება განფასების გარეშე, ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს;
(8) ალტერნატიული სატენდერო წინადადება არ განიხილება;
(9) ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;