Различные коммерческие услуги и связанные с ними услуги (Грузия - Тендер #44050994)

სსიპ ახალგაზრდობის სააგენტოს მიერ, 2023 წლის 12 აგვისტოს, ახალგაზრდობის საერთაშორისო დღესთან დაკავშირებით, საქართველოს 4 ქალაქში (თბილისი, ქუთაისი, ფოთი, რუსთავი), ღონისძიების ორგანიზების მომსახურების შესყიდვა.

სსიპ ახალგაზრდობის სააგენტოს მიერ, 2023 წლის 12 აგვისტოს, ახალგაზრდობის საერთაშორისო დღესთან დაკავშირებით, საქართველოს 4 ქალაქში (თბილისი, ქუთაისი, ფოთი, რუსთავი), ღონისძიების ორგანიზების მომსახურების შესყიდვა, მიზნად ისახავს ქვეყნის სხვადასხვა რეგიონში მცხოვრები ბავშვებისა და ახალგაზრდებისთვის კულტურული, გასართობი, სპორტული და შემეცნებითი აქტივობების შეთავაზებას, რაც ხელს შეუწყობს ცხოვრების ჯანსაღი წესის პოპულარიზაციას, ახალგაზრდების აქტიურ დასვენებასა და ჩართვას მასობრივ ღონისძიბებში.
ფესტივალის მიზნებია ახალგაზრდული საქმიანობისა და შესაძლებლობების შესახებ საზოგადოების ცნობიერების ამაღლება; მრავალფეროვან კულტურულ, შემოქმედებით და სპორტულ აქტივობებში ბავშვებისა და ახალგაზრდების ჩართვის ხელშეწყობა; ცხოვრების ჯანსაღი წესის პოპულარიზება. სამიზნე აუდიტორიას წარმოადგენენ დედაქალაქსა და რეგიონებში მცხოვრები ბავშვები და ახალგაზრდები, ახალგაზრდული მუშაკები, ახალგაზრდული ორგანიზაციები და სხვა დაინტერესებული პირები. ფესტივალის ფარგლებში დაგეგმილი ღონისძიებები საერთო პროგრამით ერთდროულად, მთელი დღის განმავლობაში გაიმართება აღნიშნულ ქალაქებში, წარმოდგენილი იქნება გასართობი სივრცეები ბავშვებისთვის, ზონა სპორტული აქტივობებისთვის, სივრცეები ახალგაზრდა მეწარმეთა ნამუშევრების გამოფენა გაყიდვისა და სხვადასხვა თემატური ვორქშოფის ორგანიზებისთვის, დღის ბოლოს აქტივობები დაიხურება ახალგაზრდული მუსიკალური ბენდების კონცერტებით.
ფესტივალის კონცეფცია შეესაბამება „ახალგაზრდული ღონისძებების ხელშეწყობის პროგრამის“ N4 და N6 ქვეპროგრამებით გათვალისწინებულ აქტივობებსა და „სახელმწიფოს ახალგაზრდული სტრატეგია 2023-2026“-ის მიზნებს - "ახალგაზრდების განვითარებისა და მათი პოტენციალის გამოვლენის ხელშეწყობა", "ახალგაზრდების ჯანმრთელობისა და კეთილდღეობის გაძლიერება".


1.2.2გასაწევი მომსახურების აღწერა, რაოდენობა და მოცულობა მოცემულია სატენდერო დოკუმენტაციის 1.3 პუნქტში ატვირთულ ხარჯთაღრიცხვაში (ფასების ცხრილი).

1.4.1 მომსახურების გაწევის თარიღია 2023 წლის 12 აგვისტო.

1.4.2 ამინდის გაუარესების, ან სხვა შეფერხების გამო (რომელიც შეაფერხებს ღონისძიების ჩატარების შესაძლებლობას), შესაძლოა შეიცვალოს ღონისძიების ჩატარების თარიღი- ერთ ან რამდენიმე ქალაქში.

მომსახურების გაწევის ადგილია, საქართველოს 4 ქალაქი (თბილისი, ქუთაისი, ფოთი, რუსთავი).

1. პრეტენდენტს 2020 წლის 01 იანვრიდან ტენდერის გამოცხადების დღემდე უნდა ჰქონდეს ჯამში არანაკლებ 108 000.00 (ას რვა ათასი) ლარის ღირებულების ანალოგიური მომსახურების (ღონისძიების ორგანიზების) გაწევის გამოცდილება.
2. პრეტენდენტმა უნდა წარმოადგინოს ანალოგიური მომსახურების გაწევის დამადასტურებელი დოკუმენტების ასლები (ხელშეკრულება, შესაბამისი მიღება-ჩაბარების აქტითა და გადარიცხვის დამადასტურებელი დოკუმენტით, ან/და შემსყიდველის/დამკვეთის მიერ დადასტურებული მკაცრი აღრიცხვის დოკუმენტ(ებ)ი რითაც დადასტურდება პრეტენდენტის გამოცდილება). სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში საკმარისია შესაბამისი SPA, NAT, CMR, MEP, DAP ნომრების წარმოდგენა.
ზემოაღნიშნულის დასადასტურებლად პრეტენდენტმა უნდა უზრუნველყოს ინფორმაციის წარმოდგენა გამოცდილების შესახებ (სატენდერო დოკუმენტაციის 2.2.1 პუნქტში არსებული დანართი N2-ის შესაბამისად).
3. სატენდერო დოკუმენტაციის დანართი N2-ში, პრეტენდენტის მიერ ფაქტობრივად გაწეული მომსახურებ(ებ)ის ღირებულების შესახებ ინფორმაცია მითითებულ უნდა იქნას ლარში. უცხოურ ვალუტაში გაწეული მომსახურების შემთხვევაში, აღნიშნული ინფორმაცია მითითებული უნდა იყოს მომსახურების გაწევის დამადასტურებელი დოკუმენტების გაფორმების თარიღისთვის, შესაბამისი ვალუტის მიმართ საქართველოს ეროვნული ბანკის მიერ დადგენილი, ლარის ოფიციალური გაცვლითი კურსის მიხედვით.

პრეტენდენტის მიერ ერთიან ელექტრონულ სისტემაში ატვირთული უნდა იქნას:

ა) შევსებული ფასების ცხრილი ( ხარჯთაღრიცხვა).

ბ) ინფორმაცია ანალოგიური მომსახურების გაწევის გამოცდილების შესახებ დანართი N2 -ის შესაბამისად

1.იმ შემთხვევაში თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, მიმწოდებელმა უნდა დაასაბუთოს (სისტემაში ატვირთოს) ფასწარმოქმნის ადეკვატურობა (ამ ფასად ტენდერით გათვალისწინებული ვალდებულების შესრულების შესაძლებლობა).
2.ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
3. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარიშსწორება განხორციელდება ფაქტობრივად გაწეული მომსახურების შესაბამისად.

ანგარიშსწორება განხორციელდება ფაქტობრივად გაწეული მომსახურების შესაბამისად, მიღება-ჩაბარების აქტის გაფორმებიდან და ანგარიშ-ფაქტურის წარმოდგენიდან 10 (ათი) სამუშაო დღის განმავლობაში.

სოფიო გავაშელიშვილი, 579221011, sopho.gavashelishvili@gmail.com

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. პრეტენდენტს არ აქვს უფლება წარმოადგინოს ალტერნატიული სატენდერო წინადადება;
3. პრეტენდენტი ვალდებულია ნებისმიერი უცხოურენოვანი დოკუმენტაციის ატვირთვის შემთხვევაში წარმოადგინოს იგი ქართულ ენაზე ნათარგმნი და ნოტარიულად დამოწმებული;
4. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს).

7. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.