Образовательные услуги (Грузия - Тендер #44050919)

აბაშის მუნიციპალიტეტის საჯარო მოხელეებისთვის სატრენინგო მომსახურების სახელმწიფო შესყიდვა.

ტექნიკური დავალება

გასაწევი მომსახურება გულისხმობს აბაშის მუნიციპალიტეტის საჯარო მოხელეების მიერ უფლებამოსილებების განხორციელებისათვის აუცილებელი ცოდნისა და უნარების დახვეწის ხელშეწყობის მიზნით ტრენინგების ჩატარებას, მოხელის პროფესიული განვითარების საბაზისო პროგრამებზე, რომელიც მოიცავს შემდეგ სასწავლო კურსებს (მოდულებს): 1) მოხელის მენეჯერული უნარები; 2) პიროვნული და პროფესიული კომპეტენციების განვითარების კურსი.

1. საბაზისო სასწავლო პროგრამა №1 _ „მოხელის მენეჯერული უნარები“.

1.1. სასწავლო პროგრამის მიზანია მონაწილეებს გააცნოს და გაუღრმავოს: ა) ეფექტური კომუნიკაცია და მოლაპარაკებების წარმართვის უნარი; ბ) საჯარო დაწესებულების წარმომადგენლობის უნარი; გ) სტრატეგიული და კომპლექსური აზროვნების უნარი; დ) სტრუქტურული ერთეულისა და ინდივიდუალური ამოცანების დასახვის უნარი; ე) ცვლილებების/სიახლეების ინიციირებისა და მართვის უნარი; ვ) თათბირებისა და შეხვედრების წარმართვის უნარი; ზ) მოხელის პროფესიული განვითარების, შეფასებისა და მოტივირების უნარი; თ) გუნდის განვითარების უნარი; ი) პრობლემის გადაჭრისა და კონფლიქტების მართვის უნარი.

1.2. სასწავლო კურსი უნდა მოიცავდეს შემდეგ თემებს:

თემა 1 _ სტრატეგიული მართვა-დაგეგმვა (სტრატეგიული მენეჯმენტი, გრძელვადიანი და საშუალოვადიანი მიზნებისა და ამოცანების დაგეგმვა, სამოქმედო გეგმების შემუშავება).
თემა 2 _ მომსახურებისა და ხარისხის მართვა, რისკების მართვა, ცვლილებების მართვა.
თემა 3 _ გადაწყვეტილების მიღება, ლიდერობა და გუნდის მართვა, გუნდის გაძლიერება და მოტივირება, გენდერული თანასწორობა და სექსუალური შევიწროების აღმოფხვრა სამუშაო ადგილზე.
თემა 4 _ პროფესიული კომუნიკაცია, ეფექტური კომუნიკაცია და ეფექტური მოლაპარაკებები, მედიასთან ურთიერთობა და საჯარო გამოსვლა.
თემა 5 _ საჯარო სამსახურის ეთიკა, კონფლიქტების მოგვარება, ორგანიზაციული კულტურა, ანტიკორუფციული პოლიტიკა და კორუფციის წინააღმდეგ ბრძოლის სამართლებრივი საშუალებები.

1.3. სასწავლო აქტივობის ხანგრძლივობა: არანაკლებ 24 და არაუმეტეს 40 აკადემიური საათი, დღის განმავლობაში კურსის ხანგრძლივობა არ უნდა აღემატებოდეს 6 საათს.

2. საბაზისო სასწავლო პროგრამა №2 _ „პიროვნული და პროფესიული კომპეტენციების განვითარების კურსი“.

2.1. კურსის მიზანია გაუღრმავოს მსმენელებს: ა) ეფექტური კომუნიკაციის უნარი; ბ) დამოუკიდებელი მუშაობის უნარი; გ) გუნდური მუშაობის უნარი; დ) კომპლექსური აზროვნება; ე) დროის ეფექტიანი მართვა; ვ) ინფორმაციის შეგროვებისა და ანალიზის უნარი; ზ) საქმის დაგეგმვისა და ორგანიზების უნარი; თ) ინფორმაციის შეგროვების, ანალიზისა და დეტალებზე ორიენტირების უნარი.

2.2. სასწავლო კურსი უნდა მოიცავდეს შემდეგ თემებს:

თემა 1 _ ადმინისტრაციული წარმოება;
თემა 2 _ ეთიკა საჯარო სამსახურში;
თემა 3 _ პროფესიული კომუნიკაცია, თანამშრომლობა და გუნდური მუშაობა;
თემა 4 _ ეფექტიანი მომსახურება და დროის მართვა.

2.3. სასწავლო აქტივობის ხანგრძლივობა: არანაკლებ 16 და არაუმეტეს 24 აკადემიური საათი, დღის განმავლობაში კურსის ხანგრძლივობა არ უნდა აღემატებოდეს 6 საათს.

3. სატრენინგო კურსებში მონაწილეთა საერთო რაოდენობა შეადგენს 11(თერთმეტი) საჯარო მოხელეს.

4. სატრენინგო კურსები უნდა ჩატარდეს დისტანციური სწავლების მეთოდით, ონლაინ საკომუნიკაციო პლატფორმების (Zoom, Slack, Skype, Microsoft Teams, Facebook Workplace, რომელიმე ერთ-ერთი ან სხვ.) გამოყენებით, რომელიც უნდა უზრუნველყოს ტენდერში გამარჯვებულმა.
5. სატრენინგო პროცესი უნდა მოიცავდეს როგორც თეორიულ, ასევე პრაქტიკულ მეცადინეობას. სწავლების ენა _ ქართული.
6. პროგრამის სწავლის შედეგების შეფასების მიზნით, ტენდერში გამარჯვებულმა პრეტენდეტმა უნდა უზრუნველყოს ტესტირების პროცესის წარმართვა და ტესტების შედეგების მიწოდება.
7. ტრენინგ-კურსის დასრულების შემდეგ, ტენდერში გამარჯვებულმა უნდა განახორციელოს მონაწილეთათვის პროგრამის გავლის დამადასტურებელი სერტიფიკატის გადაცემა.
8. ტრენინგის პროცესის, ასევე, შედეგებისა და ტრენინგზე შესწავლილი უნარების ტრანსფერის შეფასების მიზნით, უნდა განხორციელდეს ტრენინგის შინაარსის მონაწილეთა რეალურ სამუშაო შინაარსთან კავშირის, ამასთან მონაწილეების მიერ რეალური სიტუაციის გამკლავებისათვის აუცილებელი გამოცდილების შეძენის უზრუნველყოფა. შეფასების მეთოდებიდან გამოყენებული უნდა იყოს: უკუკავშირის კითხვარი (ტრენინგის მონაწილეთა რეაქციები, რამდენად მოსწონთ პროგრამა, როგორია მათი შეფასება და ა.შ.).

1.4.1. მიმწოდებელმა მომსახურების გაწევა უნდა უზრუნველყოს ეტაპობრივად, მოთხოვნის შესაბამისად 2023 წლის 30 სექტემბრამდე.
1.4.2. გასაწევი მომსახურების თარიღისა და განრიგის დადგენა, მოხდება წინასწარ, მომსახურების დაწყებამდე 5 (ხუთი) სამუშაო დღით ადრე.

1.5.1. სატრენინგო მომსახურება უნდა განხორციელდეს დისტანციურად,ონლაინ საკომუნიკაციო პლატფორმების (Zoom, Slack, Skype, Microsoft Teams, Facebook Workplace, რომელიმე ერთ-ერთი ან სხვ.) გამოყენებით
1.5.2. სწავლების ონლაინ რეჟიმში ჩატარების ორგანიზებას უზრუნველყოს ტენდერში გამარჯვებული პრეტენდენტი.

შესყიდვაში მონაწილეობის მსურველ პირს, უკანასკნელი 3 (სამი) წლის (2020 წლის 1 იანვრიდან მოცემულ ტენდერში წინადადებების მიღების დასრულების დღემდე) განმავლობაში უნდა გააჩნდეს სატრენინგო მომსახურების შესრულების გამოცდილება, მათ შორის საჯარო სექტორის თანამშრომლებისათვის ტრენინგის ორგანიზების მიმართულებით. მომსახურების ჩამონათვალი და მათი ღირებულებები წარმოდგენილი უნდა იქნეს ქვემოთ მოცემული ცხრილის _ №2 დანართის სახით. აღნიშნულის დასტურად ტენდერში მონაწილე პრეტენდენტმა უნდა წარმოადგინოს სატრენინგო მომსახურებაზე გაფორმებული ხელშეკრულებ(ებ)ის ასლ(ებ)ი და ამ მომსახურების შესრულების დამადასტურებელი დოკუმენტები (მიღება-ჩაბარების აქტ(ებ)ი ან/და დამკვეთის მიერ გაცემული გაწეული მომსახურების დამადასტურებელი ცნობა). სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში, თუ აღნიშნული დოკუმენტები განთავსებულია სახელმწიფო შესყიდვების ერთიან ელექტრონულ სისტემაში საკმარისია სატენდერო განცხადების ნომრ(ებ)ის (SPA, NAT, DAP და ა.შ) ან/და ხელშეკრულების სისტემის CMR მოდულში რეგისტრაციის ნომრ(ებ)ის წარმოდგენა.

შესყიდვაში მონაწილეობის მსურველ პირს ტენდერით გათვალისწინებული მომსახურების გასაწევად უნდა ჰყავდეს გამოცდილი და კვალიფიცირებული პერსონალი _ ტრენერები, რომლებიც უნდა აკმაყოფილებდნენ შემდეგ მოთხოვნებს:

• აკადემიური უმაღლესი ან მასთან გათანაბრებული განათლება;
• ბოლო 3 (სამი) წლის განმავლობაში ტრენერად მუშაობის გამოცდილება, მათ შორის საჯარო სექტორის თანამშრომლებისათვის ტრენინგის ჩატარების მიმართულებით.

ინფორმაცია პრეტენდეტის განკარგულებაში მყოფი ან მოსაწვევი ტრენერის გამოცდილებისა და კვალიფიკაციის შესახებ წარმოდგენილი უნდა იქნეს ქვემოთ მოცემული ცხრილის (დანართი №3) სახით, საინფორმაციო ანკეტის (დანართი №4), უმაღლესი სასწავლებლის დიპლომების ასლების, გამოცდილების დამადასტურებელი დოკუმენტების (ხელშეკრულებები, მიღება-ჩაბარების აქტ(ებ)ი ან/და დამკვეთის მიერ გაცემული სატრენინგო მომსახურების დამადასტურებელი ცნობა) ჩათვლით. ამასთან, წარმოდგენილ უნდა იქნეს წინარე შეთანხმება (იხ. მიბმული ფაილი), როგორც თანმხლები დოკუმენტი, ხელმოწერილი ტენდერში მონაწილე პრეტენდეტისა და სპეციალისტის/ტრენერის მიერ.

შესყიდვაში მონაწილეობის მსურველ პირს მინიჭებული უნდა ჰქონდეს „მოხელის მენეჯერული უნარების“ და „პიროვნული და პროფესიული კომპეტენციების განვითარების კურსის“ პროფესიული საჯარო მოხელის პროფესიული განვითარების პროგრამის აკრედიტაცია, რის დასტურად წარმოდგენილი უნდა იქნეს პროფესიული განვითარების პროგრამების აკრედიტაციის საბჭოს მიერ გაცემული აკრედიტაციის დამადასტურებელი დოკუმენტაცია

თუ ტენდერში, ელექტრონული ვაჭრობის შედეგად, ყველაზე დაბალი ფასის წინადადების მქონე პრეტენდენტის მიერ დაფიქსირებული საბოლოო ფასი 20%-ით ან მეტით ნაკლებია შესყიდვის სავარაუდო ღირებულებაზე, ამ შემთხვევაში, ფასწარმოქმნის ადეკვატურობის დასაბუთება არ იქნება მოთხოვნილი. ვინაიდან, შესყიდვის ობიექტის თავისებურებიდან და სპეციფიკიდან გამომდინარე ძირითადი ხარჯები მოდის ინტელექტუალურ რესურსზე.

7.2.1. ანგარიშსწორება განხორციელდება უნაღდო ანგარიშსწორების წესით, თანხის გადარიცხვის ფორმით, ეროვნულ ვალუტაში _ ლარში.
7.2.2. ანგარიშსწორება იწარმოებს, ფაქტობრივად გაწეული მომსახურების გათვალისწინებით, შესაბამისი მიღება-ჩაბარების აქტ(ებ)ის საფუძველზე.
7.2.3. ელექტრონულ ტენდერში გამარჯვებულთან გაფორმებული ხელშეკრულების ფარგლებში მუნიციპალიტეტების მიერ ანგარიშსწორება განხორციელდება ცალ-ცალკე, ზემოაღნიშნული პირობების გათვალისწინებით.
7.2.4. იმ შემთხვევაში, თუ განსაზღვრული გარემოებების გამო გაწეული მომსახურების ღირებულებამ არ შეადგინა ხელშეკრულებით გათვალისწინებული თანხა, მუნიციპალიტეტი აანაზღაურებს ფაქტობრივად გაწეული მომსახურების თანხას, ხელშეკრულებით განსაზღვრული ფასების შესაბამისად. გამომდინარე აქედან, ელექტრონულ ტენდერში გამარჯვებულ პრეტენდენტს პრეტენზია არ უნდა გააჩნდეს აუთვისებელი მომსახურების მოცულობათა შესრულებაზე და მის გადახდაზე.

ანგარიშსწორება განხორციელდება, ფაქტობრივად გაწეული მომსახურების გათვალისწინებით, შესაბამისი მიღება-ჩაბარების აქტ(ებ)ის ხელმოწერიდან 10 (ათი) სამუშაო დღის განმავლობაში.

ზვიადი ბოხუა, 577604711, abasha_sheskidvebi@yahoo.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
4. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
5. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით გარდა დღგ-სა.
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
7. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.