Услуги социальной поддержки и сопутствующие услуги (Грузия - Тендер #44050990)

მარნეულის მუნიციპალიტეტში არსებული სოციალური სერვისების შესახებ სპეციალური საჭიროებების მქონე პირთა ინფორმირებულობის კამპანიის მომსახურების სახელმწიფო შესყიდვა.

აქტივობა 1 - სამუშაო ჯგუფის მიერ დამუშავდება დასაბეჭდი ბუკლეტების შინაარსობრივი მხარე, ასევე, ვიდეო რგოლებში ასახული ინფორმაცია; პასუხისმგებელი პირი - პროექტში ჩართული მერიის სამუშაო ჯგუფი.
აქტივობა 2 -გამოცხადდება ტენდერები და დაიდება ხელშეკრულებები ბუკლეტების და ვიდეო რგოლების მომზადებისთვის შესაბამისი მომსახურების მქონე ორგანიზაციასთან/პირთან; შეფასების საშუალება - დადებული ხელშეკრულება, ტენდერის ლინკები. პასუხისმგებელი პირი - შესაბამის მომსახურების ორგანიზაცია/პირი, მერიის საფინანსო სამსახური.
აქტივობა 3 - ტენდერში გამარჯვებული კომპანია პროექტის მიზნებისთვის შეარჩევს ჟესტურ თარჯიმანს ვიდეო რგოლებისთვის. მუნიციპალიტეტის მრავალეთნიკურობის გათვალისწინებით დაიბეჭდება 3 ენაზე (ქართული, აზერბაიჯანული, სომხური) მარნეულის მუნიციპალიტეტის სოციალური პროგრამის შესახებ 5000 ბუკლეტი (1700 ქართულ ენოვანი, 1000 სომხურ ენაზე და 2300 აზერბაიჯანული), აქედან 300 იქნება ბრაილის შრიფტით შედგენილი. ასევე, მომზადდება 3 ვიდეო რგოლი სამ ენაზე (ქართული, აზერბაიჯანული, სომხური), სადაც აღწერილი იქნება მუნიციპალიტეტში არსებული სოციალური დახმარების მექანიზმები, მათ შორის შშმ პირებისთვის განკუთვნილი და ის დამატებითი რესურსი/პროექტები, რაც ამ მიმართულებით არის ხელმისაწვდომი. სამივე ენაზე მომზადებულ ვიდეო რგოლს ექნება ჟესტური თარჯიმანის კადრი. შეფასების საშუალება - დაბეჭდილი ბუკლეტების შინაარსი და რაოდენობა. ქართულ, აზერბაიჯანულ და სომხურ ენაზე მომზადებული სამი ვიდეო რგოლი. პასუხისმგებელი პირი - შესაბამის მომსახურების ორგანიზაცია/პირი.
აქტივობა 4 – მუნიციპალიტეტის 18-ვე ადმინისტრაციულ ერთეულში, წინასწარი შედგენილი გრაფიკის შესაბამისად, მოეწყობა 18 საინფორმაციო შეხვედრა, რომელსაც ჩაატარებს სამუშაო ჯგუფი შემდეგი შემადგენლობით: პროექტში ჩართული მერიის თანამშრომლები, შშმ საბჭოს წევრები, ქალთა ოთახის მენეჯერი, მარნეულის მუნიციპალიტეტის გენდერული თანასწორობის საბჭოს წევრი, ახალგაზრდული საბჭოს წევრი, ადმინისტრაციულ ერთეულში მერის წარმომადგენელი, შშმ პირების საკითხებზე მომუშავე ექსპერტი. შეხვედრას დაესწრება ადგილობრივი მოსახლეობა და იმ ადმინისტრაციულ ერთეულში მცხოვრები შშმ პირები, რომლებსაც ჩაუტარდებათ სესია პრეზენტაციის სახით, მუნიციპალიტეტში არსებული სოციალური დახმარების პროგრამის და პროექტების შესახებ. შეხვედრაზე უზრუნველყოფილი იქნება დამსწრეთა გენდერული ბალანსი. შეხვედრაზე მოხდება ვიდეო რგოლის ჩვენება და ადგილზე დარიგდება საინფორმაციო ბრუშურები. თუ შეხვედრას ვერ დაესწრებიან შშმ პირების ნაწილი, ბროშურები, მათ შორის ბრაილის შრიფტიანი, ახალგაზრდული საბჭოს წევრების და მერის წარმომადგენლების ჩართულობით უშუალოდ მიეწოდება ყველა შშმ ბენეფიციარს. შეფასების საშუალება - შეხვედრების გრაფიკი, შეხვედრების დამდასტურებელი ფოტო მასალა, ანგარიში. პასუხისმგებელი პირი -პროექტში ჩართული მერიის სამუშაო ჯგუფი, ადმინისტრაციულ ერთეულში მერის წარმომადგენლები.
აქტივობა 5 – 3 ენაზე მომზადებული ვიდეო რგოლი აიტვირთება მუნიციპალიტეტის ოფიციალურ ვებ-გვერდზე და ხელმისაწვდომი იქნება ყველა დაინტერესებული პირისთვის, მათ შორის შშმ პირებისთვის; შეფასების საშუალება - ვებ-გვერდზე ნახვების მაჩვენებელი. პასუხისმგებელი 7 პირი - მერიის საზოგადოებასთან ურთიერთობის განყოფილება და პროექტში ჩართული მერიის სამუშაო ჯგუფი.
აქტივობა 6 – 3 ენაზე მომზადებული ვიდეო რგოლი, მარნეულის მუნიციპალიტეტის მერიასა და მარნეულის ტელევიზიას შორის არსებული თანამშრომლობის ფარგლებში, გარკვეული პერიოდულობით გავა ეთერში და მას იხილავს ფართო აუდიტორია; პასუხისმგებელი პირი - მერია, ტელევიზია.
აქტივობა 7 - პროექტის ბოლო ვადის პერიოდში, მოხდება მერიის სოციალური განყოფილებიდან შშმ პირების მომართვიანობის რაოდენობრივი მაჩვენებლების ანალიზი. პასუხისმგებელი პირი - პროექტში ჩართული მერიის სამუშაო ჯგუფი, პროექტის განხორციელების რიკები - ეპიდემიოლოგიური მდგომარეობის გაუარესება; ადგილობრივი მოსახლეობის, მათ შორის შშმ ბენეფიციარების ჩართულობის დაბალი მაჩვენებელი. რისკის შემცირების ღონისძიებები - ეპიდემიური სიტუაციის შესაბამისი ზომების მიღება; შშმ პირთა ჩართულობის გაზრდის მიზნით სამიზნე ოჯახებთან ცნობიერების ამაღლების ნაწილში სამუშაო ჯგუფის წევრების, მათ შორის მერის წარმომადგენლების გააქტიურება. პროექტის მდგრადობა: პროექტის დასრულების შემდეგ, პროექტის მდგრადობა იქნება უზრუნველყოფილი შშმ პირების გაზრდილი მომართვიანობით სოციალური პროგრამით სარგებლობის ნაწილში; გაზრდილი ცნობიერებით, რომელიც გააქტიურებს შშმ პირების ჩართულობას ადგილობრივი თვითმმართველობის პროცესში; პროექტის შედეგად, გაზრდილი შშმ პირების მომართვიანობით გაიზრდება ადგილობრივი ბიუჯეტიდან სოციალური პროგრამის შესაბამისი დახმარების გაწევისთვის დახარჯული თანხების ოდენობები; .საინფორმაციო კამპანიის ყველა შემადგენელი ნაწილით გაიზრდება ცნობიერება ადგილობრივ მოსახლეობაშიც, რაც გააუმჯობესებს შშმ პირების ინტეგრაციის პროცესს. შემუშავებული ვიდეო რგოლი ხელმისაწვდომი იქნება მუნიციპალიტეტის ოფიციალურ ვებ-გვერდზე და ოფიციალურ სოციალურ ქსელში ნებისმიერი პირისთვის, მათ შორის შშმ პირებისთვის. ტელევიზიაში გასული ვიდეო რგოლებით ფართო მასშტაბით გაიზრდება ამ კუთხით ცნობიერება, რაც გამოიწვევს ჩართულობის მაჩვენებლის ზრდას. გაზრდილი მომართვიანობით შემუშავებული სტატისტიკური ბაზებით განახლდება შშმ პირების შესახებ მონაცემები. სოციალური სერვისებით სარგებლობაში მეტი შშმ პირის ჩართულობით გაუმჯობესდება მათი ყოველდღიურობა, ჯანმრთელობის დაცვის უფლება. მდგრადობას, ასევე განაპირობებს ინფორმაციის მიწოდება 3 ენაზე არსებული ფლაერებით და ვიდეო რგოლებით.

მომსახურება განხორციელდება ხელშეკრულების გაფორმებიდან 35 კალენდარული დღის განმავლობაში.

1.5.1.მოწოდება / შესრულება უნდა განხორციელდეს შემსყიდველის მოთხოვნის შესაბამისად, მარნეულის მუნიციპალიტეტის ტერიტორიაზე / აუცილებელი საჭიროების შემთხვევაში სხვა ლოკაციაზეც.
1.5.2. საბოლოო (სრული) ინსპექტირება და მიღება-ჩაბარების დოკუმენტაცია წარდგენილ უნდა იყოს შემდეგ მისამართზე: ქ. მარნეული, რუსთაველის ქუჩა N73.

1.პრეტენდენტს 2016 წლის პირველი იანვრიდან მოყოლებული კონკრეტული პრეტენდენტის მოწოდებული დოკუმენტაციის განხილვის დაწყების დღემდე, პრეტენდენტის მიერ ფაქტობრივად შესრულებული ანალოგიური ტიპის, ხასიათის, სირთულის და შინაარსის სამუშაოების / მომსახურების ღირებულებების ჯამი უნდა იყოს არანაკლებ 100 000 (ასი ათასი) ლარი;
2.პრეტენდენტს 2016 წლის პირველი იანვრიდან მოყოლებული კონკრეტული პრეტენდენტის მოწოდებული დოკუმენტაციის განხილვის დაწყების დღემდე, ერთი შესრულებული ხელშეკრულების ფარგლებში პრეტენდენტს (საქართველოს და კავკასიის ტერიტორიაზე) დასრულებული უნდა ჰქონდეს ანალოგიური ტიპის, ხასიათის, სირთულის და შინაარსის სამუშაოები ღირებულებით არანაკლებ წინამდებარე შესყიდვის ობიექტის სავარაუდო ღირებულების 50%-ის ოდენობისა;
3.ანალოგიური ტიპის, ხასიათის, სირთულისა და შინაარსის სამუშაოებს / მომახურებას მიეკუთვნება: საგრანტო პროექტების მართვა / ინფორმირებულობის კამპანიის მენეჯმენტის წარმოება, კვლევა და ბეჭდვითი პროექტების განხორციელება.
4. გამოცდილების დადასტურების მიზნით, პრეტენდენტი ვალდებულია წარმოადგინოს, საანგარიშო პერიოდში მხარეთა მიერ ხელმოწერილი ხელშეკრულებები და საბოლოო მიღება-ჩაბარების აქტები ან/და დასაშვებია შესაბამისი სამუშაოების / მომსახურების შესრულების დამადასტურებელი სხვა მსგავსი ხასიათის სამართლებრივი დოკუმენტაციის წარმოდგენაც, როგორიცაა საგრანტო პროექტების განხორციელება-შესრულების შინაარსის მქონე საბოლოო საანგარიშო დოკუმენტ(ებ)ი და ა.შ..., სადაც აპრიორი აუცილებლად თვალსაჩინოდ უნდა ჩანდეს / იკითხებოდეს სხვა აუცილებელ კომპონენტებთან ერთად, როგორც გაწეული ანალოგიური მომსახურების-გამოცდილების დასახელება, ისე ამ გამოცდილების თანხობრივი პარამეტრები, რათა სატენდერო კომისიის მიერ ქმედითად იქნეს გაანალიზებული პრეტენდენტის გამოცდილების როგორც შინაარსობრივი, ისე ფინანსური მხარე(ები) წინამდებარე სატენდერო მოთხოვნასთან / პირობასთან ურთიერთშესაბამისობის დადგენის კუთხით... თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR, მათ შორის საკონკურსო განაცხადების ნომრებიც არსებობის შემთხვევაში) წარდგენა.
5. ინფორმაცია გამოცდილების შესახებ წარმოდგენილი უნდა იყოს დანართი N2–ის შესაბამისად.

მოსალოდნელი შედეგები:
-შეზღუდული შესაძლებლობის მქონე პირების გაზრდილი ინფორმირებულობა და ხელმისაწვდომობა მარნეულის მუნიციპალიტეტის სოციალური პროგრამების შესახებ;
-ადგილობრივი მოსახლეობის და ყველა მოწყვლადი ჯგუფების გაზრდილი ინფორმირებულობა სოციალური პროგრამების/პროექტების შესახებ;
-შეზღუდული შესაძლებლობის მქონე პირების გაზრდილი ჩართულობა მარნეულის მუნიციპალიტეტის თვითმმართველობის განხორციელების პროცესში; შეზღუდული შესაძლებლობის მქონე პირებისთვის ადამიანის უფლებების გათვალისწინებით, გაზრდილი ხელმისაწვდომობა ჯანმრთველობის დაცვაზე, სოციალურ პროგრამებსა და ინტეგრაციის პროცესში;
-სოციალური პროგრამებით სარგებლობისთვის გაზრდილი რაოდენობრივი მაჩვენებლები;
-მუნიციპალიტეტის ოფიციალურ ვებ-გვერდზე მოქალაქეებისთვის, მათ შორის შშმ პირებისთვის ხელმისაწვდომი ვიდეო რგოლები (სამ ენაზე) სოციალური პროგრამების შესახებ;

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა (შესაბამისი ტენდერის უნიკალური ნომრის მითითებით)) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა.
ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული პირობები.

1) მოთხოვნის შემთხვევაში შესაძლებელია განხორციელდეს წინასწარი (საავანსო) ანგარიშსწორება, ხელშეკრულების ღირებულების არაუმეტეს 20%-ის ოდენობით, რაზეც წარმოდგენილი უნდა იქნეს სსიპ - საქართველოს ეროვნული ბანკის ან სსიპ - საქართველოს დაზღვევის სახელმწიფო ზედამხედველობის სამსახურის მიერ ლიცენზირებული საბანკო დაწესებულების ან სადაზღვევო ორგანიზაციის მიერ გაცემული წინასწარ გადასახდელი თანხის იდენტური ოდენობის გარანტია;
2) წარმოდგენილი გარანტიის მოქმედების ვადა 60 (სამოცი) კალენდარული დღით უნდა აღემატებოდეს სამუშაოების დასრულების ვადას;
3) გარანტია უნდა იყოს უპირობო, გამოუხმობადი და შემსყიდველ ორგანიზაციას უნდა აძლევდეს უფლებას გარანტიის გამცემისგან, პირველივე მოთხოვნისთანავე, მიიღოს შესაბამისი თანხა;
4) წინასწარ მიღებული თანხა გამოყენებულ უნდა იქნეს ხელშეკრულებასთან დაკავშირებული ვალდებულებების შესასრულებლად;
5) წინასწარ გადახდილი თანხის გაქვითვა მოხდება პროპორციულად, ფაქტობრივად შესრულებული სამუშაოს ღირებულების იმ პროცენტის ოდენობით, რა პროცენტული ოდენობითაც გაიცა ავანსი. ეტაპობრივი ანგარიშწორების შემთხვევაში, ანგარიშწორების ბოლო ეტაპზე წინასწარ გადახდილი თანხის გაქვითვა მოხდება იმ მოცულობით, რა მოცულობაც საჭიროა ავანსის სრულყოფილად გასაქვითად;

1. ხელშეკრულების ფარგლებში ანგარიშსწორება იწარმოება უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე.
2. ანგარიშსწორება განხორციელდება ეტაპობრივად, მიმწოდებლის წერილობითი მომართვის საფუძველზე;
3. ანგარიშსწორება განხორციელდება საქართველოს კანონმდებლობით გათვალისწინებული დოკუმენტების დადასტურებიდან და მიღება-ჩაბარების აქტის გაფორმების შემდეგ.
4. ანგარიშსწორება განხორციელდება, შესრულებული სამუშაოს ხარისხზე, მოცულობასა და ღირებულებებზე დაყრდნობით, ზედამხედველის მიერ გაცემული დადებითი ინსპექტირების აქტისა და ორმხრივად ხელმოწერილი მიღება-ჩაბარების აქტის საფუძველზე.
5. ანგარიშსწორება იწარმოებს საქათველოს მთავრობის 2020 წლის 31 მარტის N619 განკარგულების შესაბამისად.

ანგარიშსწორებისთვის განსაზღვრული დოკუმენტების საბოლოოდ გაფორმებიდან 10 (ათი) სამუშაო დღის განმავლობაში.

მალხაზი სამაშვილი, 599857273, procurement.marneuli@gmail.com

1. მომსახურების გაწევის პროცესში, მიმწოდებელმა უნდა უზრუნველყოს ზედამხედველობისა და კონტროლის განმახორციელებელ პირთა მიერ გაცემული, როგორც ზეპირი ასევე წერილობითი რეკომენდაციების და მითითებების შესრულება;
2. მომსახურების განხორციელებამდე მიმწოდებელმა მინიმუმ ერთი დღით ადრე უნდა აცნობოს მუნიციპალიტეტს ან მის წარმომადგენელს (ზედამხედველს) რომლებიც დაესწრებიან აღნიშნულ პროცესებს;
3. უზუსტობების ან/და შეუსაბამობების შემთხვევაში მიმწოდებელი ვალდებულია, მუნიციპალიტეტის მიერ წერილობითი მიმართვიდან 3 (სამი) სამუშაო დღის ვადაში, საკუთარი ხარჯებით უზრუნველყოს აღმოჩენილი ხარვეზების გამოსწორება და მუნიციპალიტეტისთვის მიწოდება;
4. ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით განხორციელდება შესაბამისი განმარტება, რითაც შესაძლებელია იხელმძღვანელოს ნებისმიერმა დაინტერესებულმა პირმა;
5. ყველაზე დაბალი წინადადების ფასის მქონე პრეტენდენტს, სატენდერო კომისიის გადაწყვეტილების/ქმედების თაობაზე განმარტების მოთხოვნის უფლება აქვს ელექტრონული ტენდერისთვის ტენდერის სტატუსის „შერჩევა-შეფასება“ მინიჭებიდან ტენდერის სტატუსის „ხელშეკრულება დადებულია“ მინიჭებამდე. ასეთ შემთხვევაში შესაბამისი განმარტების გაკეთება განხორციედება გონივრულ ვადაში;
6. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
7. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი;
8. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა. დამატებით პრეტენდენტმა უნდა ატვირთოს შესასრულებელი სამუშაოების ხარჯთაღრიცხვა ექსელის Excel ფაილის სახით.
9. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
10. პრეტენდენტს არა აქვს უფლება წარმოადგინოს ალტერნატიული სატენდერო წინადადება;
11. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით გარდა დღგ-ისა;
12. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს;

პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ. - ინფორმაცია საკუთარი გამოცდილების შესახებ და ა.შ...) დაამოწმოს/დაადასტუროს კვალიფიციური ხელმოწერით/კვალიფიციური შტამპით. აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.