Обувные изделия (Грузия - Тендер #44050962)

დამცავი ფეხსაცმელების და რეზინის ჩექმების შესყიდვა

1. დაბალყელიანი ფეხსაცმელი დამცავი ცხვირით - 500 წყვილი
*ჰაერგამტარი, ძლიერი და მოქნილი სტილი;
*დამცავი ფოლადის წინა მხარე, ფოლადის შუაგული და ნავთობსაწინააღმდეგო PU/PU-ს ძირი;
*ზედაპირი: ტყავის, ზამშის ზედაპირი, შესაკრავი თასმებით;
*ზომები: შემსყიდველის მოთხოვნის შესაბამისად;
*ფერი: მუქი, შემსყიდველის მოთხოვნის შესაბამისად;
*შეესაბამება EN ISO 20345 ან მისი ეკვივალენტური სტანდარტის მოთხოვნებს, დაცვის კლასის კატეგორია: არანაკლებ S3 SRC.

2. დამცავი ფეხსაცმელი - 500 წყვილი
*დამცავი ფოლადის წინა მხარე, ფოლადის შუაგული;
*რელიეფურად გაყოფილი ტყავით, შესაკვრავი თასმებით;
*ანტისტატიკური;
*მოცურების საწინააღმდეგო;
*ზეთის და საწვავის გამძლეობით;
*ენერგიის მშთანთქავი ქუსლებში;
*მსუნთქავი ზედაპირი;
*ანტიფერფორაციის მეტალის ფენა;
*ზომები: შემსყიდველის მოთხოვნის შესაბამისად;
*ფერი: შავი
*შეესაბამება EN ISO 20345 ან მისი ეკვივალენტური სტანდარტის მოთხოვნებს, დაცვის კლასის კატეგორია: არანაკლებ S3 SRC.

3. რეზინის ჩექმა მუხლამდე - 600 წყვილი
*მასალა წყალგაუმტარი 100%;
*ელასტიური ლანჩით, მოცურების საწინააღმდეგო;
*ყელის სიმაღლე არაუმცირეს 35 სმ;
*შიდა სარჩული ტექსტილის;
*რეზინის სისქე არაუმცირეს 3 მმ, ბუშტუკებისა და პრესფორმაში ცხელი დაწნეხვისას წარმოშობილი ხარვეზების გარეშე;
*პროტექტორის სიმაღლე: ქუსლის მხარეს არაუმცირეს 9 მმ; წინა მხარეს არაუმცირეს 5 მმ.
*ზომები შემსყიდველის მოთხოვნის შესაბამისად;
*შეესაბამება EN ISO 20347 ან მისი ეკვივალენტური სტანდარტის მოთხოვნებს.

4. რეზინის ჩექმა წელამდე - 300 წყვილი
*მასალა წყალგაუმტარი 100%
*ზედა ნაწილი დამზადებული წყალგაუმტარი, მორეზინებული პოლივინილქლორიდის (PVC) ქსოვილისგან, ქვედა ნაწილი ჰერმეტულად მიმაგრებული ჩექმებით
*ბოლოები ქამარზე სამაგრით
*პროტექტორის სიმაღლე: ქუსლის მხარეს არაუმცირეს 9 მმ; წინა მხარეს არაუმცირეს 5 მმ.
*ზომები შემსყიდველის მოთხოვნის შესაბამისად;
*შეესაბამება EN ISO 20347 ან მისი ეკვივალენტური სტანდარტის მოთხოვნებს.

5.რეზინის ჩექმა ყელამდე - 150 წყვილი
*მასალა წყალგაუმტარი 100%
*ზედა ნაწილი უნდა იყოს დამზადებული წყალგაუმტარი, მორეზინებული პოლივინილქლორიდის (PVC) ქსოვილისგან, ქვედა ნაწილი ჰერმეტულად მიმაგრებული ჩექმებით
*რეგულირებადი სამხრეებით
*პროტექტორის სიმაღლე: ქუსლის მხარეს არაუმცირეს 9 მმ; წინა მხარეს არაუმცირეს 5 მმ.
*ზომები შემსყიდველის მოთხოვნის შესაბამისად;
*შეესაბამება EN ISO 20347 ან მისი ეკვივალენტური სტანდარტის მოთხოვნებს.

6. შემდუღებლის ფეხსაცმელი - 4 წყვილი
*ტყავის, ცხვირზე და ძირზე ჩხვლეტაგამძლე დაცვით HRO.
*ანტისტატიკური, მოცურების საწინააღმდეგო, ნავთობ და ზეთ მედეგი.
*ფეხსაცმლის ზონრები დაფარულია სპეციალური ტყავის და რკინის ფენით, რომელიც იკვრება ტექნიკური შესაკრავით, უნდა უძლებდეს +300 გრადუს ტემპერატურას
*უნდა შეესაბამებოდეს EN ISO 20345 ან მისი ეკვივალენტური სტანდარტის მოთხოვნებს, დაცვის კლასის კატეგორია: არანაკლებ S3 SRA
*ფეხსაცმელს უნდა ჰქონდეს ენაზე მარკირება, რომელიც ადასტურებს ფეხსაცმლის შესაბამისობას სტანდარტთან.

7.შემდუღებლის ფეხსაცმელი-4 წყვილი
*ტყავის, ცხვირზე და ძირზე ჩხვლეტაგამძლე დაცვით HRO.
*ანტისტატიკური, მოცურების საწინააღმდეგო, ნავთობ და ზეთ მედეგი.
*ზონრების გარეშე, უნდა უძლებდეს +300 გრადუს ტემპერატურას
*უნდა შეესაბამებოდეს EN ISO 20345 ან მისი ეკვივალენტური სტანდარტის მოთხოვნებს, დაცვის კლასის კატეგორია: არანაკლებ S3 SRA
*ფეხსაცმელს უნდა ჰქონდეს ენაზე მარკირება, რომელიც ადასტურებს ფეხსაცმლის შესაბამისობას სტანდარტთან.

შენიშვნა: სატენდერო დოკუმენტაცია შესაძლებლობას აძლევს პრეტენდენტს გარკვეულ ფარგლებში თავად აირჩიოს შესყიდვის ობიექტის რომელიმე კონკრეტული ტექნიკური მახასიათებელი; შესაბამისად, პრეტენდენტმა ტექნიკურ დოკუმენტაციაში, აღნიშნული ფარგლების დაცვით დანართი №1-ის შესაბამის პოზიციებზე უნდა მიუთითოს შესყიდვის ობიექტის კონკრეტული, ზუსტი და არა სავარაუდო მახასიათებელი. რათა შემსყიდველ ორგანიზაციას შეექმნას სრული წარმოდგენა იმის შესახებ თუ კონკრეტულად რა მახასიათებლების მქონე საქონელს სთავაზობს პრეტენდენტი.

მიმწოდებელმა საქონლის მიწოდება შესაძლებელია უზრუნველყოს, როგორც ერთჯერადად, ასევე ეტაპობრივად, ხელშეკრულების დადებიდან 40 (ორმოცი) კალენდარული დღის განმავლობაში.

1.5.1. საქონლის მიწოდების ადგილია - ქ. ბათუმი, რ. თაბუკაშვილის ქ. №19, შპს ,,ბათუმის წყალი’’;
1.5.2. საქონელი უნდა იყოს ახალი, ექსპლოატაციაში არმყოფი, შესაბამისი შეფუთვით, ზომების მითითებით;
1.5.3. მიმწოდებელი საკუთარი ხარჯებით უზრუნველყოფს მიწოდებული საქონლის გადმოტვირთვას და შემსყიდველის მიერ მითითებულ ადგილზე დასაწყობებას.

პრედენტენტი ვალდებულია, მიუთითოს ფასების ცხრილის შესაბამის ველში (დანართი №1) მისაწოდებელი საქონლის მწარმოებელი, წარმოშობის ქვეყანა და მოდელი. მოდელის არ არსებობის შემთხვევაში ფასების ცხრილის შესაბამის ველში გააკეთოს ჩანაწერი - მოდელი არ არსებობს.

2.7.1.1. მიმწოდებელი ვალდებულია წარმოადგინოს ფასების ცხრილში მითითებული საქონლის მწარმოებელზე გაცემული სტანდარტების მოთხოვნებთან შესაბამისობის დამადასტურებელი სერტიფიკატები, კერძოდ,
1-ელი პოზიცია - დაბალყელიანი ფეხსაცმელი დამცავი ცხვირით - EN ISO 20345 ან მისი ეკვივალენტური სტანდარტის მოთხოვნებთან შესაბამისობის სერტიფიკატი, დაცვის კლასის კატეგორია: არანაკლებ S3 SRC.
მე-2 პოზიცია - დამცავი ფეხსაცმელი - EN ISO 20345 ან მისი ეკვივალენტური სტანდარტის მოთხოვნებთან შესაბამისობის სერტიფიკატი, დაცვის კლასის კატეგორია: არანაკლებ S3 SRC.
მე-3 პოზიცია - რეზინის ჩექმა მუხლამდე - EN ISO 20347 ან მისი ეკვივალენტური სტანდარტის მოთხოვნებთან შესაბამისობის სერტიფიკატი.
მე-4 პოზიცია - რეზინის ჩექმა წელამდე - EN ISO 20347 ან მისი ეკვივალენტური სტანდარტის მოთხოვნებთან შესაბამისობის სერტიფიკატი.
მე-5 პოზიცია - რეზინის ჩექმა ყელამდე - EN ISO 20347 ან მისი ეკვივალენტური სტანდარტის მოთხოვნებთან შესაბამისობის სერტიფიკატი.
მე-6 პოზიცია - შემდუღებლის ფეხსაცმელი - EN ISO 20345 ან მისი ეკვივალენტური სტანდარტის მოთხოვნებთან შესაბამისობის სერტიფიკატი, დაცვის კლასის კატეგორია: არანაკლებ S3 SRA
მე-7 პოზიცია - შემდუღებლის ფეხსაცმელი - EN ISO 20345 ან მისი ეკვივალენტური სტანდარტის მოთხოვნებთან შესაბამისობის სერტიფიკატი, დაცვის კლასის კატეგორია: არანაკლებ S3 SRA

დოკუმენტების უცხოურ ენაზე წარდგენის შემთხვევაში, სერთიფიკატ/ებ/ს დაერთობა ნოტარიულად დამოწმებული ქართული თარგმანი.

3.1.1.1. შემსყიდველი ორგანიზაციის წერილობითი მოთხოვნის შემდეგ, აუქციონის გარეშე ელექტრონულ ტენდერში მონაწილე პრეტენდენტმა უნდა წარმოადგინოს სატენდერო დოკუმენტაციით გათვალისწინებული ყველა მისაწოდებელი საქონლის თითო ნიმუში.
3.1.1.2. პრეტენდენტის მიერ წარდგენილი შესყიდვის ობიექტის ნიმუშები დაზუსტებას არ ექვემდებარება.
შესყიდვის ობიექტის ნიმუშების მითითებულ ვადაში წარმოუდგენლობა ან მისი შეუსაბამობა სატენდერო განცხადების ან/და სატენდერო დოკუმენტაციის მოთხოვნებთან, ან სისტემის მეშვეობით პრეტენდენტის მიერ წარმოდგენილ ტექნიკურ დოკუმენტაციასთან, გამოიწვევს პრეტენდენტის დისკვალიფიკაციას, ,,ელექტრონული ტენდერის ჩატარების წესის დამტკიცების შესახებ’’ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების 32-ე მუხლის პირველი პუნქტის ,,დ’’ ქვეპუნქტის საფუძველზე.

ქ. ბათუმი, რ. თაბუკაშვილის ქ. №19, შპს ,,ბათუმის წყალის” ადმინისტრაციული შენობა, მე-2 სართული, შესყიდვების განყოფილება.
სამუშაო საათები : ორშაბათი - პარასკევი 9:00 სთ. - 18:00 სთ.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის საფუძველზე, უნდა წარმოადგინოს (სისტემაში ატვირთოს) ფასწარმოქმნის ადეკვატურობის დამადასტურებელი დოკუმენტი.
4.1.1.2 ფასწარმოქმნის ადეკვატურობა, შესაძლებელია დასაბუთდეს: სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი) ან/და სხვა იმ პირის მიერ, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ შესაბამის სფეროში სერტიფიცირებული შემფასებელი. სხვა პირის მიერ გაცემული საექსპერტო ან/და საშემფასებლო დასკვნა განხორციელებული უნდა იყოს და შეფასების ანგარიშზე/დასკვნაზე ხელი მოწერილი უნდა ჰქონდეს აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს; პრეტენდენტის მიერ შეფასების ანგარიშთან/დასკვნასთან ერთად წარმოდგენილ უნდა იქნას აკრედიტებული შემფასებელთა სერტიფიკაციის ორგანოს მიერ შემფასებელზე გაცემული სერტიფიკატის ასლი (სერთიფიკატის გამცემი შემფასებელთა სერტიფიკაციის ორგანო აუცილებლად უნდა იყოს აკრედიტებული სსიპ "აკრედიტაციის ერთიანი ეროვნული ორგანო-აკრედიტაციის ცენტრის" მიერ).
4.1.1.3 ფასწარმოქმნის ადეკვატურობის დამადასტურებელი დოკუმენტ(ებ)ით უნდა დასტურდებოდეს სატენდერო პირობებით განსაზღვრული ვალდებულების შესრულების შესაძლებლობა, როგორც პრეტენდენტის მიერ დაფიქსირებული სატენდერო წინადადების ფასთან (ფასების ცხრილის (განფასების) ჯამურ ღირებულებასთან), ასევე ფასების ცხრილის (განფასების) ერთეულ ღირებულებასთან მიმართებით.
4.1.1.4 ფასწარმოქმნის ადეკვატურობის დაუსაბუთებლობა მითითებულ ვადაში ან ფასწარმოქმნის ადეკვატურობის დამადასტურებელი დოკუმენტების შეუსაბამობა სატენდერო პირობებთან ან/და სატენდერო წინადადებასთან, გამოიწვევს პრეტენდენტის დისკვალიფიკაციას, "ელექტრონული ტენდერის ჩატარების წესის დამტკიცების შესახებ" სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების 32-ე მუხლის 1-ლი პუნქტის "დ" ქვეპუნქტის საფუძველზე

7.2.1 საქონლის მოწოდება შესაძლებელია როგორც ერთჯერადად, ასევე ეტაპობრივად.
7.2.2 მიმწოდებელთან ანგარიშსწორება იწარმოებს უნაღდო ანგარიშსწორების ფორმით, ეროვნულ ვალუტაში, ფაქტიურად მიწოდებული საქონლის შესაბამისად, მიღება–ჩაბარების აქტის, სასაქონლო ზედნადების და შესაბამისი ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე;

ანგარიშსწორება განხორციელდება მიმწოდებლის მიერ ანგარიშსწოებისათვის საჭირო დოკუმენტაციის წარდგენიდან 10 (ათი) სამუშაო დღის ვადაში, მიმწოდებლის მიერ მითითებული რეკვიზიტების მიხედვით.

ომარ აბუსელიძე, 599852019, omarabuselidze1972@gmail.com

1. პრეტენდენტის მიერ წარმოდგენილ სატენდერო წინადადებაში საერთო ფასი წარმოდგენილი უნდა იყოს საქონლის მიწოდებასთან დაკავშირებული ყველა ხარჯისა და საქართველოს კანონმდებლობით გათვალისწინებულ გადასახადების გათვალისწინებით.
2. სატენდერო დოკუმენტაციის იმ ნაწილში (ტექნიკური პირობები, ხარჯთაღრიცხვა, დანართი და სხვა), სადაც მითითებული იქნება სასაქონლო ნიშანი, მოდელი, წარმოშობის წყარო ან მწარმოებელი, იგულისხმება "მსგავსი" ან "ეკვივალენტური".
3. პრეტენდენტის მიერ სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხო ენებზე. დოკუმენტის უცხო ენაზე წარდგენის შემთხვევაში, მას უნდა დაერთოს ნოტარიულად დამოწმებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
4. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები).
5. კვალიფიციური ელექტრონული ხელმოწერა ან/და დასმული კვალიფიციური ელექტრონული შტამპი უნდა იყოს შესრულებული უფლებამოსილი ან მისი ნდობით აღჭურვილი (ნოტარიულად დამოწმებული მინდობილობის საფუძველზე) პირის მიერ.
6. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
7. სატენდერო პირობების შესახებ დამატებითი ინფორმაციისა და განმარტებების მიღების საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული "ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.
8. წინამდებარე შესყიდვა ხორციელდება ,,სახელმწიფო შესყიდვის შესახებ" საქართველოს კანონისა და "ელექტრონული ტენდერის ჩატარების შესახებ წესის" სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.